味王日本料理

營業中

休息中

幾好食wo d拉面又有小食送,25蚊有d貴lor但係...for tudent lunch,裝潢靚過之前...

本來平係好事，但係冇裝修，冇服務，連食物質數都冇，就真係唔得啦！食壽司既飯竟有飯焦，打晒折扣，我唔係食垃圾的，我都有真金白銀俾錢食飯的！

每日一便當$25一份, 今日有金菇牛肉卷配天富羅, 送白飯, 兩件壽司, 麵豉湯& 汽水。我地一入去即叫兩個便當, 但等左成20分鐘左右先到, 而且全部食物都唔熱, 只可以叫做暖金菇牛肉卷–有d汁同菜&洋蔥響底, 但味道淡, 牛肉又un天富羅–唔係岩岩炸起, 而底部既鼓油汁又浸淋晒, 好難食白飯–普通日本飯煮到好淋, 應該落多左水煲兩件壽司–又細又薄既三文魚加上唔係好新鮮, 完全唔得店裡只有2個伙記, 廚房都唔多人, 所以無乜人招呼。

拉麵平＄２０，quality ok la~ｄ定食幾好，不過太少choice. one @ day

想食餐好o的o既日本o野好耐，不過一直未有時間(亦唔捨得)去，所以就就地腳o係屋企附近食返餐港式日餐頂住癮先~黎呢度食日式o野當然唔可以要求高，不過價錢好經濟，$88 蚊已經有個自選二人套餐。呢個套可以自選兩款前菜、三款剌身同三款料理，另外包括白飯、麵豉湯、雪糕同兩杯餐飲。前菜揀了八爪魚仔及蟹子沙律。兩款都係普通之作，不過呢兩樣又好難整得難食o既.......剌身揀了八爪魚、赤貝及北寄貝。每款有三片，尚算新鮮，不過好薄同好細片。主菜就揀了釀雞翼、泡菜豬肉及金菇牛肉卷。釀雞翼一人一隻，係去骨雞中翼連雞翼尖，釀入菜肉餡然後封口煎成。幾特別而且燒汁做得唔錯。泡菜豬肉好大碟，唔係用泡菜而係用泡菜汁煮紹菜同豬肉，不過索晒o的汁後又幾好食。金菇牛肉卷有三大件，都幾好味，不過女友話食到有怪味，我又唔覺喎........麵豉湯係開粉果隻，芝麻雪糕好大球，飲品方面加$2可以轉台式特飲，要左朱古力雪香，入口幾滑，不過甜左少少。埋單$92，我覺得抵食！！

一個set 有麵+ 三件壽司，$3x，都好合理。我(lunch time)鰻魚拉麵，都ok，好過味千。但壽司好像不太新鮮。若要吃，還是單叫麵/飯算數。另，朋友叫了海鮮鍋(around $40)，但不太好吃，又腥。服務一般，不知為何那天等了差不多25分鐘才有東西吃，催了很多次。

想食日本野土瓜灣基本上無咩選擇, 最小要去到紅磡o個邊崇潔街先有大的日本餐廳.唔想去咁遠, 所以就去左味王, 見佢開左幾年, 由一間細細鋪, 開到另外有幾間分店, 都幾好野.叫左一個鰻魚飯, $20 好平, 不過就一般啦, 鰻魚本身細條, 亦好細片, 以價錢論, 無咩要求.....