味緣

營業中

休息中

難得小社區裡擁有高質小店👍因為知道屋苑電梯建成新開幕免卻百步樓梯於是乎當去散吓步，鄰近新港城約十分鐘步程便到，慶幸走訪此屋苑並放棄在新港城商場覓食。用膳後真的感到選擇正確👍如果在商場食便比下去了👏叫了一個精美並且豐富得令人醒神嘅All Day Breakfast，內容大致差不多但多了一杯美味藍莓乳酪簡直神來之筆。後來再加外賣兩個炒飯和手撕豬墨西哥卷回家當晚飯和老公一齊分享，泡菜牛舌粒炒飯夠惹味，鮮菠蘿雞肉炒飯夠清新又可以中和下泡菜份辣味，那份墨西哥卷更是驚喜👍，食得開心又滿足，因為年青老闆主廚親切友善健談，見到事事親力親為處理食材煮得有心機又好味😋商場一定搵唔到如此高質，抵食又份量足。

自從偶然試過呢間咖啡店後，有空我都會去坐下飲下咖啡同食下嘢。喜歡店長(廚師)為我貼心製作食物，咖啡及飲品種類不少，連奶類都有全脂奶，脫脂奶及燕麥奶，以小店來說相當齊全。另外食物種類亦唔少，我自己最喜歡煙三文魚及豬軟骨款式。最驚喜係有椰菜花飯可選，而且可以按喜歡要求款式，所以我食過豬軟骨意粉及豬軟骨椰菜花飯。最近亦增加了甜點，甜度不太高非常適合我呢。店長廚師曾在灣仔高級西餐當廚師，所以意粉水準亦相當高。唯一有一點就係空調較凍，可能係我自己怕凍吧。

食物種類豐富，有早餐午餐晚餐！炒飯有多士。有咖啡有其他梳打飲品！！價錢屬於平，但係物超所值！！我覺得係有中環餐廳嘅水平！之前食過早餐，佢嘅早餐係比較適合現代人嘅口味，唔會好大份！但又令你足夠可以食得飽！而佢哋嘅咖啡，飲得出係經過精心嘅調配！雖然都係一杯普通嘅熱拿鐵，但係看得出佢哋嘅用心！同埋同老闆傾下偈，原來佢呢度可以有包場服務！佢可以同你度身訂做餐飲晚餐嘅款式！更加可以同你預備其他嘅餸菜！所以如果搞一個小型嘅party嘅話，又唔想整污糟自己屋企，我覺得呢個都係另類嘅選擇！所以呢間餐廳係可以encore嘅！！