和順記 (電氣道) (已結業)

嚟到天后電氣道，見到新開左間餐廳 - 和順記！表面普通茶記咁，不過見佢menu d名幾特別就入去試下啦！麻辣蔥油雞撈丁 配 凍奶茶 $61 ：分兩碟上枱，個撈丁表面撒咗少少辣粉，聞落幾香，個麵軟硬適中又彈牙，唔錯，不過唔記得撈埋個蔥蒜，加埋應該會仲好食至於碟雞，食落似係口水雞，不過碟雞好似無咩雞肉，爭d.....雖然名係麻辣，不過食晒兩碟野都無飲過杯奶茶，幾啱唔係好食得辣嘅朋友當然仲有其他睇落幾特別嘅菜式，會再番去試其他菜式

聽就聽過佢個名好多次啦! 今日終於有幾會試! 如果平日Lunchtime去，預左要排一陣，因為餐廳地方比較細，坐位唔多，所以我地今日就等兩張枱，大概5-10分鐘左右.📌沙嗲雞扒撈公仔麵 $48 配熱檸茶(附上雞扒碎上相片🤣🤭)兩塊雞扒另上，幾有heart喎，方便你切完再食，而且雞扒好厚肉，而且醃得好入味，但又不至於好嫩滑，外皮都尚算脆！太陽蛋煎到流心脆邊，生熟度剛剛好! 沙爹汁都夠味，撈落公仔麵都幾好食，但如果可以再濃多少少會更fit🤤 .📌沙嗲雞扒撈烏冬 $56 配熱好立克個人認為撈公仔麵比較夾，但撈烏冬可能會飽啲🧐.總括嚟講，會回頭！下次試埋佢個滷水雞髀🍗先😋.=========================.

2021.05.01 和順想食雞髀，最近都係黎呢間。叫左兩個茶餐，一個滷水雞脾皇同埋公司三文治。滷水雞髀皇：真係好大隻，滷水唔會好咸，淡淡肉。如果唔係太熱氣，一係食佢個炸脾皇。公司三文治：無特別，都係食雞髀好過。

如果喜歡炸肶的朋友，千萬不要錯過和順記的炸肶。上星期叫了一份下午茶外賣炸肶餐，令我非常驚喜。估不到炸肶的份量竟然大過自己塊面，不單份量大，雞肶肉質嫩滑，醃肉的香料入味，食一只炸肶已經非常飽肚，連晚餐都吃不下。所以性價比非常高。如果喜歡吃炸肶的朋友一定要一試試。我叫的飲品是奶茶，茶味道不濃，所以沒有什麼特別驚喜。我是叫外賣的，由落單到回到目的地都是要二十分鐘，食物完全能保持新鮮熱辣的味道，這是值得一讚。

大過你塊面嘅炸雞髀🍗外皮真係炸到薯片咁脆，皮下油脂係高溫炸嘅過程逼哂岀黎，唔會咬落去成舊脂肪咁。皮下啖啖肉得黎仲要勁juicy 又無乜雪藏同醃肉味，可以話係少數食完會留下深刻印象嘅生炸雞髀。大大碟嘅碟頭飯，只係一隻雞髀一隻太陽蛋再淋上豉油，稱得上係平民之中嘅佳餚😋

之前食過幾次都可以，今次帶個朋友嚟試。明白lunch time會好多人預左等位。其實都只係等緊兩張飛，侍應先生一直講幾分鐘幾分鐘，最後等咗差唔多20分鐘，有兩張枱走左。一心諗住下一張可以入去，點知突然來了三個老闆的熟客，一個唔該就將兩張枱俾晒佢地，叫我地再等多幾分鐘。原本諗住帶朋友黎試吓，點知換黎一肚氣，唔會有下次。寧願幫襯下隔離良心熱狗店。

油麻地嘅大雞髀追我追到嚟天后🥰與雞共舞so far我覺得和順記嘅炸脾真係天下無雙入味。多汁。稔滑。仲要脆卜卜😍加埋隻荷包蛋嘅炸脾雞蛋飯成為左我而家減肥嘅時候最懷念嘅食物😭😭😭其實佢嘅滷水雞髀都好食仲要你睇吓大隻到個盒都爭啲放唔落By the way 佢連伴碟啲菜都係有味唔會水流流 零味道如果你問我齋戒完之後 第一樣想食咩YOU ARE LOOKING AT IT!!!

經過天后新開了一間茶餐廳，內進餐廳雖然地方較狹窄，但衛生整潔)食品種類頗多，最重要的是價錢又親民又貼地，我點了《避風塘炒豬扒飯》＄56，賣相吸引，另外，點了特色《芥末牛柳配黑松露炒蛋》＄58，芥末攻鼻帶少許甜，牛柳肉質淋滑，黑松露份量多炒蛋好香。整體服務及性價比高！

今日有嚟到天后電氣道和信記食午飯，你都話新機梗係不得不叫雞食，平時食開特色大大大雞髀，今日睇Menu見到有個特色芥末系列，心思思想食，一於叫黎試下🥳🥳芥末雞扒煎蛋飯 $58雞扒就一如以往咁好食，肉汁多，肉厚，外皮又炸得夠脆，好食😋，但好邪惡😨😨癡個芥末汁又出奇地好食，芥末係港式芥末，夠惹味，真係出乎意料咁好食😋，有機會一定要試吓，但值得留意係有少少辣，唔食得辣嘅要注意一下😂😂😂😂😂

係油麻地享負勝銘嘅咋雞髀終於嚟到天后啦❗️❗️位於天后站外有美食街之稱既電器道😍😍今日就決定會一會佢👍🏻👍🏻沙嗲豬扒撈公仔麵 🍜 $48沙爹汁好濃，撈落公仔麵好惹味，份量又多，唔會唔夠撈曬落個麵度😍😍豬扒又大大塊，唔會炸得太燶，又充滿曬肉汁🤤🤤而個煎蛋🍳就更加畫龍點睛💕💕皇牌炸雞髀🍗 $45之後終於到主角出場💕💕炸髀大過手掌🖐️，Oh my god😍😍炸雞炸得好香口，但又唔會太燶，雞肉又好有肉汁，唔會太老，正👍🏻👍🏻整體來講，好好食💕💕有機會一定要黎食😍😍

天寒地凍最想食D熱辣辣嘅野，呢個蕃茄濃湯豬扒烏冬就最啱喇😋濃濃嘅鮮蕃茄湯底，好有蕃茄味又唔會好酸，帶點鮮甜味，食完烏冬連湯都飲埋，正 另一冬天之選，藥膳豬潤麵，湯底有杞子薑絲，食完飲埋個湯全新暖晒

2021年的第一餐，見屋企樓下電氣道有新餐廳，決定一試，見隔離位食緊隻大雞髀，好吸引，就決定試下，我又喜歡麻辣，就決定試麻辣雞髀。自家制麻辣醬和蛋撈飯食，非常配搭，非常惹味，雞髀炸得皮脆，但肉依然鮮美多汁。唯一要改善係餐具的放置，要考慮衛生，避免要客人用手抄出嚟用。整體值得一試。

天氣凍要補血氣，豬潤係最佳選擇之一，但係要搵到好食又平民嘅豬潤實在唔容易。朋友介紹天后新開嘅和順記，之前有人特別推介佢嘅藥膳豬膶麵，一於試下！如果搭過海巴過嚟，銀幕街站一落，就會見到間舖頭喺街尾，地點方便。其實和順記最出名嘅應該係佢嘅大大隻雞比，見到好多人食，但係一心過嚟食豬膶，諗都唔諗就嚟咗個藥膳豬潤米粉。即叫即整，熱辣辣，豬膶份量都唔少，每一件都夠厚身，冇鯹味，配埋薑絲、杞子、食落去好暖身，個人覺得如果再爽口嫩滑啲就完美啦。