唐記包點 (港鐵九龍灣站)

佢個小食拼盤ok呀, 有時又唔想食飯, 只係想食少少嘢, 呢個都係一個好嘅選擇嚟嘅因為佢又有燒賣啦腸粉同魚蛋, 佢會畀埋花生醬同甜醬你, 加埋一齊就充滿咗港式嘅味道, 食完都幾滿足下😁$24 小食拼盤 ok 啦…查看更多

老公約咗朋友，今日又晏咗收工，得自已一個食飯，打算食埋先返屋企，途中經過唐記包點，見鳳爪排骨飯好似好吸引，就決定買外賣回家吃，見到有好多款式選擇，蒸飯都有幾款揀，還有點心、飽類、湯品等；但一個人食，只買了鳳爪排骨飯和一盒3件蒸粉果！打開飯盒，好大盒飯餸，有菜有肉都算健康！鳳爪食落好腍好入味，排骨都唔錯，鳳爪排骨的汁落咗入飯度，好好味，因為係蒸飯，所以飯好爽口，有粒粒飯香味；仲有蒸粉果和韮菜餃一樣好食，食咗兩樣嘢，比我預期中好，飯和粉果加埋都係40幾元，真心抵食的！…查看更多

早上11:38 我撘車前諗住買個包 我排隊等嘅時候 前面兩位小姐要乜冇乜 到我嘅時候 我要兩個榨菜肉包 落單，阿姐同執包嘅阿姐 完全冇溝通 喺客人點嘢嘅時候先話呢樣冇嗰樣冇 點單先問有冇 我話佢五好掛住講嘢 仲要駁嘴話問緊邊樣冇 開門已經成11點幾 重要樣樣都冇已經係一個問題 你哋嘅員工仲要理直氣壯喺度講話自己冇問題 真係好深感受…查看更多

由中學個時已經開始食 佢啲點心包點真係無變過！一直都保持到水準呀！最鐘意食唐記嘅素包，蕃薯包最為出色👍🏻👍🏻👍🏻其次就係香芋包 真係食極都唔厭😋😋燒賣又相當不錯！稱得上平 靚 正！…查看更多

今日做嘢做到好忙，去餐廳食午餐嘅時間都冇，經過唐記就買咗個外賣翻做午餐🥣今次食咗紅酒排骨飯，啲料都幾足，鳳爪有兩隻，排骨都有幾舊，快速午餐算係咁，食到飽飽又開工…查看更多

唐記嘅包由一開始開店食到衣家平時都好鍾意係唔同分店買來食整體來講都好食，而且價錢都算抵雖然已經加左價今日去咗九龍灣地鐵站分店買佐個饅頭買完企係旁邊等叫攞入面有兩個職員，一個入好個包係袋之後交比另一個職員攞比客我正正企係攞包職員面前我見入面個職員將個饅頭跌佐係地下跟住執返個饅頭直接比另一個職員比我我完全見到呢個過程，而且職員都見到我見到呢一幕，但衣然比我，我真係0曬咀，我立即要求一個比我，當然最後職員有換一個比我，但我相信佢一定將呢個跌咗地下嘅饅頭比下一個客人，因為佢明明見到我見到呢－幕但職員都仲可以將呢個跌咗係地下既饅頭俾我，你哋係做飲食行業…查看更多

岩岩放工，經過當然係忍唔住要買反少少野落肚啦！依家出左個$33嘅雙拼盅頭飯，我覺得超抵，因為可以有多個選擇，一次食到唔同嘅味道，冇咁單調。希望之後都會有啦！！牛肉球係我嘅首選，因為牛真係醃得好入味，味道好濃郁，仲有買咗個牛肉球，味道都係相當唔錯，每次食都唔會失望。今次好好彩去到9:30都仲有好多可以選擇，唔太多人，平時都可能都冇乜款揀，加上價錢利講都唔係話太貴，有時燒賣或者牛肚可以當係小食咁樣食都可以！…查看更多

建議： 襯熱食個餡會軟身啲， 如果外賣，記得要打開個袋。避免熱氣倒流，整濕個包 😌#試伏專員 S君話餓，甘岩路經唐記就順手試埋新出既煉奶蘋果流心包😜 1月初出，仲要係一個月限定，到二月就無 (好似黎緊又出新限定 — 角落生物。今次試左：雀巢鷹嘜煉奶x唐記包點煉奶蘋果流心包 (HK$7.5)一開始以為會好伏，不過試左之後發現整體黎講算唔錯。蘋果+煉奶既味道都算係match，但係個餡睇落就唔係好吸引。雖然話係煉奶，但係唔會過甜。就好似食緊饅頭點煉奶，而入面又有少少蘋果粒。睇番個簡介，原來個餡係用比利時蘋果加日本青森完熟100%蘋果汁調配🍎如果有啲餓又想食甜野，依個包都係唔錯既選擇😌再講下個包裝，外包裝紙幾靚，今次同上次Melody 包唔同，依個蘋果流心包係熱包，所以建議即食，應該會流心啲🙈…查看更多

早餐買咗個白饅頭同菜肉包。一個都唔使十蚊抵到爛。菜肉包都幾足料， 唔會話得啲包皮冇餸， 啲肉同菜都好鮮味。 饅頭都幾大個逗號幾鬆軟；五蚊個平靚正！ 之後都想試下其他包，有十幾款可以揀。…查看更多

日日都無大半既包款～得5款咁比人選擇咁～叫飯又等得耐～昨日叫點心一款有一款無啲員工講都唔講～淨係喺道等～等成10分鐘先同我講話未有～個個一早都趕時間反工～搞到遲到又食唔到想食既嘢～都唔知點做生意架～～…查看更多

今晚屋企突然有事冇飯開要食自己😔而我嘅首選就緊係係就近嘅唐記鳳爪排骨飯真係平、靚、正可能放工時間都比較多人排隊，但姐姐手腳都好快，等咗太約5分鐘左右。唔知係咪好耐冇食關係，覺得好似比以前好食咗好多，又或者可能我太肚餓啦😆 飯嘅份量都唔算太少，有2隻鳳爪排骨都有4-5粒咁嘅價錢真係覺得好抵食，食完都覺得有飽肚感。我個人好鍾意佢哋d飯係用瓦盤蒸完先入飯盒，d飯會新鮮d好食好多， 飯嘅口感軟硬適中唔會好 淋。…查看更多

收工經過唐記想買個菜肉包食，點知姐姐話賣曬，問我melody版要唔要，貴5毛，哈哈。外面嗰張melody紙好得意牙打開張紙，成個包都係粉紅色，依5毛都幾抵喎，有驚喜。包嘅餡料一樣，無特別，但賣相比起普通菜肉包吸引好多…查看更多

唐記啲包不嬲都有水準，絕對係好好嘅早餐選擇，有時放假都會去買來自己蒸來食，又平又夠料。係社交平台見到佢廣告同Lipton 合作出奶茶包成班同事已經即刻話好想試之前出嘅阿華田包都有試都係好好味奶茶包試過一次已經上癮個個禮拜都要食一次先夠😂有茶味又唔甜又平！不過要小心啲流心真係好水質我第一次食到成手都係😂😂😂近排見到佢出埋珍珠奶茶味，又係即刻要試留意到原來佢有印杯奶茶係包面度，好得意❤入面都幾多珍珠，奶茶依然有好香茶味珍珠都算好食，比好多珍珠奶茶舖啲珍珠仲好食😂希望尼個奶茶味嘅包唔係adhoc，希望長期都有啦…查看更多

之前喺附近返工，久唔久都會幫襯唐記包點嘅鳳爪排骨飯外賣攞走返公司食。 最近 Home Office多, 好少出街食飯，今日經過唐記，見到熟悉嘅鳳爪排骨飯, 忍唔住買咗個返屋企做晚餐。材料份量不少，有鳳爪兩隻，排骨六至八粒左右。 排骨主要係豉汁蒸排骨嘅味道，簡簡單單又好味。 鳳爪都整得唔錯，喺酒樓嘅䜴汁蒸鳳瓜的味道。啲飯份量都好多，起碼有一碗半，加埋甜豉油好正！里餐可以話係又平又抵食又滿足！我會keep住幫襯唐記的！…查看更多

好耐都冇食過佢嘅包啦，今日經過就決定食返佢個香芋包，其實之前已經食過㗎啦，不過太耐冇食所以想食返，新鮮熱辣辣嘅麵包係最好味嘅，入面嘅香芋餡都係熱辣辣，好香嘅香芋味，不過如果餡料再多啲就好啦，都見到佢嘅香芋餡係比較少，好似比以往少咗？不過味道同埋軟硬度係適中，呢度嘅職員勝在效率夠快唔使排好耐隊，所以熱辣辣嘅麵包好快就有已經有得食呀，雖然我知道唐記包點一直都會喺有價格微調，加價係可以的，不過質素同埋餡料係應該要高返同埋多番少少，咁樣就合理。…查看更多