唯一雲貴川風味

營業中

休息中

難得早收工就同同事落到黎荃灣覓食最啱就食熱騰騰既野其實呢間野中學喺荃灣練完跑一定會走黎食醒起中學之後都好耐無食呢間野還掂黎到一於就去回味一番啦適逢晚飯時間所以都等左成20分鐘先入到枱一坐底即刻拎起餐牌睇下先我叫左碗腐竹豆卜炸醬酸辣米線10分鐘度熱騰騰上到枱雖然湯底偏油但依然有好香既酸辣味豆卜完全吸哂湯汁既精華夠哂入味而腐竹就煮得剛剛好唔會話煮到爛哂個炸醬就中規中矩可能因為浸左湯走左味如果可以另上會更加好雖然比起中學貴左好多但總結黎講50蚊買返個中學回憶暖下個胃都值得既

食完想再食早幾天，要替媽媽到荃灣千色買衣服，所以很早已經出門去荃灣。買完衣服後，就想吃麵，可能早餐沒有吃吧，所以當時特別肚餓。所以我和媽媽，和姐姐，便一起去食麵。我們去到一間叫做唯一雲貴川風味 的餐廳。每人叫了一碗米線。我叫了豬耳，豬肚，豬腩肉，豬頭肉，小辣米線，大大碗的放到我們面前，而且下單後，上菜速度都可以。另外，這個米線香辣好味 ，配料又夠入味 ，米線軟硬又適中 ，所品食完真是想再食。整體來說，這間唯一雲貴川風味，真心不錯，食物味道好味，又夠入味，米線和配料的配合又可口，真心不錯。下次一定會再來。

前排喺荃灣見完個客，心諗都去到荃灣啦，無理由唔去食個米線嘅！鍾意食米線嘅人就係咁，點都會心思思想食碗米線呢啲就係米線迷嘅心癮啦！Lunch time 都幾多人排隊㗎，我都排左好幾個字先入得去。雖然呢到環境真係好一般，坐又坐得唔係好舒服，不過一個人食個快飯，無咁高要求，都可以接受嘅😅😅叫左一碗楠肉酸菜米線一如以往，湯底好濃，好香。加上米線又熱辣辣，忍唔住飲左好多啖！楠肉又辣辣地，再加埋酸菜，真係好開胃

坊間有水準的酸辣米線愈來愈多，而食客對酸辣米線的要求亦都因此愈來愈高而呢間唯一，的確會令人念念不忘啊！不但湯底非常香而濃，同時都100分足料！個人認為一般人的胃口絕對會好飽，加上價錢公道，一碗酸辣米線性價比十分高！發現呢間米線最多人叫腩肉，真係好好味我叫左酸辣腩肉豬肚，每一樣送都好多，連米線都好足夠！無論味道同份量都令人十分滿意！加上湯酸辣得黎不會過份，酸同辣平衡得剛剛好友人則叫左呢碗酸辣腩肉豬肉丸，都係味道同份量十分，真係會令人返轉頭再次光顧的酸辣米線！

前兩日喺小紅書個app見到有人話唯一可能喺全香港最好食嘅米線 於是趁今日有事要去千色匯 順便試試係咪真係咁好食間鋪離千色匯真係好近 喺二期後面條街度 沿住四陂路就搵到 鋪面唔大 6-7張圓檯 晏晝5點半 唔算好多人 姐姐態度都唔錯嘅 可能未開始忙嗌咗四個餸 腩肉、豬腸、雞翼尖、炸醬 中辣（我平時食開大辣）堅辣 我諗如果嗌大辣我應該食唔到 啲餸都好入味 米線有少少煙韌嘅感覺 唔會太硬又唔會淋 好正 而且湯底好夠味 米線都好入味 難怪有咁多好評我老公平時食譚仔酸辣 今次佢就叫咗腩肉、豬肚（餸係辣嘅 冇另外加辣） 佢覺得已經辣過譚仔 佢食完都話正 問我喺邊搵到哩間鋪價錢方面就貴少少 四餸57+豆漿10/兩餸43+維他檸檬茶10 不過料都足嘅 我覺得可以接受食完鄰近6點 已經9成坐滿 好彩避開食飯時間去下次去荃灣會再去試其他餸

🍽🍜酸辣炸醬腩肉米線（$50）+冬瓜茶（$10）🔽呢間荃灣名物次次黎都要排隊等位，但今次成4點先黎到好好彩仲有位唔洗排。雖然咁晏先黎，但都係坐滿人，果然食出左名既野就係要同人逼。🔽碗米線好大碗下，米線煮既時間掌握到唔錯，咬落去唔會淋到一劈野咁，煙韌有咬口。小編覺得個酸辣湯底好重口味，酸得黎又夠辣，而且湯底好濃郁，從湯既色就睇得出好重口味下，岩晒重口味人士，略嫌個湯太油。餸既份量好多，有近十塊腩肉，而個炸醬既肉碎係多到啖啖都食到，但係腩肉就有少少過火，所以有少少韌。🔽整體黎講係好味既，值得encore大。Btw 有無高手知道香港邊度有得買呢隻味丹既冬瓜茶，之前係759買過，但之後就再無見過，味道不錯的。

今日終於嚟食左好著名既米線，平時成日排長龍，今日終於唔洗強烈建議入去前要諗好你想食咩，因為丫姐會不斷俾壓力你。。同最好諗定無嗰樣既話，要咩嘢去代替😅我咁arm 就係無左雲吞，要未諗好，丫姐就不斷用5耐煩既神情望住同催你😩第1次嚟俾1分鐘人諗下都得卦😑anyway 最後叫左腩肉雞翼，同魚蛋炸醬貢丸豬頭肉坐既位置係好迫既，有d客人辣到咳哂。又流哂汗😅😅依碗就係豬頭肉，好爽脆，份量都多，炸醬不太辣，魚蛋好一般，可以不用叫，貢丸入面有肉既，ok 不太差腩肉係真心好食同份量好多麵多酸菜多，雞翼ok既，明白到點解咁多人叫腩肉，因為真係鹵得好食不過價錢並不便宜，但佢個份量係對得住個價既

🍜 酸辣米線($33/1味 每加一款餸$7)有人講過唯一係荃灣食米線既代表，譚仔果啲真係要行埋一二邊，仲被喻為全港第一好味米線🤔 今次入到黎試左4餸，酸辣、豬腸、翼尖同雲呑，係，你無睇錯，"酸辣"係一個餸黎😮 叫左小辣，但覺得比普通米線店辣少少，酸辣味有啲死酸感覺，湯底較薄身。米線幾彈牙而且份量多，翼尖唔算太入味但勝在夠淋身，豬腸正常，菜肉雲呑大大粒幾抵食，貪心試埋隔離既腩肉，辣得幾入味，正。整體黎講，唯一既米線係唔錯，比一般米線店好少少，但亦未至於好食到嘩一聲，話佢全港最好食未免誇張左少少😂 反而我都係鍾意食香港仔南記多啲😏

今日同朋友們四圍打卡📌二人都想食米線🍜特登揸車入荃灣🚙🚙為左食傳說中好多人話好食嘅米線🤗一入門口😱全院滿座不斷有人入黎等位👬👭👫小妹點左💁🏻‍♀️酸辣+腩肉+豬腸呢到酸辣都計一個餸😅夾埋要$50酸辣酸度剛剛好😊小辣完全接受到略嫌太多辣油😳感覺油膩湯底好多酸菜同肉碎😙腩肉炆得入味😌係瘦腩果款😝肥膏唔多豬腸肥瘦均勻😚偏腍米線索哂湯嘅味道😜米線顏色都變埋為左呢碗野最終都比人抄左牌🤯覺得唔值😡嬲嬲豬呀

好多好味既面家都係開左廿幾三十年既老舖，呢間唯一都唔例外，就咁睇出面既裝修，你未必會好想幫襯，但一試左就會念念不忘！由於食唔到太辣，所以兩碗都叫左清湯，但搭枱見到好多人都叫酸辣，食得辣既朋友不妨試試～食米線又點少得懶肉呢～呢間既腩肉帶小小辣，但加埋清湯度真係好perfect，岩哂我呢d食到bb辣既人～腩肉半點肥膏都無，而加一d都唔鞋，秘製腩肉汁好正！愈食愈上癮～另一樣推介既係佢既醬爆豬肉丸同貢丸，咬落去即刻有汁爆出黎，雖然唔係超多，但都好正，而且完全無空心，成舊丸都超彈牙結實～另外推介加蘿蔔/腐竹，因為會索哂d湯既精華，無論配咩湯底都好入味！唔洗成日去譚仔既，支持下小店面檔啦！

今日終於都係荃灣返工～我太耐冇去荃灣了，當然要去食我最愛既米線啦～之前係荃灣返一星期食足五日都係佢得幾個人～等左一陣位～每次來我都自私食～因為一個位係最快有每次來都中辣，今次叫左酸辣小辣腩肉，豬腸兩個餸～配菜有酸菜，炸醬，芽菜～佢既腩肉好岩我，我食腩肉只喜歡食瘦腩，豬腸肥瘦岩岩好～湯底都係依然好濃味～不過今日米線硬左小小，咬左好耐先咬斷開，食左5分鐘之後先開始淋～可能太耐冇黎食，價錢又唔同左，兩個餸$50，加左一罐紅色可樂$6，午餐$56米線好似貴左小小！

繼續掃勻荃灣！呢間之前上過新假期雲南米線榜頭三，究竟係咪真係咁好呢？由於係平日又係12點前來，完全唔使等，入面都冇咩人（仲好添）。原本想叫酸辣豬腩肉米線少辣，店員姐姐就講如果唔太食得辣不如唔好叫酸辣，因為豬腩肉本身就帶點辣度，而且每碗米線都會附送酸菜，再叫酸辣就曬左。真係好好人呀！所以轉左叫豬腩肉炸醬米線。一來到就有股酸辣湯陣味飄埋來，就係我想要既味道！d豬腩肉份量都幾多（起碼多過譚仔，先得個3、4塊），煮得林身但又唔覺鞋，好入味；反而炸醬就略嫌鞋左少少，下次可以試下其他配料。至於米線當然係好彈牙啦，以前譚仔d米線都彈牙，依家越來越退步，已經回唔到當初。雖然就咁睇好大碗，但入面米線份量略感不足，湯圓我一個女仔食曬碗米線同配料都覺得唔夠飽，之後仲出去買小食，呢點反而譚仔會好dd，米線份量充足。一間會再回頭食既小店

今日經過荃灣！有咩做？緊係黎千色𣿬附近呢間米線一試啦。甘岩冇撞正午飯時間，所以排左幾分鐘就入左去試啦。我叫左腩肉 雞翼米線腩肉十分之有咬口 雞翼淋得黎又好滑 十分之好味 湯底麻麻辣辣 勁好味 米線彈牙店主易落左好多配料另外米線十分之彈牙非常野味 差吾多成個湯飲哂 十分之推介！！

收藏左呢間米線一段時間 終於黎試luu... 我同朋友二人唔係太肚餓 (荃灣實在太多野食啦) 諗住食d濕濕地嘅麵食... 點知...去到要排隊 無飛仔攞 排到噤上下就有個姨姨出黎同你落咗單先 (所以要諗定喔)... 好快就入得... 當然係要搭枱的...入到去 碗米線好快就到...叫咗兩餸 原來噤大碗架 D料又足我地都叫咗腩肉 都ok「淋」而且好入味我叫咗豆卜朋友叫咗酸辣 (無錯 酸辣都列為其中一個餸) 係堅辣嘅 (聽說第二日去完廁所 菊花會熱熱地嘅)d米線都幾好咬口 唔錯唔錯食食下 見到人地嘅五餸 係超級大大大碗 佢地唔會因爲你叫多幾款餸而減量同枱有食客叫涼拌皮蛋 $26都有三隻 好靚噤 不過今次食唔落 下次先

💕💕.價錢：$38-57（視乎要幾多餸）有選擇困難症，推薦：腩肉、炸醬、豬肚.閒日也要排隊，證明人氣多旺，還要排到出門外很遠的地方😂但排得很快，大約5-10分鐘，同時他們見你吃完即收走，不適合來聊天😂而且要跟人逼在一台🤤不過這是香港人的風味。.我覺得是不錯吃💕但未去到好好食😂但如果剛好在附近，又不多人我是會再次去的！因為喜歡他們的麻辣味！腩肉也好好食啊🤤🤤🤤豬肚也是不錯，下次可以吃別的！