味蕾烘焙

營業中

休息中

寫一個負面食評，很久沒有幫襯小店打算支持小店，平日呢間小店都多人排隊買蛋撻，況且我都曾經光顧他的香橙忌廉包，味道還很好，雖然價錢比較高，我是光顧後一吐火，不吐不快，由於下午稍遲時分，有蛋撻賣，所以前面都有幾個人排隊，我都打算買個香橙忌廉包，由於等了長時間都希望快快買完離開。最後，當我終於輪到我時，店員卻從玻璃櫃檯裡四個麵包中，挑選了第二個，結果那個包又皺皮、又小、又燒焦。天啊❗️我只是想買一個正常的麵包，看着他從玻璃窗中間夾出一個絕對是冇人買的麵包，大佬啊最近有一個、最遠有一個你偏偏悉心篩選中間。我實在無法相信，這麼明顯的瑕疵居然會被選中出售。難道這個包已經沒人想要了嗎？我本來期待著能吃到一個新鮮的麵包，卻被如此失望的選擇打擊。更令人氣憤的是，這個包的價格居然比連鎖店的還要貴！我這次的經歷讓我決定不會再光顧這家小店。

今天經過這家近日在網絡上有不少好評的烘焙店，就用試食價$10買了一個千層焦糖蛋撻一試。蛋撻微暖，一口咬下去，外皮酥脆，內餡蛋漿嫩滑，不太甜，好吃。除了這千層蛋撻，烘焙店還有其他麵包出售，看到來購買的人也不少，下次經過還會試試這店的其他出品。

有幸被派往深水埗工作，每日積極搵食 👀 有一天路過這間小店，就被新鮮出爐熱辣辣嘅星星蛋撻吸引住，買咗一個返公司試，味道簡直驚艷！蛋撻香噴噴，外皮超級脆，連唔食酥皮蛋撻嘅我都覺得好impressive!! 之後特登去試吓佢哋嘅麵包，特別推薦肉鬆包同 focaccia ，真心同其他麵包舖嘅唔同，麪包質地軟糯，非常高質，真係一分錢一分貨，回味無窮！為咗呢個包，我之後都會特登去深水埗買麪包，大家經過嘅，都不防買個試吓，支持吓呢間小店啦！

千層焦糖蛋撻 $10花花形，加上千層酥升起，睇到一層層脆皮效果口感好好，咁薯片更脆不過會易界口千層非常酥脆，有牛油味，表面有焦糖，唔會太甜，蛋味就唔算濃，但有一定厚度$10一件呢個價同效果，性價比高列入個人蛋撻排行榜頭3咁岩去到有人排緊隊，等左唔駛5分鐘有新鮮出爐，係感受到剛剛出爐嘅熱氣同溫度唔知有冇固定出爐時間，我咁岩4:30到等一陣就出爐鋪頭門面只係一個大玻璃櫃 賣其他麵包 $10幾蚊一個但算大個今日無鹽可頌 下次再試

巧遇蛋撻剛出爐 又有試食價（$10)😋外貌相當吸引 千層酥皮非常鬆化不會感到牛油太重而有膩感有蛋香 焦糖比例剛好 個人覺得很蠻好吃的吃蛋撻又可以多一個選擇了另外牛角包大大隻（$16)😋不會覺得很油膩 入口酥化內裡鬆化面頭帶點焦香 也很不錯店舖小小 下次再經過要試一試其他款式芝士包 麵包布甸很也吸引

個酥皮勁脆，個蛋餡唔太甜，我覺得好好食，重要係唔貴$10咋～途徑可以去食吓，我覺得好食過出面啲乜house lor! 又唔駛排隊😂牛角包都好好食，下次試埋個布甸包!

我買過全港好多間麵包店，有遇到唔少難食嘅，但連發都未發起身嘅死面麵包真係第一次見！（果乾麵包）口感係一舊舊嘅，食起身超難受！（海苔肉鬆麵包）肉鬆同沙律醬嘅味道超劣質，完全係科技嘅味道，包身啲果仁有受潮嘅味道。（焦糖牛角包）正常水準（蔓越莓乾麻薯）我明明記得我買嘅係麻薯，但完全係普通餐包嘅口感，不過可能係我記錯了……Anyway，雖然價錢真係平，但品質實在太差了，就算同等價位我都有食過OK嘅，竟然全係好評冇差評？真係覺得不可思議……

好耐冇食過好味嘅focaccia唔近深水埗有啲唔捨得咁快食晒我慢慢搣咗一個下午嚟食😂仲要只係賣$11而家出面麵包都賣得幾貴下呢個價錢同質素嚟計真係清泉…下次再試其他包！

終於比我搵到全港最好食嘅布甸包✌🏻Open Rice甚至冇Comment😱店鋪有超過數十款嘅麵包，當中都有唔少大熱款式 #布甸包 #千層蛋撻 #牛角包 但每款都唔會超過20蚊今次就試👇🏻ིོ芝士車輪燒餅（HKD12）見佢幾得意又大大份又冇咩人就試下，諗住可能伏伏地。點知好好味🙀個焦皮係勁脆，而個包就好腍同好香芝士味。焦糖法式布甸包（HKD18)之前食過最出名嘅嘉多娜布甸布，老實講個餡係好食但外皮完全唔得，食到牙骹勁痛同太重奶粉味😭諗住個個布甸包都係咁啦，點知呢間做壞規矩！外皮係超軟！完全可以連埋個餡食！最正係終於奶味極重，加上有燒焦過，食落冇咁膩。食多個都仲得！#好食嘅真係唔洗太多宣傳#但呢間冇人講又過分左少少🦌🐿️📍味蕾烘焙地址：深水埗元州街82號人均：12-20評分：10/10#deer_深水埗 #深水埗美食 #深水埗麵包店 #麵包店 #深水埗甜品 #布甸麵包

今天陪姑姑去醫院。她回家後，自己去搵嘢食。行吓行吓搵到呢一間，見到個牛角包唔錯，就買咗個原味嚟食食完之後覺得「有冇搞錯？點解會咁好味嘅？」牛角包係香港size，比一般嘅大，牛油香唔錯，不過最重要嘅係夠晒flakey。一般女仔買一個都夠做午餐。希望佢長做長有，皆因我一定會再去食P.S. 我買咗一個原味同焦糖味返屋企。唔知小豬老婆會揀邊一個呢？

行過見好整潔，點解無人幫襯呢？價錢又唔貴。我買咗一粒珍珠糖麻薯波波$6 加兩粒紅莓波波$8/2粒珍珠糖已食，唔太甜，夠煙韌，$6 正常size。一食就想為佢寫食評。紅莓波波咬開好實在，唔係空氣麵包，又多紅莓。真心值得推介，下次試埋鹽可頌。店主請加油，希望你生意蒸蒸日上。我先有好麵包食。

最近經過一間麵包店，門面細小，但裝飾較新亦有小店風情。打算支持小店，又可以嘗試看看好不好吃。　買了一個奶香合桃包（$20），看上去挺大過的，是次買的時候門面是一個化了妝的女士，在整個購買的過程中女士沒有出過聲（沒有好，沒有謝謝），甚至視線從沒對上我。（給我麵包時，甚至望着我背後的馬路）明白有人會辯說買產品的人不是買服務，但其實小店的吸引力，就是一種故事及態度（親和力）。而且禮貌是反映自己為人。不明為什麼店舖要請這樣的人？沒了大好心情後，回家嘗試吃這個麵包，幸好麵包的心意有傳遞到，因為麵包真的很好吃，稍微脆脆的外皮和微甜的麵包香配上合桃和seed， 很大的麵包在一瞬間就吃光了。

有次行完嘉頓山經過，見到d面包款式幾吸引，但趕時間無買到。今日特登去買左幾個黎試（蜜糖橘子包，海鹽croissant，五穀波波），其中覺得最特別都係蜜糖橘子包😃，味道相當唔錯，整體比好多連鎖店好食，食得出花左心機去整同焗😶。好奇之下去openrice search 下有無食評，竟然未有。。。可能新開不久吧。直得正面評價。另外價錢亦合理，下次會再試其他款式🙂店主可以做多d宣傳，比更多人試下😀😀😀