咖吔

營業中

休息中

今日約咗朋友仔出將軍澳坑口行街， 而家應該準備換季， 周圍都大減價， 行得好開心, 買到2 手都係戰利品，行下行下原來已經過咗午飯時間， 覺得有d 肚餓， 搵咗間餐廳食下午茶.之前食過dD 間好抵食， 叫咗2 個下午茶餐都只係約一百蚊.新加坡喇沙摻摻：幾大碗， 配菜多，有魚片， 魚旦， 蝦， 豆腐卜同旦， 麵既份量都唔少， 同朋友share + 個多士已經夠飽， 好滿足斑斕咖央多士:多士中間加咗厚切牛油和斑斕醬， 好味， 黎到d 到必叫熱白咖啡：香濃咖啡味， 非常提神

🚩環境精緻 地道新加坡菜🚩📍 咖吔今時今日，進駐商場的餐廳總給人千篇一律的感覺。連鎖餐廳林立的年代，究竟該如何選擇特色餐廳呢？今日介紹的咖吔雖然也是連鎖，全港有四間分店，但它主打的新加坡菜賣相討好又不會太貴，絕對值得一試。🍴海南雞飯 ($88)要試新加坡菜，通常我都會先試海南雞飯。先講油飯，油香味恰到好處，最怕有些餐廳的油飯過油，吃下去反而噁心。雞方面肉質嫩滑，亦幸運地獲得脾胸各半，份量都夠。最重要的三色醬都不過不失，甜豉油不會過鹹過甜。雞飯還附上一碗冬瓜湯，清甜得來又得以中和雞的膩。湯裡還實在地有一塊冬瓜，不會「渣流攤」。在這個百物騰貴的社會，這個飯雖不算便宜但已對得住其質素，如果大家經過可以試試。

- 新加坡喇沙摻摻 ($88)摻摻意思原來係指兩溝，我都係個刻先知🫢但兩款麵都煮得太淋，配料都算多，有蝦仁、魚蛋、魚片，豆卜等等。除咗蝦仁同雞蛋，全部料都好索味- 海南雞飯 ($88)正正常常 雞肉都算滑 個冬瓜雞湯好甜 個飯粒粒分明

行過見到呢間，開設於東港城，標榜新加坡的 KAYA 咖吔是其中一家，原來未試過，所以決定入去試試。餐廳格局算大，環境比較舒適，座位寬敞，以卡位為主，燈光明亮，店面裝修風格及服務員的服裝帶有強烈的南洋熱帶風情。出品方便，烹調上卻有少許偏離傳統的路線。牛油果五色米紙卷揭開Menu之後，就比呢個牛油果五色米紙卷吸引，因為突然間好想食牛油果嘅產品，所以就叫咗呢個。成個賣相個人都覺得好靚，有點驚喜，因為佢一舊就有五種嘅材料再加上成個視覺上都係色彩繽紛。另一隻碟放了芒果计，米纸卷爽口清新不错。新加坡喇沙摻摻新加坡喇沙摻摻的配料有蝦、魚蛋、 豆腐卜和半熟蛋，摻摻是油麵和米粉混合在一起，再加上熱辣辣的湯底，味道不錯。個人覺得辣度其實都OK的，可以接受到。

星期日下午都有lunch set👍🏻喇沙配滲滲麵，但油麵較少，主要都係米粉。湯底椰香味都重。蝦有兩隻，但中間開邊，明顯見到蝦腸都冇挑走就爭d。其他配料都係正常，冇咩特別。好似好多餐廳都做馬來風味既肉骨茶，新加坡口味比較少見。胡椒味都濃，有3舊肉排。油條係凍既，都比較硬。完全食唔出斑蘭味，牛油細，醬少，包薄。👎🏻👎🏻跟餐唔使加錢有凍飲，抵讚。味道比較甜，冇咩話梅味。椰子味好重，但飲唔出斑蘭味，當係杯椰子冰咁飲就算。職員有禮，星期日中午12點唔使等位，但味道一般。

同屋企人係東港城附近買嘢買完野梗係食埋野先走人啦老公想食下新加坡菜就揀咗呢間食餐廳下午茶都幾多選擇由$40-88不等ღ海南雞飯 $72～見好多枱都會叫呢個食我都叫嚟試吓先，海南雞雞肉滑嫩雞皮滑得嚟又唔會好厚油飯味香食落唔油膩ღ街頭雞鴨絲湯粉 $49～份量十足！湯底清淡一碗有齊雞絲同鴨絲伴菜仲有豆卜同半隻蛋口感豐富又美味😋ღ新加坡鹹蛋黃單骨雞翼 $56～雞翼有6件，炸得香脆美味😋單骨雞翼沾上鹹香惹味嘅蛋黃味道， 口感更香濃ღ馬來拉茶ღ桔仔話梅水

其實都不用多說，看圖都知道這間kaya餐廳/廚房煮出來的so called 炒椰菜苗係幾有誠意呢。成個菜根本不是炒出來，而是白烚後再撈醬汁，完全冇鑊氣之餘，菜入面亦完全冇味的。再者看圖也能清楚見到這根本沒可能算是菜苗。至於laska和海南雞飯，亦沒以前好吃了。本來一心諗住食完今次，不再過來便算了。但實在對kaya餐廳很失望，所以最後還是選擇拍張圖片做證之餘，亦提醒大家選擇來吃之前，停一停諗一諗再作決定。

係坑口東港城發現左間地道新加坡菜，門口放左好多大綠葉植物，入面有吊扇同東南亞風牆紙裝飾，另外仲用左鏡面設計，令空間感大增👍🏻餐廳的套餐menu幾抵食，二人套餐A$ 248,份量剛剛好。🐤無骨海南雞有雞脾位同雞胸位，雞脾位超級嫩滑！仲有超靚啫喱層😍🦐櫻花蝦柚子沙律應該係成個柚子上碟😍超有誠意。柚子大大舊，酸甜醒胃。🦐五彩自家手打蝦餅好特別，面頭用左五彩星星炸粉，好靚。蝦肉新鮮彈牙😋🥬馬拉盞通菜份量超多，好大碟，炒得惹味😆🍹玫瑰荔枝沙冰🍹海鹽雪糕椰汁珍多冰兩杯特飲都好叻😍 好colorful。好鐘意個海鹽雪糕，同椰汁係絕配👍🏻

咖吔將軍澳坑口重華路8號東港城一樓112A號舖經開坑口，老友想食東南亞菜，帶咗我去咖吔，環境舒適，款式夠多，夠地道。😸新加坡喇沙摻掺香濃湯底，沒有味精，香夠辣不油膩，可以直接飲用。面層放了乾蒜提升層次，新鮮配料有大蝦、魚蛋、豆卜、雞蛋和豆角。摻掺爽口彈牙，吸收了湯底的精華，好正！😻老街咖哩麵配料新鮮，口感煙韌，有海蝦、魷魚、鴨絲、芽菜和洋蔥，湯底比喇沙辣，椰汁味香濃，好快畀我清曬。😍海南雞飯雞肉肉質鮮嫩又夠滑，連雞皮也吃掉了，油飯夠香夠煙韌，吃到中段可以加薑蓉、辣醬和醬油提升層次，推薦！😽馬來芒果汁配芒果雪糕芒果汁又香又甜，果味濃郁，食埋芒果雪糕，大滿足。😋椰子班蘭冰甜度適中，椰子班蘭夠香，冰底夠凍，飲完好舒暢。😽凍香茅鮮橙茶🍊橙茶有薄荷葉，鮮香茅，鮮橙，夏天飲一流，又香又甜，消暑解渴。😁咖吔 環境舒適，食材新鮮，侍應服務態度好，還會再來。😎👍🏻

今日lunch嗌咗個肉骨茶，menu係寫新加坡白胡椒肉骨茶（配雞油香飯或米飯），咁我無為意，嗌咗。上菜就見到好大碗湯，飲咗幾啖係好香胡椒味，顏色係清啲。食咗幾啖肉，都ok。然後食食吓見到碗湯有豬肚。。。（豬肚，即是豬胃）而我係一個唔食內臟嘅人。。。豬胃係用嚟消化食物，好容易洗唔乾淨，我成個餐食唔落，望到都唔開胃。我知道肉骨茶每間餐廳有唔同嘅煮法，用料會有啲唔同，但一啲特別啲嘅材料我覺得要係menu寫埋出嚟。menu寫肉骨茶我點估到有豬肚，我知道有豬肚我就唔會嗌呢個餐。。。另外，個飲品係椰子斑蘭冰，係好重色素同香精，不推薦。

今日難得放假， 負責湊囡， 帶囡囡出去坑口上興趣班， 放低囡囡後， 順便去附近搵咗間餐廳食tea.經過d 間餐廳menu 選擇算多， 下午茶價錢合理， 裝修舒服， 梳化座位， 座位寬敞， －個人坐低食下嘢， chill 下都唔錯.新加坡喇沙摻摻： 個喇沙湯底好正， 好惹味， 微辣， 加上配料都多， 有蝦， 豆腐卜， 魚旦同魚片,掺摻有二款唔同既麵， 口感豐富牛油果五色米紙卷： 健康之選， 入面包有牛油果和其他蔬菜， 細細件， 沾埋d 芒果汁， 夏天推介

呢日黎到東港城呢間kaya食好西! 我見到呢間餐廳都想試好耐, 今日放工終於黎食下佢! 我地叫左個$248 既2人套餐, 入面都有好多野食, 有個例牌既冇骨海南雞, 櫻花蝦柚子沙律, 自家手打蝦餅,馬拉盞通菜, 兩個油飯同埋兩杯野飲! 我地仲加左錢要椰青添! 冇骨海南雞點埋D醬真係水準之作! 雞夠滑,又有雞油香! 連埋個油飯食真係perfect! 櫻花蝦柚子沙律, 柚子甜甜配上脆脆櫻花蝦! Perfect! 蝦餅超彈牙,食到我地勁開心! 馬拉盞通菜份量都幾多, 好夠獲氣! 所有野都好食! 美祿恐龍都好令人驚喜!

今日落超大雨，剛剛去完醫院探病係坑口站落車出面又落緊雨唯有係商場搵食。原來東港城已經無咩食店可以選擇（睇水牌好似無左3份1店）。見到呢間有海南雞食又係我favour當然要試一試就知龍與鳳啦！2人套餐A，海南雞又細碟又無味（如果我叫1人份海南雞飯又會唔會再細塊的呢？）。雞飯食到淨咸味。蝦餅同柚子沙律味道可以的。馬拉箋通菜只聞其味食落無咩味。。。杯美祿本身就無甜味，的冰稍為溶左少少就好似飲緊有味既清水甘。。。價錢真心高但係商場無計。。。

今次是第三次来午餐，第一二次是剛新開張時，食品衛生都感覺良好！但今次再来覺得衛生欠奉，員工甚至把部分食物殘渣隨手抹落地上，不幸地有少量碎粒散落椅上，她們也只是順手用抹枱那塊布抹在椅上掃落地，枱下一地都是食物殘碎，有點恐怖呢（忘記拍照片）！ 而且她們擺位時可能太趕快，把水柸水濺到枱上也不理（也有可能不知道），於是叫其中員工来抹一下枱，他態度還算ok,只是口中不停碎念，以為是我們弄成這樣，其實我們才剛坐下一两分鐘，我馬上告訴他不是我們弄濕的！雖然食物質素還可以的，但今時今日這種服務態度及衛生環境，實在有很多要改善的空間，以後也不敢再去了！

平時好鍾意食新加坡馬來西亞菜，有冇人都好鍾意飲肉骨茶😋去咗坑口呢間試吓，成個裝修好有熱帶嘅感覺，坐落都幾舒服！🍴海南雞飯拼白胡椒肉骨茶 $118肉骨茶味道濃郁，白胡椒味好重，第一下飲有少少濁親，要小心，但係整體飲落都好舒服！海南雞好嫩滑，不過以為份量會多啲，雞油飯係精粹！🍴凍青檸紅茶 $28叫咗走甜，一樣飲得出紅茶嘅香味，見到餐廳仲有其他唔同嘅特飲，下次試吓先！如果晚餐都會有套餐就好啦，見下午茶同午餐嘅套餐都唔錯～