唂咕

營業中

休息中

全間舖淨係賣朱古力，但就有十幾款朱古力可以揀，都可以揀熱或者凍🥤貓頭鷹主題都幾得意，拉花都係貓頭鷹公仔🦉100%純可可奶 熱$55 凍$58採用嚟自非洲西部嘅純可可豆，無糖，可以揀奶底，有全脂奶、燕麥奶、杏仁奶同椰子奶揀，我覺得燕麥奶就一定係不二之選，又健康，又幼滑，又有豆香。純可可飲落去係真係好濃郁，啱哂朱古力忠實fans焙茶朱古力 熱$65 凍$68採用嚟自比利時嘅黑朱古力，焙茶係嚟自日本小山園，十分推介呢個配搭，朱古力濃郁得黎，焙茶味都好突出，味道有層次得黎易入口過純可可紅色嘅店舖牆身好搶眼

灣仔Cucooland.味道：7/10🌟抵食：7/10🌟環境：7/10🌟.可可愛好者不能錯過的小店🍫小編都bookmark咗呢間一段時間，今日去銅鑼灣行街就決定試下😋最簡單嘅cocoa milk base（$58）可可味非常濃郁，因為冇添加糖，慢慢飲會覺得好香口🥰如果怕苦，都可以嘗試hojicha chocolate（$68）🥤呢杯因為襯埋培茶有兩種香氣，味道都唔會咁苦👍🏻另外餐廳仲送咗2張$10下次用🤔等天涼啲可以試埋熱可可☕️.#香港 #食評 #foodie #食好西 #香港好去處 #拍拖好去處 #香港美食 #打卡 #外賣自取 #香港美食 #灣仔 #唂咕 #朱古力飲品 #純可可 #黑朱古力 #purecocoa #CUCOOLAND

鍾意朱古力🍫嘅我，點可以錯過呢間主打純可可飲品🥤店🤎🩶 位於灣仔皇后大道東小巷入面，紅色嘅門面好容易搵到，以貓頭鷹🦉為特色標誌，招牌同舖面裝飾都可以搵到貓頭鷹🦉❣️開心果可可🥤飲品上有可愛嘅貓頭鷹🦉圖案，灑上開心果💚飲嘅時候，仲可以食到粒粒開心果，呢杯係無添加任何糖，可可味道濃郁，熱飲令可可味更突出。伯爵茶朱古力🥤充滿黑朱古力嘅香味，配搭伯爵茶味，成杯飲品好濃郁香醇，可根據個人喜好揀一款奶，分別有「全脂奶、燕麥奶，杏仁奶，椰奶」。除咗主打嘅可可飲品之外，仲有黑朱古力、特色黑朱古力、可可茶、咖啡，鍾意飲朱古力嘅朋友一定要黎試下啦🤎 「每日飲可可 壓力遠離我」 ❤️

᪥就在灣仔的街頭看到這間專門售賣朱古力飲品小店，被紅色的吸引，走過去看看，原來這裡售賣100%純可可飲品，他們有各款零糖純可可飲品，也有各式可可咖啡，還有特色黑朱古力，可可茶等，無論是乳糖不耐症，或是不喜歡甜的，可來試嚇這這裡的飲品。᪥Cocoa milk base 味道香濃可可朱古力，100%純可可，奶底可以選擇，有杏仁奶、燕麥奶，椰子奶和全脂奶。我選擇了平日喜歡飲的燕麥奶，除了朱古力味有燕麥的味道，感覺更健康。᪥另一杯pistachio dark chocolate,熱飲杯裝上鋪上朱古力貓頭鷹嘜頭，加了一點開心果。開心果奶底也很清甜。᪥現在還有印花卡和優惠券贈送，印花卡每七杯送一杯，$10優惠券可以下次使用呢！

今次約左朋友黎灣仔呢邊行下，經過呢間位朱古力飲品專門店，就岩曬鍾意飲朱古力既我🍫Cocoa Milk Base 純可可（$58）呢杯純可可可以選擇全脂奶，燕麥奶，杏仁奶或者椰奶，我朋友因為對牛奶過敏，所以就揀咗燕麥奶，燕麥奶唔會搶咗可可嘅味，又有淡淡的燕麥味，可可好濃郁😋開心果可可（$75）我自己就揀咗呢期大熱嘅開心果配搭我呢杯可可，一入口已經飲到開心果嘅味，口感亦好絲滑，仲食到少少開心果碎呢😍呢間貓頭鷹作為主題嘅可可店絕對滿足到朱古力愛好者，特別佢個開心果味真係令我好深刻，而家仲有印花卡同埋現金券送，幾抵飲😆

依間嘅朱古力真係好高質，大家都可以試吓，而家仲有專屬會員福利同埋優惠券🤩 朱古力堅果奶這款飲品真是讓人心動的選擇之一！它融合了濃郁的朱古力奶，微苦的味道與奶香交融，讓每一口都充滿層次感。在口感方面，這款堅果奶十分順滑，流淌於舌尖的瞬間令人感到愉悅。😍😍😍 而且，仲要唔會額外落糖㗎，真係可以飲多幾杯都得，完全冇任何罪疚感！🤨🤨🤩 開心果黑朱古力開心果的加入不僅增添了香脆的口感，還帶來了一絲獨特的香味，讓整體風味更為豐富🥹🥹。這種搭配讓人忍不住一口接著一口，完全停不下來！如果你也是朱古力的摯愛，這兩款飲品絕對值得一試！❤️

門面細細嘅店鋪 竟然有咁多款可可同朱古力飲品呢度無論可可定朱古力 都有4款奶俾你揀🥛鮮奶 🥛燕麥奶 🥛杏仁奶 🥛椰子奶🖤BLACK SESAME COCOA (C $68)黑芝麻可可 揀咗燕麥奶因為我超鐘意黑芝麻 所以對眼淨係見到呢3個字無留意原來100%純可可係無糖嘅黑芝麻同可可嘅味都好濃郁 但大家都唔會遮蓋到對方嘅味道 我無飲開齋啡或無糖飲品 初頭飲落係有少少唔慣嘅 但其實整得好出色！非常之真材實料！🤎COCOA MILK BASE ( C $58)呢杯係原味可可 揀咗燕麥奶朋友就飲開齋啡 對佢嚟講無糖係無問題我都試咗啖 少咗黑芝麻相對無咁結身同埋奶味會出D除咗可可同朱古力 仲有可可茶同咖啡店員仲送咗兩張$10 Coupon同一張印仔卡俾我 印仔卡儲買滿七杯就送一杯有Coupon真係岩曬 下次可以試朱古力 濃郁有糖嘅黑朱古力 諗落都已經覺得好正！

今日約左人食飯又未夠鐘，經過見 到CUCOOLAND專賣可可飲品，即刻買返杯凍飲消下暑先。★Pure cocoa $58100%純可可無糖，仲有四種奶可以選擇,包 括whole milk、oat milk、almond milk、 coconut milk,今次試咗coconut milk, 朱古力再配椰奶原來好夾，而且朱古力濃郁，順滑。★榛子朱古力用榛子沖成,朋友揀左whole milk，朱古力配榛子的確係最好嘅配搭。嗒咕（灣仔）灣仔皇后大道東136號地下D號舖

作為灣仔之友上星期同仔仔路過🌟Cucooland🌟見到朱古力好吸引🤩梗係一人買番一杯啦😆我就叫咗一杯純可可(無糖)奶佢哋仲有唔同種類嘅奶俾你選擇包括Whole milk, oat milk, almond milk同coconut milk 🥛 可可味道好香濃🍫味道同口感真係同其他朱古力飲品好唔同👍🏻仔仔就揀咗榛子朱古力🍫味道比我嗰杯甜啱哂佢口味👍🏻口感飲落去亦都好順滑除咗朱古力飲品佢哋仲有可可粉可以買番屋企慢慢沖嚟飲🤩

因為有買一☕送一☕優惠, 所以試一試。☕☕很好 很好 😍😍店員非常細心 (…慢工出細貨)款式多之餘仲可以揀 oak, almond, coconut milk真係估唔到店鋪細細, 但做出非一般cocodrink

星期一又係為自己打打氣嘅時候同朋友食完飯 又咁曬咁熱想飲凍嘢 又唔想飲廢水即刻諗起老地方朋友仔未飲過 當然要介紹佢飲啦🥥Cocoa Milk Base揀咗要椰奶 無搶到可可嘅味道飲落好滑同厚身 香濃可可味唔甜 飲落覺得健康 絕對唔邪惡 😈☕️焙茶朱古力🍫呢杯就要全脂奶好香嘅焙茶味 面頭仲有啲朱古力碎粒茶味再加朱古力幾match 唔會搶咗大家嘅味焙茶控must try而家買嘢飲就有優惠卷同印仔卡吸夠7個印仔有一杯免費 🆓️之前已經儲齊過一張 而家當然要再接再厲💪仲可以買到佢哋嘅可可粉喺屋企都可以自己沖嚟飲喇 😌

之前成日介紹港島美食，今次就介紹港島一間專賣「可可」飲品嘅外賣店！就係「唂咕 Cucooland」啦！無論鍾意飲可可，定係鍾意飲朱古力嘅你，一定唔可以錯過！因為有啲朋友鍾意飲朱古力但又怕甜，咁嚟唂咕就好啱啦！因為唂咕呢到係有「純可可」100% Pure cocoa (No sugar)！仲有唔同嘅選擇，可以係橙味可可，黑芝麻可可。而我哋就揀咗 #純可可奶，奶方面仲有4款奶可選，全脂牛奶/燕麥奶/杏仁奶/椰奶。我哋揀咗全脂牛奶，熱飲，成杯嘢係好香可可味，係完全飲唔到甜味，真正享受純可可嘅味道。而當然仲有啲係有糖嘅可可飲品啦！我哋就揀咗 #特式黑朱古力 配 #杏仁蔓越莓，奶都係揀全脂奶，凍飲，真係估唔到又好夾，好好飲！另外，佢哋仲有 #黑朱古力、#可可茶 等等⋯總結：適合鍾意飲甜味可可嘅你，或者鍾諗飲純可可嘅你，佢哋仲有印仔卡可以儲印添㗎！

和阿女經過大王東街，諗住去某酒店同佢食生日飯🎂，途中見到有間賣朱古力🍫飲品嘅專門店，望落幾吸引，等DuckGor 同阿女去試下先😆。店舖裝置以紅色🔴白色⚪️為主，非常搶眼😍。 另外店舖放咗啲貓頭鷹🦉飾物，可愛又得意🥰。黑芝麻朱古力(H) $65100%純可可🍫，所以朱古力味特別濃郁，但芝麻味亦唔舒蝕，兩者味道出奇地夾，而且由於完全無糖，只品嚐到朱古力同黑芝麻嘅原味😋。開心果黑朱古力(H) $72DuckGor🦆係開心果控，梗係叫返杯開心果黑朱古力🍫嚟試下，開心果味道濃郁，朱古力🍫同樣又香又濃，但就唔會互相蓋過大家嘅味道🤤。而家買純朱古力粉2️⃣包，即刻送多包俾大家，阿女開心到飛起，因為可以自己係屋企DIY😍。

追求健康年代，大家都會注重返食物中選取食材主打純可可黑朱古力飲品以外賣為主，可可豆本身益處多，仲可以保護心血管同減壓💪🏻A cocoa a day, to keep stress away💫佢有5類朱古力飲品有純可可，黑朱古力，特色朱古力，朱古力茶同咖啡奶亦有幾款選擇：椰子奶，杏仁奶，全脂奶，仲有燕麥奶🥛cocoa milk base（100%無糖純可可）$55無添加糖唔甜更突顯可可嘅香，呢度係少有唔使加錢都可以轉植物奶，我就揀咗oat milk🥛用上純天然朱古力感覺健康啲唔會好甜，口感細膩濃郁😋pistachio dark chocolate $72用開心果奶沖泡，喺面頭灑上開心果，靚靚之餘開心果香氣撲鼻，亦因為用上Dark Chocolate味道唔會好甜👍🏻依家凡惠有優惠券同印仔卡，吸引下次又嚟買返杯🥤

典型嘅人馬座最鍾意試新嘢😬今日喺灣仔見到有間新開嘅朱古力飲品店。佢淨係做朱古力類飲品。但其中搭配就有多種選擇。朱古力可以溝鮮奶，仲有燕麥奶、椰奶、杏仁奶。我試咗兩隻口味。薰衣草凍朱古力 & 純可可無糖朱古力。第一杯——薰衣草凍朱古力。呢杯飲品帶有淡淡嘅薰衣草香氣，搭配濃郁朱古力味，味道非常獨特。雖然甜度較低，但正好適合唔太鍾意太甜飲品嘅朋友。薰衣草不單止增添咗風味，仲有助放鬆心情，對於壓力大，或者夜晚瞓得唔好嘅人嚟講，無疑係一個好選擇。第二杯——純可可無糖朱古力溝Coconut milk，呢杯飲品同樣濃郁，採用純可可製作，味道非常純正。無糖選擇令到整體味道更加突出，Coconut milk則增添咗一絲椰香，口感滑順，令人一試成主顧。無糖飲品對於想控制糖分攝取或者對糖敏感嘅朋友來講，絕對係首選！兩杯都各有特色，無論係想享受香氣四溢嘅薰衣草凍朱古力，定係濃郁純可可嘅無糖朱古力，都有唔同嘅味覺享受。無論你係朱古力愛好者，定係想試下新口味，呢兩杯都值得一試！