和府撈麵

*食物不過不失 走深圳食店風格*食飯期間發生的小插曲 都幾影響用餐體驗*無+1服務費*提供蓋印卡比客人儲印仔 換優惠*QR code落單*免費續麵，食物份量足 唔續麵都好夠飽同frd子大埔圖書館借完書，行過超級城搵食 一過林村河天橋就見到佢地，環境都唔錯 望落都乾淨，下午18:50  店家坐滿5成，除左有2人卡位 仲有自修位同小圓枱，座位組合幾彈性🔸燒雞套餐 $88當歸豬骨湯麵 配 衣藻低脂麵湯底好濃郁當歸味 質感似豆乳般厚，入口便是明顯預製湯底，麵無乜特別味 質地似准山麵爆汁脆皮燒鴨 (另+$7)食緊大隻炸乳鴿既味同感覺，皮香厚肉 肉唔算嫩滑但都唔柴，同碟附上微微辣青醬同辣椒粉，可再食🔸黑塌菜滷肉拌飯餐 $65是大大碗滷肉飯，黑塌菜唔係平時食開既口感/味道，可以一食🔸原味椰漿椰漿厚滑得宜，椰汁味夠🔸陳皮檸檬特飲無打開個杯蓋睇，飲落有檸檬味 唔會太甜飲品跟餐 唔使+錢，特飲一杯杯準備好 存放雪櫃(OpenRice建議提供單據)…查看更多

曾經喺南京機場候機時，因為唔想食某K某M又唔想食得太正式（成個酒樓晚市嗰種）就食過和府，嗰時印象喺乎合同充滿對機場食物嘅期望。當時係酸湯牛腩麵，真係好酸，心酸。個面上到黎係多肉（相對）換面版「康師博酸湯牛肉麵。70幾蚊。今次閒來無事，返深圳整電腦，正好朋友又得閒，又未食嘢，又正好樓下商場開左和府，又正好佢提意去食。（因此其實係深圳，唔係香港嗰間，我都唔知有冇晤同）一開始都抱有懷疑，酸湯嘅威力實在穿透時空。問過佢，話有試過，都okay，才稍有安心，當時未記起佢早已因身體問題而成個出家和尚咁「小僧對世俗之事已無欲望」。今次叫左香辣牛排麵同墨炸雞，一共60左右，一是圖片實在吸引，二是獵奇。當碗麵上到黎，雖冇圖片咁驚喜，但斜插碗邊嘅牛排都仍有一種震撼，今次圖片真係可以參考。因為我既習慣，會先將餸放一邊（嗰乾麵碗到，無錯，佢哋有得無費加麵）先试吓湯同麵，佢個湯底可以出到好明顯八角，肉桂，香葉，紅燒汁（即焦糖）同一啲浮係表面嗰層厚過十蚊硬幣嘅辣油嘅炸辣椒嘅油香。而麵則更似蘇式拉麵，軟硬適中而又唔失勁道，有咬口，軟糯得黎又QQ地。而舊牛排又分為黐筋肥肉同貼骨肉，黐筋肉第一啖/成世冇食過肥肉就好食到黐筋，脂肪入口就開始化，再由脷推壓則化為膏狀，脂肪油香隨即喺口中爆散開黎，同時筋嘅咬口軟糯又逼迫你咀嚼，令到啲脂肪香持續留於口腔。由於舊肉分量都唔細，一直食會味覺疲勞，因而可以一用碗邊上海青中和下，青菜唔單止裹挾住湯汁，更喺青菜獨有嘅爽脆間擠出清甜，去除油膩。麵當然係食筋肉同時一掃而光，此時就可加入追加嘅麵，轉而處決剩底嘅貼骨肉，貼骨肉份量更是比筋肉有過之。徒手拎起成嚿骨排，就咁咬一啖，有種野蠻的美同愉悅。口入面有係咀嚼下似聚實神散，咬下舊肉，散為一絲絲纖維，經由咀嚼，不斷釋放出肉汁同油汁，再加之貼骨肉獨有嘅膜嘅滑，都幾享受。在此時味蕾已經無可避免咁疲勞，就加入另一種有豆豉香味嘅覆合辣椒油同醋，等新入嘅辣（雖然佢都只停於嘴唇而入口則香）同酸帶黎新嘅刺激，帶走油膩（脂肪加鬼死咁厚層辣油，食多左真系好膩）而可以繼續戰鬥（因為我都系俾加碗麵陰左）考慮到我食量大，常人唔洗追加唔洗二戰。總體上唔錯，不過食完成半個月唔想再食鹵肉，紅燒肉等。由於肉排實在太輕易脫骨，試過吮吸佢嚿骨，又冇味喎，最終都系抱住，佢嚿骨系咪店面老經理嘅懷疑而離去，雖然唔太可能。…查看更多

當歸湯底味道越嚟越淡而且啲麵比以前變得冇口感越嚟越少湯好多油。。。加麵嘅份量少咗偏淡味道嘅紫菜湯杯茶比以前好飲咗豬扒比以前細賣相同味道都差咗餃子不錯，有肉汁呢個真係唔識形容不太好食隻鴨味道同以前一樣但唔知係咪佢最近冇胃口所以睇體型細左晚餐三個人嚟食，其實都不算貴只係品質方面，的確差咗好多而且食選擇方便又少咗喺佢哋鋪頭無論坐係邊個位都係有啲熱以前我同小朋友都好鍾意食希望可以改善一下下次轉餐牌會再去試多次…查看更多

食完之後嘅感覺，就只能夠同自己講，點解自己唔睇下openrice就去食就住碗麵同埋啲湯嚟講，其實都算OK，其實係彈牙同有咬感，又唔會整得太淋，浸咗落湯之後都算幾好食碗湯啲味有啲假，唔係用天然材料煲，而係應該後期不停加味，所以食完最尾會覺得好想飲嘢但差唔多90蚊嘅價錢，能夠見到的雞同炸豬扒真係從量上去講，係完全唔夠，持平去講，味道係還可以，但用黎送曬成碗麵，真係完全唔會夠加上叫埋個椰汁，啲味得個甜字，冇椰味，感覺上，好像飲緊啲白色傑傑地嘅糖水評分：2.5/5性價比：1.5/5…查看更多

下午茶餐叫咗糯米雞，食咗幾啖，發覺好乾硬，似係微波爐叮得太耐。向侍應反映，竟然話攞返入去翻蒸。心諗：吓，得㗎咩？可以㗎？唔衞生!疑似店長摧我哋決定，我反問佢，蒸完會軟返？佢話會，就成碟攞走咗。到攞返出嚟，我再打開，確定係食過嗰碟。比正常硬，但軟過未蒸之前，質感似煎糯米雞。點知食食下，可能凍咗，又變返硬，唯有放棄，冇下次。…查看更多

7:10叫我外賣7:30還未整好要等多陣7:50問佢有冇，收銀仲叫我外面等。可唔可以等唔住遲過我哋落單啲人都攞晒入去包外賣嗰個人問佢先至話原來收銀冇攞張單入去。等咗成個鐘都冇，只係整兩個普通餐，有幾難？？有冇搞錯？唔好意思都冇句，仲要我喺度等。結果個餐攞到返嚟，又鹹又乾。一啲誠意都冇絕對唔會有下次。…查看更多

見哩間野新開，諗住叫個外賣，叫左擔擔麵，豬骨湯麵配燒雞，蕃茄湯麵燒雞，返到屋企啲野凍晒，啲湯完全冇味，但燒雞又咸到飛起，仲有張紙喺燒雞度，擔擔麵啲油好似地溝油，完全唔敢食，唔明點解仲有人排隊，以後唔會幫襯…查看更多

叫咗當歸麵，當歸味道OK，但係湯底好似罐頭湯溝出嚟咁；紅棗桃膠肯定放咗好耐，完全冇口感；紅棗五穀飲品，係將材料打碎加熱水，飲到最後嗰啖先有啲味；蛋花湯啲蛋明顯係預製，裏面啲塔菜同埋個湯好似冇乜關係，湯就好似係味精水；豬肉片還好，不過有啲韌有啲柴，都係感覺係味精湯。因為唔係叫咗好多嘢食，其他地方暫時冇乜評論。我係去大埔新開店，都算坐得舒服，不過廚房樓面有啲混亂，態度都可以。整體嚟講係出品求其、與商品形象不符…查看更多

週末在大埔超級城，行街shopping 後，又係時候搵下食咩，行行吓見到一間，叫做和府撈麵，仲見到話可以免費添麵，就試吓佢，當時都好快有位唔洗等，去到打開餐牌，我地有兩大一小，知道可以免費添麵就叫左個兩個套餐，佢其實有一個雙人餐，但經過我哋細心睇過之後，覺得分別叫一個套餐會更抵食，最後分別點了一個蕃茄湯底，另一個是當歸湯底，蕃茄湯底開胃美味，當歸湯底味道濃郁可口，在分別點了一個雞和一份鴨，鴨做得非常香口，外皮脆香下次都會再試…查看更多

叫左碗當歸豬骨湯面，味道正常，有當歸味。配燒雞同紅豆沙。但上菜竟然上紅豆沙先，然後上面，再等20分鐘後先上雞。等到d面都變曬質上菜次序又錯曬，唔知點安排。廚房立立亂，等成廿分鐘都唔出雞，唔知點食d面。無餐具冇人幫手拎，要自己拎。附上掛面等雞相一張…查看更多

今日經過大埔， 一家人諗住簡簡單單搵嘢食， 呢間舖頭新開， 大排長龍， 所以拎定飛行一陣先再入去叫咗一份炸豬扒麵， 炸豬扒味道都幾好， 夠熱夠脆， 麵普普通通正常發揮 另外叫咗一份脆皮燒雞 蕎麥麵， 蕎麥麵真係幾好食， 燒雞就一般般😗😗呢度有一個特色就係可以免費續面， 因為有小朋友同老人家， 所以都免費加咗兩份🙂🙂甜品叫咗個木瓜雪耳桃膠， 幾清潤， 呢個天氣食都幾啱😊😊呢間餐廳嘅食物不過不失， 但勝在價錢晚市不貴， 如果下次經過唔需要排隊都會再食…查看更多

性價比超高免費➕麵不用加一哦！咩餐廳可以做到！主要係個麵真係好食喎湯底超好飲⋯⋯燒雞超好味，外脆內軟！外賣仲有優惠聽講係大陸牌子，喺大陸好多間分店依家入嚟香港都幾好嘅，香港人鍾意的嘢食囉…查看更多

和府撈麵🍜@大埔超級城 晚市等位約5分鐘，點了套餐當歸豬骨湯小麥麵，爆汁脆皮燒雞配陳皮檸檬茶🧋 位置方便在一田對面，而且多座位輪轉快，燒雞份量算足夠脆有青醬同辣椒粉，湯底很環常歸的香味，麵質亦可以，而陳皮檸檬茶我好飲，我喜歡，可以電子支付及八達通，不錯。😋…查看更多

在大埔超級城新開張，經過每次都好似好多人咁，所以星期日夜晚就去試咗一次叫了個牛牛套餐$96 和燒雞套餐 $88 另收加一入去用枱面QR code 落單燒雞和牛串燒都合格水平，燒雞皮都脆的 牛串就不過不失不過那個麵的湯底真是科學的味道，可以用超難食黎形容蕃茄湯底完全沒有蕃茄和蕃茄味，是湯包沖水整出黎的，因為我食的時候個d湯底都未開好，仲有一舊舊湯包結塊個肥牛片好多根 🫠一食就知係好cheap的牛酸辣湯底都是科學味 🫠完全唔知係咩味個麵是可以免費續加的，但個湯底實在太難食，所以都無咩吸引力加麵飲品白桃烏龍超級甜 椰漿好稀好似白色的水咁…查看更多

行出佢地餐廳嗰陣，好想同出邊等位嘅人大嗌：快走！！！！好少食過咁難食嘅餐廳，難食到我必須down open rice黎提醒大家千企唔好去試。第一，上菜極亂，極慢，等超耐先上，仲要自己舉手先會上嘢飲。廚房亂七八糟，完全冇服務可言。第二，啲湯好淡，味好怪。我嗌擔擔麵，麵，同湯，同入邊醬料，同肉碎，係完全分離嘅感覺。醬料都一坨坨，估應該喺全部嘢都係提前煮，再落醬料溝埋一齊。自己衝杯麵都有靈魂好多。得杯凍奶茶稍微正常，麵食真係如果有人同你有仇先推薦佢去食。…查看更多