咖哩葉

營業中

休息中

承接上回，我喺「咖喱葉」一連食咗三日，試咗兩個素餐一個肉餐。結論係素菜極力推薦，肉類水準就似乎有高低。今次就講埋第二同第三日嘅體驗。第二日，我試咗另一個素食——鷹嘴豆咖喱，當然都係配Naan薄餅。呢個咖喱嘅做法同第一日嘅黑扁豆咖喱完全唔同，佢係冇乜醬汁嘅，感覺似係用鷹嘴豆、蕃茄、洋蔥、芫荽同一齊兜埋快炒咁。味道會比有醬汁嘅咖喱清爽啲，但層次一樣好豐富，食到晒各種蔬菜嘅新鮮甜味。最有誠意嘅係，佢竟然特登配咗個蒜蓉薄餅，而唔係普通原味，呢個配搭好夾，睇得出有用心。不過呢個冇影相。到第三日，我終於試咗肉類，叫咗個雞肉咖喱。可惜呢個體驗就冇前兩日咁完美。首先份量明顯細份咗，無論係咖喱定薄餅都少啲。或者睇圖片唔覺，但係兩日食素我都食得好飽，反而係食肉嗰餐唔飽。咖喱個底味依然係好食嘅，但主角啲雞肉就處理得唔夠理想，感覺可以醃得再入味啲，肉質都有進步空間。不過佢有送一小碟切粒嘅青瓜、蕃茄同洋蔥，撈埋落咖喱度食又幾得意，幾好食，睇嚟下次可以試吓佢個炒飯。總結三日嘅經驗，下次再嚟我應該都係會主力食返佢啲素菜咖喱。如果你想試啲高質又唔會太重口味嘅印度咖喱，呢度嘅素食餐絕對係必試之選！

想講呢間「咖喱葉」，我真係一連食咗三日，試咗兩個素餐一個肉餐。結論係：素菜極度推薦，肉類水準就有啲飄忽。今次先講第一日嘅驚喜。話說嗰日好想食印度咖喱，喺附近search到呢間評價幾高，就決定一試。結果呢一試，就令我第二、三日都忍唔住要返轉頭。我第一日試嘅係佢個黑扁豆咖喱（素），我敢講，呢個咖喱好食過重慶大廈好多！重慶大廈好出名，但無論係地下定樓上啲所謂「明星推薦」，我都覺得麻麻哋。呢個黑扁豆咖喱出色在於，味道好濃郁，但又唔會死鹹，就算唔點薄餅，齋食都好過癮（如果你鍾意重口味嘅話）。口感好順滑，雖然睇落好濃稠，但食落完全唔會滯。啲味道融合得好好，辣味係後尾先慢慢滲出嚟，好溫和，平時食開十小辣嘅我都覺得唔辣，絕對啱香港人口味。個Naan薄餅都係功臣，新鮮熱辣出爐，外層脆卜卜，入面又帶少少濕潤軟糯，仲有啲煙韌，口感真係完美。不過要趁熱食，凍咗就冇咁好食喇。而且唔會油淋淋，感覺好健康。最痴線係個平日午市套餐，下晝三點前，素咖喱連汽水先$48，肉類都只係$58-68，真係抵到爛！加埋個環境行高級路線，雖然有啲金燦燦未必個個香港人鍾意，但坐得好舒服，絕對係物超所值嘅一餐。

朋友推薦這間餐廳第一次大同老公同女來試這間餐廳，星期五的晚上坐滿人，食物相當豐富我哋點咗印度烤雞咖喱角，印度薄餅，印度燉飯，相當美味😋起初擔心會太辣不適合小朋友食，但比想像中好。裝修別說一格，很有情調。侍應積極款待，老闆也很熱情，大讚👍🏻也值得一齊店內洗手間，金碧輝煌，設有金色洗手盆金色廁所🤣🤣可能因為印度人喜歡金色。老闆請我哋食甜品，好特別，雖然我冇鍾意食甜嘢，但還可以😅 極力推薦大家一試👍🏻

Passed by Curry Leaf the other day but because I was in rush so I couldn’t try it out. Today I finally could! I ordered my favourite Paneer butter masala + Paratha + Masala Tea. Food was amazing!!! The masala tea was the best so far I had in HK, they gave you brown sugar on the side so you can adjust the sweetness and I could totally tasted the cardamom! It’s just so different than any other masala tea so far. The curry was great! Full of spices, the paneer were soft. Overall it’s a very recomme

Curry Leaf 咖喱葉 係我私藏嘅北印度食堂，今次專攻佢哋 「殿堂級雞肉煲仔飯」 — 用 傳統陶鍋猛火燜，上枱仲「滋滋」聲，揭蓋 香料爆炸香到癲！飯粒分明兼吸晒雞油精華，雞髀肉大塊又滑溜，仲有藏底嘅 脆飯焦，直頭係邪惡彩蛋！配 牛油雞 個汁 濃滑到犯規，番茄甜＋奶油香撈飯無得輸；羊肉咖喱 更係神作，羊肉燉到叉子一掂就散，掛滿洋蔥番茄秘製醬汁，點 蒜蓉烤餅（脆到有聲！）食完成個人暖粒粒～  環境係 德里宮廷風，坐得闊落，店員仲會教你正宗「食法」！人均 $180 左右，陶鍋飯夠3人share，性價比高到笑～已Mark實下個月再戰！  

喂呀！講起香港食印度菜，我真係試過唔少，但 堅係要同大家分享我嘅No.1飯堂！呢間真係 我心目中Top 1印度餐廳，食極都唔厭，諗起啲香味都流口水呀！🤤 首先，佢啲 香料真係無得頂！唔係得個鹹字或者死辣，係好有層次、好豐富嘅香味湧出嚟，一食就知師傅功力深厚。我每次必嗌嘅 Butter Chicken (牛油雞) 🍗，個汁 creamy到爆炸，帶微微甜同濃郁蕃茄香，啲雞又煮到 冧冧哋超入味，撈飯或者點Naan食都係 天堂級享受！講開Naan，佢哋嘅 Garlic Naan (蒜蓉烤餅) 🫓 真係 神級好食！新鮮即烤，熱辣辣上枱，外脆內軟，勁多蒜蓉同牛油香，單食都已經好正，點埋啲咖喱汁... 哇，真係 無敵組合，食到停唔到口！ 仲有佢哋嘅 Lamb Rogan Josh (羊肉咖喱) 🐑，啲羊肉 炆到超軟腍，完全冇羶味，個咖喱香辣得嚟好醇厚，香料味好出，食落好暖胃。如果鍾意食辣嘅朋友，一定要試吓佢哋嘅 Vindaloo，我試過一次，真係 辣到飛起但好過癮🔥！ 環境方面，佢哋雖然唔係話好豪華，但 夠晒地道feel，坐得舒服，啲 staff 哥哥姐姐都好 nice 好 friendly，成日笑

是日一共點了六樣品項芝士薄餅 十分鬆軟 厚身 淡淡香味蒜香薄餅 鬆軟 少許脆身 比較有口感菠菜芝士 味道溫和 容易入口羊肉咖喱 味道濃郁 十分惹味烤雞 個人非常喜歡的品項 鮮甜多汁 有雞髀甜品波波球 超級甜 但是是預料之內 而預料之外的是竟然有五粒 餐前有送 脆身小薄餅 辣辣的很開胃網上訂位另外送白酒一支 十分感謝若然想吃印度菜的朋友可以給咖喱葉一次機會

由2019年幫襯到而家，估唔到裝修完退步咗咁多，好可惜 🥲Panipuri - 餡比以前少起碼咗一半，成個皮腍晒Butter chicken - 汁稀，雞肉質老晒，同之前隻味完全唔係同一個水準。芝士焗西蘭花 - 成棵西蘭花手掌咁大，求其切四刀就擺上碟，芝士淋落去完全唔入味。Cheese naan - 唔新鮮，明顯擺咗好耐先上菜，拎到上手可以揸出油。Mango lassi - 飲管啜得好辛苦先飲到少少，原來成杯嘢由以前好Creamy變到而家成口都係泡 😥舖頭裝修完，靚咗好多，仲有全金色廁所同燈光又光猛咗，但嘢食好令人失望。好明顯間舖頭為咗cut cost，大大降低咗食物質素。以前坐低10到15分鐘一定有嘢食，今日又坐低到上主菜，起碼40分鐘以上，成間餐廳得三台客。最後埋單，人頭以前食開$100尾，變咗人頭$300幾，明明嗌嘅菜少過之前，但起碼貴咗三成。嘢難食咗，但仲貴咗好多。希望老闆見到個comment可以提升返水準 😓

好味！我最近光顧了一間印度咖喱餐廳，真係好味到不得了！我點了招牌的黃咖喱雞，雞肉鮮嫩，咖喱醬濃郁，帶有一絲微辣，讓人垂涎欲滴。配搭的香米飯更是完美，吸收了咖喱的精華，每一口都令人陶醉。此外，我還試了香脆的印度薄餅，外脆內軟，沾上醬料更添風味。整體環境舒適，服務友善，絕對是我下次再訪的好地方！（廁所好靚）

第一次食正宗印度菜，上網見到有人自制masala炒飯，見到好吸引，搞到我都想試下食睇下哩間鋪頭係openrice同Google都多好評，就買左個外賣黎試下首先認真好香，可以食好多種香料味層次好豐富，另外無我想像中咁辣，我唔算食得辣，仲以為會辣到流眼水不過我叫左雞肉炒飯同牛油雞，但係攞左兩盒野好似差唔多，唔知係咪比錯

嚟到Curry Leaf， 叫咗Butter Chicken 同羊肉咖喱，仲有garlic naan 同mango lassi。送咗個胡椒小食，個汁嘅味道鹹鹹哋辣辣哋幾特別。Butter Chicken同羊肉咖喱都唔錯，butter chicken 甜咗啲，garlic naan一份有3塊，蒜味都夠，整體都幾好食。

昨天，我和朋友們在Curry Leaf享用了晚餐，我們一直想嘗試印度菜。黃油雞的醬汁濃厚而美味，而魚串的醃製恰到好處，非常好吃。我們還嘗試了坦都里西蘭花，味道獨特而美妙。總的來說，這是一個很棒的用餐體驗！

看到openrice評價不錯，於是和朋友book了打算試試印度菜。兩個人叫了羊肉kebab、牛油咖喱雞和烤餅。牛油咖喱雞還行，但比較重口味，不算特別美味，普通。羊肉kebab不是想像中用餡餅包著的羊肉卷，而且臊味很重，吃下去很鹹，完全不好吃。烤餅一般，沒有特別好吃或特別。抱著很大期望來，但比較失望，性價比不高。

老闆娘人好好，hand made momo 好好食～～人情味，會問你o ng okay 好唔好食～～坐得舒服，唔會趕人走，地方又夠大；有唔同naan 比你揀，價錢經濟～會介紹朋友黎食，支持支持～

位於佐敦嘅北印度菜，裝修同氣氛都有傳統印度風味，唔吃辣都啱 (如果你都鍾意印度香料)，都多印度菜餚同印度特色飲料選擇👌➽ 莫卡拉羊肉 - 羊肉份量十足，肉質鬆軟帶有濃郁羊羶香，巧用各種印度香料炮製令到香氣四溢，口感層次豐富；而且印度飯粒顆顆分，與羊肉相得益彰，係一個唁錯嘅印度風味煲仔飯。➽ Butter Chicken牛油咖喱雞 - 牛油咖喱雞咖喱醬汁濃郁鮮美，有奶油般滑順，咖喱包裹住雞肉細膩柔軟，口感濃郁與雞肉鮮嫩多汁，搭配香噴噴的印度烤餅。➽ Keema Naan 羊肉餡餅 - 羊肉餡餅羊肉味濃郁而不膩。餅皮薄脆而不乾燥,餡餅香氣於口中彌漫，既傳統又美味的印度風味小吃。➽ Mango Lassi - 印度傳統芒果奶昔清新可口，濃郁芒果香氣同醇厚的奶香交織，消暑解渴之選。