呷哺呷哺 (荃灣廣場)

營業中

休息中

原本諗住同屋企人4月30號去試吓呢一間餐廳，去之前一晚屋企人專登打電話去餐廳問4月30號晚餐會唔會有限時，當時職員答「星期一至四唔會有限時」。所以就直接預訂咗30號晚嘅晚餐。當晚一行到去餐廳門口，當我說明訂咗四位，但有兩位on the way嘅時候，即刻話：「我哋今晚限時90分鐘用餐」。我當刻都很愕然，就說明前一晚預訂前打過嚟餐廳問話一至四無限時。職員身後有位應該高級小小嘅職員，一句唔好意思都冇就話：「可能同事答錯，今晚用餐90分鐘。」由於屋企人未到齊，所以就決定打電話問一問，二話不說不足5分鐘，我的訂單顯示已被取消。明白當晚係公眾假期前夕，亦都見到職員不停喺門口度介紹俾客人，希望客人會入座，但係考慮到唔俾嘅情況下就取消訂單，客人入座嘅機會應該唔大。其實答錯係你哋，我都話考慮吓問吓屋企人，問都唔問就取消我訂單，唔怪得餐廳全晚都咁少生意，就係因為職員態度問題。答錯誤一定要道歉，但至少可以禮貌少少，謙虛少少。

兩大兩小，台式平價打邊爐，買單唔使$300，台式甜品有芋圓刨冰任食，有滷肉飯任添，麵都係放題，食到飽晒，又包一杯台式嘢飲，小朋友肉類食得唔多，反而鍾意食麵，所以非常適合。

突然好想打邊爐，又吾想食得太heavy, 揀左荃灣廣場呢間火鍋店, 每人叫一個餐，我加左$20 升級牛小排200g. 湯底要左胡椒豬肚及黑松露，一個價錢兩款口味，而且兩款湯底都好正。 套餐包一份蔬菜🥬籃，其實吾好以為好少係好夠食。 因為自助區仲可以飲食紫薯麵，刀削麵，烏冬，甜品，腐皮。 其實如果食肉嘅份量吾太多我覺得可以考慮，因為啲牛質素都好0 K.

天氣轉冷，求其食間火鍋店暖下個肚，點知食到一肚氣！本身諗住食日式火鍋，人地有任食菜呀、丸呀，價錢又差唔多，但見咁多好評就試下啦。呢個$158既清遠雞套餐，包碟雞、一盤菜、兩粒丸、一粒仔蝦滑、一煲湯底。重點黎喇，有請清遠雞「骨」我以為比錯我，我應該冇點錯下欄煲湯骨。成碟野，一隻翼尖，2隻雞翼再中間開二，反轉胸骨一件。經理話呢碟真係清遠雞，我都信，但最好再加個「骨」字 - 清遠雞骨。最後轉左碟菜算。請管理層認真睇睇，咁樣出餐，唔會有翻頭客。唔好將價就貨。如果清遠雞好貴，咁咪比丹麥雞，起碼都有啖肉食下丫！ 試下出去食下同樣價錢既集團火鍋，人地差唔多價錢，但大件少少，起碼唔會第一眼就令客人反感。

多左幾個湯底揀 ，刨冰又好食，中午食，真心底，食個lunch埋單都係85蚊！晚市又多左新海鮮set，好底食食左佢個海鮮拼盤，又有生蠔，又有鱔片，隻蝦上台果陣仲識旭，好新鮮

中午放飯經過， 比門口個歡樂時光牌吸引咗$68 火鍋青花椒鍋套餐肥牛同蔬菜，每樣一粒嘅冬菇，粟米，金菇，生菜烏冬或者公仔麵，仲有刀削麵，紫薯麵任食我選咗青花椒湯底食落有濃香味少少泡椒辣味，都真係幾辣，一開始都辣親 花椒越滾越有辣 啱晒而家開始秋涼，係時候打邊爐啦自助吧仲有得攞滷肉飯 、芋圓甜品 、腐皮等我加咗$5要一杯珍珠奶茶，係大大杯！今時今日食個茶記午餐都要呢個價錢！下次都會嚟試埋佢個昆布湯，食晏又多個選擇幾好味，份量足抵食！加一後都係$80 地址：荃灣大壩街4-30號荃灣廣場L3樓315號舖

溱湊食得多 今次去食同一集團的一人小火鍋Xiabu Xiabu一人一鍋唔洗爭 要乜湯底自己揀😎餐廳以橙白色設計 整體闊落舒適門口設有茶飲外賣 以𝐐𝐑 𝐂𝐨𝐝𝐞下單以雞 豬 牛為主 亦有羊同海鮮 ༯ 滋選豬肉套餐 (巴西豬肩肉) $𝟏𝟓𝟖༯ 至尊特選美牛套餐 (牛肩小排) $𝟐𝟎𝟖肉質新鮮 脂肪油花分布平均口感軟嫩無筋啖啖肉火鍋上枱就不斷聞到松露味🤔原來係每鍋都配有養生菌菇鍋眼見有茶樹菇同梅菜 非常清甜香濃共有六款湯底可選༯ 脫俗番茄鍋香濃甜中帶微酸 內有洋蔥每款配料落鍋都索哂味༯ 暖心豬肚雞鍋+$𝟏𝟖聞落少少臭豬味 食落完全無臭味香醇清甜 好輕微胡椒香眼見只有豬肚口感爽腍 無雞套餐加配茶飲 好喜歡茶米茶的茶香而且整體配搭 比例 甜度都恰到好處༯ 熱大紅袍珍珠奶茶+$𝟔༯ 冰大紅袍燕麥奶茶 +$𝟏𝟏我特別鍾意佢個燕麥奶茶燕麥口感少少似薏米 煙韌微微麥香自助吧除醬料 小食 麵同飯更有刨冰😍刨冰多少自己控制私心超滑豆腐 (好想淨食豆腐😂)仲有涼粉 綠茶凍 芋圓 糖水等配料另可單點肉 海鮮 丸 菜༯ 小葉蝦滑 $𝟒𝟐非想像中的蝦滑 似蝦丸多食到明顯一隻蝦 爽彈味鮮香༯ 高麗菜 $𝟏𝟖味係鮮甜爽

打邊爐一人一鍋夠衛生， 而且台式風味唔係度度都有， 呢度只要每人叫一份套餐都可以去自助區可以無限refill， 連甜品都係😍呢個價錢真係好抵而且餐廳坐得好舒服打邊爐都有卡位錯, 佢哋仲有好多款手搖飲品添🤩食物方便有🦑🐟🦐🐙海鮮有🥩肉類, 我哋就叫咗海鮮餐裏面都包括一份牛小排, 樣樣食材都好新鮮, 連蔬菜拼盤品質都好好😁就算一人火鍋都可以選擇鴛鴦鍋底,就算一個人去食都會食得好開心同埋好有滿足感, 仲有自助甜品真係冇得輸🥳

📍呷哺呷哺 ⭐️台式一人火鍋 x 特式手搖兩個人想食火鍋，一人一鍋就啱啱好😉一嚟比較衛生，二嚟大家都食到想食嘅鍋底，而且價錢都抵食，體驗感唔錯😚✨豪華老饕套餐 （牛肩小排）$238👍🏻👍🏻👍🏻我哋叫左昆布柴魚鍋 + 牛肩小排套餐，昆布湯清清地，攞嚟打邊爐能夠保持牛肉嘅鮮味😋牛肩小排色澤好靚，牛味出晒嚟，加埋一大盆雜錦蔬菜，食得飽之餘又好健康，佢附送埋一個黑松露菌湯，菌味好濃，幾好飲✨尚清海陸套餐 （牛上蓋肉）$217👍🏻👍🏻👍🏻金湯酸菜鍋呢個套餐有海鮮拼盤同牛上蓋肉，牛上蓋肉肥瘦適中，海鮮拼盤就有蝦，蜆，帶子，尤魚同魚肉🤤+ $9仲有冰大紅袍珍珠奶茶，呢個係餐廳本身嘅手搖品牌，幾好飲，平時經開我都會買嚟飲🤣✨ 自助冰粉芋圓👍🏻👍🏻👍🏻呷哺呷哺有自助吧，除咗有刀削麵、烏凍、紫薯麵（in case你唔夠飽😂），仲有冰粉，芋圓、豆腐花，自己鍾意食乜就食乜，的確唔錯🥰👍🏻👍🏻👍🏻👍🏻（最推薦）- 👎🏻（可以唔使試）

見到唔少都係一個人前來盡興😇 套餐價錢由$158至$268不等 包含湯底 肉類 蔬菜拼盤 茶飲 自助吧最重要係座位同枱面特別寬敞好好坐 有卡位又有吧枱 店員服務都幾好每個鍋都係鴛鴦湯底 大個邊試左暖心豬肚雞湯同酸甜開胃蕃茄湯底 兩個湯都好足料 豬肚湯鮮甜唔腥 胡椒唔會太辛辣 細果邊既養生松露菇菌湯係固定 啖啖飲到濃郁既磨菇顆粒 味道幾突出 感覺特別新穎😇✨️日本和牛套餐 $268日本和牛三角胸小排✨️豪華老饕套餐 $238美國牛肩小排+尚青海鮮盤(小)兩款牛肉質素都唔錯 日本和牛油香豐滿 牛肩小排肉香較濃郁😍 份量適中唔會太膩 海鮮拼盤有大大隻帆立貝 爽彈鮮蝦 魷魚 鯛魚片 蜆蔬菜拼盤賣相幾有心思 除左蔬菜之外仲有福袋同貢丸 一定飽肚 另外試左蝦滑同鴨血 蝦滑彈牙有咬口幾出色出面自助吧台有刀削麵 三色麵等麵食 王子麵夠曬台式feel 肉燥飯都係必食 一d都唔油膩 食左兩碗🤗 如果有更多自取配料選擇會更加滿足～打邊爐點都要嘆返杯冰涼既大紅袍珍珠奶茶 甜品仲可以自製刨冰 芋圓 芋泥 仙草 紅豆等配料任加 消暑一流❄️

經常幫襯的小店，喺荃灣廣場隱蔽位置，唔仔細睇都搵唔到！自選湯底配上菌菇養生鍋有個選擇。一人一鍋唔怕打交，套餐有一碟主菜，配有一盤蔬菜同肉丸，仲配杯手沖飲品，人均百幾蚊就可以享受到香濃嘅湯底！stuff熱情有禮，非常推薦

荃灣廣場一向多美食，行街經過見到lunch時間有68蚊火鍋! 一於入去試下先😋餐廳環境光猛，好乾淨，出面有個自助調味吧，自助甜品吧，幾吸引😍⭐️歡樂時光套餐呢個套餐限定星期一至五，11am-5pm, 可以選牛肉或豬肉，配上蔬菜盤，湯底有2款選擇，我選左昆布鍋，個湯真係麻麻地。。。無咩味，唯有去自助調味吧加d醬😂😂下次試下花椒湯會吾會好d先牛肉份量有5塊，肥瘦適中，份量吾多，男仔會吾夠，勝在出面有個自助調味吧，有魯肉飯，脆腐皮，同幾款涼拌小食，食完仲有自助甜品😆

一人一窩，想要咩湯底自己揀😍最大特色就係日月窩，一邊係用黎烚吓烚吓，另一邊係用黎飲嘅，必定跟一個黑松露菌湯。個黑松露菌湯都幾濃郁架，幾好飲！昆布湯清清地，亦都夠咸。一set set嘅牛肉都靚仔架，另外仲有一大盆蔬菜，點都食得飽🙉再食唔飽出面仲有肉燥飯/王子麵/紫薯麵烏冬自取添。佢哋呢度仲有得自製冰粉，材料自己鍾意落咩就落咩！都有幾款材料可供選擇。最重要佢哋呢度嘅大紅袍珍珠奶茶，真係好好飲，有時行過我都會單點買黎飲！

和家人来吃晚餐庆祝生日，每人叫了1个不同味道的汤底，配上可口的菇汤。还有无限添加肉燥饭、麵食、凉拌等，超正！我最喜欢的就是浓香番茄汤🍅，味道是意想不到的浓+香。我妈妈说王子麵超好味道，有弹牙，另外都提供乌冬、出前一丁、紫薯麵等，好抵食。

兩個人想食火鍋，一人一鍋剛剛好選擇算多，有多款湯底，先選肉，再選湯底，每份都包一個蔬菜盤，一杯飲品。自助吧有多種醬料，小食，肉燥飯，刨冰甜品。食物都新鮮，環境和服務都不錯，可以再來。