啡奴

營業中

休息中

中午時經過觀塘見到呢間野，就入左去試下，我係自己去食，入到去環境乾淨又舒服，職員態度好好，佢地都好熱情打招呼，問其中一位職員係咪要點左餐先，佢答完我之後比左張餐單比我，叫我慢慢睇，我點完餐，搵左位坐低，冇耐就有職員親自送餐，真好！😆😆我點左一個意粉同一杯奶啡，個意粉好好味，仲食得好飽！同埋杯奶啡好好飲啊，好岩女仔口味，必試！！😍其實我覺得食物價錢都好合理，因為環境好舒服仲要我坐左好耐。我自己慢慢食，飲完先走，佢地完全冇趕客！佢地會定期更改菜單，唔係間間餐廳會咁做，佢地啲咖啡豆仲要自己炒，咖啡掛耳封面又有設計又係自己pack!睇得出佢地超級超級有心!!咁既餐廳一定要支持！！❤️香港好難搵到一間咁心既餐廳！附上我當時點既咖啡，好好味好鍾意☕️😍

過完年諗住去飲杯咖啡點知有個阿嬸態度，極度惡劣好似驚人唔俾錢咁大佬呀，我都未坐定又話有最低消費，又話就嚟閂門老闆見到唔該話下自己啲員工我入得嚟就一定會消費狗眼看人低

放假諗住同朋友chill 下😌飲杯啡食下野咁就睇到尼間 啡奴 諗住咖啡會好好飲，但令人有啲失望🥲咖啡偏酸既口感蓋過左咖啡本身既風味（我地叫左凍美式）不過可能人人口味唔同，呢隻咖啡比較fruity之後我哋叫咗卡邦尼意粉 麵質軟身不過佢既醬汁與蛋黄的结合，令每一口都充满了香濃的奶香与微妙的咸味，味道岩岩好👍🏻問我推唔推介既話，試過一次就算了以工廈黎講，略嫌少貴，地方有少少偏遠🙂‍↕️好食指數：😋😋3.5/5

約咗朋友食早餐，揀咗黎觀塘呢間一直想試嘅cafe。早餐由08:00到11:15，有5個款早餐，可以半價配飲品。我地揀咗一份all day breakfast，一份吞拿魚沙律牛角包，兩位都加$20加煙三文魚，另外叫咗兩杯小見啲嘅啡 : 紅豆latte同薑齋啡。Mini all day+smoke salmon & 吞拿魚沙律牛角包+smoke salmon 其實份all day breakfast同牛角包都係基本野，味道正正常常，都係心目中嘅野。Iced red bean coffee latte紅豆latte都係因為有趣而叫。Iced ginger black佢有得揀加奶或者齋啡，我揀咗唔落奶。一開頭飲落冇乜特別，薑味後其先出，有啲似薑糖嘅味，我個人唔係好受得啲薑味，呢杯覺得比例啱啱好，有個味但唔會辣口唔會太刺激。Cafe以水泥裝修為主，環境幾好坐，好闊落有空間感，我地唔覺意就由早餐坐到差唔多lunch hour。當日Lunch hour都full house，當多人叫主食嘅時候，廚房嘅油煙味就散晒出黎，係有啲影響。

之前見過好多朋友都有嚟飲呢一間位於觀塘工廈地舖嘅Coffee Slave 啡奴，不過一直冇乜機會經過附，今日趁着做完Facial就特登行過嚟一試☕️我同男朋友分別嗌咗Flat White $40Dirty $40由於啱啱食完少少嘢，所以我哋就冇嗌佢嘅食物，不過睇咗Menu應該ok~掛🤔？咖啡嚟嘅時候首先嚟咗男朋友個杯flat white ，佢杯咖啡mixing 做得唔錯，調和咗Fruity咖啡豆比較酸少少嘅特性，而且拉花飲到最尾都冇散，係一杯中挺嘅奶啡☕️不過可惜杯Dirty可能因為用咗比較Fruity 豆或者淺炒嘅豆，令到杯啡第一啖飲落有啲過酸同苦澀😅我個人就非常麻麻哋，同男朋友交換咗佢個杯flat white 🤣天堂與地獄咁當然小店經營唔容易，所以如果有下次會再俾多次機會佢

觀塘樓上樓下coffee shop眾多，今次就揀咗去近牛頭角附近嘅一間coffee shop-啡奴，自命係一位咖啡嘅奴隸，當然要去會一會☕️全間嘅coffee shop都係以木系嘅工業風裝修，入邊仲有個上咖啡堂嘅地方Cream cheese bagel $40+ smoke salmon $20個bagel火烘得外脆內軟，加上濃郁嘅cream cheese，但佢用既呢款cream cheese唔會好膩，所以加埋smoke salmon岩岩好，好惹味Long black $20 (Set price)咖啡味偏fruity，好香濃，口感順滑呢度嘅手沖咖啡仲有好多款選擇，下次時間充裕真係要嚟試吓

多年前到過同一位置的另一餐廳，諗住懷勉一下，點知依間餐廳真係一如其名當人客係slave，本身已經偏貴，高級餐廳價格但工廠環境(廚房真係真心難睇），啲櫈係唔舒服既木板櫈，人客係冇得揀位，仲要一入門口企喺度落單俾錢先，最恐怖嘅係，收銀員的態度很差，一句就話要即刻落埋野飲(加錢)，如果唔係再落單就要正價，仲話部機設計云云，我就唔明講句唔好意思唔得咩，為什麼一定要人客就你，我們俾錢來餐廳是來享受食物和服務的，不是來受氣的。接著沒有紙餐巾，只是求其提供最平價的薄tissue放餐具。食物方面，送的湯沒有選擇，只有明顯用攪拌機求其整、冇乜料的紅蘿蔔湯，仲要個碗係異常地細隻；意大利飯太熟太水，食落不像意大利飯，顏色一看就知不對，紅菜頭少得可憐，三文魚是最便易最薄的那種，整道飯沒有任何牛油或忌廉味，可能我自己屋企煮更加好食。不要以為簡單說句甚麼鍾意香港的說話，香港人就會幫襯，我地係出名識飲識食，你有冇心整野食，一試便知龍與鳳。值得一提的是，其他員工也是有禮的，他們值得更好的工作環境和氣氛，附近的返工人士也值得更好的食物和服務。

行完APM想搵間cafe坐下朋友推介呢間啡奴 佢話已經食過一次好chill叫左個丹麥多士炒蛋牛油果炒蛋炒得好滑丹麥多士好脆口抹茶牛奶好濃！落左好多抹茶粉好岩晒2-3個人黎慢慢坐慢慢食Chill 住嘆

自從由九龍灣搬到牛頭角上班，新地方每日也有很多新目標食lunch . 今日就來了黎樹一試吧！門口都有文青的水泥vintage 風格！ －入門口，即感覺到日本🇯🇵氣氛及創意我哋安排了最入一張台，可以一眼睇曬入場！哈哈😆 有set叫，一個時日餐湯 + 主菜，飲品另半價加上，先來的杯裝南瓜湯，夠味夠熱好的開始主菜黎喇，芝士燒雞burger, 好巨大，還配薯角！我大食都夠飽啦要出手，上的刀叉先搞得掂！唔乾有汁，收$100，都合埋個價加$20 叫埋，我近排常飲的「dirty」 ，即express上 + milk 底！兩種口味一次過品嘗，啡架我感覺較酸！只是我口味要求，都好味😋的門口外的fake wheel ，效果又幾好睇喜歡，不錯不錯，我推介俾大家，謝謝

🇭🇰 #香港 #九龍 🇭🇰Coffee Slave (觀塘)🥞 米芝蓮班戟Pancake with Mixed Fruits & Heavy Cream☕️ 奶蓋竹炭咖啡White Charcoal♡ㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡ🚕 地址주소 : 觀塘鴻圖道43號鴻達工業大廈地下2A號舖(쿤통 홍토 로드 43호 훙달 인더스트리얼 빌딩 2층 A호점)ㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡ💰價錢 가격🥞 HKD$60 • ☕️ HKD$45ㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡㅡ ♡🇭🇰 #홍콩 #카우룽 🇭🇰커피 슬레이브 (쿤통)🥞 과일 크림 팬케이크☕️ 화이트 차콜♡

超鍾意食野既我但又需要減肥 💛Cafe係相對地比較多健康野揀☕️, 如果係americano/long black零卡仲要去水腫添 (雖然呢度d拉花太靚我最後都係忍唔住), 加左奶係香滑d, 又或者哥以轉燕麥奶, 少d負擔但係佢地都拉花拉得咁好 而且佢地疫情前仲有Roastery workshop, 質素好有保證All day breakfast有大份新鮮沙律菜既就岩哂🥗, omelette同炒蛋係高蛋白質來源, 呢度既蛋量好足又唔會炒得太油🍳呢度既menu定期會轉, 健康之選會係🥑牛油果同雞肉🐥over加工食物, 牛油果個飽足感好夠, 係健康油脂. 就算呢碟無肉都唔會覺得單寡如果真係食煙肉既就記住自己走肥啦🥓 早餐黎講咁豐富真係幾抵食, 而家咁既份量出面閒閒地都八九十蚊仲未計野飲, 呢度絕對係良心價 同埋都坐得幾舒服, 雖然係工業風, 但係都夠企理同埋空間感夠-Mini All Day Breakfast🍳($65)Scrambled Egg w/ Sourdough & Avocado🥑($50)Flat White☕️($40/ set +$20)

出外工作完想對自己好d😌一去到星期六已經見到有位工廈關係空間感好大覺得好 闊落係counter落完單可以係枱等食❤️夏威夷菠蘿雞扒漢堡 雞扒煎得好香個包加咗牛油煎到卜卜脆連埋清甜嘅菠蘿一齊食好夾烤焗香草薯粒都好好食🥹❤️Nitro coffee見個樣好特別，但飲落好苦上網查下發現原來係咖啡加啤酒難怪咁既味🤣以觀塘區的午餐來說， 價錢算貴咁就$170，性價比就一般不過味道也不錯偶爾對自己好d都需要既☺️

喺附近食完嘢, 知道呢度咖啡岀色, 專登過嚟飲☕️叫咗杯dirty, size啱啱好, 咖啡味偏fruity, 好香濃, 味道有層次, 正呀另外手沖揀咗哥倫比亞豆, 睇住咖啡師沖嗰陣已經聞到好香果味🤩咖啡師用咗兩隻唔同形狀嘅陶瓷杯, 杯口偏圓嘅飲落會甜啲, 另一杯香味會濃啲, 一款咖啡可以飲到兩種口味, 好得意~咖啡飲落同description一樣有菠蘿味同果香🍍下次要再返嚟試其他味道😀

平時去食晏經過呢間cafe，行過會聞到野食既香味，今日諗唔到食咩就一於試下，餐牌上既菜式唔算多，收費偏貴百幾蚊仲要唔包野飲.手撕豬肉配煙薰BBQ醬漢堡附烤焗香草薯粒 $110Lunch set有個餐湯，不過飲完我都唔知係咩湯🤡漢堡幾大個，個包用牛油煎到卜卜脆，手撕豬辣辣地份量幾多，整體幾好食！但係個薯粒好硬😦如果轉做薯條/薯格可能會好啲.飲品方面叫左芝麻燕麥奶 (跟餐+$15)飲品偏細杯，呢杯係熱飲，但係上到枱係完全唔熱唔暖😦而且唔太飲到芝麻味( ；´Д｀).整體黎講野食Ok，但係野飲唔得一試無妨，但係無第二次

今日黎左公司附近既一間café 食lunch 叫啡奴 環境唔錯 工業風裝修 坐得都舒服 氣氛好chill 所以都見到好多打工一族黎嘆一嘆 佢lunch選擇唔係幾多 但價錢偏貴 全部$100above但唔包野飲 首先Lunch set會有湯 個湯係南瓜湯 但我覺得唔止係南瓜味 應該用左唔同料去整飲落去味道好特別 唔錯唔錯🎃 意式雜菌意大利飯($110)賣相好靚 雜菌(菇)既份量都多 但奶油味唔夠重 可以再creamy小小就perfect 我就加錢配左杯黑白是良知 (芝麻燕麥奶) (set+28)入口微溫 如果可以再熱小小就更好啦 芝麻香味好濃 但份量略嫌有啲細杯 如果大杯啲就好喇 🥛