和發點心小廚

2025年7月30日 星期三今晚同屋企人係顯田游泳池游完水見肚餓，就諗住係附近餐廳食飯，咁岩屋企人想飲夜茶，所以就入左呢間餐廳餐廳除咗提供自家製手工點心之外，仲有晚市套餐同小菜食添，見到餐牌上既菜式全部都好吸引，於是就分別叫左唔同既點心加一個炒飯同走地雞試下等左一陣點心就陸續送上嚟，全部都新鮮熱辣，不斷有熱氣升上黎當中最吸晴既就係呢個和發子母鮮蝦餃，從來無見過有餐廳既蝦餃係有大粒同細粒，真係好似母子咁，加加埋埋成6粒咁多，每粒既外層都有晶瑩剔透嘅蝦餃皮，裡面餡料充足，食得到粒粒蝦肉，鮮甜又彈牙之後有回味蜜餞叉燒包，一口咬落，甜香四溢，唔係一般茶樓嗰種死甜叉燒，而係用咗蜜餞醬汁去醃製叉燒，令到內餡多咗一份果香同層次感包皮鬆軟綿密，蒸得啱啱好，唔會濕笠笠最正係一打開就見到爆餡，叉燒汁滲到包皮入面，食落每一啖都好有回甘飲茶當然唔少得有燒賣啦，黃金外皮包住豬肉同蝦膠，頂部仲加咗少少蟹籽，賣相靚之餘，口感都好有層次咬落去唔會太油，蝦肉鮮甜，豬肉香而不膩，仲有少少胡椒味提香，完全睇得出呢間店真係主打手工製作，唔係工廠貨！煎蘿蔔糕方面同樣出色，餐廳加上XO醬炒香之後，蘿蔔糕煎得金黃香脆，外皮微焦但唔會乾，入面仍然保持嫩滑口感XO醬炒得夠火喉，香辣中帶有海鮮乾貨嘅鮮味，每一啖都好惹味呢個係餐廳推介焗香茅走地雞，無諗過只係半隻雞份量都咁多，一打開就已經聞到陣陣香茅味，真係令人食慾大開走地雞肉質結實但唔韌，焗得啱啱好，皮微脆、肉嫩滑，仲有少少雞油滲出嚟，好香口香茅味唔會太霸道，反而係淡淡地滲入雞肉入面，食落清新又唔膩就連雞腳都處理得好乾淨，啱晒鍾意啃骨嘅人最後有揚州炒飯，飯粒分明唔黏笠，炒得夠鑊氣，香味十足入面有蝦仁、叉燒粒、火腿、蛋花同青蔥，材料夠足，色彩繽紛，睇落已經好吸引而且蝦仁爽口，叉燒微甜，蛋香撲鼻，每一啖都食得出心機埋單食左咁多野竟然只係四百幾蚊，真係勁抵！！…查看更多

位於大圍❣︎和發點心小廚❣︎係一間高質抵食嘅點心粵菜小館😋👍🏻開業至今，深受街坊歡迎🎉老闆堅持手工製作傳統點心🥧全部即叫即蒸，我最鍾意食呢類小店，味道有特色，除左點心，仲有午市快餐，晚市套餐等等⋯⋯超推薦比大家🫶🏻❣︎和發水晶鮮蝦餃❣︎$33蝦餃大大粒😍超飽滿，餃子皮Q彈，鮮蝦鮮味爽彈。❣︎潮式蒸粉果❣︎$23內餡非常豐富😋👍🏻有猪肉，蔥，沙葛粒，花生等等⋯⋯個皮做得夠薄👍🏻煙煙韌韌，鹹鮮可口。❣︎蟹柳棉花雞❣︎$35雞嘅份量好多😋👍🏻肉質非常嫩滑，魚肚索晒醬汁精華，超滋味。❣︎梅子炆豬手❣︎$26豬手炆得腍滑彈牙😋👍🏻用梅子炆出嚟嘅味道咸咸甜甜，非常開胃。❣︎上海小籠包❣︎$32⭐️必食推薦😋👍🏻小籠包皮薄多汁，佢跟嘅陳醋係用最頂級架👍🏻味道超醇厚，配埋薑絲一齊食，令人食唔停口。❣︎香茜雞蛋腸❣︎$28⭐️必食推薦😋👍🏻腸粉薄身嫩滑，芫荽味道超香濃，加埋蛋香味道，芫荽控必食。…查看更多

家住大圍的好友介紹我到的飯堂吃晚餐🍽️，這裏晚上依然有點心供應，更有多款小菜任君選擇🥰，而且平日人流依然不絕，當然要試試啦❗✨黃金魷魚金黃的鹹蛋外層裹附著新鮮魷魚🦑，魷魚🦑食落的Q彈有嚼勁，外酥內韌，毫不油膩。 配上鹹蛋黃的濃郁鹹香，非常惹味😋✨和發小炒皇坊間小炒皇多數用上韭菜花，但這裏改用豆角，比較特別。再配上魷魚🦑、蝦乾🦐、腰果及銀魚，口感層次豐富。豆角食落爽脆，魷魚🦑、蝦乾🦐及銀魚為整道菜帶來鹹鮮味，而且鑊氣十足🥘，是絕佳的下酒菜。✨XO醬牛柳粒牛柳粒🐂配上翠綠西芹、青椒🫑及秀珍菇🍄‍🟫，配搭健康又均勻。牛柳粒🐂外微焦而內裡極致軟嫩，帶有彈性；西芹清脆多汁，青椒🫑爽脆，秀珍菇🍄‍🟫鮮甜，加上惹味XO醬，味道層次非常豐富💕…查看更多

一天下午二時入內用膳，食店面積不算大，大概有8、9張4至6人枱，當時店內約有10名食客，店內有3位員工，包括1位男員工負責收錢，相信是老闆吧，另外兩位女員工，可能是剛剛過了午市，兩位女工正忙於清理枱面上餐具，我點了蝦餃拼粉菓、牛肉腸粉，店內除了供應一般中國茶例如普利、鐵觀音外，還有咖啡、奶茶供應，等候了10分鐘我的點心便端上來，牛肉腸粉，腸粉質感有點「削」和「鞋」，牛肉呈粉紅色，質感粉多牛肉很少，也吃不到牛肉味，感覺似豬肉，失敗之作；粉菓餡料都是一般的沙葛肉碎花生，沙葛多，花生、肉碎卻很少，而且蒸過時，水準以下；蝦餃算是較好的，餡料內有一隻完整的蝦，還有一些豬肉，但很少，蝦餃皮較厚，同樣蒸過時，水準之下，賣單$65；整體來說食物水準較即食點心還要差，最失敗的是店內有一朕臭味，以後不會再來這食店。…查看更多

今早聽到電台的訪問(CR2@Urban Touch)，決定去一試，點心味道及質素很讚，果然沒有令我失望。這間小廚是令人回味的味道，是屋村特色點心，我應該會再試早茶，午餐，下午茶及晚餐。。。有人情味的小店，值得專程坐車光顧！！和發子母鮮蝦餃，3大粒，3小粒(3小粒是有淡淡的Wasabi味，味道是夾的)，$38，良心價！無加一小費，有親切接待！！…查看更多