咖哩爸爸 (已結業)

位置非常方便，就位於銅鑼灣糖街戲院上層，佔地成5000呎🤭咖啡爸爸的重點係它以實惠的價錢體驗酒店時式火鍋放題🤤湯底🥘平時打邊撈都一定要店調味醬，但係呢個咖哩湯底非常濃郁，肉係完全入味，不需要再用調味👍🏻👍🏻除左咖哩湯底，仲試左個對女仔好好的養顏花膠雞鍋，鍋的料亦好足料，有成隻雞仲有好多花膠，滿滿的骨膠原😍岩曬女仔食食物款式🤤店內有不同套餐，分別會有安格斯牛，鹿兒島黑豬肉，肥羊肉，農場雞肉，仲有部分海鮮🦐除左呢d點的食材，仲有自助區有好多款不同的菜以及好得意的丸類。…查看更多

眾所周知，打邊爐除咗個爐緊要之外，湯底都相當重要！😂嗰日喺銅鑼灣行行吓，見到有間新開嘅火鍋餐廳主打咖喱湯底，就即刻衝上去試吓！睇相同埋經過見到人哋食緊嘅咖喱湯底，望落去都覺得非常之濃郁，應該幾重口味下😍所以我都即刻點左個爸爸咖喱鍋拼藥膳養生豬骨鍋！個爸爸咖喱鍋有得加$35轉特濃，不過我冇加到，因為我想試吓正常嘅口味係咩質素先🤨個湯底一嚟到望落去覺得好濃郁，就咁飲亦都係剛剛好夠味嘅，但係點知原來用嚟烚嘢食係咁唔夠味嘅😟我成餐主要都係用豉油嚟加返啲味，到最尾頂唔順我直程索性倒啲豉油落去個湯底到先叫有返啲味😂所以我對呢間嘅湯底係好失望嘅😟😟😟-之後講下配料..我就叫咗第二貴嘅嗰個set，不過啲牛肉同豬肉都麻麻哋，對比其他任食嘅火鍋呢間嘅肉類都真係有啲失色，啲肉切得比較厚，肥瘦又唔均勻，而且亦冇乜肉味😟不過好彩，出邊自助區嘅食材款式種類都幾多，而且亦都幾好食，加返少少分啦😅😅…查看更多

當天慶祝生日，女友秘密同職員溝通。食到最後，職員細心伴碟，插蠟燭給本人驚喜。仲送了兩張電影戲票，很開心。食物方面份量一定足夠，食得很飽；質素滿意！環境非常舒適，空調新裝。…查看更多

班同事全部都係勁中意打邊爐，見到銅鑼灣開左呢間主打咖哩火鍋既新店，就即刻拉大隊尼試。個陣係新張期內，仲有 75 折！餐廳入面好闊落，我地一行十人，可以每人揀唔同既套餐，非常好！我地結果就有一半人淨係叫 $86 既自助bar，另一半人叫 $98 有得揀豬牛羊雞其中一款 6 件既餐。佢同其他任食火鍋唔同既係，肉類無得 refill，但其實食出面既自助 bar 已經非常夠飽！飲品同醬料任拎，有多款韓國罐裝飲品同4-5款啤酒，不過為左唔脹住個胃只係飲左 2 罐。佢有好多款蔬菜，全部索左咖哩湯之後都勁好食，尤其大蔥！佢隻咖哩唔係帶甜味既日式咖哩，而係食到入面有好多唔同香料味，而且都幾辣。如果唔食辣既朋友可能會覺得太刺激，不過我同同事都食得辣，server 見我地醬料拎好多辣椒，主動同我地講佢個咖哩湯係可以加辣！下次尼要試下~除左好索汁既菜，金菇，粉絲，特別想推介佢地既粟米！粟米係超級超級甜！我地呢半張枱起碼食左 3 盤粟米，飽左都繼續食！不得不提既仲有生根，平時出去打邊爐已經好少有得食，雖然好肥，呢個索左汁都係難以抗拒~雖然佢話食 60 分鐘，但其實只係限你 60 分鐘內出去拎食物，而且唔會限你每枱得一隻碟咁，60 分鐘後可以繼續傾住計烚埋剩低既野食，幾加分~…查看更多

漸冷的天氣又是出動打邊爐的好時候！ 這次經朋友介紹來到咖喱爸爸，一進去餐廳就傳來非常濃烈的咖喱味！我們點了招牌的特濃爸爸咖喱鍋，而套餐就選了有特級雪花肥牛、美國黑毛豬、嚴選肥羊和農場雞肉的放題套餐！ 店員一開始就為我們送上牛肉、羊肉和雞肉，驚喜的還有煎的好香的午餐肉和麻辣的豬紅，驚喜的特別誘人！首先先嚐嚐這個特濃咖喱湯底！一打開就聞到好香的咖喱味，嚐一口湯底是超級無敵濃郁！ 就算中途加了湯，也由頭到尾超濃郁！ 湯底本身就有薯仔、蘿蔔、薑等等，好足料又吸收了湯汁的精華！特級雪花肥牛真的肥瘦均勻，肉質軟稔同時充滿牛味！嚴選羊肉則帶有陣陣的羊騷味但又不會過火！而農場雞肉肉質嫩滑又彈牙！除了肉類，打邊爐又怎少得了各款丸類、蔬菜、菇類和海鮮呢！ 這個是我同男友來到好驚喜的地方，就是她的火鍋配料超級多的！ 丸類特別推介有可愛卡通造型的魚片、黑卒卒的墨魚丸和醬爆芝士丸！還有我們第一次吃的火鍋麻糬，超特別！蔬菜類也真的多不勝數！翠玉瓜、蕃茄、粟米、豆腐、南瓜、金菇、青蔥、豆卜、冬菇、西蘭花、生菜、油墨菜等等等等⋯⋯這邊還有公仔麵、烏冬、蒟蒻等等。最重要還有海鮮類：魷魚、扇貝、青口等等！就連飲品都應有盡有，除了一般的汽水、芬達、忌廉溝鮮奶、啤酒，還有來自不同國家的生果味啤酒、黑啤！當然還有清熱氣之選的竹蓆茅根、菊花蜜等等！其實還有很多數不出名字的飲品，真的讓人有選擇困難症 哈哈…查看更多

近日，卒之明確有啲涼意，清早又低過廿度，有少少入冬嘅感覺。雖然，依家食火鍋都無分季節，但天寒地凍「打鞭爐」較有感覺，所以，是夜同親友嚟到「咖哩爸爸」涮番餐。貪佢定價OK，又有啲優惠，兼且呢一類火鍋放題比較有預算。咪睇佢門口細細，入到去原來地方幾大，裝修幾骨子，又乾淨企理。眼見卡位比較闊落，比四人枱仲好坐，所以，揀咗卡位。一大張餐牌顯示晒晚市嘅多種套餐，視乎所揀嘅肉類級數及配搭，定價由$198-$488，由於新張期內，仲有85折優惠添。唯一注意喺同枱所有人要點同一價位套餐。時限為90分鐘，但今晚唔算爆場，夠鐘時店員都無催我哋走:)。4款套餐中，我哋揀咗隻平平哋嘅$228套餐，包咗特級雪花肥牛、美國黑毛豬、嚴選肥羊、農場雞肉。餐內全部肉類可無限制添加任食，其他配料、飲品自助放題，任食任飲，當然大前提喺唔好嘥嘢啦。論到涮涮鍋，先介紹吓有咩湯底，分別有款：養顏花膠雞鍋、特濃爸爸咖喱鍋、爸爸咖喱鍋、重慶麻辣鍋、尚膳清湯鍋、韓國泡菜鍋、蟲草花素菜鍋、爆蒜番茄鍋及藥膳養生豬骨鍋，要留意，部份需額外加錢，亦可加錢雙拼湯底。當一入門口，就會見有自助食物區，等小弟帶大家睇睇自助食物有啲咩選擇先。數數埋埋，超過50款嘢食，食幾多，夾幾多。比起百幾蚊酒樓嘅任食火鍋，剔邊樣無嗰樣，平價嘢又專登堆多啲，自助嘅都喺感覺自在好多。另邊廂近雪櫃嗰邊，仲有少少蒸點。食涮涮鍋點少得「混醬」，醬料區唔算好大陣容，算喺基本嘅都齊。小弟就唔喜歡太雜，醬油、蔥粒、金銀蒜，再糝少少芝麻就夠喇。除醬料，襯火鍋又豈可無汽水、啤酒之類吖。一組大雪櫃堆得滿滿各式飲品。隔離竟然仲有部咖啡機，不過，呢度甜品得紅豆沙，無其他像樣嘅甜點，所以，因為無甜點好襯，最終都無試到佢哋啲咖啡。飲品選擇非常多，坊間好少見到既飲品亦有。有一款韓國出品嘅蜂蜜梨汁（藍罐）配火鍋就啱晒，因為夠潤，而且，飲到底原來仲有好多香梨微粒，所以，再飲嘅話就要搖吓佢。另一款又喺值得推薦，應該又喺韓國出品，睇圖未必清楚喺乜，其實喺四季桔果汁，酸爽清香，又喺食肉嘅好搭配。冷盤小食只喺得兩款，一款喺泰式酸辣鳳爪，另一款喺涼拌筍絲，晌等待個鍋底時過過口癮，味道OK啦。藥膳養生豬骨鍋鍋底好快送上，打開蓋睇睇，堅喺真材實料，件豬骨大過我嘅拳頭呀！題外話，佢哋嘅爐好夠火力，輕易就滾起個湯底。先呷幾口試試，掂！鮮甜得嚟帶藥材香，但藥材味唔會太搶，卻又濃而不膩。其後，店員不時會主動問客人使唔使加湯，而加嘅真喺配合番個鍋嘅湯，而唔喺加啲水落去。雖然話喺放題形式，但如果你揀咗個平價啲嘅餐，但又想試吓啲高級數嘅肉，餐廳都提供散點嘅選擇，又或你想試啲額外嘅食物，都可透過餐廳提供獨立嘅二維碼，自行以手機落單。特級雪花肥牛雖話「特級雪花」，但比小弟預期嘅油脂多，但輕輕灼過，入口又唔喺咁肥咋喎，而且，肉質嘅口感好柔滑。美國黑毛豬成日話肥豬肉，反而啲黑毛豬唔喺好多脂肪喎，仲切得薄到透光，雖然喺豬肉，因超薄而無需要灼太耐，啲黑毛豬又喺好嫩滑。嚴選肥羊啲羊一啲都唔肥，而且好嫩口，加上羊羶唔太重，相信一般人都接受到，如果少少羶都唔OK，夾住少少蔥粒食，效果好唔錯。農場雞肉相對牛肉、豬肉，雞件有番咁上下厚身，灼耐少少安心啲，而雞肉肉質意外咁嫩滑，一啲都唔嚡口，皮下脂肪亦非常少，果然喺農場新鮮貨。煎午餐肉另外，額外送贈每客一件午餐肉，當然唔會就咁食啦，都試吓放入湯式滾一滾。但想唔明點解午餐肉唔喺咩貴價嘢，竟然喺自費項目。火鍋配料之後幾輪，就分別試試唔同嘅配料，食吓食吓都唔好講笑，雖然無可能試勻晒，但睇我哋都真喺試咗唔少款式，例如多款丸類、僅有嘅少少海鮮、野菜、瓜果……等等，總之，食到捧住個肚走。估唔到，親友勁擦得，仲食得落成個公仔麵及少少拉麵，小弟就幫襯吓要啲公仔麵，加埋啲濃湯及蒸蝦，作為今餐嘅結尾。其實，個半鐘食一餐涮涮鍋時間確喺有啲緊，幸而今日人少，可以安心慢慢嘆。因為始終唔喺點最貴嘅套餐，所以，難以評論所有肉類嘅質素，但我哋覺得二百零蚊，我哋揀嘅套餐嘅肉都OK，加上任飲任食，唔使洗，又唔使切，都划算啦。…查看更多

火鍋大家就吃得多了，咖哩味的火鍋大家又吃過沒有？得知銅鑼灣糖街新開了一間以咖哩為主題的火鍋店，名為「咖哩爸爸」，看似很特別似的。位置就在皇室堡商場再走前一些，再轉個彎就到那座大廈的樓下。以放題店來說，這間的環境真算不錯，空間感充足，桌子與桌子之間的距離不會太接近，環境整齊乾淨。配料的種類有不少，想不到會有青口😳還讓我發現到有3款可愛的公仔魚肉，很適合小朋友吃呢～晚市放題90分鐘任飲任食，也是一般放題店的作風，火鍋湯底的種類也不少，養顏花膠雞鍋和特濃爸爸咖哩鍋都需要加$35，不過新開張有85折優惠，我和男朋友點了$228的那款。店員聲稱最近餐廳推出了一個邪惡系列，有即炸午餐肉和即炸魚皮，我們要了一份午餐肉。午餐肉的厚度十分高，平時雖然都有機會買回家吃，不過沒有那麼好的心機煎得那麼脆，這裡的午餐肉煎得頗脆。然後先選擇了火鍋的湯底，既然店員推介我們點這款，這間餐廳的名字又叫「咖哩爸爸」，那就當然要試試。驟看已知道咖哩的味道十分濃郁，之後聽店員說才知道咖哩是他們自己製作的；難怪味道是如此的濃郁。套餐包括了羊肉，不過我本身其實並不偏好羊肉😅四款套餐都有羊肉，那便即管試試。羊肉驟看呈粉紅色，味道很羶，所以我一向不太好羊肉，不過當是試試罷了。最適合男朋友吃的是牛肉，牛肉是雪花肥牛，脂肪部分較多，所以質感也是較軟稔的，牛肉味也算香濃。看這個樣子完全沒想到這是豬肉😅還以為是牛肉呢。豬肉是美國黑毛豬，質素自然挺好的，弄熟後豬肉味也很明顯，味道不會很「假」，有點入口即溶的感覺。…查看更多

最近天氣開始轉涼，最好就係去打邊爐😁見到銅鑼灣有新開嘅火鍋，咖喱湯底，新開張仲有抵添👍特登黎到就當然要試個咖喱湯底，咖喱味超濃，好香，最好唔好著太吸味嘅衫😂個湯咁濃，啲肉就好夠味 ，唔使再點醬油已經好好食👍佢啲肉都幾新鮮，唔會雪咗好耐，我最中意食豬，同個咖喱味超夾佢拎嘢食嘅地方都幾乾淨同選擇都幾多，除咗一般嘅丸之外，佢仲有啲有公仔做型，小朋友應該幾開心，同仲有生根，吸湯之選😏飲品除咗一般嘅可樂之外，佢仲有自家製嘅飲品同啤酒🍻…查看更多

curry curry Hot pot 👍👍😋😋估佢唔到⋯⋯用咖喱湯底打邊爐，原來可以咁好味㗎😍😍😍完程不用額外沾任何調味料，無論食🐔、🐂、🐑、🐷肉片又或🦐🥬🌽雜丸⋯⋯⋯⋯通通都非常好味、夠味夠香呀😋😋😋記得一定要食呢度嘅大大粒魚蛋配咖喱超正💯而火鍋肉類超級新鮮，任食選擇有四款：特級雪花肥牛、美國黑毛豬、超正嚴選肥羊同農場雞肉。自取區有好多嘅丸類、蔬菜同粉麵類，選擇種類極多又高質。罐裝飲品絶大部分都是韓國🇰🇷，果汁、氣水、啤酒、燒酒⋯⋯⋯正到暈🥰🥰呢個咖喱鍋底用上十多種香料秘製而成，濃香惹味🤤絕不油膩。真係好得👍…查看更多

今次去咗銅鑼灣糖街新開張嘅咖喱爸爸🥘食火鍋✌多款湯底供選擇，今次我哋試咗其中三款，咖喱湯、花膠雞湯同蕃茄湯底。我就最鐘意招牌特濃咖哩鍋，咖喱味超級濃郁😋 全程唔需要加添任何醬油👍👍晚市放題套餐提供不同款式肉類選擇，必食推介；肉味濃郁軟腍的安格斯牛肉，鮮嫩肉質脂肪均勻的鹿兒島黑豚肉、肉質細嫩無羊羶味的特選羊肉同鮮味農場雞💯仲有大大隻虎蝦，肥美白滑嘅火鍋蠔。配料自助區既長洲大魚蛋、粉糯鬆化的芋頭件🤤🤤仲有多多韓國🇰🇷果汁、汽水啤酒、玉露⋯⋯⋯ 絕對係💯💯酒店級🔥鍋放題…查看更多

秋風起🍁又係打邊爐既季節。市場上咁多間邊爐，揀邊間都有排揀。今次脫穎而出既係銅鑼灣新開的咖喱爸爸😋聽個名就知主打咖喱湯火鍋啦，鍾意濃味既大家唔可以錯過😂個人覺得咖喱火鍋好食過沙嗲湯。唔食咖喱都有其他湯底可以選擇，例如花膠雞鍋，重慶麻辣，蟲草花素菜，韓式泡菜等等。我地加左$38升級做特濃爸爸咖喱鍋😋特濃鍋用左幾十種香料調製，咖喱湯超香，比普通的爸爸咖喱鍋更濃郁，最重要係由始至終都咁濃味，唔會煲到最後變淡呀😍👍咖喱鍋入面有薯仔，蘿蔔，洋蔥，薑等配料，建議等薯仔同蘿蔔煲到最後，等佢地吸收曬咖喱湯底的精華，再配個公仔麵一流😎炸午餐肉兩塊厚餐肉，炸起熱辣辣又香脆。點少少咖喱湯沾一沾上濃郁香味，味道更豐富👍少辣，開胃唔錯😀90分鐘既晚市放題有4款套餐可供選擇。豬肉，羊肉，雞肉，牛肉， 豐儉由人。當然貴d既套餐肉類質素會高級d啦，而家可以食齊4款肉類🐷🐂🐑🐥我地就揀左特級雪花肥牛，美國黑毛豬，嚴選肥羊，同農場雞肉套餐。肉類唔夠喉可以加錢點多份，或者試下其他海鮮呀。每款丸都拎左一粒，黑媽媽墨汁丸，蟹籽丸，仲有可愛既公仔魚片😊芝士腸入面真係有芝士架，好感動😭已經好耐試過打邊爐食到有芝士既芝士腸。山根波波沾滿咖喱味一流👍最後淥個公仔麵同拉麵超正呀！粉麵底可以吸收曬咖喱湯精華，索曬咖喱香味😋變左咖喱撈公仔麵咁👍自己煮埋豬皮魚蛋，港式公仔麵套餐就誔生啦❤️各式丸類，魚蛋，腸仔，應有盡有。粉麵類。仲有幾款菜同菇不過冇影到飲品種類豐富，有milkis，韓式果汁，啤酒，仲有少見mr juicy的竹蔗馬蹄同雪梨汁。打邊爐清熱氣啱曬👍以為淨係得咁多？咁你就錯啦，隔離有咖啡機可以沖熱咖啡，朱古力同薑茶，好貼心地滿足各位客人的需要呀😉…查看更多

今晚約左老友食飯， 佢帶我黎依間新開既「咖喱爸爸」，初時聽個名以為是印度菜，原來是一間火鍋放題店。 餐廳位於銅鑼灣糖街樂聲大廈，地段方便。 不得不讚餐廳環境，乾淨整潔，十分寬敞，俾人舒適的空間感。-放題式任飲任食夠自在。 先講講湯底，叫得咖喱爸爸。想必咖喱湯底必是其一招牌，未入門口已經聞到撲鼻的咖喱香。 我們點了「特濃爸爸咖喱鍋」，數十種香料秘製，例如香茅、孜然、香菜等，鍋裡還有大量配菜，例如紅蘿蔔🥕、薯仔🥔。湯底十分濃稠，香氣四溢，還帶點辛辣。中途加了兩次水，但味道依然很濃郁，味道沒有變淡。初嚐咖喱湯底，吃得過癮！ -餐廳還有其他特色湯底，如養顏花膠雞窩、花椒知味、韓式泡菜蟲草花、爆蒜蕃茄、藥膳養生豬骨等。 -至於放題套餐有四款， 我們點了$228 ，有特級雪花肥牛、美國黑毛豬、嚴選肥羊及農場雞肉。我最愛肥牛，肥瘦均勻，紋理清晰。 朋友最愛鮮雞件，建議一早放入咖喱鍋，會更入味呢。-每台客人還會送上午餐肉及鴨血一碟。 厚切熱騰騰既午餐肉，縱使邪惡，但好吃得令人冇法抗拒。-自助吧的食物整齊地排放，款式亦夠多。 丸子類別多如：貢丸、黑椒牛丸、花枝丸、魚籽包心丸等等，最驚喜的是有長州大魚蛋！！拳頭咁大粒，配咖哩汁一流。還有可愛造型的公仔魚蛋。-蔬菜類亦比一段自助火鍋店的多，有翠玉瓜、雞脾菇、冬瓜、蕃茄、秋葵、南瓜、京蔥、金菇、西蘭花🥦、娃娃菜、小糖菜、西洋菜等等，種類多食材又新鮮。-此外我最愛的枝竹、豆卜及蜂巢豆腐；它們質感像海綿般吸收咖哩湯底，咬下去好濃咖哩香。 還有一些海鮮，如青口及扇貝； 即食小食如泰式酸辣鳳爪。自助款色之多得不能盡錄。 -餐廳還有一些收費的食材，scan QR code點單很方便又環保。-飲品亦有多款選擇！ 仲有多款啤酒🍻！-自助甜品有椰汁西米露同三款口味雪糕（芒果、朱古力及香芋）-初嚐咖哩湯底，食得好滋味！…查看更多

黎到銅鑼灣，睇完戲，天氣涼涼地就最啱去打邊爐，戲院上面禁岩開左間打邊爐，就決定要試下！咖哩爸爸 係新開店，入到門口就聞到好大陣咖喱味 ！就知道無食錯特濃咖哩爸爸湯底黎到食咖哩既店舖就緊係要食最濃味既咖哩啦！湯底係非常足料！用左月桂葉、香茅、紅蘿蔔等等煮咖喱的材料，非常香濃！就禁用湯汁配白飯都可以食一大碗飯！邪惡之選 - 炸午餐肉 韓國傳黎既炸午餐肉，午餐肉本身就好邪惡，加上炸左，帶點炸豬扒既味道，沾上咖哩湯底，根本就係咖哩豬扒！火鍋配料配料係非常之多！蔬菜至少有十種以上亦有卡通魚蛋，可以俘虜少女心，仲有點童心亦有吸湯之選！肉類飲品選擇非常多，坊間好少見到既飲品亦有，仲有熱飲可以選擇…查看更多

打邊爐相信你都一定食過沙嗲湯底，但咖哩湯底真係相對少見！今日嚟到銅鑼灣嘅咖哩爸爸，一入門口就聞到好香好香嘅咖哩香味，好吸引呀！但A姐由食第一啖開始就好唔開心，黑晒面喇！點算呀？唔係因為服務差，亦唔係食物有咩問題。而係佢勁唔小心咁彈咗咖哩汁去佢最鍾意嘅粉紅色衛衣度，我今晚有排受罪喇。所以A姐深情提醒大家，記住著深色衫嚟食咖哩火鍋喇。而餐廳雖然有限時，但如果無人等位，係唔會截你單，夠晒貼心。特濃咖喱火鍋加入咗唔同嘅香料，所以味道超濃郁。而入面預先放入薯仔同蘿蔔，越炆越入味，夠淋又惹味。而放題嘅肉類選擇有四款：特級雪花肥牛、美國黑毛豬、嚴選肥羊、農場雞肉。我哋就最鍾意豬味最香濃嘅美國黑毛豬，厚薄度啱啱好，口感一流。而建議農場雞肉一早放入煲，越煮越入味，就會成為味道濃香嘅咖哩雞，真係加碗白飯都得。自取區有唔同嘅丸類同菜類，選擇好多。連打邊爐少見，但咖哩常見嘅西蘭花都有！而推介大家有豬皮同腐竹，索晒濃郁嘅咖哩汁，真係好好味！海鮮方面就只有青口同魷魚。將公仔麵放入濃郁嘅咖哩湯，簡值係人間極品呀！飲品都有唔少選擇架！…查看更多

在銅鑼灣接另一半落班回家開餐，見面時他說要吃飽才走！吓，未夠6:30咁早開飯？原來他早前和同事路經糖街，發現有間新開食店，襯有特價，就去試試。食店空間頗大，食物區有蔬菜，瓜類，冬菇雲耳，各式丸子，豆腐類，麵條等；飲品有韓式罐裝soft drink及含酒精飲品，還有咖啡機，種類頗多。特濃咖喱鍋 (加錢點) 吃火鍋這麼久，也沒點過特濃咖哩做湯底，今晚品嚐吓先！湯底裡面有紅蘿蔔，薯仔，紫洋蔥，薑片與一些香料，湯頭濃稠，散發著很香的咖哩味，不帶辛辣，富層次感； 咖哩乾身容易出苦味，所以我們還是保險一點，用中火灼食物，及不時添湯，這就可吃得盡興，又美味。點了第二款放題 ，有特級雪花肥牛，美國黑毛豬，羊肉與農場雞肉。每款先來兩碟，二人份量。每位再送一片煎香午餐肉。牛豬羊肉均是薄切，易熟，灼一會便很嫩滑，牛有牛味，豬有豬味，羊肉少羶味，因為有濃郁的咖哩湯呢！而且不用醮醬油已很夠味道。我比較愛吃豬肉片，真是又腍又嫩，另一半就愛吃牛肉。漏了雞件，雞一向與咖哩很夾的，濃湯配嫩肉 ...滑！這咖哩讓我想起從前成長時，常吃的一款咖哩味公仔麵，湯底當然有差別，但相信每個人也有自己成長時對某種食物的回憶吧！吃到蟹柳時，他味道有如檔口仔(通常有味精) 的咖哩魚蛋 ，這鍋是真材實料餚煮而成，蟹柳吸了很多咖哩濃湯，軟綿，好味，惹味。丸類或腸類也沒多吃，只選了貢丸，墨魚丸與包心丸，因集中吃肉已經回本。蔬菜當然是不可缺，今晚跑出的是芋頭，超正超軟綿，一吃再吃。總結：主吃的肉類質素頗高，配菜新鮮，服務也不錯。…查看更多