唐記包點 (港鐵葵芳站)

營業中

休息中

唐記周圍都有，包我就食得多啦，不過今次因為老媽子冇煮飯，所以我決定係我第一次試吓佢嘅飯！我同我家姐分別叫咗一個飯，一個係鹹蛋蒸肉餅飯，另一個就係北菇雞飯，價錢都只係$26！！另外我哋分別都叫咗一個包，榨菜肉包同香芋包~~~~~先講咗個飯先，一打開兩盒飯個份量比我想像中多好多！望落去仲多過佢餐單上嘅份量！所以真係好抵食，仲要價錢咁平！！我嘅鹹蛋肉餅飯個鹹蛋好香，而且肉餅唔會好鹹，加埋白飯食就一流！而家姐個北菇雞飯嘅雞好滑，配上豉油飯都相當唔錯！榨菜肉包係唐記都多人食既包，有少少辣，餡料惹味，鹹香既榨菜配上外層既包剛剛好，相信熱辣辣出爐食就更加好食！而另外一個香芋包都超級好食，微甜而且充滿芋頭泥，健康又營養，減肥都食得！果然最後唐記都冇令我失望，不過題外話原來唐記有得買凍包，只要蒸返8分鐘就同平時食開嘅一樣，仲有特別優惠！等我下次都試吓買先！

下班後好累呀 不想煮飯一出葵芳地鐵站就聞到香噴噴的包點味即刻走去排隊買返屋企食好多選擇次次都研究好耐先決定買咩口味本人買了鵪鶉燒賣$18材料新鮮 又飽滿粒粒鵪鶉又惹味燒賣熱辣辣啖啖豬肉都係$18有4粒好抵食女兒最愛的山竹牛肉$18無得彈大大粒一口都吃不完另外還叫了包點留來明天放假做早餐叉燒包 菜肉包 香菇雞包都係$7.5超多款選擇每日一款都食唔厭超級划算又方便而且還可以放係雪櫃幾日仍然好新鮮方便返工一族！

今日屋企冇人煮飯，所以去唐記買晚餐要買埋細佬嗰份，買左:1️⃣奶茶$12佢個奶茶茶味真係好香濃，用咗淡奶，飲落都好順滑，真係好有地道風味！🤩😋佢無添加人造色素同埋防腐劑㗎，純香港製造！值得一試！不過就細樽左少少😢2️⃣足料糯米雞$27呢個糯米雞我成日都食，真係好多料！😋有好入味嘅雞翼、肥瘦適中嘅叉燒、大大鹹蛋黃、冬菇同埋好多肉碎，軟綿綿嘅糯米軟糯唔糊口，好味道！😘😘3️⃣鳳爪排骨飯$27排骨軟腍，鳳爪濃味，豉油不錯，米飯🍚夠多！😛4️⃣燒賣$18燒賣上面點綴左杞子，啲肉食物味道都ok!5️⃣包點$8一個 可以買凍包！😻❄️☃️☃️最後買多兩個包，見到有沙嗲牛肉包，未食過，即刻試吓😝又買咗一個菜肉包😚我叫咗凍包，記住講咩包之前就要講話要凍包，聽日可以蒸熱再做早餐🤩

唐記包點嘅包款選擇真係好多！咸嘅有，甜嘅又有！其實最好食嘅我覺得係蕃薯包！🤤🤤🤤但.....今晚售罄😭😭😭😭😭所以就買咗個佢嘅生招牌-菜肉包👍🏽👍🏽餡份量唔少！而且入味！😋個包甜甜哋，同啲菜肉都幾夾👍🏽的確唔錯！不過，都係蕃薯包好食啲🤤

這間位於地鐵站出口的唐記包點，每天早上都人頭湧湧的，負責收銀的店員速度迅速，等了3-4分鐘便到我了。早上沒什麼胃口，只買了一個燕麥饅頭及一枝豆漿，到手時饅頭還是熱辣辣，出煙的。饅頭中有燕麥顆粒，有咬口，甜甜的包點配上一杯凍豆漿，是一簡單但滿足的早餐。

呢排搬咗新屋！最緊要就係要擺啲嘢落雪櫃啦⋯⋯由於而家變咗小倆口食飯！一般早餐都會走咗去蒸包💕唐記包點就一流啦⋯⋯原來可以買凍包！自己返屋企再慢慢蒸熟⋯⋯包包保存得耐之餘⋯⋯又可以方便儲存今次都係食我最愛嘅紅豆包同埋芝麻包！番薯包都係我嘅新寵⋯⋯首先紅豆包彈彈鬆軟的包，再配上甜甜嘅紅豆蓉！美好嘅早餐就係這麼簡單！芝麻包不會過甜～配上黑芝麻獨特的香氣！十足濃郁，令人食完一個再想食多個☺️番薯包唔單止個樣似番薯，裏面的餡料亦都非常充足！軟綿綿～濃郁番薯茸令到成個包嘅層次完全唔同😆菜肉包～除咗有豐富嘅餡料之外⋯⋯包裏面亦都有豐富的肉汁配上椰菜豬肉，營養簡直滿分啦⋯⋯正正各位其實除咗堂食都可以考慮吓外賣！同場加映叉燒包💕叉燒包呢個就係老公仔食嘅真係有原粒大大粒嘅叉燒㗎~叉燒餡料調味非常之好！鍾意食肉包嘅朋友都係一定要買

星期天屋企冇人煮飯。又唔想周圍去同人迫，最好就係買外賣。當然現在外賣平台那麼多。根本可足不出戶就享受到美食。屋企附近有唐記飽點真的好幸福。唔洗係屋企等。落街買完即刻有得食。今天買了鳳爪排骨飯。$27聲稱是熱賣食品。你試過就不難理解。從蒸籠熱辣辣的拿出，已經有很新鮮的感覺。鳳爪排骨的份量剛好，米飯充滿排骨的豬油。真的很好味。還多加了雞扎和燒賣。各$18，用料一樣十足，今天仲食唔晒d點心，可留番明天做早餐。

愈來愈多唐記, 好多時唔知食咩時就見到佢/ 想起佢, 平平地食個岩口味的中式飯 / 點心, 其實都幾好~今日食燒賣同鳳瓜排骨飯, 外賣返到屋企, 因為佢全部係用發泡膠盒裝住食物, 我就倒落大碗叮一叮熱佢食, 才發現平時一盒原來係好鬼大碗的...鳳瓜排骨飯$27; 辣辣地又惹味, 排骨的豬油蒸左落d白飯度真係特別好食, 白飯唔濕有咬口, 當一餐真係好抵食~ 大人細路都鍾意~蒸豬肉燒賣, 唔萛太肥的瘦肉, 甜又香, 不過都大粒, 食左個飯我都食唔晒4粒燒賣, 留左2粒第二朝連埋個香菇雞包做早餐, 自己在家加埋咖啡, 平靚正一日三餐之選~

唐記分店遍布全港 款式眾多 蒸包 點心 蒸飯樣樣皆有 平時都會買下包做早餐 好方便今日諗住黎買下午餐同埋儲備下之後既早餐 十二點左右到已經好多人排隊 估唔到連臘味糯米飯都有 又可以試下水準 糯米飯都幾香 味道同平時食個啲差唔多 臘味味濃 好好食 加上上面既花生就更豐富啦 一份就已經夠飽今次又買左好多款包 哈哈 每款都好鐘意 好軟熟 正叉燒包 菜肉包 餡多 啖啖肉 香菇雞包 有大大粒雞肉同香菇 好足料 雞肉好滑沙爹牛肉包比較特別 好少見到其他地方有 今次初嘗味道好好 沙嗲味好香 牛肉好入味最鐘意都係香芋包 每次必食 香芋包好香 好足料 芋頭味濃 味道甜甜地 但甜得黎又唔會太漏

呢幾日落雨天又濕又凍，總會令人有懶洋洋嘅心態，連食野都想食暖胃同飽肚感重的食物，就當呢個時候，「唐記包點」一定幫到你。今次落到去葵芳港鐵站D出口，一出轉彎就有間唐記，唔需要被雨淋， 有瓦遮頭，排隊買完就搞掂，非常方便就手。食物方面，主要飽肚為主，叫咗一個足料糯米雞，大大隻，又夠熱，裡面仲有好多餡料，豬肉及雞翼，等等。蒸包就不能缺少， 香菇雞包及菜肉包係我必定之選，食來食去都唔會轉口味。不得不提除咗蒸包之外，我亦都好鍾意食糯米卷，外面是甜甜的包面，裡面係糯米卷煙煙韌韌，非常香口。點心就叫咗鵪鶉蛋燒賣，呢個點心唔係間間點心店都有，食物水準及味道同傳統酒樓不相伯仲，有時見到都要買嚟食下。

葵芳地鐵站的「唐記包點」可說是非常受附近的上班一族歡迎。每逢上下班時段，店門外總會排了一條長長的人龍。而就在今天，筆者也成為了人龍中的一份子。廿多元的盅頭飯，飯量也是蠻多的。筆者胃部消化不太好，最怕蒸飯的飯粒會過硬。還好今天的蒸飯硬度適中，配以豉油後，尋常的白飯粒頓時變得美味。排骨肉質醃得鬆軟，豉汁鳳爪也做得頗入味。飯盒內還附有一團椰菜，即使是外食也儘量做到飲食平衡。一盅兩件，當然要有點心。十八元的鮮竹卷共有三件，包在外層的腐竹把蠔油芡汁的味道完全吸入。鮮竹卷的內餡有豬肉冬菇等，充滿肉香又有咬口。平日一向也有購買它的包點，「唐記包點」葵芳店更是有凍包提供。食客除了即時享用，也可以購買回家自行蒸熟食用。筆者最喜愛它的香芋包和奶皇包。溫暖的包點填滿甜甜餡料，吃完非常滿足。

星期日約咗朋友係葵芳行街，行到攰攰哋原本打算去飲茶食點心，但間間茶樓都勁多人等位，最終就決定去唐記買外賣點心上朋友屋企慢慢歎。下晝2點幾，唔算多人排隊，而且啲職員都好快手，唔洗點等。我哋首先叫咗香芋包同菜肉包，番到屋企個包都仲係熱辣辣，麵包皮夠鬆軟，而餡料亦都算足料。點心方面，我哋叫咗燒賣同雞扎，質素比起好多酒樓有過之而無不及。 另外我也叫咗糯米雞，朋友就叫咗鳳爪排骨飯。糯米雞有驚喜，入面竟然有嚿叉燒，估唔到呢個配搭都幾好味。如果大家想飲茶食點心又唔想同人迫嘅話，唐記係唔錯嘅選擇。

今日屋企冇煮飯，買外賣返屋企食，想要健康正氣d，一定系蒸飯啦，經過地鐵站就有的唐記包點就最方便了。蒸飯點心樣樣有，經濟實惠。唔怪得排隊買飯的人咁多了。蒸包都好多選擇，下次可以試下，今天就買蒸飯好了。咸蛋肉餅飯，厚厚的肉餅中間有粒咸蛋黃，好夠送飯，肉質新鮮，米飯的軟硬度也正合適。北菇滑雞飯，雞肉嫩滑，一d都唔鞋，健康好正氣。梅菜肉餅飯，有梅菜就特別香口，送飯一流。另外再加少少點心，鵪鶉蛋燒麥，真系滿足晒要求。方便得來又平平地，平得來又健康。

不得不佩服唐記 SOP, 在不同唐記都做到很統一，都梗有間係左近，都一定係一樣美味。作為懷舊點心之一的鵪鶉蛋燒賣，小時候常吃的鵪鶉蛋，長大後深怕膽固醇超標，所以間唔中才會吃，唐記的鶉蛋燒賣有三粒，鶉蛋與香滑的免治豬肉同咬，吃到蛋香和咸度適中的豬肉。雖說糯米雞是不健康的點心之一，糯米飯吸收了油脂的精華，配上內餡的東菇雞肉，打開嗅到荷葉香味，不知不覺就吃了整隻糯米雞。除了糯米雞，糯米卷都是我的最愛，微甜的曼頭包著糯米飯，大大隻，很是飽肚，如果要挑剔，唯有說包著糯米的包皮比例上有點厚，不過我就是喜歡食曼頭皮。

每次返工或者收工一定會係葵芳地鐵站買唐記的包點大大隻 漲卜卜而且每個包包裡面的材料 好豐富 好足料價錢實惠有各類包點 蒸飯 點心包點價錢有$5-$7.5非常平民點心均為$18蒸飯$27任均選擇還有豆漿.黑豆漿.奶茶而且人手足夠一下子就可以買到不用浪費時間適合趕車 肚子餓人士買了很多包點和豆漿留來明天做早餐一家大細都喜歡食又方便又飽肚買了菜肉包 叉燒包 香菇雞煲新鮮熱辣辣的麻拉糕寶寶最愛吃豆漿不算太甜 剛剛好一家最愛