和順記 (電氣道) (已結業)

佢之前有幾間分店未有機會幫襯荃灣嗰間分店就拜拜咗聽講呢間分店即將結業所以決定點都要嚟試吓先嗰日係大概6:00入座啱啱Miss咗個下午茶時段有啲可惜但勝在完全唔需要排隊就可以即時入座非常之好叫咗個出名嘅炸雞髀飯另外同埋一個超級邪惡嘅西多士如果唔理個卡路里嘅話其實真係超級好食但始終佢啖啖肉同埋新鮮炸超多油出嚟加上個西多士，忍唔住落咗好多糖漿所以一路食就有好大嘅罪惡感好彩食完之後即刻去隔籬個維園泳池游水感覺上平衡返

天后店營業至1月30日 (年初二)，於農曆年前去支持一下。坦白說，很久沒去嘆炸雞髀了🙋‍♀️。炸髀+黑松露炒蛋+沙律配麻辣醬冰永遠是我的至愛!之前曾去過元朗Yoho 區附近一餐廳吃下午茶餐-炸髀薯條，價錢$50左右包餐飲。完全唔掂!!!!! 炸髀似患有小兒麻痺症的，炸得既乾又柴，薯條則係咁二炸下，好似唔夠錢交煤氣費咁😄，既不香又不脆，既為難吃!  和順記永遠不會有如此情況🙋‍♀️!不好飯的我喜歡該店可以以沙律菜代替白飯，惟略縑沙律菜的份量不夠多，若沙律菜可多些就更 perfect 了。喜歡吃辣的我，永遠選麻辣的，完全匹配炸脾😋😋😋😋😋! 有緣再見🙋‍♀️🙋‍♀️🙋‍♀️🙋‍♀️🙋‍♀️!

YouTube雞髀大比拼見佢都幾出名，特登嚟試一下，咁當然係叫佢嘅神級炸髀啦，下午茶時間$50一隻，真係好大隻，雞皮脆口但唔燶炸得都唔錯，賣相係OK嘅。但食第一啖已經失望，原因係無論雞皮及雞肉都淡而無味，隻雞髀咁大隻當然好多肉，但係啲雞肉係實的的，同埋真係冇味，問店員雞髀是什麼品種？原來是來自美國一些特別大的雞髀，可能就是選材原因，加上調味亦做得唔好，我只食了三份一就放棄了，選擇了賣相及噱頭，但放棄了味道，連招牌出品都做成咁，好失望，真係絕大部份嘅小食店都做得比佢好。

之前喺荃灣食過分店嘅炸畀完全沒有問題， 荃灣店好似冇咗， 今日經過天后分店， 見佢未關門 ，試下豉油皇雞髀， 簡直垃圾之王， 是但一間都好過佢， 鹹到一個點， 簡直係用 難食去形容 近期真係未食過咁難食嘅豉油皇雞髀， 仲要賣成52蚊， 下次都唔敢再幫襯

叫咗蕃茄雞扒烏冬外賣速遞，一打開蓋，被一件又乾又斷開嘅雞塊嚇親，之前叫呢間餐廳嘅外賣未試過咁恐怖。以為和順記出名炸雞髀，整件雞扒應該冇大問題，估唔到可以咁恐怖。如果做唔到合格嘅食物，不如唔好接order

Lunch時間去，職員都見到我行入去，佢冇問，我見有位咪自己坐低（有張四人空枱我都冇坐，去四人枱搭枱坐），坐低咗先有人行過嚟話你一位要搭枱喎，我話咪搭咗😑。佢話要去二人枱嗰啲搭，不過算啦，而家唔係太多人，坐住先，多人先過去。咁我問佢有冇menu？ 佢叫我掃QR code就有，咁我睇貼上牆個menu算，睇睇下，都係費事喺度食，起身走人算！！食個飯都咁多規矩，一坐低又依樣又嗰樣，已經冇mood食，以後都唔會再嚟食！！

呢一個嘅慢煮日式醬油豬軟骨飯，連埋凍檸茶要$73，大家可以睇吓相入邊俾咗啲咩我，究竟係唔係真係值$73呢？凍檸茶係幾好飲嘅白飯有一兜豬軟骨有三嚿其實我已經好肚餓，乜咁樣真係會飽咩？個廚師自己肚餓嘅時候食完係咪真係飽先？

和順記絕對係天后區最好食的炸雞髀，即使加價也要支持🫶🏼🫶🏼🫶🏼大大隻炸雞髀，皮脆肉嫩，肉汁Juicy，冇用炸粉和麵包糠都做到香脆，絕對性會吃個不停口👍🏼👍🏼👍🏼。

Lunch 間中都會幫襯和順記，今次試左佢嘅神級雞髀皇煎蛋飯。雞髀大大隻，外皮炸到超級脆。雞髀肉非常嫩滑。白飯用咗珍珠米，食落特別開胃。醬汁方面我揀咗沙嗲汁，非常惹味。雞髀飯嚟講仲有，巴蜀雞髀飯，避風塘雞髀飯，滷水雞髀飯，可以俾你慢慢揀。上菜速度非常快，就算好多人幫襯都好快有枱。之前仲食過佢嘅豬手飯，豬手炆得好腍。而且非常入味。飲品方面，有蝶豆花梳打，有四五款紅豆冰。選擇非常多。雞髀煎蛋飯連凍飲$71 ,價格合理。

塊雞（腿）認真大，一盒飯兩個人吃都夠飽。隻太陽蛋有少少流心，如果流心多d會更好。至於整體味道，一般茶餐廳味道，個人覺得略為鹹左d。而杯檸檬茶最不ok，飲到檸檬苦味。整體而言，除咗舊雞夠大，沒有特別令我想再光顧的地方。

嗰日突然之間有啲想食滷水雞髀，記得哩度有，就嚟食吓！。用 QR code落單，無論係飯定係汁，都有得俾你揀：多啲、少啲、或者「走」⋯⋯『神級炸雞髀皇煎蛋飯』$65『滷水雞髀皇煎蛋飯』$65⋯⋯雞髀真係好大隻，但有人話滷水髀好食過炸雞髀，原因係炸比較多鬆肉粉味；我就覺得滷水髀，可以再juicy啲！。📍 和順記 (電氣道) (天后)天后電氣道39號地舖。大食時間：Oct 2023好味指數：🌕🌕🌕🌑🌑回味指數：🌕🌕🌕🌑🌑舒適指數：🌕🌕🌕🌑🌑

和順記雖然是茶餐廳，但就有不少創新又吸睛的菜式！當中包括神級炸雞髀、豬扒西多士、手打雞肉餅、吉列豬扒三文治等，全部大件夾抵食。最出名的無疑是神級炸雞髀，足足成塊面咁大！巨型雞髀以菠蘿、甘筍、西芹等6至7款蔬菜醃足6小時，果酸會讓雞肉變得更鮮甜。落鑊炸時要保持200度油溫，才能做出外脆內嫩的大雞髀！客人也可配上煎蛋飯一起吃，更滿足。豬膶麵炸燒賣都十分推介，豬膶有咬口唔鞋，湯底都飲埋，炸燒賣超脆，估唔到個辣椒豉油都特別，有花椒油味。

今日約埋朋友一齊係天后搵美食，聽聞和順記雞髀好出名決定試下。✨豬扒奶油西多士（$60）厚厚的西多士配搭奶油十分香口，還有煎豬扒多一種滋味，🥬面頭有一些蔬菜可以解化油膩的感覺。✨雙拼三文治（$37）餐蛋治好大份，一半已經等於其他餐廳既一份😂大滿足✨麻辣雞髀皇煎蛋飯（$67）落單之前以為麻辣味直接和雞髀融為一體，原來是麻辣醬分開上，咁都幾方便呀！可以自己控制辣度，如果發覺麻辣唔啱自己都可以選擇食原味炸雞髀，唔洗擔心過辣食唔到呢個既問題🥵✨神級鹽酥雞髀皇煎蛋飯（$69）鹽酥雞不嬲都正，鹽酥雞髀自然不會差，鹽酥味滿滿呀！味道又不會過鹹very good！✨流沙鹹蛋黃雞髀皇煎蛋飯（$75）鹹蛋黃份量都不少呀，雞髀表皮有一大Pat鹹蛋黃醬🤩同行朋友不想吃飯，把飯換做薯條同樣美味。✨滷水雞髀皇（$47）睇雞髀顏色都知道滷水味十足，滷到入曬味，雞髀肉醃到好鬆軟，肉質一流。✨炸米粉春卷（4個$30）出色既一道小食，炸到好脆，好好味😋✨炸豬肉燒賣（6粒$15）價錢便宜，抵食之選，還可以點麻辣醬食。✨避風塘魷魚鬚（$58）魷魚鬚炸過加上避風塘口味好過癮，仲有蝦片墊底。✨芒果梳打（$30）賣相好靚，有檸檬片擺

見呢排咁多人，拎住隻雞髀打卡引到我都想試吓🤣🤣環境乾淨 牆上面有好多比你打卡嘅相鹹蛋黃炸髀好有騖喜 食過荃灣真和順記都唔夠呢個好食面頭既鹹蛋黃 好癲大雞髀 size 肉質嫩滑juicy無雪味，咬落有肉汁，果然係生炸煎蛋半熟，可以蛋汁撈飯西多士同豬扒異常地夾中間仲有流心蛋漿流出嚟添，好鬼正 呢餐真係超邪惡連嘢飲都好靚打卡一流我哋仲叫做炸魷魚鬚 炸得超香 食唔停口有啲蝦片喺底同埋叫左麻辣燒賣 佢哋ge麻辣醬係秘製嘅好入味春卷仔都唔錯

🌳滷水雞髀皇$55滷水雞髀皇係餐廳嘅招牌菜，份量非常誇張，好似大過我塊面😂肉質鮮嫩，滷水入味，估唔到天后有隱世雞髀店🍗食完已經好掛住隻巨髀🤤🌳雙拼三文治$38選咗餐蛋治🥪餐肉相當厚身，三文治口感鬆軟，表面有微微烘過嘅痕跡，都幾大份吓🌳炸豬肉燒賣麻辣汁$15燒賣炸得好酥脆，搭特製麻辣汁一齊食，好味到聽唔到口🌳樽仔奶茶$28奶茶口感滑順、茶香濃郁👍🏻可以考慮吓推出市面🌳蝶豆花荔枝梳打$30梳打味道清新，加入蝶豆花令飲品變成紫色，打卡好好睇😍🦥和順記 (電氣道) (天后)天后電氣道39號地鋪