和牛燒肉一郎 (百誠大廈)

姊妹約我出嚟玩，個個都話燒肉。咁就系佐敦廟街附近，搵到呢間任食和牛，由地鐵站過來只需5分鐘路程就能到，最平只需要$328就可以食到，又120分鐘，我哋都覺得可以喎，最緊要大家食得痛快又滿足。🐮白蘿蔔泡菜 (1份)🐮冬菇 (3件) + 天婦羅茄子 + 天婦羅甜薯 + 天婦羅冬菇 + 日式甜蕃薯(4件)炸粉厚簿適中，沾埋沙律醬，好邪惡。🐮錫紙牛油包野菌 (1份)🐮薄炙西冷 (燒肉醬)(4片) + 薄炙西冷肉 (辣味噌醬)(4片) + 🐮牛肋條 (燒肉醬)(4件) + 🐮兩色蔥花牛舌 (鹽味)(份)最愛就係和牛牛肋條，油花超豐富，口感軟腍，燒過之後散發住濃郁嘅牛肉香味!🐮鯖魚 (1件) &海蝦 (2件) & 多春魚(3件)鯖魚鮮甜多汁，調味啱啱好，口感細膩。多春魚外皮脆香，魚籽越嚼越香。🐮豚頸肉 (燒肉醬)(4件) & 豚肋肉 (辣味噌醬)(4件)呢個豬頸肉就真係不得了，調味恰到好處，配上兩種唔同顏色嘅蔥花，口感同味道超級豐富。🐮熟成壺漬牛肋肉 (份)肉質嫩滑唔會過肥，燒到微焦，油香四溢，夠哂香濃。仲有好多選擇，仲未食完就飽喇，下次一定要餓住嚟食！…查看更多

📍 和牛燒肉一郎 - 佐敦屬於佐敦人必定要食嘅燒肉放題依個價錢竟然可以喺西九龍高鐵站附近食得到午市最平都係$90就已經可以食得到燒肉🐷🐮真係平到飛起！而且晚餐嘅燒肉，除咗豬肉牛肉雞肉之外，仲有海鮮放題，令到我最驚訝嘅竟然係有生牛壽司🍣一上到去舖頭門口，就已經見到師傅即切既和牛🐮拎住一嚿肉每一塊都切得好薄片，呢個場面都已經令到食慾大增，比人一種好新鮮嘅感覺🩷我哋食嘅係，肉火狂熱放題｛120分鐘仼食｝打頭陣梗係讓佢嘅QR code點晒所有屬於牛嘅燒肉，當然唔少得嘅係和牛啦，我既目的🤭🤭🤭外邊仲有沙律、飲品、前菜、飯類嘅自助區特別要介紹嘅係佢嘅日本米飯🍚可以自行加紫菜同埋有和牛肉燥淨係食依碗飯都已經好滿足🩷飲品方面，最欣賞佢係有玻璃瓶可樂🥤🥤✨黑毛和牛 薄炙里脊肉（鹽味醬）（燒肉醬）～有四種醬料味道，和牛的油脂分佈，竟然有得任食，真係食多兩塊都已經抵返晒，咬下去時除了更加入口即溶之外，油香和肉味都更加突出。✨黑毛和牛 牛肋條（燒肉醬）、牛板腱（燒肉醬）～肉質鮮嫩不柴澀，帶有油筋🐮✨牛肉角切（一口牛）～一口牛鬆軟多汁🐮✨薄炙西冷肉（燒肉醬）（辣味噌醬）～肉質軟腍 充滿油香！✨肉眼蓋（鹽味醬）~口感濃味，細嫩🐮🐮✨福岡明太子卷～明太子醬鹹香帶少少辣味，好邪忠😌✨生牛肉壽司~ ✨炙燒壽喜燒壽司~生牛肉先係精華，超級嫩滑，同埋入口即溶🐮🐮 和牛嘅油脂好香🩷…查看更多

🍖【和牛放題狂熱】今晚同朋友去佐敦燒肉一郎食和牛放題🇯🇵！一個價錢就可以任點黑毛和牛7大部位，仲有刺身、海鮮無限追加，簡直係肉食獸天堂。今次專攻佢哋嘅黑毛和牛系列，每款試勻唔同醃料，不同的體驗🥩 黑毛和牛肋肉四重奏🔥 鹽味醬牛肋肉：簡單鹽燒最能食到和牛原味，油脂甘香入口即化，灑少許檸檬汁更清爽！🔥 原味牛肋肉：雪花紋理好靚，輕烤15秒粉紅色澤完美，肉汁在口腔爆發！🔥 燒肉醬牛肋肉：日式甜醬油醃製，鹹甜交織超送飯～烤到微焦邊最正！🔥 辣味噌醬牛肋肉：驚喜推薦！味噌辣勁慢慢滲出，惹味得嚟唔會蓋過牛香🌶️🎯 薄切里脊+角切一口牛▪️ 薄切里脊（燒肉醬/辣味噌），超薄切片快熟唔韌，推薦卷住蔥花一齊食。▪️ 角切一口牛（原味/鹽味醬），骰子大小啖啖肉，外焦內嫩鎖住肉汁，原味蘸wasabi更有驚喜！🐟 生牛肉刺身三重奏估唔到有咁多和牛剌身可以食到。 生牛肉刺身冰鎮上枱保持鮮度，肉質軟滑似吞拿魚腩。生牛肉壽司用醋飯平衡牛肉油脂，入口即化無筋絡！ 生牛拖羅刺身係奢侈享受！油花分布均勻，甘香餘韻長留。生牛大腹肉壽司的腹肉油潤豐腴，壽司飯吸收肉汁超滿足。🦐 海鮮燒烤精選大虎蝦手掌長size！烤到蝦殼焦脆，肉質彈牙鮮甜。 海蝦細隻但鮮味濃，適合放烤爐邊慢慢烘。青口牛油蒜蓉燒最夾，海水鹹香突出。錫紙蒜蓉牛油燒蝦係懶人恩物，錫紙鎖住蝦鮮，蒜蓉牛油香氣逼人。🍦自助區 自助區有好多熟食、涼拌仲有多款前菜、炸物、甜品。飲品有自家製有凍有熱嘅茶飲、玻璃樽裝可樂、雪碧同芬達😍…查看更多

劣食，不可一不可再。雖然係平餐，但係肉質實在係柴到入唔到口，只係得牛脷OK。其他熟食都冇乜食用價值。100分鐘燒唔切嘅，奉勸考慮清楚要唔要叫貴餐，時間可以長啲，啲肉可以靚啲。明明以前好好，明明標榜係靚牛肉，點解而家會變得咁差，調味粉方面，日式燒汁、芝麻醬、黑椒、胡椒，燒烤烤粉及孜然粉，尚算多選擇。飲品方面款式充足，又支裝汽水，亦有咖啡機。甜品就只有雀巢雪糕。明太子壽司賣相一般，飯很酸。涼拌菠菜味道一般，菠菜偏老。…查看更多

#最難食燒肉 叫咗中間價位set ,牛肉質素好差 燒肉like都好食過佢,叫咗一round就放棄燒肉,燒吓啲菠蘿竟然系酸嘅 不過好彩我食得酸,轉移去燒海鮮 好細隻蝦仲要黐蝦殼 所以都唔敢叫其他海鮮，甜品Tiramisu木糠布甸都唔好食的,都係揀番雪糕穩陣. 一望之下雪糕櫃全部都係雀巢牛奶公司雪糕杯 . 真最好食下我竟然叫咗個公仔麵. 湯底都仲係得個辣字冇鹹味 我唔明. . .不如俾返原裝公仔麵包粉落去煮算啦 埋單 $1030 我食得最多既就系菠蘿🙂我第一次系度留cm 尼間嘢真系刺激到我 浪費我嘅quota…查看更多