唯一雲貴川風味

營業中

休息中

. 唯一雲貴川風味 .📍一看到就知道這餐廳主要是食米線的🍜它的位置位於橫街窄巷不易找到🤔幸好由小時候發現它到現在偶爾想起便會去食一碗，今次亦重遊舊地🎉以往它做街坊生意為主，現在生意很興旺👏🏻有時甚至要排隊哦，當然美食要轉載出去啦😆👍🏻.❤酸辣雲吞米線. 各位也知道米線本來是沒有味道要令一碗米線變到好食👍🏻它的湯底是極為重要要講到這碗米線好食的地方不得不提它湯底很濃郁🎉不過酸辣的辣度比較辣以及略多些油膩不好辣的食貨要注意唷~💖回到正題👉🏻還有它的米線咬韌爽口加上餡料豐富滿有香味的菜肉雲吞🥟如果自己去食也不錯的😽. 唯一雲貴川風味 (荃灣)地址：荃灣四陂坊14號地下營業時間：星期一至日 7:30-22:00.評分5🌟為最高；💫為半粒特色：🌟 🌟 🌟 性價比：🌟 🌟 🌟上菜時間：🌟 🌟 💫環境：🌟 💫味道：🌟 🌟 🌟 🌟 🔸紅磡都有分店🔸 💋💋💋💋💋 .#TMS香港 #TMS荃灣 #TMS紅磡 #TMS推薦 #吃貨 #米線 #美食 #必食 #打卡位 #好味 #香港加油 #丼飯 #打卡 #菜肉雲吞 #掃街 #良心小店 #酸辣米線 #唯一 #雲貴川

之前嚟荃灣都會食下雲貴川，好耐無嚟再試下先，覺得味道一般般。腩肉米線湯好辣，好油，如果喜歡瘦腩係幾好（全瘦的）,雲吞都可接受，皮比較厚冬菇豬肉料。下次可以試其他野食

相信在荃灣工作或街坊對唯一雲貴川風味一定唔會陌生。我大約2004年開始幫襯至今，過往熟客見正門大排長龍，識路嘅都會行後巷上樓上免排，宜家改左後巷內多個舖，唔使行後巷條樓梯，放便搵食。不過近來已好少見有大排長龍的情況。今次叫左碗酸辣(小辣) 腩肉紅腸加蔥。基本上米線咁多年都一樣，有咬口。而腩肉食近幾次都好鞋口，無之前咁淋，較以往失色另外湯底同樣較以前差，辣度不夠，只有酸味，沒有辣度 (當然係同以往酸辣（小辣）比較啦)服務同環境方面，幫襯開嘅街坊都會知點情況，不用多講了。而不經不覺三餸麵已加到$52，這個價錢在其他米線店或荃灣地區都可以有好多其他選擇。唔知幾時先可以尋回唯一過往的味道🤔

米線我最中意食雲字頭，今次係第一次試荃灣呢間唯一雲貴川，估佢唔到咁好食！！！佢個湯底十分之出免，都係有好多肉碎唔似用粉開出黎！叫埋d好易索湯既料就最岩！食小辣就岩岩好，再勁d就食唔到啦！成日聽人推介呢間米線鋪，第一次黎食就覺得黎得太遲.........之後再黎荃灣都唔駛諗食乜啦，都一定係黎呢度～～不過要提既係坐得都幾唔舒服下～冷氣開得勁仲有滴水情況～唔駛食環境既人黎～................

上網睇都話唔錯，咁我諗著去一試啦。點知實際真係有點伏，原因有二。一，食物選擇唔多。呢間唔似其他可以任搭餸，佢有一堆set好左嘅combination你㨂。不過anyway 如果係好食都算。但問題係真係麻麻，叫左個豬肚米線，啲豬肚真係無乜味，無豬肚嘅獨特香味，不過口感都算還好啦。米線好好，夠有口感，煙煙unun咁。至於個湯底，普普通通咁啦，比起其他鋪頭較為酸，都ok嘅。二，態度真係差，我食嗰陣係tea time，基本上無乜人，成間鋪食客得7-8個。但埋單走嗰陣，個阿姐就總之好無應有嘅基本態度啦。一黎望都無望過你啦，二黎找錢都好唔客氣地俾你。真係無下次。都值得一提嘅係真係偏貴，有質素嘅我唔介意，但問題真係好普通囉。一餸要38

荃灣可說是米線粉麵的兵家必爭之地 其密集程度相信全港頭一二名。在這一年中，試過不少，中伏也多。此店久聞大名，今天來了。今天早餐來，這裡也不賣一般常餐早餐，就清一色專賣米總。也有別於其他米線店，餸有如車仔麵般點，而是拼配了某幾款餐給客人點。也沒咖啡奶茶，飲品就可樂豆漿。下單後聽到爐火聲，即來即煮，熱辣辣。少辣，到味，酸辣平衡得好，生津，讓人一口接一口。湯底有放材料成本，不是一般貨，就是有點味精的渴。輔料有芫茜蔥，芽菜，雪菜，咸酸菜。我吃過較好的會放酸豆，層次鮮明得多。要了腩肉。腩肉太瘦，冷藏貨色，數量不多不少，四五片，有點碎。猶幸腩肉煮得好，入味，瘦肉位也不鞋。整體而言，比他們便宜的大有人在，款式也更多，但味道卻做到點，不錯。店內裝潢較有年月，望入廚房更舊，但尚算衛生。

公司比較偏遠，要6碗以上才能外賣。這間在荃灣都好有名氣。每次在公司叫外賣，其他同事總是怨言好香。小辣不算太辣，所以今次決定叫中辣，十分過癮。湯底不只是辣，味道濃厚但就不麻，麻辣湯底都有小量酸菜，越食越開胃，但比較多油，重口味人士最愛。這裡更可以多蔥，令湯頭更香。但要留意返酸辣是計一樣餸，另外收費的。餸方面我點了豬紅和豬腸，兩者處理得都乾淨又入味，之前點過雲吞都ok好大粒，腩肉就太瘦而且帶小辣，不食辣的朋友要注意。不知是否外賣緣故，米線雖然索了湯，但米線也不爛，反而更入味比堂食更好。証明用的米線都有返咁上下。之前都有試過堂食，但質素真的沒有外賣高，而且好多人排隊，環境亦一般。但外賣黎講絕對是不二之選。

同事話呢間米線好好味的，話同我試下。店子小小，是舊式的。同事叫左豬腸，腩肉，炸醬， 雞翼尖米線，小辣，好豐富，本來叫埋腐皮，應該漏左，我試左炸醬好多，也不是好油姐，雞翼尖入味呀，豬腸爽唔酥！！酸辣+腩肉+雲吞米線，另加左葱，大碗，勁多蔥舖面，三粒雲吞，好多腩肉，叫左小辣，所以不是想像中咁濃咁辣咁油。蔥係新鮮的，雲吞好大粒，入面好多肉，皮厚了d，腩肉又唔係好肥呀，好淋入味，米線係彈牙的，酸菜都幾多喎。支裝飲品10元也抵呀，原來可以叫小米線的。

成日去E間米缐，今次竟然唔洗等今就唔洗諗，立刻入去，但係都係滿晒場，好似沙甸魚一樣，每次都係食腩肉米線，由以前大辣食到以家正常唔係因為我介左辣，以係佢地大辣真係太多油，所以都係正常好D，腩肉香濃，米線充足湯底味道正，有花生，香菜等如果個辣湯可以改下就完美啦

聽講荃灣有間好出名既雲南米線餐廳 自己本身都鐘意食米線 食得最多就譚X 所以都想試下呢間人氣食店夜晚七點幾去到都已經滿滿地座 好彩搵到兩個位 店鋪唔大 亦都冇裝潢可言 都預左搭枱 無奈要坐近廁所位 好彩冇異味影響食慾我地叫左呢度出名既炸醬腩肉米線小辣仲有個豬肚腩肉米線小辣 一上枱 就聞到好香既氣味 個湯好濃味 但其實係有成浸油係面 碗面有大量炸醬 米線份量都好多 腩肉入味 冇肥膏 唔錯炸醬配埋米線食 好好食 本身我個人唔算好食得辣 所以少辣對我黎講已經係我既極限 但佢個隻辣又好過癮 愈食愈停唔到咁 所以都忍唔住叫左個可樂飲不過女朋友個豬肚份量就相對少 但佢都滿意個炸醬米線 雖然店鋪唔顯眼 但估唔到可以提供到咁好味既米線 值得encore 不過就唔好祈望有咩服務喇

星期日晚上見冇咩人，諗住買個外賣返屋企食。掂知遇到個短髮啊姐態度極差，自問我正常速度落單，唔洗佢等我諗食咩，都有唔該前唔該後，但係佢全程都眼超超啤住我，好唔順氣，好似得罪佢全家，講野態度好唔gur咁。唔通因爲我著住黑色衫買外賣？!Anyway, 佢d米線真係好一般，唔明掂解講到佢好好食！今次係第1次食亦係最後1次。

每天都很多人排隊去吃，從早到晚都在排隊的。 一味就等於一個菜，他們建議一碗最多放5個菜，因為料很多，太多菜的話粉就會很少。 實在很能吃的可以加大的，加大的一碗夠兩個成人一起吃了，真的很真材實料又好吃！ 因為我經常吃，隨著時間我都換一下口味，這次我點的是四味（炸醬+雞翅尖+蘿蔔+貢丸），中辣。 腩肉，豬俐，豬肚都是很多人的首選峨，本身就特製煮好的，有一點點辣，辣度可選擇，但香港的辣和我們不同，很能吃辣的可以點大辣再加他店裡特制的辣椒醬，可以讓他加蔥或者不加，自由選擇。 不能吃辣的人可以試下小窩米線，那是不辣的。 但我從來都是吃酸辣米，多芽菜多酸菜，我經常會點涼拌雙拼!!木耳和皮蛋都超級好吃，很入味，蒜蓉白肉也很多人點，店裡有很多飲料，可以自己去拿，總結，米線控值得去一試！

第一次食呢一間非常之出名嘅米線 減緊肥 叫咗雞肉火腿米線小辣 最抵讚嘅係湯頭好甜又辣又香 酸酸地好正 蒜泥白肉 肉偏瘦 啱曬我呢啲減肥嘅人 味道啱啱好又酸又辣 超級符合四川風味 米線有大碗有多熱辣辣 成間舖最大嘅問題就係要等好耐等咗足足十五分鐘先有得入

食過荃灣路德圍、香車街街市幾間不同米線，今日終於可以試下呢間有名既特色米線小店。以往經過都見到大排長龍，唔知道係因為我地比較早到(大約12點正)，因此不用排隊。店面面積不大，裝修欠奉，又正正讓大家知道甚麼叫作 山不在高，有仙則靈。因為聽聞這裡的腩肉和炸醬均十分出色，所以第一次來便點了：炸醬腩肉米線(不辣)和酸菜腩肉米線。店員亦十分細心地問我地要不要走蔥，因為都真係幾多蔥。米線上有滿滿的炸醬，因為走辣，所以湯底亦顯得較清。聞上去，有濃濃的酸味。米線的軟硬則好，感覺上彈牙又不會過硬。另一碗米線則配上嚇人的紅油和份量十足的酸菜，不過酸菜真的太多，最後食到打冷震 而這碗辣度是小辣，對於平常食五小十小辣既我黎講，都唔算辣。如果中意食辣既人，未必滿足到啦。兩碗米線都有腩肉。老實講，呢度嘅腩肉其實係瘦肉，千祈唔好期望有少少肥膏。所以食落都幾鞋口，有少少失望。總括黎講，米線份量十足，湯底出色，酸度岩岩好。下次黎可以試下豬腸，望到隔離果碗都幾吸引。順帶一提，呢度只有罐裝和支裝飲品。

自問唔係米線控，不過有時兩丁友唔想下下大魚大肉，總會諗起車仔麵、米線類。唯一雲貴川風味聽就聽過好多次，但一直提唔起勁食，聞說都幾多人排隊。見時間早早地，又有荃灣友人推提議，於是一試，至於我地兩個係第一次食餐廳位於四陂坊，面積唔大，一律圓枱，預坐…最少5-6人，店員全女班，入座時都已經9成滿，跟指示坐低就得喇。作為第一次食嘅鄉里，餐牌有啲難睇，我最初以為款式係固定哂。1/2/3餸定價$38/45/52，餸菜選擇唔多，有腐竹、腩肉、雞翼、雞翼尖、火腿、炸醬、豬腸、雲吞、豬頭肉、魚蛋、紅腸、豬肉丸、貢丸、豆卜、豬肚、豬膶，酸辣同小鍋都當一餸。酸辣雞翼腩肉米 $52/少辣炸醬腩肉雲吞米 $52份量無話說，配料多，尤其係腩肉、炸醬，幾乎鋪滿成碗麵。至於酸辣當一餸，係因為酸菜量多，酸辣以酸為主，如果喜好酸野會幾高興對於我鐘意食辣黎講，就似乎係點錯餸(笑) 少辣唔夠，但又有點嗆喉。湯底油到反哂光，自問係重口味人士，都飲唔落口。雞翼兩隻，入味但過老；雲吞3粒，皮厚非常，而且餡料少腩肉本身帶少少辣，唔明顯，最主要係全瘦 全瘦…實在難啃如果鐘意食瘦肉嘅朋友應該會喜歡，但我點腩肉…都想有啲脂肪仔嘅。米線粗身