味千拉麵 (愉景新城) (已結業)

I went there with a colleague for lunch. The place was quite empty at 12:15. They offer a lunch set, but this isn't really different to the normal menu and not even much cheaper. Fortunately the menu is in English as well, whereas the service barely speaks English.I ordered the vegetables ramen soup and an egg, my colleague ordered the pork with sweet corn ramen and fried octupus balls (+10$).The vegetables soup tasted good, especially the soup base but it could contain more vegetables, especia

人手短缺，樓面全部黑口黑面。門口派飛無程序，一大堆人企門口，無人派飛。個四眼職員行埋櫃檯，同佢攞飛佢唔理人，諗住佢哋咁忙，俾啲耐性等下佢，點知佢再行埋櫃檯時，亂派飛，遲嚟先上岸，仲要死撐自己無錯

愉景新城新開咗味千拉麵，真係已經好耐冇食過，味千啱啱嚟香港嗰時係好食㗎，唔知點解越做越差，攪到完全冇意欲去食，咁依家開新店咁就試試佢哋有冇進步番。坐底後望一望Menu，就揀下午茶嘅東瀛拉麵加杯凍柚子蜜（$36）。食物大概10分鐘就到，見到個拉麵賣相都唔錯，餸方面有叉燒、日本魚旦、蟹柳及流心蛋，麵底份量亦唔少。味道方面，嗰湯底好濃味，叉燒亦好淋，但嗰半隻流心蛋就比較凍咗少少。另外杯柚子蜜俾啲柚子都幾重手，但可惜甜咗些少。其實味千Keep到呢個質素應該都會多人食~

今日又係孤兒仔去食飯既時候，行完SPAO之後，沿途經過熟悉既愉景新城，眼前既食店換了不少，經過中學時候必吃既味千拉麵，就一於重溫一下當年既味道。環境感覺唔似以前淸一式既日式設計，而係用左童話般的熊本熊做主題，細路仔至愛，設計好適合一家大細來食。眼看餐牌，餐牌上的價錢出呼意料地十分親民⋯唔似以前高昂既價錢，對於學生時期既我已經算係奢侈品了。正值天氣寒冷，所以點左一個秋冬季節限定的墨西哥青辣椒拉面，手造餃子，一杯蜜桃特飲，驅驅寒風。墨西哥青辣椒拉面：只係$58，非常抵食，拉面上有鮮蝦，青口，蟹柳，三色椒。足料！配上青辣椒油湯底，但呢款青辣椒油湯底唔算太辣但味道香濃，怕辣既人亦都可以不妨考慮下，些許燙口的感覺幾刺激味蕾，入門級辣度既不二之選。手造餃子：$35/6隻，感覺上略貴，但大大隻而且皮薄同餡多，肉汁略為乾身，如果係煎煮時間上控制有改善的話 會更上一層樓！蜜桃特飲：跟餐+$8，單配$18可能天氣凍既關系，所以試下呢杯特飲，味道微酸微甜，人大左反而開始鐘意呢種味道高於太甜既飲品。味千拉麵比起以前過百元既餐牌，依家既餐牌更有一種親民價錢的親切感！通脤既壓力下，拉麵店仍然做到咁既價錢，實在難得

數起手指都唔知幾耐無入過味千食拉麵了。記得細個嗰陣市面未有咁多日式拉麵店，其他大型連鎖拉麵鋪／正宗拉麵店等等未進軍香港時，味千可算得上係食平價日式拉麵嘅首選名牌。今日同朋友行經愉景新城，竟然見到味千係呢度開左間新分店，心想咁耐無食，一於入去睇下仲係唔係以前嘅味道。未入門口已經見到成間店都係熊本熊嘅設計，源自日本熊本的味千拉麵CROSSOVER呢隻古惑的熊人的確幾有睇頭。見有個新嘅辣椒拉麵，就同朋友點左一個再加個招牌味千拉麵，一新一舊睇下有無驚喜。墨西哥青辣椒拉麵。海鮮量好多仲有三色椒配襯，造型都幾清爽。湯底雖然加左青辣椒油，但整體唔算好辣，微微刺激舌頭嘅感覺幾舒服，反而係青椒嘅味道幾突出幾惹味。而蝦同青口都入味，配埋個麵食其實幾飽肚。而且近日天氣驟寒驟凍咁，呢個拉麵幾啱食。味千拉麵。簡單配料有叉燒／溏心蛋及木耳等，同記憶中嘅一樣。湯底係豬骨濃湯，味道唔算太咸。麵質爽口，唔會太硬。溏心蛋真係啱啱好，蛋黃呈半凝固狀蛋味好濃郁。而叉燒厚得黎煮得幾腍，一咬就鬆開，整體配料同麵都幾好，起碼好過食過幾間所謂嘅日式拉麵店。雖然無依家通街有得揀嘅軟硬度，但唔揀先係似返日本要求吧，由師傅決定最好嘅生熟度

平日午餐：麻辣牛肉拉麵: 原來清豬骨湯來的，麻辣醬另上，自行加入，有点奇怪。麻辣醬幾好味。叫左蛋另上，但冇。我懷疑佢地搞錯我要蛋另上，不是醬。不夠飽，肥牛份量OK . 幾好食。約$5X兒童歺A：約$39不是什么也覺得好食既小朋友，對哩個歺也食晒和快。小孩覺得好味。但兒童歺有D小礼物送的話，小朋友會更加開心哦！服務：reception ok 有礼。見她有工作不懂的事，她問一個女waitess(又付責比單人個個)，個waitress好冇礼貌，問一句都比佢鬧到狗血淋頭。可憐！另我地叫waitress埋單，佢竟然話「等等丫」，仲要拉長和冇礼貌甘講。乜吾係應該話「好丫，多謝晒亅！？等左佢十分鐘，我地第2次再叫佢埋單，原來佢忘了！真係無礼黑人憎