哈欠

營業中

休息中

不久前才發現屋企附近有間文青Cafe要知道在長沙灣能夠有Cafe，實在係買少見少我們大概晚上8:45 才到，不用等位。因為太遲才到的關係，咖啡沒有了，牛扒都沒有了，想飲咖啡的朋友一定唔可以太遲來。最後我們點了大阪燒香酥雞扒配牛角包窩夫及涼拌麻麻雞絲貝果配蕃薯條，飲品方面，就只好飲水了...大阪燒香酥雞扒配牛角包窩夫香酥雞扒十分大塊，而且肉質好嫰好juicy。而牛角包窩夫更加驚喜，由牛角包壓成的窩夫配上酸酸甜甜的大阪燒汁，味道出奇地好食。涼拌麻麻雞絲貝果配蕃薯條用Bagel夾住麻辣雞絲，感覺十分新鮮，不過略為辣左少少，而蕃薯條好香脆，一食就唔停口。總結來說，食物質素有驚喜，價錢亦合理，為了試一試咖啡，我一定會再來。

今日下午同男朋友帶咗兩隻貓嚟呢間新開嘅寵物友善餐廳，一入到去店員見到我哋帶着寵物，就帶咗我哋去另一個區域。呢度係分開咗寵物區同埋非寵物區今次試咗大阪燒香酥雞扒配牛角酥窩夫（$88）泡菜大蝦芝士奶油扁意粉（$78）蒜香煙肉芥末芝士薯角（$68）同埋抹茶豆腐花奶（$48）～全部食物都賣相同味道兼備，特別係個薯角，好脆啲醬又好味，我唔鍾意食芥末都覺得好食😋👍🏻又多一個選擇俾大家帶主子去玩啦～不過如果想週末去，最好打電話訂位先，因為都幾爆㗎😬

早排平日下午去食飯，新位置比較偏僻啲，不過場地大咗，仲特別係近門口劃咗一間房專比毛孩和奴才一齊食，好貼心❤️ 可惜我當日錯過咗午餐時段，享受不到午餐優惠🥺 不過算啦，嗰日坐低咗，點完餐後，有幸短暫遇見貓店長🍀🧇 大阪燒香酥雞扒配牛角包窩夫 (HK$88)．上面鋪咗好多柴魚片和脆紫菜絲，在熱氣上郁吓郁吓好療癒．雞扒好厚，外皮香脆，肉質酥軟多汁，配濃味的大阪燒醬和蛋黃醬一齊食好美味😋．牛角包窩夫好大塊，滿牛油味，好酥脆．店員提供的貓咪刀好可愛🍹 抹茶椰椰拿鐵 (HK$48)．由抹茶綠到淺綠到啡色的漸層效果，好靚呀．濃郁的抹茶和清甜的椰子味，帶有少少咖啡味，味道幾好

長沙灣新開cafe 今日第一次去試店舖size還可以，侍應都是幾個年輕人叫左壽喜燒滷肉飯，韓式麵豉醬蜆肉意粉壽喜燒滷肉飯幾好食，只是份量較少，未食到有壽喜燒味韓式麵豉醬蜆肉意粉，有少少辣，蜆肉及意粉入味，所以整體不錯，推薦👍🏻只是飲品用紙杯上，及餐具是即棄膠匙羹叉，感覺不是這麼好。叫了熱mocha，不苦有朱古力味，推薦不錯👍🏻 整體環境及食物不錯，但是未能接受用紙杯及即棄餐具…..不太環保，但是見到隔離客人有一些是使用鐵餐具的，不能理解是餐具不足還是不想洗杯及餐具。

最近大熱嘅^吹欠Cafe^我哋終於嚟到喇🥳🥳餐廳走日系風格 雖然我哋係晚餐時段但餐廳光線好充足光猛整體感覺簡潔乾淨舒服餐廳區分左一個獨立空間是寵物友善🥰🥰仲可以關門以防狗狗走失職員超級友善 真的Pet friendly晚餐時段沒有Dinner Set 都是散叫的我哋分別叫左💜洋蔥燒汁西冷牛扒配蕃薯條牛扒熟度剛剛好 大約7成 唔會韌 因為有洋蔥加持 所以燒汁是甜甜的味道剛好 連粒爸唔食甜點都覺得好味更特別的是配蕃薯條 健康啲～💜大阪燒香酥雞扒配牛角包窩夫雞扒皮煎得好脆 食落又唔會好多油雞肉仲好juicy 配埋蛋黃醬好味初初見到得一塊牛角包窩夫以為唔夠食但兩個人share原來啱啱好窩夫配左大阪燒醬同蛋黃醬 味道好夾💜清爽爆氣蘋果 是正常蘋果汁 沒有太多氣泡 但蘋果好好食我哋食食下仲發現了原來每個坐位下都有插蘇位 好貼心啊不論環境和食物性價比都好高仲要係超級pet friendly粒媽已經幫朋友即時book了過兩星期又再嚟喇🤭🤭

長沙灣新開的一家寵物友善Cafe，它的環境溫馨舒適，有少許植物和木質傢具，音樂也很柔和，可以讓人放鬆心情。除此之外，這家Cafe還特別為顧客的寵物提供了一個區域，讓顧客可以和寵物一起享受用膳時光。此外，這家Cafe位於福榮街，交通方便，周圍還有很多商店和便利店，食完仲可以去行吓街。嘢食方面包括雞扒窩夫和忌廉薯角。雞扒窩夫用了多汁的雞胸肉和香脆的窩夫，再加上一些特製醬汁。忌廉薯角則炸得香脆，搭配美味的忌廉醬，肥仔嘢永遠好食。

朋友介紹我黎到位於長沙灣嘅寵物友善嘅餐廳—哈欠😽😽。今次體驗真係好好，令我覺得只要寵物開心，做主人嘅帶佢上山下海都無問題😽😽一開始見到店舖外形，以白色、木色為主調，內部裝修簡潔、清新，亦分左寵物有善區域及普通食客區域，令狗狗可以安心放繩係該區域行走。寵物區域，更以大玻璃為主體，陽光透射落黎，真係好舒服；普通食客區域以木調及黃燈為主配搭，氣氛和諧。而且，店員好細心講解餐單上有咩受歡迎嘅食物，最後我揀左大阪燒香酥雞扒配牛角包窩夫（$88）、泡菜大蝦芝士奶油扁意粉（$78）、百香果桂花茶（$48）及mocha coconut latte ($48)。食物上雞扒配牛角包窩夫有驚喜，雞扒鬆軟配以鬆脆牛角包好夾，同朋友仔share食就岩岩好；意粉辣辣地配奶油芝士中和返啲味道，可以試👍 飲左mocha latte ，外觀漸變式好靚，飲落去mocha 同椰子味唔會好搶，飲到椰味，飲到底有mocha 濃味😗😗最後，原來狗狗都有野食㗎，不過的的對肉敏感，食唔到。只可以流晒口水望住個我地食啦。總結：如果有寵物嘅你，可以帶你寶貝去行行走走，感受下鬧市中的平靜❤️

#petfriendly 週末晚餐時間黎到，雖然無訂座但唔需要等位 餐廳環境寬敞，畫分寵物同非寵物既進食區。晚上時間好岩同朋友黎聚會傾計店員好友善，亦好歡迎寵物～ 有咩需要都好快幫忙——-｜韓式味噌麵豉蜆肉湯扁意粉 $88好多蜆肉，食極都有｜雲朵咖喱海鮮烏冬 $108啲海鮮都唔錯，魷魚圈唔韌｜Matcha Coconut Latte $48 飲落有齊咁多元素，幾特別但唔係好夾｜Oreo Latte $48Oreo味唔太重

上次路過見到就試左杯飲品今次專程帶埋🐶🐶來試埋其他食物《哈欠》餐牌會照顧毛孩及素食人仕星期六真係好爆～沒有訂位好彩有客人提早埋單下次都係訂位會比較好食店都係用手提電話點餐的有間房專為毛孩而設Latte（cold) @42 細細杯都好好味香橙冰抹茶@42 好香橙味蘑菇漢堡（素食）@68原來係用蘑菇做包～內有好大塊蕃茄、cheese 及沙律菜，最特別係薯條好似用南瓜/蕃薯來做，好清新網上見評語話《必食》不防試試桂花糖脆雞翼@68甜甜地加埋桂花味，雞翼又炸得脆脆地真係好好味

位於深水埗嘅「哈欠」終於係長沙灣重開，同樣寵物友善，地鐵站口行兩分鐘到，主子同奴才又有新地方打卡🥴 裝潢小清新，坐位有乾花睇落好靚，但食完會痴到周身係😵‍💫🤣 體貼位在於寵物區會分開，怕狗仔嘅都食得安心👍🏻 《 大阪燒香酥雞排配牛角包窩夫 🧇》 $88 5 / 5 🌟🌟🌟🌟🌟雞排皮脆肉嫩😍 大阪燒嘅醬汁令到肉嘅味道更加惹味有層次，重點推介佢個牛角包窩夫！質地似手抓餅果種酥皮，香口得黎又索到雞排嘅肉汁，係呢道菜嘅加分位🌟《 洋蔥燒汁西冷牛扒配番薯條 🥩 》 $138 4.5 / 5爽脆香甜嘅洋蔥中和燒汁，令汁醬更有鮮味同焦香😋 半生熟西冷牛扒肉色粉嫩，口感實淨有咬口🤤 番薯條偏硬身但整體不俗👍🏻《 𝘖𝘳𝘦𝘰 𝘓𝘢𝘵𝘵𝘦 》 $48 3.5 / 5𝘓𝘢𝘵𝘵𝘦本身唔加𝘖𝘳𝘦𝘰都偏甜，啡味唔算突出🤏 但賣相幾得意👍🏻———————————————🏠環境舒適度：💛💛💛💛👅舔脷回頭度：💛💛💛💛📸打卡able度：💛💛💛💛🙇🏻‍♀️服務滿意度 ：💛💛💛———————————————

下午兩點幾長沙灣好多cafe 都中場休息， 上網搵到呢間新新地cafe, 於是試試。場內空間闊落， 裝修簡潔， 另有空間比寵物主人共膳。兩人點左：韓式味噌麵豉蜆肉湯扁意粉：有啲似辛辣麵味， 蜆都唔少， 味道唔錯。甘筍汁牛肋條飯：牛肋條夠腍入味，配菜蘋果甘筍，唔錯。蒜香煙肉蜜糖芥末薯角： 香脆薯角掛醬蜜糖芥末，比薯條更美味👍🏻清爽爆氣蘋果： 蜜糖底加蘋果乾同新鮮蘋果片再加梳打， 配搭唔錯👍🏻抹茶椰椰拿鐵： 細杯左d, 味道都正常。

搬了新店比起深水埗那時大了很多 裝修也很舒服 是一間歡迎毛孩的咖啡店 舊址是教主拍MV的地點 吸引不少人來打卡 店內也有一隻小貓咪走來走去 肥嘟嘟的 很可愛(´>∀<｀)ゝ▫️涼拌麻麻雞絲bagel🐓 |$78↬ 椒麻雞絲的份量一點也不吝嗇 即使有青瓜絲同生菜墊底 辣油都已滲入了貝果體 入口先是一股辣勁 麻道慢慢滲出 但很微弱 個人認為可以更麻 更惹味原味貝果體彈性十足 不是紮實型的 只有表面薄薄一層有微拉扯感 質感偏向麵包 吃下去很軟熟 隨之而來是麵粉的味道 但香氣欠奉 這令人有點失望蕃薯條反而非常出色 炸得外脆內軟 甜甜蜜蜜的味道好幸福▫️韓式味噌麵豉蜆肉湯扁意粉🍝|$88↬ 味噌麵豉汁帶辣勁 而且是會愈吃愈辣 果然是韓式的辣度 扁意粉口感偏向硬身 蜆肉也有十多隻 鮮甜沒有沙 性價比高▫️伯爵茶麻糬蛋糕🍰|$68 (跟餐$38)↬ 店內只有生酮蛋糕 就點來試一試 伯爵茶味香濃 可是蛋糕體應該是用了杏仁粉製作 口感偏實同乾 麻糬亦同樣 而且好小一塊 還是凡人蛋糕合我心意 跟餐可以一試 單點稍貴 有點不值𓌉◯𓇋舔舔脷指數: 6.2/10✨ 可以一試

上年已經去過哈欠呢間文青cafe😚最近竟然見到佢地係長沙灣開新店💪🏻 諗返起都仲回味緊佢地嘅蜜脆雞翼👅 所以一見到就即刻book 位 收工過去叉叉電💪🏻新店同舊店一樣 都係主打舒適慵懶嘅感覺💤 唔同嘅係店舖面積比以前更大😝 仲加左好多打卡位🤩空間多左 裝修靚左🥳 食物仲同以前一樣咁好食添🤤👉🏻 桂花糖脆雞翼💰HKD 6️⃣8️⃣呢款雞翼簡直係哈欠嘅招牌菜👅 上年黎嘅時候已經一試難忘😝 今日再食依然保持水準👍 香脆嘅雞翼配上桂花蜜糖🍯 好食之餘仲可以中和油膩感😝👉🏻 大阪燒香酥雞扒配牛角包窩夫💰HKD 8️⃣8️⃣呢個牛角包窩夫嘅配搭好特別🧐 印象中嘅大阪燒味道好濃烈 同香甜酥脆嘅窩夫完全拉唔上關係😅 但係估唔到兩樣夾埋嘅味道係出奇不意地配合😍👉🏻 西冷牛扒北非蛋配蕃薯條💰HKD 1️⃣3️⃣8️⃣文青cafe黎講 食牛扒唔洗$200都算係非常之抵食🤑 而且牛扒唔係一般菜餐廳貨色👍 面頭仲加埋煎到焦香嘅紫洋蔥😝 洋蔥香味更加突出牛扒嘅味道🤩 絕對係抵食之選👉🏻 桂花雪梨茶💰HKD 4️⃣8️⃣加一服務費✅

♨️哈欠 Haahim 長沙灣東沙島街149-151地舖@haa1him3 ♥️店舖搬咗新地址一於又試吓，環境闊落裝修優雅，食物中上水準，而且有一間房係pet friendly，weekend一定好熱鬧🤣🔷Latte夠香濃🔷抹茶椰椰latte打卡幾靚，味道偏甜🔷大阪燒香酥雞排配牛角包窩夫呢個幾好味又大份，好抵食🔷涼拌麻麻雞絲Bagel味道特別份量夠大，估唔到仲有薯條👍🏻食物：8.5/10抵食：8/10環境：8/10。。。

☁️ 💤 🥱 長沙灣#petfriendly餐廳餐廳個名簡直係形容緊我哋😆影相影到眼瞓@haa1him3 由深水埗搬到去長沙灣，記得Cloudy 第一次出街打卡嘅餐廳就係哈欠😆新舖頭大好多！有一區係可以比寵物進入！☺️有埋寵物Menu。推介食物桂花糖脆雞翼草莓藍天白雲草莓加牛奶側面影好靚☺️飲品非常開胃☺️當天平日下午1:00去到，已經坐滿人！要排隊，建議大家兩點打後過去。