味滿

營業中

休息中

廣東粥麵都算係香港特色，隨着越來越多其他唔同國家嘅菜式引入香港，廣東粥麵好似越嚟越少，尤其是有質素嘅粥麵鋪。今日食咗天后呢一間粥麵舖居然比到驚喜我。我首先比佢哋嘅豬雜吸引。如果唔係新鮮豬雜，一定做唔到呢？一種鮮味。我叫呢個豬什撈麵，有豬心、豬粉腸、豬潤、豬肚、豬肉片、豬肉丸。除咗豬什新鮮之外，佢哋嘅麵比到我真正嘅驚喜。爽口彈牙，可以同麥字派媲美。另外佢哋仲有自家製腸粉，叫咗一份魚片腸粉，出邊都好少食得到。薑蔥同魚嘅鮮味啱啱好。

放工後行過天后區，諗住食少少嘢就回家，無意中發現咗這一間舖頭，睇到食評大部份吹到好好食又抵食，估計應該都不過不失啩，一入到去看了餐牌，見到套餐價錢，並非我的心水，再看看旁邊客人點的食物，覺得有啲伏，於是決定只order一碗雲吞麵。一上菜就已經見到啲麵底有問題，並非爽口彈牙那種，心裏一沉，因為樣子已經比到一個答案出來，立即扣分，事不延遲立即放進口，果然係又淋又冇咬口，仲有陣微微的鹼水味，一個字⋯⋯「難食」，最後那碗麵食了一半就埋單離場，好耐沒有寫食評了，今次偶然發現天后這一區又一劣食。

推薦指數： 🌕🌕🌕🌖🌑📍HK #天后 - 味滿 𝗙𝘂𝗹𝗹 𝗧𝗮𝘀𝘁𝗲 二訪這間粥粉麵飯小店，清清淡淡有家的味道。超多街坊幫襯，名副其實街坊食堂🥡 菜式都經濟實惠 （Menu 在後頁） $40食碗湯麵 或 生滾粥，豪氣啲就食個全日套餐最貴都係$80=【🥢 𝐖𝐡𝐚𝐭 𝐈 𝐨𝐫𝐝𝐞𝐫𝐞𝐝 食咗啲咩】◐ 鳳城水餃撈麵 $50 （跟餐送油菜+飲品 $80）◐ 皮蛋瘦肉粥 $45（跟餐送油條+ 腩汁蘿蔔 $77🌟◐ 香脆炸雲吞 $42 🌟◐ 韭黃鮮蝦腸粉 $44◐ 薏米水 🌟全部都非常喜歡，蠔油撈麵配水餃無鹼水味，鳳城水餃內含蝦和豬肉✨ 任何麵類套餐均附送油菜（芥蘭 / 菜心 / 生菜），飲品推薦加薏米水，半杯都是薏米，非常足料！瘦肉粥皮蛋份量多，每粒米都煮到爆開，每口都好綿密～ ⚠️ 餐廳位置有限，繁忙時間可能要等候*･゜ﾟ･*:.｡..｡.:*･*:.｡. .｡.:* ･*:.｡. .｡.:*･゜ﾟ･*📍 天后電氣道64號地舖🚶 天后站A2出口，步行約2分鐘 🥢 @gofulltaste 🏷️地區：#laymao_天后 分類：#laymao_中式 *･゜ﾟ･*:.｡..｡.:*･*:.｡. .｡

位於天后電氣道❣︎味滿❣︎係一間食傳統廣東粥麵嘅小店，呢到裝修舒服企理，店員服務質素好好👍🏻最緊要係啖粥滾得好食🤤超推薦比大家🫶🏻❣︎豬膶魚腩粥❣︎$78必食推介🌟豬膶大大塊，又爽又嫩🤤👍🏻係我呢幾年喺粥鋪食過最正嘅豬膶👍🏻魚腩大大舊，新鮮甜美，粥底綿綿，超出色👍🏻❣︎蠔豉粥❣︎$53必食推介🌟蠔豉份量超多😍氣味香濃，仲切好晒一粒粒，方便食用👍🏻特別係小童👧🏻同長者👵🏻。❣︎脆脆炸兩❣︎$37爽滑腸粉，充滿米香，會跟埋三色醬(花生醬，豉油，甜醬）記得沾埋啲醬汁，味道同平時粥舖有少少🤏🏻唔同，個甜醬特別好食👍🏻❣︎紫薑糖心皮蛋❣︎$40皮蛋口感綿密，配埋酸薑來食好開胃。❣︎蜂蜜菊花露❣︎$16味道清甜，夠熱好暖胃。

有時出街食飯都吾一定要大魚大肉 簡單一餐飯 感受下熟悉既味道 令辛勞既一天帶點小確幸都吾錯😊🍛 柱候牛筋腩飯 $78牛筋好腍又膠身牛腩入味 撈埋汁送飯有feel😜套餐包埋油菜＆野飲🍜 南乳豬手湯麵 $42麵質幾爽豬手大嚿 啖啖骨膠原 外皮煙韌👍🏻🐣 香茅雞翼 +$33套餐可以追加小食即叫即炸 新鮮熱辣😋🐷 香茅豬排 $40幾厚身 半肥瘦🥢 叉燒腸 +$31腸粉皮滑👏🏼💭餐廳乾淨企理 食物質素吾錯😙

今日喺天后試了一間傳統味道，清新簡約風嘅粥麵店～味滿，兩幅掛牆鏡，有點似髮型屋，配搭高腳櫈，又好似吧檯😅小店粥粉麵飯全部都有齊，很多熟客光顧，仲有一位叔叔在店內即場包雲吞， 證明係自家製作，腸粉都係即叫即拉，有點少驚喜 就是有生滾粥，我點了豬潤粥$47，粥底幾香滑，豬潤有好多片，非常足料。朋友點了豬手撈麵$52，可揀湯麵或撈麵，粗麵或幼麵，豬手腍滑，墊底嘅蘿蔔，索滿湯汁非常入味。另外點了蝦子唐生菜$26，脆脆炸兩$31，凍檸茶$10和金裝羅漢果茶$8。價錢貼地親民，下次經過會再來。

天后電氣道食肆超多，粥粉面飯要乜有乜。 今日去咗幫襯呢間粥麵小店，因為朋友話佢哋個蜆介鯪魚球超好食😋佢哋嘅套餐價錢都好貼地，又多嘢食，又有嘢飲！怪唔知人流滿滿！今日同朋友都超肚餓，仲叫咗好多嘢食！腩汁蘿蔔蘿蔔炆得好淋，入口即溶咁制！豬膶粥豬膶好大片，片片都好爽滑，粥底都好夠綿滑！雲吞撈麵麵超大碟，雲吞細細粒，入口好易食，仲有好多粒添！蝦都好爽口，夠哂彈牙！鮮蝦腸粉腸粉皮唔厚，夠哂滑，如果多幾隻蝦會更滿足😌蜆介鯪魚球真材實料！仲好彈牙！炸得外脆內軟！朋友果然冇介紹錯！

味滿．滿意的粥麵飯去天后必食的粥店，一定是味滿味滿坐得舒服，出品好食店員仲幾好傾感覺不錯與朋友一起happy share食飯最是happy牛筋腩飯汁香最正是撈飯牛筋入味，香味濃郁口感QQ的，牛腩醬香十足肉軟林，配飯飯一起吃非常滋味水餃麵水餃3大粒蝦肉、木耳包得豐富皮薄可口味道不錯幼麵麵質彈牙爽口配大地魚湯底，好食豬潤粥最愛的生滾靚粥此店真材實料豬潤勁大塊，夠厚夠潤香入口剛剛好，粉嫩爽口]豬潤味道鮮甜，粥夠綿滑非常好食炸雲吞炸得香脆，有大蝦肉感非常彈牙點些泰式辣醬酸甜辣都有齊好好食蠔油生菜+ 蠔油芥蘭雖說是跟餐的油菜但絕不求其條條菜都鮮甜沒有渣而且蠔油畀得好疏爽配住來食，菜肉平衡又健康味滿天后電氣道64號地舖

好耐無食港式麵店，經過天后地鐵站，發現附近就有一間。一入去，發現地方都幾寬闊同乾淨。點左幾樣嘢食。炸醬撈麵，粗麵爽口彈牙，份量都幾多，炸醬甜甜辣辣，開胃惹味。雲吞河粉 (套餐) 包括一個雲吞河粉，蠔油生菜同飲品。雲吞皮薄餡多，蝦肉口感彈牙。河粉份量都唔少。生菜口感爽脆。麻辣牛腩，强烈推介。有牛腩同蘿蔔。牛腩炆得好入味。蘿蔔清甜無渣。麻辣汁唔會好辣，香香辣辣。油條 ，新鮮炸起，熱辣辣，漲卜卜，口感非常酥脆。韭黃鮮蝦腸粉，腸粉都幾足料，入面有5-6只鮮蝦。

岩岩伏完一間，食唔飽之下再去另一間算係多好評既中餐，叫左比較多人會叫既牛筋腩河同炸鯪魚波。加分位係落單叫牛腩河既時候，姐姐會問你要唔要筋，最後變左牛筋腩河，但係咪同一個價錢我就無留意。兩樣加埋78蚊！個炸鯪魚波就算中上，彈牙，夠熱，一碟6粒，影個時已經俾人挾左一粒走。Size就正正常常，可以一試。根住到個牛筋腩味精河，食落去個湯係掛到上去個，個湯仲幾香，但3點食完之去到7點個喉嚨都係keep住乾乾到懷疑自己啪左成包味精。牛筋幾淋，牛腩無comment，蘿蔔算甜，但俾個味精湯污染左。究竟天后有冇邊度係好食

今日突然之間好想食粥， 行過地鐵站附近見到呢間粥舖， 有別於其他粥舖呢間粥舖，裝修係小清新路線， 但人情味滿滿， 可能街坊生意見到佢對個伯伯好細心，而且坐低嘅時候， 姨姨都有另外畀張凳擺嘢，好貼心❤️醒胃炸醬撈麵麵底好大份，麵質爽口🈶️蛋香肉絲更軟滑有嚼口，那鮮紅的顏色是來自豆瓣醬和茄醬， 食麵嘅時候加少許醋，令鮮味提升跟隨撈麵附送的上湯好好飲，吃撈麵前飲口熱湯，打開味蕾後才開始吃麵，當麵條慢慢變乾時，就再喝湯濕潤嘴巴爽脆灼魚皮魚皮絕對要講一講，比平時其他店大塊好多厚身口感比較爽彈最重要係加埋大量薑蔥令味道升華。炸雲吞熱辣辣脆卜卜仲係即炸入面係原隻蝦仁❤️魚腩粥魚嘅份量好多，好鮮味，粥底非常軟綿 食粥梗係要叫佢個好朋友脆脆《炸兩》炸兩嘅腸粉同好薄最鍾意佢啲醬較多

味滿 滿滿人情味嘅小店同朋友去天后行下 有啲肚餓發現有間小店坐滿左人就同朋友入去食嘢醫肚啦小店位唔算好多 但店員會好好安排你坐邊而且好有禮貌 感覺好舒服環境都乾淨企理我哋叫咗個淨蘿蔔柱候牛筋腩$85韭黃鮮蝦腸粉$44酥炸鯪魚球 $42香茅豬扒 $40蝦籽菜芯$30上菜好快 都好多人叫外賣好受街坊客歡迎牛筋腩彈彈下入口滿滿骨膠原食落又夠淋夠滑腩汁好夠味 同蘿蔔一齊食多一份清甜香茅豬扒份量都唔少 炸到好香口 又有肉汁唔會鞋 保留左少少肥膏勁香滑鯪魚球一球係大大粒 炸到金黃色好吸引本身已經好鮮味唔會腥唔點汁都好好食蝦腸粉都好夠滑 菜心都鮮甜啲嘢又好食 份量又足唔怪得咁多街坊幫襯啦味滿 (天后)天后電氣道64號地舖

👨🏻‍🍳味滿 (天后)📍天后電氣道64號地舖 「粥幾綿🤤」 收工天后覓食，想食清淡小小🤤 👍🏻🍽️肉丸粥 $47超細綿的生滾肉丸粥🤤熱辣辣上，夠味，加埋胡椒粉更加惹味！！肉丸彈牙有咬口，好多粒🤤 👍🏻🍽️酥炸鯪魚球 $36配蜆蚧醬個人口味中意就咁食，吾蘸醬🙈可以食到魚肉味同酥脆香🤤都系彈牙有咬口！！ 🍽️鹹肉糭 $25連豉油上，個人中意蘸砂糖🤣不過試下豉油都不錯。口感較其他粥店煙韌，有小小似粢飯既口感。 🍽️柱侯牛筋腩飯 升級套餐 $78奉送油菜 （菜心）、飲品（凍檸茶）柱侯醬好香🤤 另加配兩款小食：🍽️脆脆炸兩👍🏻🍽️蠔油冬菇冬菇好大粒，彈牙、juicy、有咬口😻吾會好咸👍🏻 #味滿 #天后粥店 #天后粥品

有日想食清淡少少，於是去左朋友介紹嘅呢間味滿！今次試左豬潤粥、炸鯪魚球特別有驚喜😋豬潤粥嘅粥底好綿滑，豬潤粉量好多又大片，而且佢係爽嗰種質地，好食！因為我跟餐叫，所以另外就有埋油炸鬼同埋腩汁羅白。油炸鬼似新鮮炸起，因為平時出面係比較硬同埋幼，但呢個係漲卜卜而且好酥脆👍🏻另外試左柱候筋米粉，肉質都算腍。小食方面，炸鯪魚球我認為必點！鯪魚球炸得剛剛好，真材實料，而且唔會食到魚骨，仲保持彈牙，配埋蜆介醬就更惹味👍🏻平時去開天后嘅朋友可以試下呢間～

味滿 • 天后一直以來好多人比較鍾情於日式、西式等食物，不過個人覺得香港一直有好多港式餐廳都係好俾心機去做出美味可口嘅食物，今次呢間亦唔例外，個人覺得食物質素和性價比都非常好，好值得推薦比大家😆✅ 鮮蝦雲吞湯麵 🍜 $40鮮蝦雲吞大大粒，亦都爽口彈牙，湯麵用生麵做面底，麵身比較爽，雲吞包得亦都非常幾靚，有條短短嘅金魚尾，湯底大地魚味濃，仲有少少韭黃增加香味😙✅ 牛丸湯麵 🐮 $44大家唔好以為呢個係普通嘅牛丸，呢碗麵入邊嘅牛丸大大粒，好爽口，而且一咬落去好多肉汁，味道較濃，有驚喜👍🏼✅ 叉燒腸粉 🥟 $37入邊叉燒佔比幾多，用料有誠意，腸粉外皮唔算太厚，而且滑身，食落唔錯😗✅ 酥炸鯪魚球 🐟 $42鯪魚球炸得非常香口，入邊魚肉爽口彈牙，而且加入唔同配料調味，最突出嘅應該就係陳皮，增加少少甘香嘅味道。😗