唐記包點 (港鐵九龍灣站)

營業中

休息中

叉燒包 $7.5其實自從由唐記包點攻陷左地鐵沿線之後，每次出閘嗰陣聞到嗰陣包味🤤作為包控嘅小編梗係會頂唔順停低睇吓買咩包好，但因為嗰陣已經都差唔多七點所以都冇咩包可以揀，所以就揀咗叉燒包-先講講包嗰部份，佢同我地一般喺酒樓食嘅叉燒包係唔同嘅，酒樓嘅叉燒包會俾佢再綿滑少少，食落去入口即溶，但係唐記包點嘅外皮都夠奶味重夠甜👍🏻值得一讚-另外餡料方面就梗係大件夾抵食，入面滿滿都係叉燒，叉燒係多到我每一啖都食到叉燒，同埋佢嗰種蜜汁唔會話好鹹😏如果以呢個價錢食到咁嘅質素就絕對係執到寶-溫馨提示埋大家如果差唔多六點去到嘅話仲會有$24/4個蒸包嘅優惠，可惜嘅係因為小編太夜去到啦😭如果唔係就可以試多幾款包

如果諗唔到食咩，又趕時間，唐記飽點係好好嘅選擇。佢個包，雞雜同燒賣，好味過七仔買嘅勁多。食三個甜心， 熱辣辣，又唔算貴。選擇又多，水準同茶樓差唔多。仲要價錢實惠！

唐記包點除左蒸包包出名平, 靚, 正外, 其實原盅蒸飯亦都係不錯嘅選擇！！我係港鐵九龍灣站嗰間唐記包點買左鹹蛋肉餅飯(不顯示係正式餐牌之上, 顯示係近收銀處另外餐牌推介之上), 只售$25, 我仲買埋蒸燒賣$17, 鹹蛋肉餅飯嘅鹹蛋蒸後仲有少少流油！！都幾大個！！肉餅好厚身, 好彈口, 有嚼勁, 食落啖啖肉, 爽呀!! D飯都好硬身, 粒粒米!! 食店仲好細心！！加埋椰菜添！！下過比較生同味道不太夠！！豬肉燒賣有四大粒！！都幾好味道！！温馨提示: 如果想要多D菜, 可以在收銀處同店員提出要求！！

係—個比較凍既早上，想吃—個熱辣辣既包，點知個包—D都吾熱，好似好趕時間咁，差到爆😤😤😤之前都吾係咁樣既，愈黎愈差，我知道上班時間係比較忙，但都吾應該咁樣囉

今早在唐記包點買了件糯米卷，一攞上手就覺得好輕，望望仲好似特別 slim (見相），只厚一寸多啲，我問個售賣員點解咁細件，佢只就係咁嫁啦，莫非真的食材貴，或是想我減肥？

唐記包點一路係我早餐嘅首選，啱啱蒸起嘅菜肉包就係我嘅最愛。麵包皮好香，好鬆軟，饀料都算多，有好多菜，菜肉調味得好好，比例啱啱好。唔會覺得太鹹，一個＄7比起其他西式嘅麵包便宜得多。

唐記係我每日翻工的精神食糧無左佢真係難d捱到lunch🤷🏿‍♂️🤷🏿‍♂️每日如是 嗌翻個雞包同枝豆漿真是充滿活力呀北姑雞包其實食左唐記甘多年食過甘多款既包都係呢款雞包最樸實最深受大眾歡迎性價比黎講都係超高味道黎講以前只可以係酒樓食到宜嫁只係$7就食到甘好食既雞包雞肉飯份量多 香口多汁有時真係忍唔住收工買多幾個比家人跟住一個包作為午餐係唔太夠唔鐘意食濟我只好嗌多枝豆漿🤤真係好飲值得推薦既 又係10蚊唔洗買到甘大枝主要係佢唔太甜的同時 又唔似年糖甘甘難入口所以都幾healthy每日飲都唔怕！

剛剛去唐記九龍灣地鐵分店買野，果班阿姐唔係做野，掛住大聲傾偈，落單果個直頭轉哂身去傾，要我講三次先落到單。之後取了走人，行到去巴士站先發現少了個包，又要行回去，去到同佢講，條阿姐好似我屈佢咁，串串表情，大佬呀，你成班掛住傾偈，肯定漏左比我啦。然後先比返我⋯呢間分店D人真的不知所謂，請著呢班人簡直是幫公司倒米，希望有關管理見到此comment後正視一下。

中午時間，買左排骨飯等食物，等左十五分鐘，其間前面有個大叔起到槽，又話要轉做排骨飯，過左一輪之後，大叔轉左個飯。之後我囉果時先話無，仲要理所當然，零禮貌，原來唐記可以惡就改order，唔理後面買左飛的客，如果唔係等左咁耐，真係唔會要。最衰官網只俾網民贊好，唔接受訴訟個意見，講明唔會跟進同放留言版，叫同分店反映，即叫人下次唔好食

唐記啲包其實鬆係算幾鬆軟既，咁如果係食饅頭來講算幾好啦。但係講到食香菇雞肉包就唔係咁講喇。星期二係九龍灣上完堂肚餓，又想食啲有肉又熱既野，就諗起地鐵站有間唐記喎。香菇雞肉包好似幾吸引，就買左個來試，點知一咬落去，包勁厚，餡又少又無肉汁，講唔上係好味囉，充其量係裹腹。

唐記包點絕對會是我的學生時代回憶，以前常常邊上LECTURE，邊吃唐記。我很喜歡他的香芋包，奶皇包，叉燒包，現在投身了社會，我也依舊會買回公司吃。早上時段，位於地鐵站裹的唐記應該是最受歡迎的早餐店，很多人排隊，不過在早上的唐記人手很充足，所以也不用等很久。唐記的包比起以前細了，又加了價，一個已經不像從前吃的飽飽的，現在只是剛好。白色的包十分白軟，內𥚃的叉燒涵很多，啖啖滿足。

朝早趕住去做野，臨急臨急搵個麵包食下，以前最多都係隨便走去便利店買個冷冰冰既麵包食下，而家就唔同，近幾年好多地鐵沿線、商場都開左呢間唐記，本人覺得好正好方便，最緊要保證熱辣辣，味道十分好食，我好支持中式包點，雖然今次只係買左兩個包就走人，但其實佢地有中式點心、蒸飯都好好味，下次先再介紹，食包先菜肉包及叉燒包，我的最愛，包子大小適中，熱辣辣好好味，一定會先食菜肉包，後食叉燒包，純粹個人喜好，因為先淡味後濃味，感覺口味比較配合。叉燒包有芝麻做記認，其實佢地包子底紙都寫左，仲要唔同顏色，好容易分，我食叉燒包好怕食到一塊塊肥膏，但唐記既叉燒包係啖啖叉燒，無咩肥膏，叉燒醬比較濃味，食落味道帶甜，好好食菜肉包，是最多人買既口味，包子鬆軟，餡料大大粒，菜又夠爽口，肉又夠鮮味，整體十分好味，推介價錢只係$5-7/個，好低！快靚正早餐

難得假日瞓晏少少,一起身已經10點幾,落街搵下野食, 但發覺所有餐廳早餐時間已過..咁啱經過唐記, 突然想食點心, 所以就決定買黎試下燒賣 - 豬肉燒賣黎既, 幾好食鮮竹卷 - 腐皮夠爽滑, 唔會一pat pat, 一個人食晒三條山竹牛肉 - 同茶樓食到既冇分別, 有驚喜, 好味道鳳爪 - 黏左少少, 但都ok叉燒包 - 好味, 唔會話買到返黎濕漉漉, 即刻襯熱食肯定仲好食

收工太攰了，係九龍灣買左個飯盒返屋企食算，幸運地俾我遇上唐記。外賣算快，眼見好多等緊，但我不到五分鐘就已經可以拎外賣了我至愛嘅雞飯唐記真係可以話做點心同蒸飯做得唔錯，雞肉嘅顏色雖然好淺色，但係味道相當入味，肉質亦都好軟綿綿，食完一啖又一啖，拎到返屋企d飯都仲熱熱地，好滿足！

唔想煮飯！啱啱經過九龍灣地鐵站！見到有唐記包點！把心一想！不如外賣飯盒！不想煮飯！要做懶人！於是，我就買了鹹魚肉餅飯！估不到鹹魚味道非常好 ！不太鹹！鹹魚既質地幾結實！肉餅又有鹹魚味！令我把全盒飯都食哂了！原來雞什既料很足！腐皮包著一塊很粉既芋頭 ，一塊豬皮，一塊雞！真係頂瓜瓜