喜尚嘉喜宴會廳

今次試嘅係佢哋嘅招牌有米豬，真係一試就愛上㗎！佢粒粒飯都香氣四溢，一食入口，滑滑嘅飯粒夾埋啲豬油，真係令人回味無窮！再講下有米豬，肉質鮮嫩多汁，一啖落肚，啲豬肉嘅鮮味即刻爆發！啲豬油同豬肉嘅香味真係喺呢碗飯度完美結合，令我一吃就停唔住。唯一差啲嘅係佢個皮唔夠脆，唔知係唔係啲飯嘅原因呢不過要提醒大家，雖然想過個肥年，但係食完之後記得要運動下啊！另外佢個龍蝦伊麵都好好食。龍蝦新鮮彈牙，肉質鮮美。而伊麵都唔會太腍，亦都唔會一餅咁，食落有少少彈牙，加上湯汁嘅調味適中，係差咁啲芝士，整體味道都幾好。…查看更多

家姐同姐夫都係一月頭生日，我地一行六大一小嚟左呢度食生日晚飯～一坐低店員就同我哋推介一千六百幾蚊半席既套餐，太客氣啦😂最後我哋叫咗兩個孖寶套餐，同幾隻壽包～⭐️菜乾豬肺湯都幾足料，味道正常，飲落唔算味精⭐️鹽焗雞半隻唔會太肥，一半滑啲一半韌啲，不過不失⭐️蜜汁金沙骨肉質唔錯，不過啲醬汁實在太太太甜，好膩🙈⭐️羊腩煲醬汁太稠，羊腩又羶又韌，最後冇人啱無食晒🙈🙈⭐️臘肉炒芥蘭芥蘭爽脆冇渣，啲臘肉超級硬，不過我好少食呢樣嘢，唔肯定咁係咪正常😂❤️上湯龍蝦加伊麵底呢個係我覺得成晚裡面最好食嘅嘢😅個伊麵索汁但唔會太腍亦都唔會太鹹👍龍蝦彈牙容易起肉～⭐️壽包$10一隻好抵，不過就偏細隻我哋差唔多食完先叫，但係嚟到都唔熱🙈包睇尚算鬆軟，正正常常呢個質素同價錢成正比，如果又貴又難食就真係嬲😂不過客人唔多，坐得闊落，招呼尚算可以，如果想一家人靜靜地食酒樓晚飯都可以考慮吓既#元朗美食 #喜尚嘉喜 #有米豬 #乳豬 #西菁街 #元朗酒樓 #酒樓晚飯 #上湯龍蝦伊麵 #豬肺湯 #臘味炒芥蘭 #壽包 #羊腩煲 #鹽焗雞…查看更多

今日行元朗剛剛到2:30 想吃茶餐廳 行到翠湖酒家樓下 便上去飲下午茶 但老公不識路轉咗右便去了這間喜尚嘉喜酒家 坐下己14:35 職員已催促下單 說14:45後沒有燒味 15:00後便截單 便快快下單 食物質素沒什麼特別 只是一般 但吃到15:22分 部長說要埋單先 她便拿咗我們張咭到櫃面 後便說$136 老公問可用八達通嗎？她便收了八達通到櫃面收錢 一會兒便還給八達通和顧客收據給我們 但沒有附上电子收據 我們想他們會否重複多收之類也不知 老公便開八達通apps 看看 結果他們不是重複收錢 而是收多 apps顯示收了$142元 便出櫃面和部長説 她們看看便說可能收錯上一張單的錢 便退回$6元給我們 我們想場內不少公公婆婆也只是給他們埋單沒有check 的 他們可能是不是收錯而是有心的 我post出嚟想多啲人知道 用八達通比錢要取收據 及自己拿八達通出去付款才安全…查看更多

與媽媽食飯，叫左3個小菜1）菠蘿咕嚕肉2）片皮鴨3）蒜蓉粉絲蒸帶子一去到。侍應哥哥招呼確實不錯跟住上第一道菜 - 菠蘿咕嚕肉。都真心覺得有驚喜。當期待中再上第二道菜 - 蒜蓉粉絲蒸帶子。連我麻麻地海鮮既人都食得出個帶子應該係蒸得太耐，有啲老同埋開始難咬口。去到最想食既第三道菜 - 片皮鴨。簡直係可以用災難黎形容。啲皮唔夠熱，叫左拎去翻蒸都仲係凍既弓，又係開始硬同埋難咬口。個醬就咸既。完全唔係個回事。個鴨就騷騷地，縮縮地咁，最後成碟冇食過。講真，片皮鴨其實好難3樣野都衰。我都係第一次遇到。最後我估計係因為星期3既原故。大家都睇緊跑馬既關係所導致。anyway, 媽媽已經落左封殺令。切勿再來。冇翻兜既機會了。…查看更多

座位舒適闊落， 價錢唔貴 亦冇限時 現在一至星期日都有套餐 二百幾蚊 有湯，燒味及兩個小菜。 燒腩仔美味可口 今晚叫多咗個三寶套餐 198 有條魚,大蝦 燒腩仔, 比起yoho裏面酒樓 更好食 原本 訂枱 大集團連鎖酒樓 諗住有coupon 用咗coupon食咗兩餐 絕不回頭。…查看更多

無意中找到這店同家人去嘆茶，平日中午人不算太多，因為店舖空間感大，而且枱與枱之間不會太迫，令人舒服自在！因為中午關係點心沒有特價，但價錢也很實惠，而且有一些套餐可供選擇，我們一行四人點了很多點心：粉果、燒賣、叉燒腸粉、牛栢業、山竹牛肉、鳳爪、臘腸卷、鯪魚丸粥、門膳煲仔飯、～每樣都咁好味！我自己最喜歡係粉果皮薄餡靚👍🏻值得再去！…查看更多

上次中秋節早上難得大家一齊放假，幾時約埋一家人一齊飲早茶！👍🏻地方都好大，人就唔多！環境好舒服！👍🏻跟住嗌左碟叉燒腸粉啦，😋排骨一盅飯啦，😋叉燒包啦，😋叫咗啲泰式嘅食品啦例如酸辣鳳爪同埋椰汁糕，同埋叫咗份薄餅！👏🏻👏🏻整體嘢食都唔錯嘅！😄😄…查看更多

$218，一湯、一滷水拼盤、2款小菜，比茶餐厅更便宜。還有乳鴿或頭抽王海中蝦送贈，我們選了海中蝦，份量也不少，味道也不錯。湯方面，我們選擇大白菜豬肺湯，湯渣也不少，沾點醬油，也是一道美味小菜。湯夠火候，料足夠，滋潤靚湯。白滷水三寶（豬耳、豬利、豬大腸），滷的時候足夠，所以十分入味，沾點伴碟的白醋汁醬，如同產生化學作用，更見美味。二款小菜，我們選了金銀蛋時蔬，份量太大，所以吃不完，味道一般水準。檸檬蒸烏頭，味道可以，但魚則一般。整體滿意的一餐，這樣的價格，確實超值。…查看更多

今日陪媽媽去喝下午茶，喜尚嘉喜酒樓也算是老牌酒樓，但都已分拆一半地方比另一間酒柚，所以地方不大，但坐位也舒適，可能少人，所以比較寧靜，食物方便一般，價錢是33元兩籠點心，也算是平，最好吃是醬汁鳯爪及叉燒腸…查看更多

此點服務態度極差，所有點心蒸到皮都難晒，味精重，食完1小時要狂飲水，潮洲粉果皮厚過夏惠姨塊面，價錢與食物質數不相符，蒸出來2次都爛皮，最後只可免強接受，食到一肚氣，雞札蒸出來小左件雞，問服務員，佢話正常的，唔食就算，無言，蒸排骨雖然細碟，但總算係最正常既一碟…查看更多

最近去完澳洲返香港，第一時間想食ge就係點心🤤難得放假就同屋企人去試下新野。價錢合理，食物質素不錯👍🏼1行2人 叫左5樣野食😍早茶時間有得用25元優惠價揀2樣點心！我就揀左奶王馬拉糕 同 釀青椒茄子奶王馬拉糕 $12.5 (6.5/10)有別於傳統的馬拉糕，佢中間有奶王，但略厭不夠奶王味，但質地夠鬆軟，口感一流！釀青椒茄子 $12.5 (6.5/ 10)魚肉釀得飽滿，熱辣辣，外脆內軟的口感，令人一啖接一啖，吃不停口。青椒夠軟，無青味。 茄子夠甜多林，係我喜歡ge口感。煎蝦米腸 (7/10)腸粉量多，煎得脆香，加埋甜醬辣醬，夠哂惹味，推薦大家一定要order咖哩土魷 (7/10)不能不叫的咖哩土魷，兒時回憶返哂黎。有蘿白又有魷魚🦑 食落唔太辣，魷魚爽口，入味，加埋白飯就一流🤤🤤🤤早餐食係重口之選…查看更多

去元朗飲茶，搵到呢間喜尚嘉喜，地點都算方便，係千色附近。酒樓地方都算寬敞，唔會背脊貼背脊咁坐。點心大都正正常常，唔會話好出色，又唔會話好難食，真係四個字可以形容——不過不失。蝦餃d蝦都大隻；蝦腸都係大大隻蝦，不過有d翠玉瓜係入面，口感都幾奇怪。鳳爪排骨飯望落去好大煲，但原來個煲好淺，分左出黎都係兩碗飯度。流心奶皇包真係好似溶岩漿咁漏出黎，算係幾驚喜。整體黎講，成餐茶都一般般，勝在服務態度幾好，加番少少分。…查看更多

本人很不幸選擇了去嗰度擺結婚酒,大約七點半左右,全家餐廳的燈熄滅... 係最繁忙嘅時間佢哋搞左大半個鐘頭都冇辦法將電力恢復...竟然推薦我哋去佢對面旗下喜雀酒樓再擺食飯仲要係大廳冇間開又未準備好...裏面仲有人喺大廳食緊飯.另外最攞命係兩件事：1. 有熟人介紹佢哋都冇道歉只係免汽水和啤酒。嗰圍枱仲要成＄9000（係元朗酒樓喎）。我唔知佢哋有邊一忽誠意去道歉呢個事件？2. 聽侍應姐姐講呢間酒樓對上一次全面冇電係幾個星期前。即係一個月有兩次全面冇電，仲叫人點去食晚飯？日光日白去飲茶都難...因為冇冷氣，焗死人。Anyways, 食物又唔值呢個價,環境及服務更加唔使講...大家去呢間洒樓前，諗清楚，好自為之！…查看更多

好多年前已開始幫襯，早期應該叫嘉城酒樓，當年返工，中午得一個鐘食飯，都會 book 位去食，因為佢點心好味，小菜都好認真，所以都經常去，之後轉咗個名叫喜尚嘉喜，早期水准都 keep 倒，後嚟越做越差，所以佢續唔約，我都唔會覺得可惜，最近成功喺舊址重新營業，但佔地只佔以前三份一，裝修得好乾淨光猛，樓面亦更換了一批面口幾好嘅部長，之前嗰d部長只會同熟客吹水，唔係點理其他客😰 有部分態度仲幾差，講翻d點心，今日得兩個人，食唔倒太多，只能試d基本嘢，結果令我好滿意，希望佢可以 keep住水准，遲d去試埋晚飯先 😊…查看更多

今天仍是農曆新年期間，故與身邊人一同在元朗閒逛。雖然午飯時間已過，可是卻仍然食個遲來的午餐。在食店依然放著新年假期，尚未開門，就走去茶樓飲茶，是不失的選擇。進入尚喜嘉喜宴會，是為了飲茶食點心，亦可以坐得多一點時間。縱使有人會覺得在茶樓飲茶浪費時間，但是亦是相聚聊天的大好機會。與身邊人飲茶，總會點來一些喜愛的點心，也不會覺得侷促，想食的就可點來。一個香茜牛肉腸，是咱們其中喜愛的點心，在酒樓食腸粉或許會好吃一點。腸粉是夠滑的，加上牛肉柔軟柔滑，吃到在酒樓一貫的味道。長長的春卷，是香口食物之一。雖然在下並不常吃，但是間中食下無妨。脆脆的外層，加上內裡的食材是以素菜為主，感覺上是較健康的。飲茶卻又少不了叉燒包，一籠有兩個，份量較平時少了一個。雖然叉燒包外層略厚，但味覺不失，仍有蠔油混和了叉燒，而芡汁略為稠結了一點。每次飲茶都點來潮州粉果，可能與其饀料豐富，食落層次感豐富。整個潮州粉果外層仍是透明的，薄到可以見到內裡的食材。來一個雞扎，是用上了腐皮包扎著雞肉、魚肚及豬肚等食材。雖然這點心略為有點肥膩，但是食味不錯的，起碼做到一貫應有的水準。吃過遲來的午餐，已經是三點多，於是繼續餘下行程。…查看更多