影片
港鐵牛頭角站 B2 出口, 步行約1分鐘
繼續閱讀
電話號碼
23217111
營業時間
今日營業
07:30 - 21:00
星期一至五
07:30 - 21:00
星期六至日
08:30 - 21:00
以上資料只供參考, 請與餐廳確認詳情
經常幫襯食米線，湯底係唔錯既。貪佢坐得叫做鬆動，價錢合理。見佢個餐牌影到碗蠔仔粥咁吸引就試下啦！完全圖文不符，簡直違反商品說明條例影就影到咁靚，出到嚟完全兩回事！ 首先，蠔仔粥已經冇乜味，要落咗多啲胡椒粉先至叫做有啲味，配料又少。重點係 啲蠔勁多砂！ 一路食一路吐啲沙出嚟，食食吓仲不停有大大塊蠔殼！！ 清洗得勁求其！如果係咁嘅，就不如做好你嘅米線算吧啦。要學人搞另一樣新嘢出嚟就唔該認真少少。冇叫你退錢或者換過 俾我已經好客氣（不過佢換第二碗都一樣係咁難食），同佢反映返第一次好似當聽唔到！！如果係真正老闆喺度就唔會咁嘅態度，有心好多。而家嗰個唔知係佢個仔定係親戚啦！之前有試過落錯單，之後有試過叫咗三個餸都扮傻冇送嘢飲，好唔老實。去到俾錢嘅時候再同佢講，先至哦 咗一聲。咁啱廚房阿姐喺度，就求其應咗一句：下次盡量洗乾淨啲啦真係冇下次
繼續閱讀
米線軟硬適中有口感, 湯底鮮甜無味精, 皮蛋靚, 莞茜嫩, 豬潤爽脆 -- 好耐冇食過咁靚, 大大碗好滿足。你在想：佢一定多人到做唔切, 服務一定差, 對吧? 又唔係喎, 我次次都唔洗等位, 服務誠懇親切, 改單都冇畀人鬧。绝對係本區寶物, 值得一試!******************************
繼續閱讀
正當214情人節 大部分人都出去大魚大肉/食好西時我選擇走去食酸辣米線❤️😚提帶一提 疑似老闆！？有態度有禮貌有服務除左湯底之外 麵食、配料同服務都令我想再訪🤪⍥ 酸辣米線 ❙ $27 自選三餸送冷熱飲品·本身已有少量芽菜 韭菜 炸醬 酸菜 腐皮及芫荽估唔到無花生😅食酸辣湯底點可以無！？所以我決定加錢都要嗌😌酸菜激少 但又係可以當一個餸咁嗌 鍾意酸菜既朋友可以諗諗🙌🏻湯底睇落相當惹味刺激 但食落平易近人酸唔夠酸 辣又唔係好辣 反而後勁有啲帶甜🤣食完隔左兩三個鐘 有少少口渴·米線滑溜 唔會好似譚仔咁硬😅上海拉麵 免費可以轉 比較似上海麵 偏稔 我本人好喜歡😍· 豬頸肉 $10 — 份量唔少 有厚度爽口彈牙 推薦👍🏻竹笙 $8 — 成日覺得好似絲襪 好索汁 好味道👍🏻芝士腸 $8 — 正常發揮花生 $7 — 花生唔夠香口 食落爭少少🤏🏻鮮牛肉 $10 — 無咩牛味 勝在爽口台灣貢丸 $8 — 不過不失 幾好味魚腐 $8 — 大大舊「咕𠱸」好索汁 推薦👍🏻⍥ 香草烤雞翼（3隻） ❙ $21雞翼好juicy 香草味幾出🤤烤得唔算油膩 表現ok
繼續閱讀
平時lunch都經常食佢，每個禮拜起碼要食一次。每次我都係食呢個招牌豬扒酸辣轉薯粉佢個湯底真係好濃郁，好夠酸，辣度可以簡微辣同少辣！嗌豬扒，或3餸佢會送一杯冷/熱飲品。無錯‼️係凍飲都送丫！超抵丫！先$48蚊‼️‼️lunch佢人流不斷出入，有時太多人等位都要轉買外賣😢豬扒佢係有少少淋，不過唔係太淋無哂豬肉質感個隻👍🏻👍🏻👍🏻花生🥜係必要食，佢啲花生好好食好脆，配埋個湯真系一流，呢間街坊鋪值得一試！要比更多人知道佢‼️好彩係呢頭返工😭😭可以試到！
繼續閱讀
呢間米線好唔起眼，大多數同事一話食米線就食附近嘅譚仔、香格里拉、雲貴香！呢間係好食過晒佢哋同埋價錢平，係街坊價，服務又好，係坐得少少唔舒服。米線有多個湯底揀，有酸辣、麻辣、麻酸辣、芫荽、蕃茄等等。佢都屬於重口味嘅一個湯底，但係認證咗係冇乜味精，因為唔頸渴！餸菜方面好多都係一個餸搭一個米線例如豬扒，如果想自選三餸送嘢飲，米線餸菜方面就會係無得揀豬扒，只有丸類同菜類等等順帶一提，佢嘅檸檬茶嘅茶底都好出色！我會為咗呢杯檸檬茶再去
繼續閱讀
您可能會有興趣的...