品越越式料理 (康怡廣場北座)

營業中

休息中

平時諗到想食什麼就什麼今晚星期五同我家老細諗極都唔知食mud我話不如康怡廣場啦都幾幸運去到唔使等位好鬼肚餓就頂唔順快快叫野食平時食開蝦多士個樣都唔係咁越式既關係可能味道都唔錯芥蘭就差d冇味唔知想點生牛肉湯河就好普通食公仔麵應該會開心d最後菠蘿炒飯有驚喜好正好好食值得一食

因為快到爸爸生日，一家人早已約好星期六夜晚食晚飯預早慶祝~早前亦曾試過這間位於康怡2樓的越式餐廳，今次決定帶爸爸一同嘗試。下午途經時訂位，亦沒有問題。本來訂了7:30，一家人到達時7:15，即時可以安排入座。環境雅致，幾乎滿座，我地被安排坐最入的位置，十分舒適。賣單價錢共$768，以食物質素及價錢，都成正比。食物種類豐富，還有2、3、4人套餐可供選擇，仔細研究後，我地都係決定單點，因為可以選擇所喜歡的甜品與飲品。大頭蝦膏炒高麗菜  $72少少蝦膏味，唔會太濃，高麗菜爽口甘甜蝦多士(4件)    $52多士炸到乾身又脆口又香，真係食完想再食其實!三文魚子黑蟹籽墨魚餅(4件)   $68 炸墨魚餅上放有一片炸紫蘇葉、三文魚籽或黑蟹籽，估唔到味道非常夾。香芒軟殼蟹米紙卷   $72共有6件，米紙卷內包有青瓜、米粉、軟殼蟹、生菜及芒果，夠哂豐富。米紙煙韌，芒果肉酸酸甜甜，軟殼蟹脆卜卜，口感清新獨特。串燒拼盤(豬肉、雞肉、牛肉各2串, 香燒菠蘿1件)   $118雞肉、豬肉都好surprise，一咬下好juicy，燒得好香，又多肉汁，簡直係味覺嘅享受。菠蘿香甜，真係無得頂~金菠蘿海鮮炒飯   $

只有45分鐘用餐時間 點餐十五分鐘後先上第一碟野食 食哂正餐啱啱上餐飲飲左幾啖就即刻俾人趕走 但係出面冇人等緊位!!! 完全冇服務可言 仲差過茶餐廳 (起碼茶餐廳係你食完野飲完野之前都唔會趕你走) 食物方面叫左個三人餐 但係味道真係唔好 完全冇香料味 以呢個價錢嚟講根本唔應該有呢種服務同味道總之一定唔會再食呢間!

之前好多次經過品越都想試，奈何每次都排晒隊，今晚堅想食，所以預左排至少半個鐘，咦，但原來都只係排左15-20分鐘就有位！同行朋友都表明肚餓，所以就盡情點！雞絲湯河粉（牛肉湯底）味道清甜，唔重味精味，河粉軟滑，浸耐左都唔爛，幾好，唯一要彈就係個湯唔夠熱燒吞拿魚米紙卷，開頭無期望，但燒吞拿魚肉又幾juicy,唔點汁醬都好味，係份量少左啲，因為此菜索價$72, 但應該係得3條切開燒豬頸肉沙律，豬頸肉超juicy, 有焦脆但唔乾身，仲唔膩，99分！呢煲咖哩好香，牛腩夠入味夠棯滑，仲要有埋牛筋，好正，朋友清晒！友人好愛菠蘿炒飯，但此飯卻太油，味道一般啫牛油雞翼，賣相一般，厚粉漿，牛油味淡，失望蒜蓉炒高麗菜，好味嘅，但感覺中式菠蘿熱情果梳打，唔太甜，梳打夠氣，好飲！總結：食品算不錯，尤其燒豬頸肉、牛河同咖哩，服務頗就到，快手快腳，會再返黎。埋單711,仲平過佢地個四人餐！

太古最近有商場新裝修，好朋友又好想行。今日就陪佢行下。行左幾個鐘真係覺得好攰，見到品越有tea,價錢又唔貴，入去休息下同食下野。呢間品越幾大，裝修好優雅，地方清潔。人流都比較多。（可能下午茶關係）餐牌好多選擇, 大至粉麵, 小至三文治也有, 由於只係好攰, 唔算太餓之下我地共3個人但點了兩個餐：法式豬頸肉札肉三文治 $43用上法國包，一開3，我個口無咁大好難一啖咬晒，都係要打開一層層食。打開後見到有豬頸肉, 酸蘿蔔絲, 札肉, 豬頸肉預先煎過, 所以好香, 與札肉都係好入味, 加上有酸蘿蔔絲令到肉添上少少味道。香茅雞全翼配蒜蓉包 $46全翼分成3份 (唔知係咪知道我地3人呢) 雞翼充滿香茅味, 雞肉好滑, 蒜蓉包好脆, 而且好多蒜蓉, 喜歡極了還有少少沙侓菜配醋, 當然會食埋啦 !飲品方面 :加左$8 要了蜂蜜玫瑰柚子茶, 聽個名好吸引,蜂蜜已經甜, 再加埋柚子仲甜, 雖然有玫瑰調一調味 !其實係好滋潤, 希望個杯大個D, 可以份量配合得更好 !另一本就要了正常熱檸水 ~雖然好少去太古城, 亦第一次黎呢間品越, 服務亦好好 !職員加水快, 落單及送餐也很好 !希望下次黎食晚市, 試多D

週末晚逛AEON途經品越, 二話不說就進去用餐 (因為平日都喜歡越南菜, 也常在中環的品越用膳, 心想不會中伏吧...)是晚不用等候挺好的, 點了兩碗越南牛河. 說真的湯底沒有中環的濃, 比我想像中的淡. 牛也只有細細的三片...都算吧...反正都是快食的一餐. 但加上侍應一路的態度真的是不好的晚膳經驗. 想他們給水都要舉幾次手叫幾次, 有些侍應還真看著你但又扮作看不見. 隔鄰的客人追菜他們的回覆竟然是"今天很多人點炒餸, 別人的還沒弄呀!" 有位好像高級點的侍應還整晚大聲呼喝其他侍應, 臨走還要跟客人搶路行, 及罵客人擋著路踢到他. 真是瘋狂...他人在背後卻罵人踢他. 賣單後多謝沒有一句還送你一幅恐樣.新店來話整體都真是不合格. 如果客人多就該多請侍應. 食物品質中規中矩, 客人還是會給予多次幾會再來. 服務質素差到這樣就真的不會給機會. 任憑新店的裝修多新潮漂亮, 侍應表現態度卻像惡霸還真浪費新店的準備及品牌一路的形象.如果大家喜歡越菜, 市場上還是有很多選擇的. 如果喜歡品越..其他分店的還比這家好多了.

星期日係康怡mcl睇 ”自殺特攻”，散埸後揀咗就手嘅“品越”，嚐嚐越南菜 ！時間尚早，唔使等，即時入得座 。餐廳佈置簡潔，座位舒適。夏天胃口唔大，加上要keep fit, 就散叫几個小食作晚餐吧 ！1.越式酸辣鳳爪 ：無骨鳳爪酸辣夠味 ，唔過辣，相當清爽開胃 ！2.雞肉串燒 ：雞肉嫩滑 ，點埋沙嗲醬，夠晒惹味 ！3.香芒軟殼蟹米紙卷 ：米紙卷皮好韌 ，好難得爛 ！饀料内嘅芒果好少，軟殼蟹亦唔多，其餘配料得生菜及米粉等，口感一啲都唔爽 ！4.焗扇貝 ：熱辣辣，大大隻 ，肥美嘅扇貝 ，加上邪惡嘅芝士 ，非常美味 ！5.芒果椰子沙冰 ：勁冰涼消暑 芒果粒粒好味道 ，再加多啲椰漿會更加好！沙冰幼細，口感綿密！飽餐一頓，有機會再嚟試試其他款式！

Aeon重裝後，同家人一起行，夜晚順便在康怡廣場吃晚飯。因為除了燒豬頸肉，其他越南菜真的不太懂得在家煮，所以每次經過未試過的越南餐廳也想試下。一家人叫了四人餐，菜式味道總體不錯，燒豬略肥，咖喱最好。店家只給一小時用餐，感覺不夠貼心，沒有人情味，香港地食客是比較自覺的，如果有人等位吃完也會馬上走的，希望店家改進。

本人最鍾意食嘢 又鍾意去旅行 敢啱飛完又放三日假 懶懶地行開太古 睇吓有咩想食啦 本來想去太古嗰邊食greyhound cafe 係康怡行行吓見到一間都幾ok 嘅餐廳 行埋去睇吓 原來係食越菜嘅 心諗出面十幾個人等緊位 星期日夜晚七點鍾只少要等半個鐘啦 點知攞完張飛唔駛兩分鐘就入得啦 一睇吓個menu 見到個大蝦湯 超想食 再睇睇乳豬又好想食 兩個人兩個主菜差唔多啦 叫多個頭盤就啱啱好啦個頭盤最後要左個吞拿魚青芒果沙律 其實味係ok 嘅 不過你將兩樣嘢放係一隻碟度 呑拿魚個生熟度係ok 火炙左個面 再有D類似紫菜粉係面 味道一般啦 唔係冇魚味不過唔係好突岀囉 青芒果其實係好夾口嘅 都fresh嘅 不過兩樣嘢唔係好配合 再黎四分一隻燒乳豬 越式乳豬當然唔可以同中式乳豬相比啦 中式嗰種係鬆脆 越式呢係脆啫 冇話邊種好食D嘅 好似曲奇皮定酥皮蛋撻 各有各特式 嗰汁就確實似中式酒樓嗰汁敢啦 兩個人食其實食多兩舊就有D濟 最後黎個大鍋蕃茄湯 全晚最好食 蝦一分為二 隻蝦大到成隻手掌敢大 蝦頭有黃糕 因為成$188蚊嘅關係 嗰隻蝦食落幾新鮮 D肉彈牙嘅 再有四粒用蟹肉加左一D其他肉打成嘅丸（唔好意

品越旗下有5間分店, 小妹之前常跟老公光顧金鐘的那間, 今天來到太古這一家分店午膳, 店面積比金鐘大少許, 但坐位就相對較迫, 不是太舒服.... 小妹很不喜歡與隔鄰枱坐得太近, 說話很不自在.天氣實在太熱, 先點了杯菠蘿熱情果梳打, 感覺不是鮮菠蘿, 都是糖水, 熱情果味不重, 味道還可以.小妹點了個香茅豬扒撈檬, 我是會把整支魚露像放湯一樣的倒進去的, 要不然會感覺很乾, 這裡的香茅豬扒很好吃, 肉質鬆化, 調味得宜, 很香香茅味, 熟度剛好!老公點了個香茅豬扒雞扒飯, 雞扒都不俗, 夠滑, 不過小妹還是鐘愛豬扒 ~ 這裡的份量都頗大, 足以餵飽我和老公了!

初次來到此餐廳，因為大多數餐廳都食勻曬，所以試試新地點。遇上星期日，排隊都需時，見到咁多人等，應該好味道，所以耐心等候！生牛肉河，鮮甜的湯底，配上爽滑河粉，好開胃！春卷跟餐的，偏油！ 無乜特別！炒金邊粉，唔系好油膩，炒得乾身又夠味，配上那個花生碎好好味！咖哩記配薄餅，略嫌咖哩味不太濃郁！ 但薄餅幾好！甜品有黑糯米同芒果黑糯米，好食！

自小至大最常逛的地方不是太古城, 就是吉之島. 看到昔日的店舖相繼搬遷, 除了偶爾感慨一下, 亦只能默然接受. 現在這兩處可算是最熟悉卻陌生的地方. 但家人面對新的轉變往往感興奮和好奇, 今天便來到這新開不久的餐廳品嚐一下, 亦在此慶祝弟弟又大一歲了!來之前已知除了康怡這間分店外, 在港九幾處亦有分店, 看似評價不俗, 今晚亦帶期望來到此處. 由於已訂座, 我們很快便被帶到四人座位, 座椅是梳化座, 空間寬闊, 感覺舒適!看了看餐牌, 有二人餐, 四人餐, 亦可散叫食物. 最後我們選了一款四人餐, 再另叫一薄餅. 值得一讚是雖然套餐已SET好指定食物, 但如想轉換餐牌上的食物亦可, 只要價錢相若都可轉, 相當有彈性!先來的是鮮魷藕苗沙律, 最初誤以為是藕片, 最後才發現是一條條的藕苗, 以前從未吃過, 品嚐過後其實不太喜歡, 家人亦不太喜歡, 口感是爽脆的, 但味道怪怪的. 反而喜歡魷魚, 吃下去剛好, 不會太硬或太林, 加上沙律汁酸酸甜甜, 十分開胃.再來兩款小食, 分別是紙米卷和春卷, 個人較喜歡紙米卷, 內裡有炸過的魚, 配以爽口的青瓜和蔬菜絲, 加上外屠的粉皮, 內脆外軟, 吃

自從吉野家執左之後，好耐無係康怡廣場食野，難得同中學同學食野，有人提議食越南野，所以就試下新野喇～一行四人，三男一女，因為有人遲黎，朋友又話之前試過要人齊先入得，見到無人等位所以我地就問下門口侍應，有無限時同係咪要人齊先入得，侍應就話唔使齊人，食到幾點都得，不過我地就收十一點既，佢都講到咁，咁我地唯有入執食住等喇一坐底，友人話鐵板鑊仔豆腐係必叫，因為次次黎都賣哂，一問之下，仲有，就緊係叫左一個試下喇~個豆腐好滑，不過就無咩豆味，而個皮就唔係好夠脆，加埋菠蘿再配個甜酸汁，好開胃，個汁點埋伴菜食都好好食～ 小食拼盤：豬扒好好食，香茅味足，仲有肉汁tim，春卷同雞翼就一般般，係好食，但就冇咩特別🤔串燒拼盤：雞牛豬，三寶齊哂三款都唔錯，有肉味，唔會燒到乾哂，仲好軟，唔會好好難咬開~跟黎個沙嗲汁就一般，唔係好有味軟殻蟹紙米卷：好鐘意食軟殻蟹既我一食好失望，完全無味，食唔到脆口的感覺，個米紙有d 難咬開。。。。試過一次就得。。。鑊仔牛柳粒：個豆仲有衣係度，有少少楂，牛柳粒好林好香，個汁送飯一流~豬頸肉炒通菜：如果蒙住眼食，一定以為係肉片，完全無咬口可言，而個菜就普通，不過不失。。。越式蝦醬

事源同友人去太古睇戲，咁就先響附近行下食下野先，聽朋友講，呢間品越響康怡開左一排，可以試下。門面非常開揚，座位闊落舒適，環境同擺設裝飾亦非常有特色。咖哩雞，另加薄餅。份量較少，兩人細食既先勉強夠，有啲覺得去食大x樂or大x活仲抵食好味咁。越式炒金邊粉，蛋汁煎成網狀，包住金邊粉，加上花生碎同青檸，不錯的配搭。品越三色沙冰，其實即係珍多冰，無乜特別。菠蘿熱情果梳打，清新開胃。服務方面，全程麻麻，由落order 開始，有兩個女侍應都面黑黑，態度串串地咁。食物唔算好味，價錢偏貴，份量較少，應該無下次了。

今日星期六，同老公諗緊 lunch 食乜好，醒起屋企附近開咗間越式餐廳，一於去試吓先。間餐廳門面裝修都幾靚，攞咗張飛，睇住門口個menu 研究吓有乜好食。 真開心，原來星期六日都有午市套餐，感覺上抵些。 老公係牛河迷，所以點了河內生牛肉金邊粉，牛肉夠生，葱類配料也足夠，湯底都ok，不過可以更多body 我就點了雞扒拼豬扒撈檬，作為食肉獸的我，見到咁足料，未食都興奮，加d 檬汁，立即開動，d 雞扒同豬扒都好淋同埋juicy, 仲好好味，檬粉勁多，我只食咗一半粉！ 睇餐牌見到呢個椒鹽軟殼蟹好似幾吸引，點了一客做小食，用個煲仔上，賣相好pro,以一隻嚟講，份量都幾多，點些檬汁來食，好脆好味！個午餐包埋餐飲，我點了咖啡，原來係即磨咖啡，味道可以，但如果有越南咖啡仲好。總括嚟講，服務好好，食物好味，下次一定會再來！