品臻 (富怡花園)

營業中

休息中

呢間嘢開咗咁多年，開頭好好地地。雖然做街坊生意但態度惡劣，兩個店員（/老闆？）西口西面，好似前世欠咗佢哋咁越做越差，食物質素又一般到唔一般898，遲早等執笠～～

買左2個 一個雞蛋仔一個夾餅 個女店員講野又倔擂槌 反而係我做客既同佢講唔該 全程一句唔該多謝都無 問佢等幾耐 話4分鐘 整好左又唔叫號碼叫人攞 傻下傻下等左十幾分鐘忍唔住問佢先知一早整好左 一句唔好意思都無 多謝一聲都好丫大佬 隔離賣珍珠奶茶手作功夫都識講句多謝丫大佬 抵佢好生意過你 開頭都懷疑個女店員可能身體唔舒服唔多想講野又笑唔出咁啦 但等既過程又見到佢同個疑似男老細既笑笑口有講有笑咁 或者我唔係男人囉 所以得到咁既待遇 差👎🏻結果等到啲野都凍哂 企係度浪費時間奉勸咁多位街坊男既先好去幫襯 唔洗買野要睇人面色 反而之前個啲員工又好禮貌好多喎

對每次外賣自取的等待時間感到非常不滿。餐廳並不按照接單順序處理，而是要等待客人親自到達餐廳後才開始製作食物。這樣的做法已經不是第一次了，幾乎每次也是。外賣自取的目的是減省等候時間，但這樣的安排延長了客人的等候時間，餐廳的做法令我感到十分不滿。

走進這間茶飲店，我試咗幾樣嘢食飲品，簡直係覺得自己中咗小食大獎咁。首先，椒鹽花枝丸係炸得啱啱好，唔會太乾，辣勁又唔會過火，啖啖肉感，真係唔錯！轉個口味嚟個九份芋圓，仙草芋圓Q彈得嚟唔會過甜，大熱天嘅涼品真係正！👌跟住，草莓3Q氣泡飲🍓畀我驚喜，啲草莓實在又唔會甜得膩口。簡直係清新得嚟又怡人。再試嗰杯黑糖小芋圓鮮奶🥛，改變咗我對黑糖珍珠嘅概念，芋圓Q得剛剛好，黑糖同鮮奶嘅結合為呢杯飲品加分唔少。每一款都大杯份量，真係飲到爽，一試成主顧嘅感覺！無錯，選擇多又惹味，下次一定仲要再嚟！

走進這家店，周圍都充斥著香噴噴嘅誘惑🤤。首先我點了一份鹽酥雞粒，啱啱好嘅鹽味撲鼻而來，酥脆嘅外皮一啖一啖真係爽口得嚟唔油膩，啖啖肉感，真係食得出主廚嘅用心。而榛子格仔餅，咬落去外邊鬆脆，裏邊嘅榛子甜度適中，啖啖都係幸福嘅味道。唔止外酥內軟，每一啖都好似在口腔裡面跳舞一樣。熱辣辣嘅黑糖小芋圓鮮奶，一入口就係另一番滋味。黑糖香濃滑順，與芋圓嘅彈牙口感相得益彰，真係暖笠笠噴射哂幸福嘅感覺。然後係嗰杯小芋圓奶茶，奶香茶香嘅絕妙組合，芋圓一樣保持住咗彈性同Q感，真係一飲而盡證明佢嘅魅力無法擋。整體嚟講，這家店嘅菜式簡單但味道卻富有層次，每一啝都讓人回味無窮，食物新鮮，製作用心，俾人一種溫馨又滿意嘅感覺。再加上，用咗啲港式嘅形容詞，例如「好正」、「煙煙韌韌」，去描述這些美食，加強咗我對呢啲食物嘅親切感，令我更加享受係這家店嘅每一次品嚐。👍🥳🥤

曾多次於此餐廳下外賣自取 惟次次餐廳都只於本人出現時才開始準備 有時更是先準備其他顧客的食物 對於趕時間才選擇預先網上下單的人不能夠接受希望能多改善！遑論食物素質 失望！

在小西灣體育館做完運動後，肚子餓得不得了，幸好旁邊就有一堆吃的🧐經過一番審視後選擇了這家台式飲品店雖然名為飲品店，但提供了一站式服務📙由手搖飲品、台式小食到本地街頭小食都有提供，看著各類鹽酥炸物、雞蛋仔和魚蛋燒賣令人陷進了選擇困難症🙉最後貪心的我點了一份$49的夜市鹽酥拼盤😽有台式月亮蝦餅、椒鹽花枝丸、酥炸甜不辣和椒鹽單骨雞翼即叫即炸，外皮非常香脆，味道不會太過重鹹，雞翼肉嫩可口💞甜不辣內仍有淡淡魚漿味，不過整碗下肚，罪惡感很濃烈

店名: 品臻 地址: 柴灣小西灣小西灣道23號富怡花園地下8號舖柴灣站轉乘47M環境: 外賣價錢:3.5/5味道: 4/5繼上次試完撈烏冬之後，今次試下品臻嘅珍奶🧋同格仔餅🧇，之前係太子都有見過佢哋嘅分店另設西環，太子，大角咀，土瓜灣分店~黑糖珍珠鮮奶 (500cc/700cc)❤️❤️$32/$35叫左大杯，用左明治鮮奶，珍珠幾有咬口，可惜黑糖味唔重，似飲緊普通珍珠鮮奶🫤咖央格仔餅❤️❤️❤️$24通常格仔餅都係搽花生醬🥜加煉奶，搽咖央醬就真係第一次見，食落唔太甜，啱啱整好熱辣辣的但個人覺得都係港式嘅格仔餅最好食🤔#stitchfoodie小西灣 #stitchfoodie柴灣#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介 #香港小食 #香港甜品 #香港西餐 #香港中菜 #香港泰菜 #香港日本菜 #炸雞 #放題 #火鍋 #打邊爐 #香港拉麵 #香港川菜 #香港台灣菜 #珍奶 #吃貨 #hkcafe #香港越南菜

黑糖珍珠鮮奶 （⭐⭐）- 黑糖味極淡，同埋份量好唔夠，攪完之後飲落基本上味- 珍珠偏硬，雖然份量好多但唔入味，黑糖珍珠但唔入味真係敗筆- 奶味正常，但都彌補唔到少少失望，見到佢係人氣推介但飲落都幾淡，最基本嘅野都仲唔到蜂蜜蘋果綠茶（⭐⭐⭐）- 茶味都幾香- 蘋果味唔算好出，但都飲到少少酸甜嘅果香成杯野飲都算balance，比起黑糖珍珠鮮奶好好多，但只能說是合格朱古力雞蛋仔（⭐⭐⭐）- 朱古力粒偏甜，冇咩香味，但份量多，一次都無妨- 即刻食但好快就淋哂小西灣而家多左好多茶飲店，淨係呢條路都有3間真係要比d心機做，如果價錢唔係比人平，質素亦都唔夠好，好易玩完。之前飲過佢哋嘅奶蓋係唔錯嘅，可能下次都係飲番其他野，或者試下小食先

晚飯時間突然之間好想食雞蛋仔區內難得有開到咁夜嘅 就試下雞蛋仔雖然係即叫即整有計數器計準時間但雞蛋仔完全唔脆 淋到好似蛋糕咁個芯係實的的勉強食咗一半就掉咗😔😔😔😔😔

吃了他們的仙草（綠豆＋芋圓＋3Q丸）。 3Q丸很硬，綠豆有一點點酸味，而且不是正常綠豆的顏色，土黃色的。感覺已經開始變壞，而且是很差的豆。7點只吃了一點點就算，9:30 pm 開始嘔吐＋肚瀉。星期日夜晚連聖保祿醫院也沒有夜診了。最後去了養和，是食物不潔引起腸胃炎。做生意低成本也要顧及食品質量，不能妄顧質量啊！

今日經過這裏，見到有黑糖芋圓鮮奶，打算一試，盛惠37蚊，到手個下已經覺得出事，無咩黑糖，一試果然一啲黑糖味都冇，完全好似係飲緊鮮奶，如果想飲鮮奶，我不如自己直接去超市買

台式茶飲店越開越多，呢間茶飲店比較特別，除左賣飲品之外，竟然仲有芋圓、拌麵、剉冰、唔同種類既小食賣，簡直比得上真正既台式餐廳。小小店舖，包羅萬有，企係menu前諗左好耐，最後揀左邪惡既炸物😈🔥。 🍴夜市鹽酥拼盤1 $45望落個盒有d細，但入面份量都唔算少，作為小食兩個人share都夠。入面有鹽酥雞、椒鹽魷魚、百頁豆腐同炸地瓜薯條。本身對茶飲店賣食物都唔抱太大期望，但食落真係有驚喜，每款食物都係好食既！鹽酥雞炸得香脆，肉質唔乾，一啖一粒超爽。魷魚鬚大大條，唔係炸漿多扮大條，咬落唔會韌。百頁豆腐炸完仲保持到軟嫩既質感。地瓜薯條外脆內軟綿，甜甜鹹鹹好味。整體調味都啱啱好，唔會鹹到要洗腎。推薦！

🥣綜合芋圓 $35底料2選1 跟著甜湯底2選1 最後就係配料8選3揀咗仙草凍走糖水 九份芋圓 紅豆 同埋芋頭雖然個紙兜睇落唔係超大但都幾足料厚厚嘅仙草墊底 超級滑捋捋但無咩草藥味值得一讚嘅係仙草係凍嘅 唔會話微暖怪怪哋相反芋圓就微暖 淺紫6粒 深紫3粒 黃色就得2粒 深紫色同黃色都食得出薯味 不過淺紫嘅芋頭味就唔太出🤨 芋圓質地煙韌得嚟粉粉哋 感覺好天然紅豆煮到腍身 唔係粒粒分明嗰種不過就略顯甜咗啲+🍠芋頭 $7芋頭有5大舊 又粉又香好出色💜

路過見到好多學生放學後來買飲品及小食，見到餐牌上有賣雞蛋仔，買來試吓。我揀了珍珠奶茶雞蛋仔（$22）因為即叫即整關係都需要等10-15分鐘。等了一陣，但結果跟預期不一樣，即叫即整期望雞蛋仔上手熱辣辣的，但可惜只是暖暖的。因疫情下搵個位坐下慢慢歎，相隔時間只有5-10分鐘左右就變得已經涼了，唔脆變咗淋ber ber 。味道方面，好在佢算是真材實料，每粒雞蛋仔都是有珍珠，但但唔算太濃黑糖味。下次經過或者會試吓茶飲，但雞蛋仔個人唔太ok。