和牛燒肉一郎 (百誠大廈)

營業中

休息中

我同朋友一入到餐廳門口就已經聞到好香嘅燒肉香～裡邊坐滿人，見到服務生好忙，但仲好耐心咁介紹餐點，呢點真係好加分！我最鐘意嘅牛舌(鹽味)。牛舌搭配鹽嘅調味同埋少少焦香味，口感好滑嫩，真係一流！一定要食佢嘅嘅薄灸蔥花牛舌(鹽味)。師傅刀工好好，牛舌薄切，厚度切到啱啱好，配上蔥花，鹽味調味，真係好味到爆！💖每一片牛舌都係咁嫩滑，咁香口，食完真係會想再叫多啲！薄炙牛五花(燒肉醬)。牛五花薄片，燒肉醬調味，肉質嫩滑，味道濃郁，真係無得頂！😍每一片牛五花都入晒燒肉醬嘅香味同埋芝麻香，食落去真係好滿足！最後最後，一定要食菠蘿。燒過嘅菠蘿，甜度提升，酸甜平衡，食完燒肉再食一啖菠蘿，真係清新解膩，完美搭配！仲有其他好多選擇，仲未試完就飽咗，下次一定要餓住嚟食！

聽朋友講佐敦百誠大廈有一家叫【和牛燒肉一郎】嘅日本燒烤放題，最近優惠好抵食，288蚊100分鐘任食高達90樣菜色，再加8蚊可以無限暢飲清酒、梅酒同啤酒。選用高級的日本食材。環境都幾唔錯，食材新鮮，最緊要係乾淨又衛生。薄灸蔥花牛脷(鹽味)肉質鮮嫩然後醃製得非常入味，經過燒烤後，香味更濃，更好食。牛後腰肉芯非常滑，牛肉味好香醇，牛油都散布成個口腔。薄炙牛五花(燒肉醬)醃製得入味，五花口感好軟嫩，燒肉醬提味，食唔停落口。燒菠蘿好甜，唔會好膩，同肉一齊食好香。整體價錢平又好食，不錯～

星期五晚上當然要放鬆下自己，跟朋友去咗佐敦嘅和牛燒肉一郎食放題。價值$288嘅S2套餐，100分鐘放題，多達97款食物選擇，加多$8任飲清酒、梅酒同啤酒，真係好抵。-啤酒可以喺自助區嗰邊任攞，仲有沙律、雪糕。週末晚上自助區仲多咗自助炸物，每款炸物都可以任攞。-佢哋嘅牛肉全部都係日本新鮮運嚟，我哋食咗薄灸蔥花牛脷（鹽味）、薄灸牛五花（燒肉醬）、牛五花（辣味噌醬），每款牛肉雪花分明，食落去幾乎入口即化，又有豐富嘅牛肉鮮味，真係一流。-我哋仲食咗宮崎南蠻炸雞卷、香蔥海苔溫泉蛋拌飯、福岡明太子卷、香草雞頸肉，每款食物嘅味道都唔錯，值得一試。嚟放鬆當然少唔到啤酒，一邊飲酒，一邊食住牛肉，真係享受。最後嚟個鮮甜菠蘿解膩，解完膩之後繼續落單狂食。

作為牛肉控嘅你點可以錯過呢間咁多。今次點嘅Set D，入面有好多野食，有M9 薄炙牛里脊肉、原隻魷魚筒、海蝦、炙燒牛外橫膈膜、生牛肉刺身（大愛！）、青口、黑毛和牛4款set，食飽仲有雪糕添～牛肉嘅質素好高，一次過可以俾我哋大解🐮🥩癮，真係好開心~/黑毛和牛4款set/
呢有肉眼、牛肋肉、肩胛肉、一口牛！每款有4片，每片都切得均勻飽滿，食到唔同嘅口感，好滿足。/M9 薄炙牛里脊肉/超大塊，肉質經過特製秘方炙燒後帶有唔一樣嘅香氣及口感，加上芝麻粒嘅香味令整體味蕾更豐富。/原隻魷魚筒/好驚喜，配上特製醬料更鮮甜可口。其餘嘅海鮮就唔使講啦，全部都係新鮮上桌，保證每一啖都會令你回味無窮！

嗰日經過佐敦，啱啱係食飯時間，見到有間燒肉，就決定入去試吓。入面環境好舒服，d位超好坐。呢間餐廳主要提供和牛同燒肉，而且係放題！只要點咗個套餐，就可以任食套餐入面嘅所有食物！我哋點咗個套餐試吓，其中一樣係極上夏多布里昂，牛肉極稀有嘅部位，被稱為牛肉中嘅極品。牛肉非常新鮮，肉嫩多汁，配埋佢嘅醬料，包括牛油同大蒜，簡直係絕配💯仲有黑毛和牛壽喜燒。黑毛和牛同壽喜燒醬，呢種係日式料理。壽喜燒醬調制得甜鹹適中，黑毛和牛嘅脂肪釋放出豐富嘅肉香，與甜鹹適中嘅壽喜燒醬完美結合💫對於我牛肉愛好者來講，黑毛和牛六款絕對係最佳選擇。黑毛和牛六款包括肉眼、肩胛肉、一口牛、三角腹肉、牛肋肉同牛肋條。每一款牛肉都有獨特嘅口感同味道。肉眼嫩滑多汁，肩胛肉緊實有嚼勁，呢道料理絕對係牛肉愛好者嘅頂級享受✨餐後仲可以食雪糕🍦，睇落普通，但口感好好，味道濃郁但唔會太甜。如果你係牛肉愛好者，呢間餐廳非常推薦👍🏻👍🏻

琴日同老公偶然經過佐敦呢間專門食日式燒肉放題嘅店面，闻到烧烤嘅味道，我就忍唔住要入去 試吓!呢個牛五花(辣味噌醬)真係絕品，肉質嫩滑，配上辣味噌醬，香味撲鼻，燒到啱啱好，入口即化， 真係令人回味無窮! 仲有一定要食薄灸蔥花牛舌(鹽味) 呢個牛舌真係一絕，薄薄一片，灸燒到啱啱好，配上鹽味同蔥花，口感非常棒!每一啖都充滿濃郁嘅牛肉香味，係我嘅top 1同埋呢個香草雞頸肉，雞頸肉用香草醃製，燒到外脆內嫩，香氣四溢，一口咬落去，滿口嘅香草雞 味，好多汁，真係令人忍唔住多嚐幾口，呢就係佢嘅魅力所在! 最尾食咗烧菠蘿，食燒肉當然 唔少得菠蘿，甜中帶酸，食完燒肉再食菠蘿，帮你解完膩，真係完美!

星期日係同男朋友嘅拍拖四週年紀念，最後決定揀間高質嘅放題慶祝一下，所以二訪呢間和牛燒肉一郎，上次食過幾滿意。我哋揀咗288蚊嘅套餐，有97種食物同可以食足100分鐘，啱啱好遇到係星期日所以有炸物自助無限食。喺咁多食物入面，令我最有印象嘅食物就係薄炙牛五花，因為薄切所以烤起令成片肉嘅邊邊位烤到脆脆地，脂肪亦好均勻，所以食落唔會覺得好油膩，再沾埋燒肉醬一齊食就更正。試埋宮崎南蠻炸雞飯卷，師傅包得唔會太鬆散，入面有一粒細細粒嘅炸雞夾喺飯團內，每啖飯卷都可以咬到脆口嘅炸雞，真係好好味呀。我哋又去咗蔬果區攞咗啲菠蘿同翠肉瓜嚟烤嚟解解膩，始終唔可以成日淨係食肉嘛！我哋仲叫咗一碗香蔥海苔溫泉蛋撈飯，溫泉蛋嘅蛋液拌埋海苔同飯，呢個配搭真係幾好好味，味道就以海苔嘅香味為主。我哋去到炸物區見到日式炸雞就好吸引，仲攞咗啲返嚟食，我真係好想問廚師炸雞粉用嘅係咩品牌，真係好香脆。

嗰日同同事放工後去食燒肉放題，放鬆下心情，紓解我哋喺工作上嘅壓力。老實講呢間餐廳真係 滿足到我哋嘅需求，因為食物好好食，環境又好舒服，令我哋都好放鬆咁食放題。我哋食咗放題 Set S2，時限係100分鐘，任食97款食品，可以Scan QR落單，仲有提供自助Bar供應自助飲品、醬 料等等。薄灸蔥花牛脷(鹽味) 呢個牛脷特別長，食起嚟好有嚼勁，帶有鹹香鹽味，口感極佳。薄灸牛五花(燒肉醬)肉質好軟嫩，食落去仲帶有少少燒肉醬味，入口即溶。牛五花(辣味噌醬) 五花肉嘅紋理分明，肉質鮮嫩多汁，口感香濃，仲帶有辣味噌醬味，非常好食。 肉眼上蓋牛肉嘅脂肪光滑，口感細膩，香氣同肉質都非常優秀，正!牛後腰肉芯 牛肉擁有適度嘅油花同瘦肉並存，滑嫩嘅肉質，能夠享受到濃郁嘅肉味同嚼勁。 香蔥海苔溫泉蛋拌飯 整碗飯嘅味道好鮮甜，新鮮香蔥同海苔食起嚟好可口，仲有溫泉蛋點綴，簡直完美。 福岡明太子卷飯粒粒粒分明，明太子好有嚼勁且鮮味重，好美味。

琴晚同朋友喺呢間食咗性價比超高嘅燒肉放題！我哋對牛肉冇乜要求，所以就揀咗S2嚟試味，試完之後果斷同朋友約下次再點更高級嘅套餐！😹😹⭐推薦菜單：▪️ 薄灸葱花牛舌其實我唔係好鍾意牛脷嘅味道，之前喺第二度食過好腥，但呢個完全冇腥味！餐廳用咗黑胡椒粒同蔥花嚟調味，切得好薄身嘅牛脷再燒到表面焦黃就可以食！超嫩！▪️ 牛舌鹽味我又再加點咗碟牛脷！簡單用鹽嚟調味已經好好食！再淋少少檸檬汁喺牛脷上面，完美嘅口感真係食到我哋舐舐脷！▪️ 牛五花（辣味增醬）牛五花肉餐廳已經用辣味增醬提前醃過，牛五花肉肉質嫩滑，肥瘦相間，燒熟咗之後油脂喺口裏面爆開嘅感覺真係超級正！▪️ 肉眼上蓋睇落品質好好，大理石油脂花紋分佈均勻而且肉質滑嫩，食落口油而不膩，口感一流！▪️ 翠肉瓜燒完之後嘅翠肉瓜，水份仲保持住，食落又Juicy又爽甜！▪️ 福岡明太子卷食唔飽嘅我哋仲點咗壽司嚟食，明太子本身自帶嘅鮮鹹味，再配埋飯同埋紫菜，點少少豉油同芥末，都幾好味！下次一定再嚟試試其他套餐！

難得唔使OT，黎佐敦《和牛燒肉一郎》享受日式燒肉放題，呢度主打嘅燒肉真係一級棒，仲有得任食好多款唔同既肉類，日本料理、清酒啤酒都可以任點。一開始送左幾份頭盤真係超超好味極上夏多布里昂。肉質好軟滑，脂肪分佈均勻，入口唔油膩，燒得剛剛好，真係入口即溶，絕對係頂級享受。黑毛和牛六款，包括肉眼、肩胛肉、一口牛、三角腹肉、牛肋肉、牛肋條，每一款都係好野，肉質鮮嫩，燒完之後香氣四溢，全部嘅口感唔一樣，各個都有自己嘅特色，尤其係我最鐘意食嘅一口牛，口感好彈牙，每一口都係滿滿嘅幸福感。海鮮併盤，特別係個隻特大越南大虎蝦，鮮甜多汁，燒完之後肉質依然彈牙，香味四溢，食落去真係極品。呢到既食物選擇真係好多，而且食材都食到好新鮮，呢度嘅燒肉放題實在係太爽啦！

同朋友去呢間放題餐廳食燒肉，佢哋嘅肉真係令我讚不絕口，多款食材任食，每種食材都非常頂級，係一間好值得推薦嘅燒肉餐廳。我都去咗唔少次我哋食咗放題Set E，145款食材任食，畀你食足120分鐘，除咗燒肉放題仲有酒精放題，梅酒，清酒同啤酒任飲，放工後同朋友嚟呢度享受真係正 yeah⭐️黑毛和牛六款比晒最頂級既部位，紋理超令，每款都有唔同既質感，但整體真係極上既享受而且呢度嘅牛肉食得令人難以忘懷，每款牛肉鮮嫩且多汁，每一啖都充滿咗牛肉風味，真係味覺享受。⭐️味醂魚乾魚乾嘅味道香甜可口，柔軟而唔失嚼勁，非常惹味，搭配沙律醬簡直係完美。⭐️香蔥海苔溫泉蛋拌飯香蔥味十足嘅拌飯，新鮮嘅海苔份量亦唔少，拌飯梗係要有嘅溫泉蛋，撈埋隻溫泉蛋一齊食，真係清甜好食呢度除左食物好正之外嘅環境一流，侍應服務態度好，裝飾好睇，自助Bar寬敞，真係會再encore嘅餐廳餐

呢間燒肉放題已經喺我個List好耐，上個禮拜終於有機會同朋友去食咗！我哋點嘅E course，啲食物全部都好新鮮，尤其係黑毛和牛超高質，超滿意。環境唔错，好乾淨，好評！💯🔸黑毛和牛六款和牛切得厚薄適中，每件嘅花紋都好靚，唔使燒好耐保留住嫩滑嘅口感，食嘅時候仲可以feel到牛肉嘅香氣！根本就食唔厭😋🔸生牛肉刺身我第一次食生牛肉，同熟牛肉口感真係好唔同！牛肉好鮮，一啲奇怪嘅味都冇，而且仲好滑嫩，好特別😋🔸原隻魷魚筒，青口，海蝦呢個係包喺頭盤入面嘅海鮮，魷魚個頭好大！燒過之後肉質更有韌性。青口同埋海蝦都好新鮮，點埋醬汁之後更加鮮美可口😋🔸味醂魚乾呢個真係必點！口感煙韌美味，點埋沙律醬同埋少少檸檬汁更加好食！🔸自助區食到最後可以去自助區行下，甜品選擇都好多，多款日本雪糕雪條等等。甜筒雪糕、明治雪條食住就有童年嘅味道，清爽解膩～

公司team lunch 諗住試下個午市放題，點知就中咗伏。平心而論，佢有好多drink selection 同埋有幾款雪糕，但係都補救唔到不足嘅地方！- 首先，佢啲食物點完第一輪半個鐘先嚟齊，我食晏就嘅最多都係得嗰個半鐘，根本食唔切；而午市放題都算食得多，但就從未試過有一間午市放題出菜慢到咁，好似根本唔想出菜比我哋咁- 其次就係啲海鮮唔新鮮，啲蝦係梅嘅，啲魚好明顯係唔新鮮又keep得唔好嗰尋腥臭味；試咗一啖其他嘅都再無掂過個人都未飽已經要趕返公司⋯ 當時個肚都仲係好空虛咁，實在唔建議食 👎🏻👎🏻👎🏻無下次！

喺網上見到好多人推薦一家叫做【和牛燒肉一郎】嘅餐廳，前幾日終於有機會約咗朋友一齊去試吓。餐廳門口擺住一頭牛嘅裝飾，好可愛。餐廳環境亦都好舒服，唔會有好重嘅煙味。 第一次去，我哋點嘅SET S2好多野食，以下呢幾樣最值得推薦： 🧂 鹽味嘅薄灸蔥花牛脷 牛脷內部嫩滑多汁，鹽味嘅調味提升咗牛脷嘅鮮味，加埋蔥花嘅清香，口感十足。 燒肉醬 - 薄灸牛五花 同佢哋家特製嘅燒肉醬一齊燒，咸甜嘅燒肉醬提升咗牛肉嘅味道，濃郁嘅口感令人難忘。 🌶 辣椒味噌醬牛五花 適合鍾意食辣嘅人👍🏻 辣椒味噌醬嘅辛辣味道同發酵味噌嘅咸香相得益彰，脂肪融化後嘅滑嫩口感同瘦肉嘅彈性，口感層次豐富。 香草雞髀肉 雞髀經過香草同其他醬料調制，燒後外皮香脆，雞髀肉唔會乾柴，嫩滑多汁，調制嘅味道亦都剛剛好。 甜品：芝麻&沖繩鹽口味雪糕 🍦 食完當然要食甜品。我哋攞咗芝麻同沖繩鹽口味嘅雪糕，口感細膩，口味濃郁，唔會太甜，小朋友都適合食。 呢間餐廳果然同網上推薦嘅一樣，尤其適合鍾意食牛肉嘅人，值得一試 👍🏻

今晚想來一場日式燒肉，就嚟到位於佐敦嘅「和牛燒肉一郎」食晚餐啦！✨ 任食日式燒肉放題套餐。我要講，真係好好食🤗🤗 各款燒肉都新鮮得不得了，燒得啱啱好，肉質鮮嫩多汁，真係一試難忘！🤠✨ M9 薄炙牛里脊肉。 喂，呢個真係無得輸！🤭 牛里脊肉薄薄一片，燒到微微炙香，入口即溶，每一口都充滿牛肉嘅香味，好滿足！10分滿足有10分滿足！😣😣好好味✌🏼✨ 海蝦。 海蝦新鮮爽口，燒得剛剛好，蝦肉鮮甜彈牙，真係好正！✨ 熟成壺漬牛肋肉（燒肉味噌醬）。 牛肋肉用燒肉味噌醬漬過，味道濃郁，燒到啱啱好，肉質嫩滑，令人一試難忘！✨ 特選拌生牛肉。 生牛肉新鮮滑嫩，加上特製嘅醬汁，每一口都充滿驚喜！✨ 薄灸蔥花牛舌(鹽味)。 牛舌薄薄一片，燒到微微炙香，加上鹽味同蔥花，口感爽脆，好正！✨ 香草雞腿肉。 雞腿肉嫩滑多汁，香草嘅香味滲入肉中，每一口都好滿足！✨ 黑毛和牛4款(肉眼,牛肋肉,肩胛肉,一口牛)。 黑毛和牛每一款都係精品，肉眼、牛肋肉、肩胛肉同一口牛都燒得啱啱好，肉質嫩滑，油脂分佈均勻，真係好好味！「和牛燒肉一郎」嘅燒肉真係令人眼前一亮，無論係味道定係質素都值得欣賞。😝🤛🏻總括嚟講，呢間嘅和牛燒肉一郎整得