喜客比薩 (已結業)

下午茶去吃的話，你要預左....等....等...再等...我們叫了下午茶餐，等左超耐，d waiter四圍走，不停有人講唔好意思，突然個waiter同我地講完唔好意思後話，無辦法啦，平嘛。什麼意思，平就可以係一個理由要人一等再等，叫熱檸水變微暖檸茶，凍檸茶無飲管，總之就係...亂。

都ｏｋ呀幾好食～可能平時食慣必勝客，所以哩間係有ｄ新鮮感的。叫左小食拼盤，ｄ炸薯片好食呀！好特別，未ｏ係其他餐廳見過同食過。炸蝦的粉唔厚，不過不失。雞翼就冇乜特別。辣肉陽Pizza，不過不失啦，芝士夠多～而個煙肉蛋忌廉汁長通粉，睇落去就好少汁，但食落口又好夠味ｗｏｒ，個汁好濃，唔錯。仲有一杯綠色的特飲，都幾好呀～服務都可以，不過可能因為新開，而且沙田新城市真係人流太多，到左假日的七八點就勁多人等位，派飛ｏ個度好混亂，見三個reception人淪流比人鬧足一晚咁....為免受氣同吃得不愉快，最好都係避免星期日七八點去。一係就五點幾六點或平日，會少ｄ人。

5人同行,食個high tea.餐廳外有tea sets 餐牌。約5點15左右。等了約5分鐘有枱。安排入坐後，他們給我們的餐牌也有tea sets。tea sets裡有是人精選6" pizza ,本人問waitress 是什麼pizza ,佢有答。過了一陣，本人落order 時他說沒有了,為何給我們tea sets 餐牌令人誤會，又要我們重新擇選。最後order 了,chicken wing , 至尊pizza 9",白汁長通粉。First Coming ,是個長通粉,個碟就大但份量勁少,要配給,每人只有8條。一碟長通粉景可以比我們數得出只有40條。都成55蚊!!其他雞翼同pizza 都不錯,但Pizza 中心有水出。

下午茶時間諗住去o個度食個下午茶餐啦咁出名pizza嘛,當然叫個pizza下午茶餐諗住叫野食,waiter就多呀, 但完全唔知佢地做咩,企晒o係個落order機度, 但又唔係落order喎,完全唔識做咁叫個餐啦,原來個餐冇得轉其他野飲,當堂o咀囉..咁佢個pizza亦都係冇得揀o既,係"6寸是日pizza"咁杯野飲黎先,係藍莓汁,但杯野淡而無味,除左係有色之外同水係冇分別之後個pizza都黎埋,真係無言,o的配料只係得"菠蘿同火腿",食o的咁既pizza我駛咩係度食?!去百佳買個"叮"既pizza都好過佢啦食都未食完(只係飲完杯野),個o的waiter就好"醒目"咁拎走我杯野,心諗:唔係手腳咁快馬?!好似想趕我走咁食o個陣見o的waiter真係有o的火,成日走黎走去,但完全唔知做咩,最印象深刻係一個waitress冇野做,之後係個落order機附近拎o左隻新杯,放o係我張枱附近既一張冇人坐緊既兩人枱度,明明兩人枱,只係拎住一隻杯,其他咩都冇拎,放係張兩人枱度,我真係唔知佢係緊乜!一句講曬:50蚊食個百佳pizza同一杯有色既水

小弟今日試一問好有特色的PIZZA店“SHAKEY’S PIZZA”!食物質數值得一讚!PIZZA批底好薄, 味道好特別, 有外國食那種PIZZA的味道!Mojo 薯餅好好味.可能新開, 服務水準需要改善! 慢了一點.絕對值得一試.

50九幾年歷史初到貴境,!薄餅始祖wor…美國好似好有"朵" !! 見個死鬼佬響廚房入面整拋下..拋下塊pizza!!!!豪比佢,博一博la.“MOJO”薯片UFO呀!! 香港開埠以來都未見過. 好香!!好脆!! 好食到抽筋!!! 唔識形容……人一世!! 物一世! ! 試下啦!! 總之無老! “:海龍王深海龍王”晤洗兩水.想! 全隻澳洲龍蝦TOWN係塊PIZZA上面, 賣相超豪,溝女必叫! 手製批底真係人情紙gum薄!! 脆到PAK PAK聲.味道香濃! 忌廉汁好味到爆.龍蝦極大機會偷番來! 成本都收唔番. 叫啦!!佢輸硬呀!!甜品Pizza Raspberry Pearl 賣相好! 甜而唔漏!! 有HEART之作.!一絲絲初戀感覺浮現係腦海中, 阿珍…好鬼掛住妳tim !!!!!!!

前幾日去沙田做嘢，記得上幾個禮拜睇地鉄報紙介紹新城市廣場一期新食肆就走去。一落電梯就見一間紅色又坐咗好多人嘅新Shakey’s pizza ，隔籬就有博多拉麵。兜個圈有Pokka 同Hip sushi…3 間以前都食過，咁就揀新嘢食pizza 啦! 我哋一行5個，等咗10零分鐘啦…嗰陣係5:30左右首先叫咗3杯Mocktail特飲:-Green Light -綠茶果凍加七喜- 幾解渴唔太甜，可以多D綠茶味。Mangoccino -芒果特飲-唔錯飲落幾特別。Purple Party -巨峰提子果凍沙冰-試咗一啖好正，女仔一定鍾意。雜錦拼盤- 脆薯+吉列炸蝦+黑椒雞翼跟沙沙醬&田園醬(每款4件)Mojo脆薯-原隻薯仔切片加多種香料炸脆，外面好脆，入面好薯仔，勁好味。 第一啖有啲唔識形容好似有少少咖喱香料味但唔太辣，好特別。肯定你未試過!吉列炸蝦–點沙沙醬幾好食，口感唔錯黑椒雞翼–麻麻啦，唔喺好辣，入面唔夠滑主菜:King Lobster Pizza深海龍皇-超抵!! $198有成隻龍蝦，忌廉汁好好味同好多磨菇，賣相相當吸引。個pizza皮夠薄好脆，熱辣辣，自己加芝士粉同黑椒仲好味。

見到新開, 同男友去試試, 拎左"飛仔", 原來仲有OVER 100個number先到, 唯有行街......行完番去再等, 等了又等..........呆了好耐, 終於有位~ 應該總共等了over 1 hour~叫了豬仔骨& 至尊pizza,至尊pizza好味, 茄汁好juicy, 冇乾哂~豬仔骨...... 總覺得不夠Ruby Tuesday咁好食~一路食, 好多waiters/waitress行來行去, 但其實唔係咁忙~差不多食完, 就拿拿聲走過黎執檯, 剩低一件pizza, 就想拿去包起, 但............恐怖野黎.....見到佢執檯時, 隻碟邊貼住我唯一帶回家的pizza, 嘩~~~~~~ 俾隻碟"high"污嘈哂啦.........仲洗食???我地都未講會唔會叫甜品, 就所有野都收哂, 連張餐紙都收埋, 得番兩杯清水係檯面.........食物幾好有乜用, 咁既服務, 趕人走.........唔會再黎............

知道新城市開了新的pizza 店，於是一行三人星期二走去試試，去到見到人龍已心知不妙，取籌後，真係俾佢嚇了一跳，等九十幾個nmbers，唔係下嘩，食pizza 啫，不過最後都決定等，大概等了九個字，都算快，因為中間跳了很多走了的人。我們點了一個shakey's pizza、雞、shakey 薯塊和雞肉沙拉。炸雞好怏到，等到好肚餓，立即試，雞件唔乾，有肉汁，表面的香草好好味，唔錯；接著吃沙拉和薯塊，先講沙拉，好普通，用料唔新鮮又細碟、薯塊一般，加了些香草係面，得個炸字；最後係期待的pizza，賣相不錯，但食落麻麻，取了一片後，板上有好多水，相信係菠蘿漏出來的，食落去邊唔脆，好明顯係焗唔夠，都真係有點失望，心想用得本身店鋪名字的食物就一定有保證，怎料pizza 及薯塊都唔好吃，好失望，唔係件雞好吃，我會俾喊。不過，見到鄰桌上的ribs很好味似的，有機會俾多一次機會再試，不過要過一段時間後才會去。總數$2xx，不太貴。

上星期,聽dj話新城市開了不少新的餐廳,所以去一試。嘩!很多人排隊,我一行二人(細枱)都等了半小時先有位,那些侍應好似唔係咁識講中文...!?!最終我們冇叫set, 要了一個九寸厚批及炸雞,仲有海鮮意粉。嘩!又等...半小時,d野食先到...d雞好似炸了很多次....不推介各位...d pizza 就ok ...不過厚批d料少,又硬,不過比pizza hut好一些,不是太油....我個人認為推介pizza要叫薄批,鄰座d料多好多...總括:如果等待時間冇咁長, 試一次也冇妨。

見到新開pizza店，咁就約晒成班人去試啦，結果一行十幾人去等位。既然咁多人，等耐0的其實都預左，個帶位既都同我地講要耐0的。但估唔到佢所謂既耐0的原來係完全無視，等左兩個鐘，佢根本係無意識預我地會等，一路係咁將0的枱分俾其他人，結果走埋去問佢三四次，佢先話要睇下有無咁岩有幾張連住既枱埋單先會俾我地，天哪，原來係要靠運，非常好。幸好同行有口才了得既人，結果再等多一陣終於可以入座，緊記下次去呢間人數千祈唔好多過六個人。個晚嗌左三個pizza，其中一個係龍蝦pizza，感覺唔錯，其餘兩個就一般。另外炸雞炸蝦小食拼盤個0的其實唔算特別，同ruby或者意粉屋既差不多。而另一見到佢侍應水準低既地方，係諗住再添野食時問佢拎menu，佢竟然答：「乜野menu？」天呀~~~原來間餐廳有好多種menu..........另外餐廳又係open式，唔止廚房，座位都係，所以最好唔好兩個人去，因為佢大部份二人位係圍晒出面，但又超多人係度等位，結果成餐飯可能有成十幾廿人陪你食。(尤其係帶位個度隔離個個位，真係二三十對眼望住你食)

星期六晚兩口子想試下一樓地下既新食店，因為太耐冇食pizza，所以揀左食pizza。六點左右已經要等位，都等左幾個字先有位，但係就坐出面位，o係正門口等位o的人隔離，冇遮冇擋。全程就心驚驚，驚俾人撞到，最慘就係俾成村人眼望望。食pizza我一定係用手食，俾一大班人望住用手食pizza，好唔自在啦。食物方面都收貨，蒜茸包咸左少少，但係多蒜，我鍾意，拼盤之中薯片最好，有o的咖哩，幾新鮮，炸雞翼同炸蝦就冇特別，普通貨色，pizza 叫左意國風味薄批，芝士唔夠香，唔夠軟身，唔夠味，sauce 就唔錯，芝士好味o的就perfect喇。裝修設計全開放式係幾好，不過門口o的邊位最好都搵花槽/欄柵遮一遮，成個感覺都安全o的，食都食得舒服o的

新城巿低層食肆大變新，先開四五間新店。不嬲覺得呢度食店水準認真唔得，開咗新舖，賊佬試沙煲，跟太座到嚟試試...星期天多人到喊，淨係排隊都排到抽筋。忽然好想食美式junk food，所以雖然就算呢度條隊係最長，都照排la..餐牌照例係不同種類嘅junk food如炸雞、薯條；仲有各類pasta、pizza，連risotto都有供應，variety都算足...叫個二人set有炸雞、pizza及pasta，可以一次過試晒...本來冇乜期望，反而有D驚喜wor..炸雞味冇想像ge濃，食慣KFC嘅人可能會覺得有d淡口添；皮炸得脆啪啪，雞胸部份仲唔算太嚡添，認真算係咁...Thin crust pizza只係有芝士、蕃茄及salami作餡，夠simple，邊位算脆，所謂簡單就是美，太太頗欣賞呢味...pasta係煙肉粒penne in cream sauce。cream sauce味不夠濃亦唔夠creamy，絕對唔太美式，反而適合近排唔鐘意食太濃味嘅小弟...價錢OK，食物OK，响呢頭已屬十分難得...

無意中知道沙田新城市廣場一期地下的food court 剛剛重新裝修完畢，於8月3日6時許選擇了初到貴境的Shakey's Pizza 試試！點比深海龍王”(King Lobster)的龍蝦Pizza 短了2吋(即10吋)的凱撒牧場Pizza (Chicken Caesar) 試試($88)... 真係很長的Pizza呀... 但驟眼看去pizza本身沒有10吋長！上面鋪了煙雞肉(smoked chicken)、生菜(uncooked vegetable)、粒粒麵包糠和凱撒沙律(Caesar Salad)，而pizza是用上薄脆批底，配上芝士與茄汁(cheese & tomato sauce)。從上圖可見這rectangular pizza 是給分成6小塊的，食落個批好crispy，不油膩；煙雞肉有煙薰味，肉不嚡口，不過沒甚雞味，只能憑看過menu的記憶知道現在正是吃雞肉！那些salad都幾好味，配上pizza的濃厚芝士茄汁味，原來都幾夾！我也點了鮮榨橙汁($26)，但味道一般。食呀食，咦......點解真係食得晒個pizza？係食得晒，不過飽到依家！)這裡另一賣點是有個開放式廚房(其

一早預備今個假期到這一排新食市試試，午餐選了"博多拉麵"，晚餐選了Shakey's Pizza,一向沙田都是難搵食的地方，所以我們1730便到達，以為自己早，誰不知早過自己的人多的事，慶幸我們只得兩人，所以等了約10分鐘便有位，但一家大細的就要再等等了吧!選菜：1/ no.23的9吋pizza薄批(喜歡吃芝士的岩晒，蝦當然是雪藏的，但很爽口，餅底好脆，熱辣辣，完全符合pizza的首要條件)2/ no.2的脆薯(好味道，幾特別，多香草料，小小辣，值得一試)3/ 豬肋骨(唔得~唔會再試，一早諗左試lamb，後來改變注意係因為見到menu上推介，吃光1 & 2後，追了兩次還未來，仲以為好戲在後頭，誰不知係有頭威無尾陣，後來有一個waiter來問有無野未到齊，之後就很快到。嘩~ 超失望! 凍的，成口油，膩口到不得了，吃了一件已經呆左。)值得讚：waiter會到時到後巡台睇下order到齊未。服務態度不錯的，尤其外籍男waiters。我們慣常不簽tips的，但他們依然很好態度，比起今日lunch果間簡直天淵之別。要注意：刀叉不夠乾淨，有蹟!換了也一樣。