和府撈麵

營業中

休息中

同同事過黎食lunch!Lunch食套餐就最抵食，我地簡左兩個牛牛套餐，一個當歸豬骨肥牛麵，一個香草蕃茄肥牛麵，牛牛套餐都跟埋一份和牛串同杯紅棗花生五紅茶！當歸當歸豬骨肥牛麵，湯有當歸味，豬骨湯底，但吾會好肥膩，肥牛都有4塊，食落味道都吾錯！香草蕃茄肥牛麵，濃郁蕃茄湯底，麵都掛滿蕃茄湯汁，食落都幾好味！湯未飲哂，可以加麵（免費），我地加左碗麵，但加麵等耐左少少！和牛串吾記得影相，但和牛串太肥，一串得兩粒，味道一般！$96原本覺得偏貴，但可以免費加麵，感覺上又抵左😂

諗唔到食咩，咁啱經過見到呢間新開嘅內地麵館，所以就入去試吓佢話主打養生麵，其實我自己就覺得同普通麵冇咩分別，亦都有飯第一次食就叫咗佢嘅招牌當歸雞湯梅肉麵，聞落去當歸味好濃，我覺得佢個湯底有加到奶啦，因為係白色，飲落去亦都有少少奶味，我覺得胡椒粉味有啲太重，算係濃郁，應該冇加味精，另外個梅肉都好腍嘅，一碗有3塊一碗麵$58 ，性價比唔算好高，亦都唔覺得特別好食但係有一個套餐係有半隻烤雞一個麵一杯嘢飲$88，下次可以試吓

行過見到尖沙咀開左和府撈麵入去坐底食左個招牌養生麵味道好好 而且個湯底好正今次叫嘅係當歸清湯唔會覺得有種好油膩嘅感覺新裝修幾光猛 坐得幾舒服小食既雞翼都幾好食 $28 3隻下次會試埋佢嘅炸魷魚另外值得一提嘅係佢哋嘅嘢飲都係用全部用紙製造 比較環保而且員工服務都好好走個陣仲送左套利是封比我入面仲有幾張coupon 可以下次用個位四眼哥哥 見我著住制服應該知我都係附近番工仲好細心提我有外賣自取9折服務下次嚟會再試埋另外嘅湯底