品臻 (富怡花園)

營業中

休息中

開業大概已經有一年了吧，係學校區開。知道佢開果陣真係好開心，因為區內冇麥好飲既珍珠奶茶店同衛生d既小食店。宜家正值新沙士期間，好難得先有機會食街頭小食。她似往獲自由咁。不過當然係拎返屋企先慢慢嘆，唔會邊行邊食喇。呢間原來都出左好多香港地道小食，一早黎到仲要排隊先有得點。雞蛋仔岩岩出爐，好香，料足。黑糖珍珠奶茶珍珠幾陣幾多下，叫左少糖覺得後悔，難得出一次街就唔好怕肥要返正常糖好d. 朋友點既飲品 ，芋頭味奶。希望係疫情過後都仲可以見到呢間小店喇。因為衛生同味道都幾好，而區內其他既小食店望落污糟好多。

天濛濛嘅週日，午餐繼續選擇外賣自取 了。去咗小西灣嘅品臻買嘢食，除了台式飲品外，還有好多款式的小食。呢度嘅店員有禮貌, 要讚下👍飲品選擇了囡囡最愛嘅黑糖珍珠鮮奶，她大讚好飲，珍珠彈牙。朱古力雞蛋仔返到屋企仲係熱辣辣，脆卜卜，中間 好似海綿蛋糕咁軟熟。我就最愛芋蓉格仔餅，芋蓉係新鮮芋頭製成，甜甜地軟綿綿，充滿芋頭香，夾起即製嘅格仔餅入面， 好味😋最後來個芋圓仙草珍珠豆腐花，唔會太甜，是健康甜品選擇。❤️✨😋

我一直以為品臻只係賣台式飲品，見成日好多人排隊，睇真d原來大部分都係等緊佢既雞蛋仔🤣聖誕期間去有special menu🙈menu都掛上左聖誕裝飾，幾有氣氛，但今日去太凍所以有試到台式飲品，買左一底雞蛋仔試下😋－－－－－－菜式1. 雞蛋仔 4/5等候時間約10分鐘左右，係我前面有兩張單，雞蛋仔粒粒都脹卜卜，烘到金黃色，冇烘得過燶，外層薄脆好挺身，唔易變腍😋蛋味好香又唔會過甜，口感外脆內香軟，但係我覺得蛋心唔夠多，可能得三分一，而且蛋心可以再煙韌多點會較好🤤

小西湾這間台式飲品店品臻，除了台式飲品外，還有港人特色小食雞蛋仔和格仔餅，見他經常有人排隊等侯，就買份格仔餅試下他的水準如何。先購票買格仔餅，大約等十分鐘左右，等侯期間已聞到陣陣蛋香，格仔餅果然造得不錯，厚厚的，餡醬搽上花生醬和煉奶，蛋餅外脆內軟，隔一會也脆脆地，唔會琳哂，這點才是格仔餅重點，下次叫老闆加多少少花生醬，會更加好食😄

今晚約咗朋友喺港島區小西灣見面，由於早咗少少到，又見口渴，眼前有兩間台式飲品店，一間喺大型連鎖式，但無人幫襯，所以就行多幾步試下這間門前有幾個等緊攞飲品/食品嘅～品臻。眼見鋪位唔大，而職員只有兩位。雖然鋪位細細，除咗有台式飲品外，仲有小食賣，有雞翼、鹽酥雞、魚肉燒賣、長洲大魚旦，連豆花都有。芋圓糖水又有仲有懷舊格仔餅，雞蛋仔門口仲有個手寫推介牌，有秋冬潤喉推介好窩心餐單見到，飲品選擇好多1. 招牌黑糖珍珠鮮奶加大($29)，黑糖味唔夠突出，而部分珍珠未煮得夠淋，如平均煮得夠淋入口會更佳

 小西灣學校附近最近一年開了好多間小吃店淨係台式飲品都2間了其中一間,一向都無留意今日想食格仔餅,小西灣無邊間特別好食見到佢係即時製作,就試下啦又唔係好貴,十幾蚊底飲品就偏貴,新品成30幾蚊就無試了仲有台式小吃賣,炸雞翼,燒賣,雞粒落單後比錢拎飛等原味雞蛋仔15蚊底,格仔餅16蚊底有朱古力,原味,肉鬆格仔餅大約8分鐘就拎到即時製作,無特別要多醬有個好有趣誤會,買朱古力佢幫我加埋花生醬混醬食起來又幾夠香喎外層都幾脆口,夠厚夠鬆軟本身醬唔多,有特別要求一定要出聲多醬個包裝袋幾好,有打孔,見細節位用心 品臻 Ban Chun Tea柴灣小西灣小西灣道23號富怡花園地下8號舖Shop 8, G/F, Cheerful Garden, 23 Siu Sai Wan Road, Siu Sai Wan, Chai Wan

好難得小西灣終於有一間正式嘅台式飲料店🥤店舖感覺好乾淨，餐牌上面嘅飲品款式眾多，圖片望落去已經好吸引呢度除咗有台式飲品之外，仲有唔少小食，而今日我決定要試嘅就係原味格仔餅同黑糖珍珠奶茶。Poster設計好時尚，忍唔住想試店舖聲稱不使用化學人工果糖，雖然飲落去都未必分辨到，但起碼有個安心先🙈店舖有兩部機整雞蛋仔另外兩部整格仔餅，全部都係即叫即整，大概等左5分鐘已經有得食，唔算等左好耐，係等待期間都不時聞到陣陣蛋香。原味格仔餅 $16格仔餅望落好挺身，顏色都好靚，拎係手仍然聞到好香蛋味厚度算唔錯，入面只有煉奶同花生醬，醬汁份量都多，第一啖已經咬到。格仔餅外脆內軟，就算隔一陣先食都保持到脆卜卜，唔錯不過拎住個紙袋嘅時候要小心hi到，搞到黐立立。黑糖珍珠奶茶少糖 $21呢個係拎住飲品行左陣先拎出黎嘅樣，所以黑糖已經沉咗底。以呢個價錢來講算大杯，奶茶少糖的確唔甜，不過好可惜黑糖珍珠只係普通珍珠撈黑糖，而唔係真正用黑糖整出嚟嘅珍珠，所以當黑糖融入咗奶茶之後，珍珠就完全冇晒味啦同埋珍珠口感比較硬，唔Q彈，有啲失望。我諗下次嚟都只會食佢嘅小食，飲品就未必會再考慮了。

本身都飲開呢間台式飲品店，向來愛好芋頭鮮奶香芋味香濃美觀感好靚有三層色！較早前放工經過小店，出咗個新品係草莓4.3特濃牛乳，更標榜係採用日本明治牛奶，淨係睇到張廣告已經非常悅目吸引，海報呈現粉紅色還有幾粒草莓做配襯充滿少女感覺，所以一心諗住對呢杯草莓飲品評價好高！一直都未有機會嘗試，今日早放工所以特登返屋企前都經過小店特意買一杯草莓牛乳黎試下，一如以往都係等飛嗌number！ 職員叫到我number時候我看到杯飲品相當驚訝，草莓味在那？！ 我拿到杯飲品之後細心觀察只有少許！勁少！嘅草莓喺杯底還有數粒蒟蒻，頭嗰兩啖已經飲曬啲草莓.....根本30蚊就係買一杯淨鮮奶！海報完全不實，廣告係冇錯4.3特濃牛乳口感細滑輕柔，但完全冇草莓果肉多汁！！ 非常失望，不會再買無下次

小西灣有台式飲品啦！終於吾系個d連所店，同一d比人系網上吹捧既珍珠奶茶店 突然間想飲台灣的飲料，我就去Open rice看一下。小西灣其實無乜選擇，我就系想搵一間比較正宗既珍珠奶茶。見到依間有三個，毫不猶豫試一試，我選擇左一杯 焦糖珍珠鮮奶奶茶，系佢地舖頭既重點推介果然無令我失望，珍珠好軟又有味，奶茶既味道亦調得岩岩好，仲有個甜味亦都系岩岩好，我系嗌左70%既甜道，所有亦都配合得好好，令到我都好想 encore 再叫都一杯值得一試 亦會再次幫襯

小西灣終於有間似樣d嘅野飲店啦！😍😍 今日終於有幸試試，因為怕飲左野食唔落飯，所以就叫一份格仔餅試下先，14蚊算平呀:-D 💁🏻‍♀️💁🏻‍♀️即叫即整嘅佢係，所以要等一陣先有，店家仲要見第一底整得冇咁靚所以再整左一件比我地💪🏼💪🏼 格仔餅好厚好厚，剛剛整好所以夠脆口的，食落啖啖花生醬加煉奶😄😄雖然冇砂糖，但口感依然豐富的🦔🦔 下次要試下d手搖杯先得😋😋😋😋#2019情人節

落左柯打，等左半個鐘，佢先話柯打取消，做唔切。做唔切就唔好接柯打，人手唔夠就一早同客人講，浪費客人時間。已經唔係第一次慢吞吞，今次仲累客等了半小時才話取消。離譜！

今年小西灣比較少鋪頭有得飲台式飲品，今次試咗呢間新開張冇幾耐嘅台式飲品鋪頭，點左海鹽奶蓋紅茶同埋荔枝3Q氣泡飲，個人來講覺得珍珠奶茶不嬲都比較甜，所以都會點少甜或走甜，今次點嘅紅茶就揀咗唔落糖，反而飲到濃郁嘅海鹽鹹味，感覺有d驚喜

I saw a couple of customers crowding around a shop so I decided to look at it. It's actually a bubble tea shop that also sells bubble waffles and Chinese-style waffles. The shop is very organized and clean. It is being run by two middle-age couple who are very sweet and kind. I think they've shown one of the few best customer service I had since coming to HK a year ago. From start to end, they wore a genuine smile on their faces as if they're proud at what they do and serve. Not unlike some shop

隔左咁多年終於再次見到小西有台飲店,響呢個飲食沙漠中生活咁多年基本上幾難食嘅嘢都食過,所以見到呢間店新開,我係零負擔咁去試~~海鹽奶蓋炭燒烏龍茶 $25要睇佢伏唔伏,第一件事要睇茶底~呢個推介的確係有水準!雖然我唔理解點解個奶蓋會沉底,不過烏龍茶真係有炭燒味道,濃郁但唔苦,唔錯唔錯~~~如果你平時好鍾意奶蓋叫呢個就正確啦~佢個奶蓋好厚一層,而且因為佢沉底,所以一開波已經係咁飲到好扎實嘅奶蓋,奶蓋海鹽味好突出又有強烈奶感,所以同我叫左無糖嘅烏龍茶好夾!今次未有機會叫其他飲品同小食,不過我目測D格仔餅同雞蛋仔都好似幾好,整體性價比高!小西朋友們可以比D信心去試!(飲到伏飲品請話聲我知~哈哈)