品臻 (士美菲路)

營業中

休息中

呢兩日天氣開始轉熱, 大食妹胃口唔係好好, 就走咗去位於堅尼地城嘅品臻飲番杯台式飲品消暑品臻嘅飲品款式都幾多, 仲有特色雞蛋仔、格仔餅、芋圓同刨冰等等嘅小食<草莓4.3特濃牛乳>大食妹超級鍾意飲士多啤梨奶, 一見到有就忍唔住買咗杯 飲品有三個分層, 最上高係鮮奶, 然後係士多啤梨汁, 最下低就係椰果 士多啤梨奶奶味比士多啤梨味重, 配上椰果都幾match<海鹽奶蓋芒果茶>海鹽奶蓋芒果茶就比較清新, 配上綿密嘅奶泡, 飲落幾消暑<九份芋圓>見到佢嘅宣傳牌個九份芋圓好吸引, 就嗌咗份, 大食妹揀咗個黑糖仙草凍做底, 再揀咗芋圓、紅豆同椰果做配料, 都幾地道<朱古力雞蛋仔>另外, 朋友就揀咗份比較飽肚嘅朱古力雞蛋仔 雞蛋仔好足料, 外脆內軟, 而且咬落有蛋糕嘅感覺, 幾唔錯

嗰日落完車經過呢間品臻幾個人排緊隊，而且見到餐牌嘅嘢食幾多元化🤗所以都忍唔住買少少嘢食帶走😆品臻至尊配豆花底🍨入面有紅豆、綠豆、芋頭、芋圓、薏仁、珍珠、仙草、椰果、蘆薈、花生🥜材料好多，所以望落非常吸晴😍芋圓入口煙靭又有咬口，帶淡淡嘅芋頭味👍🏻豆花軟滑，連埋紅豆、珍珠一齊食就更好味😋招牌黑糖珍珠鮮奶🥛鮮奶質感比較醇厚，奶味濃郁黑糖甜度偏甜🤤而且每啖都有飲到珍珠🥰紅豆鮮奶沙冰，鮮奶沙冰磨得細密，每啖都有滿滿嘅紅豆味，如果紅豆再甜少少更好😉估唔到餐牌會有格仔餅賣😱所以叫左一底芋蓉格仔餅🧇一拎上手已經聞到好香芋頭味💨芋蓉夾左喺格仔餅入面，質感軟綿，雖然主要係芋蓉同煉奶☺️但整體甜度都只係小甜

今日去咗遊電車河, 到咗尾站堅尼地城就喺附近買d野食去海滂坐下放鬆下, 經過 聞到一大陣非常香濃嘅雞蛋仔味, 即刻買嚟食啦其實店舖是主打台式飲品, 選擇亦非常多黑糖小芋圓鮮奶500cc ($30)黑糖珍珠鮮奶就飲得多, 身為芋圓控既我見到黑糖小芋圓, 即刻唔洗再揀就決定好🤣 小芋圓份量非常多, 飲極都有, 啖啖都有, 滿足💯 鮮奶亦是我平時屋企會選購既明治, 濃濃牛奶味🍼 不過因為唔記得揀甜度, 唯一美中不足有點太甜紅豆雞蛋仔 ($18)真是非點不可, 推介👍🏾 即點即整, 外脆內軟, 濃濃雞蛋香配紅豆原來好夾好好食😋 九份芋圓-仙草凍底 ($28)呢個我是外賣比住堅尼地城嘅朋友, 以下係朋友send比我既食評 *唔錯wor, 唔會好甜, 配料份量又多*

喺西環住咗一排都唔知原來有間台式飲品同埋食物鋪頭 有幾時喺附近行諗住食雞蛋仔格仔餅都搵唔到地方原來遠在天邊近在眼前嘢飲分別就叫左百香果果茶$24茶味道都幾濃 呢杯飲品冇叫到少甜但係甜度都幾OK 飲得出百香果嘅味道招牌芋頭鮮奶$29呢杯飲品就叫咗微糖啦因為本身自己唔鍾意太甜 微糖後都飲得出芋頭嘅味道 嘢飲分咗做三層 芋頭奶鮮奶同埋芋頭 分開飲有得最尾撈埋飲都得 招牌真係招牌芋頭味出 鮮奶都係用最貴嘅明治牛奶朱古力雞蛋仔$18呢個價錢大大底入邊仲要有朱古力一粒粒 真材實料 終於喺西環搵到食雞蛋仔嘅鋪頭啦開心榛子格仔餅$18格仔餅不過中間就係榛子醬 食個幾次都覺得榛子醬同格仔餅真係Perfect match 同埋呢個價錢都唔算貴總括嚟講西環呢間飲品舖算係一間性價比唔錯同埋可以比附近嘅香港居民食返格仔餅同埋雞蛋仔嘅味道

放工拎啲嘢比朋友，呢排放早就喺附近行吓堅尼地城自從通車後，大大小小食肆齊齊進駐此區，真係多咗好多選擇經過一間台式飲品，我係被雞蛋仔嘅蛋香吸引停下腳步望吓menu，淨係飲品都佔了張A4紙三分二，一定滿足到要嘴饞嘅大家正當選擇困難症發作，店員好熱心推介貴店熱賣同特別推介我係因為雞蛋仔香吸引而來，當然要叫返底，而店員都話好多人叫好好賣，確實我等嘅時候短短五分鐘都有三四個落order，即叫即做就梗係好食啦而同時我都叫咗杯推介的小芋圓奶茶，兩樣都係我至愛，一舉兩得講返食物🥚雞蛋仔即叫即整新鮮熱辣，豐富蛋香，又唔會勁甜🥤小芋圓奶茶，店員會細心問甜度同多少冰，戒糖嘅我叫左小甜，茶味濃唔似糖水而最最最推介啲小芋圓，好煙韌有𡁻口我仲買咗碗芋圓豆腐花返屋企慢慢嘆，$28好抵食

品臻雖然是間主打茶飲既小店，但其芋圓亦是非常之出色，出色嘅程度可以媲美位於深水埗的康瑞，而這個讚譽乃是我的小女友以佢對芋圓既鍾愛所給予既肯定，芋圓煙韌，而其黑糖珍珠黑糖味勁濃，配上燒仙草，就令人一食上癮。

終於有啲時間，可以寫返哂啲餐廳，話說我附近開了一家新台式飲品店，其實都開咗一段時間🙈😂🙈😂一直未去，今日就去試下佢個黑糖珍珠奶茶吧，點知佢賣哂，唯有飲香芋啦。😢😢不過杯嘢真係好。。。。麻麻，唉我唔想講難飲好似好打擊人咁，個的確好麻麻，香芋奶茶但無芋頭味，唔緊要，但佢直程係無味，芋泥太結，食唔到亦飲唔到，搞匀都係無味，不解點解會咁，冰又太多，本身已經無咩味，冰溶咗仲衰，攞返屋企，大家試咗啖都係不了，唯有硬住放棄，仲要其實唔平😢😢 睇嚟真係要加油！