味千拉麵

營業中

休息中

一直都唔安排入座，明明有好多空位，但係要等候安排入座，如果真係講到咁多單都明白嘅，所以全部人都喺度耐心喺度等入座。去到終於入座，20分就用手機落好單，即時俾埋錢（嗌咗兩碗拉麵兩杯嘢飲同一份餃子）等到57分都未到，淨係俾咗兩杯嘢飲走都走唔到，問職員一直九唔搭八，堂食大家喺度等，個個都問，十問九唔應。算，到59分鐘有嘢食，碗拉麵硬到不得了，去到13分食完，杯嘢飲未飲晒，仲有成大杯，已經喺你張枱周圍徘徊，9秒收晒你啲碗，趕你走 。。。大伏，無下次。。。

拉麵早餐配雞扒普普通通，亦可追加小食，咖啡唔錯，價錢合理，餐廳地方企理，音樂調得很大聲。 不知是否QR code 落單緣故，早上所有女侍應都很冷漠，見有人詢問落單付款她們態度都很冷漠，用很高的聲音回應客人，感覺不太好，感覺能改善這點對餐廳幫助會很大。

入面有好多位但遲遲都無人叫入座，排隊的人個個望到入面都問一次係唔係要排隊。入座之後用qr code點餐，我左右兩檯遲過我入都得食完，但我地仲有個親子鐵板未到，懷疑佢係送錯左比隔離檯，因為佢地遲過我地但一早已經到左親子鐵板。問個店員，佢解釋話鐵板要耐啲，完全係想hea我，好心佢就話幫我跟跟都無咁嬲呀，係要我問佢有無落錯單，佢先即刻出餐比我。食物質素一如以往難食，唔食拉麵食飯都係搞唔掂。我遲出個個親子飯個雞蛋煮到好老，同隔離台一比較差好遠，幫襯佢真係做傻事😑

新達廣場，新開嘅味千拉麵。原本係想食午餐，但係有太多人排隊...目測有20個人排隊 所以改做晚餐再落嚟試吓。8.00pm~ 終於冇人排隊，可以直接坐低落order熊本味千拉麵 啲十年都keep到水準，湯底一模一樣。 麫，流心蛋正常，有入味味千餃子嗌拉麵加配，餃子3隻 日式較淋身嘅餃子，唔係煎到焦脆嗰隻迷你唐揚炸雞 ，正常發揮，好食小插曲所有食物15分鐘內到... 除咗我個烏冬鍋。 職員將我同隔離枱嘅烏冬鍋調亂上錯。...不過職員再出多一個新鍋俾我，都好快啫，total 等咗25分鐘(由第一次落單開始計) 。 如果由職員知道上錯台開始計，大概8分鐘就已經可以出一個新鍋俾我牛肉豆腐酸辣湯烏冬鍋烏冬好滑，好食職員服務態度良好，有笑容辛苦曬啦，今日全日都full house。又有好多老人家唔識用QR code落單，樓面要有耐性呢~Overall, service & food

今日返工食午餐，行過新達新開味千拉麵，一個人就坐低叫左個職人拉麵，轉麻辣湯加5蚊，仲可以青蔥轉木耳免費，味道係唔錯既，仲追加小食叫炸雞，可惜成碗麵食哂，連枱面啲野都清走哂，啲炸雞唔知喺邊，單又追過都無影，啲侍應又九唔搭八，問完印張實體單俾我有鬼用，都俾左錢，落單已付費可惜無服務，問完又問繼續自己等，最後要45分鐘先俾到炸雞我😭攞個教訓，趕時間就千祈唔好叫其他，只叫碗麵係好快的。

好多年都冇食味千，見到新達廣場新開左就過去試下轉左QR code落單，落完先發現用左好似一蘭咁收錢，即係你落完單，要先行出去收銀埋單，行到埋去企左一陣先有人收錢。其實都係食完就走，唔明點解要咁麻煩，即係中途唔夠食或嘢飲你要出去俾多次錢先得，勁麻煩。落單叫左個熊本拉面, 揀左走葱，走木耳，揀左面要淋身啲，另加粟米粒。嚟到後乜都冇走到，揀走啲葱都搞左10分鐘，重要粟米都冇加，面就正常硬度，冇同我煮淋過之餘，成碗拉麵重要油淋淋，唔係食唔呢間嘢冇下次