味一食堂

營業中

休息中

今日約朋友出time square, 求其想搵個dinner就揀咗呢一間喺登龍街嘅yummy house, 第一因為佢位置好方便，第二就係我哋咩都唔想諗淨係想坐低傾吓偈食得飽，一餐定食啱啱好，結果我哋每人嗌咗一個定食，我朋友食銀鱈魚定食around $120~ 我就叫咗個泡菜豚肉定食around $88~~ 本身諗住食少少少，但係都比我食晒，定食入面有一碗麵豉湯，蒸蛋，主菜加飯，同埋少量酸菜配菜～成set啱啱好遇着咁啱食食吓落大暴雨，六點幾入嚟，結果差唔多九點先走，因為真係大雨到走唔到，店員唔單止冇詐型，臨走之前仲好細心話使唔使坐多陣呀？出邊好大雨！立即+1百分！呢啲先係窩心嘅服務態度不過我哋坐咗咁耐都唔好意思～多謝你哋比我地坐咁耐避雨

最近我去咗銅鑼灣嘅Yummy House，呢間餐廳環境舒適，服務態度亦都幾好，讓人感覺輕鬆自在。今次我試咗佢哋的海老穴子沙魚天婦羅定食，真係好正！啲天婦羅外脆內嫩，特別係海老，鮮甜得來又唔油膩，完全俘虜咗我嘅味蕾。沙魚炸得啱啱好，肉質滑嫩，真係好好味。我朋友點咗銀鱈魚西京燒定食，佢話魚肉甜甜地、滑滑地，搭配白飯食，簡直係完美組合！而且，佢哋嘅味噌湯同沙律都唔錯，味道清新，讓人食得開心。Yummy House嘅定食質素高，價錢又合理，真係好值得推薦。如果你喺銅鑼灣附近，想食一餐美味嘅日式定食，記得唔好錯過呢間！

銅鑼灣，很久沒有去的地方。今天，朋友邀請到一間日式簡約的食店用餐。這間食店位於登龍街《yummy house 味一食堂》 ，落地玻璃，看見食客吃得津津有味。我和朋友各自點了一份定食和一杯飲品。銀鱈魚西京燒定食 + 熱檸水父母喜歡吃魚，銀鱈魚味道並不陌生。第一次吃日式烹調的銀鱈魚印象很深刻，大大塊的銀鱈魚放在精緻的碟上，用上竹葉、蓮藕片和醬料，賣相非常吸引。魚外層不但煎得金黃香脆，又保留銀鱈魚魚肉香滑，吃出魚的新鮮。定食還包括前菜、醃菜、蟹肉蒸蛋、白飯和味噌湯。前菜有牛蒡、魔芋、紅蘿蔔等，最鍾意吃日本米，味噌湯略嫌有點鹹。蟹肉蒸蛋滑溜，唯有點鹹。海老穴子沙𩺬魚天婦羅定食 + 熱檸水海老/穴子（星鰻）/沙𩺬魚（沙梭魚）天婦羅粉漿薄又炸得香脆，多吃也不會膩。第一次吃沙𩺬魚，肉質細嫩，味道清甜鮮美。一杯熱檸水是完美句號，消化剛才美食。用餐期間食客絡續不絕，顯示這間食店有一定的吸引力。😊

今次試咗銅鑼灣一間日式定食店嘅招牌菜，真係有驚喜！*銀鱈魚西京燒定食*絕對係必點之選，魚肉雪白細膩，表面微微焦香，一啖落去魚油同甜味噌嘅香氣同時爆發，配珍珠米簡直一流！ *海老穴子沙𩺬魚天婦羅*定食同樣出色，天婦羅炸得金黃酥脆，蝦肉彈牙鮮甜，完全冇油膩感；仲有少見嘅沙追魚天婦羅，魚肉保持到juicy，蘸上特調天婦羅汁更加提鮮。定食跟配嘅味噌湯用真昆布熬製，漬物爽脆開胃，成個set夠晒豐富。 講到環境，餐廳走簡約和風路線，原木色調嘅裝修配柔和燈光，座位寬敞舒適，令人好放鬆。服務方面，店員態度親切有禮，上菜速度快之餘仲會細心講解食法，整體體驗非常愉快！ 呢間絕對係銅鑼灣區高質日式定食之選，無論係lunch定晚餐都咁適合，一定會再訪！

【銅鑼灣打工仔飯堂！$78親子丼定食性價比超高🍳】 今日同同事去咗銅鑼灣「味一食堂」食晏，試咗佢哋嘅滑蛋煮雞肉定食（即係親子丼啦～），真心覺得抵食！💰 $78有齊沙律、麵豉湯同漬物，喺銅鑼灣呢個地段算係良心價，仲要份量唔hea㗎！ 首先講主角親子丼🍗，滑蛋煮得啱啱好，半熟狀態撈埋雞肉同洋蔥，蛋汁滲透晒落飯度，一啖飯一啖蛋真係好治癒～雞肉用咗雞腿部位，嫩滑得嚟唔會「鞋口」，醬汁甜度適中，唔會太鹹或太膩。不過如果蛋可以再多啲就完美啦！😋 跟餐嘅沙律🥗新鮮爽脆，麵豉湯唔會死鹹，仲有少少海帶同豆腐粒，飲完暖笠笠。漬物就普通啲，但當作開胃小食都OK～整體嚟講，呢個價錢有齊咁多嘢，性價比真係高，尤其適合打工仔lunch快靚正！ 唯一要彈嘅係餐廳細細間，lunch time要等位，建議12點前或者1點半後去會舒服啲～ #味一食堂 #親子丼 #滑蛋雞肉 #銅鑼灣美食 #打工仔飯堂 #平價定食 #日本料理 #香港美食 #lunch推介 #抵食之選 #蛋料理 #雞肉料理 #日式定食 #食評 #香港餐廳 #銅鑼灣搵食 #美食分享 #香港好去處 #食好西 #foodiehk

Yummy House 味一食堂位於銅鑼灣登龍街日式餐廳，日式簡約風，采用素凈暖調木色系，木系檯凳、牆，搭配柔和淡黃燈飾，感覺平靜和諧，環境寬敞明亮舒適。是日有多款晚市套餐定食選擇。銀鱈魚西京燒定食：銀鱈魚以白味噌醃製後烤至魚皮焦脆香口，油脂豐富，表面油亮誘人，肉質嫩滑，搭配日本珍珠米，如花般蓮藕裝飾，視覺味覺雙重享受。海老穴子沙𩺬魚天婦羅定食：每樣都有雙份，還有秋葵天婦羅，分量頗多，朋友慷慨分享。薄薄的麵衣炸至金黃酥脆，海老鮮甜彈牙，穴子肉質細緻，沙𩺬魚軟嫩，入口微脆，一點都不油膩，非常美味。定食附送前菜（醃製微甜爽脆牛蒡、鮮甜紅蘿蔔、爽口魔芋）、鮮甜嫩滑蟹肉蒸蛋、爽口下飯醃菜、飯味濃珍珠米飯、味噌湯，加$5有杯熱檸檬水。配菜雖量少但多樣化，都幾豐富啦！味一食堂 (銅鑼灣)銅鑼灣登龍街1號金朝陽中心二期地下A號舖

今日途經銅鑼灣金朝陽中心，遇到一間日本料理 - YUMMY HOUSE 味一食堂。一邊享受美食之餘，一邊傾吓偈，度過美好時光！餐廳日式風格設計，感覺溫馨、自然，以及舒適嘅用餐環境，加上地方闊落，空間感足，打卡必到～餐牌裡嘅午市定食選擇好多，種類豐富，有日式燒魚定食、天婦羅、咖喱、意粉、蕎麥麵、烏冬等等，定食包括沙律、前菜、咸菜、味噌湯及飲品，各式各樣，多款特式餐點，真的很不錯呢。銀鱈魚西京燒定食 $118銀鱈魚煎至金黃香脆，外脆內軟，魚肉非常嫩滑，調味得剛剛好，沾上沙律醬與銀鱈魚好夾，食落提升層次感，味道更豐富。定食跟味噌湯、咸菜、沙律菜同白飯，性價比高既午餐。咖喱吉列美國豚肉定食 $88外層吉列炸得好酥脆，口感鬆化，豬排軟嫩，有肉汁，食起嚟唔會乾亦唔覺得油膩，配搭特製咖喱醬汁，就更惹味。同樣定食另配有味噌湯、咸菜、沙律菜及白飯，套餐很豐富。餐飲凍奶茶(+$5)及凍檸檬茶(+$5)，檸檬茶底唔會過濃，飲到清香嘅紅茶同檸檬味，奶茶幼滑香濃，糖水或淡奶隨個人喜好加多少，甜度自由控制，口感好fresh。

今日光顧這家主打日式定食「味一食堂」。裝修日式簡約風，以卡座為主光線充足，簡潔舒適。他們的套餐價格適中，種類選擇多樣，已過午飯時間，顧客仍然絡繹不絕。✨銀鱈魚西京燒定食$118銀鱈魚經白味噌醃漬後烤香，外皮微微焦脆，味道甜甜地，魚肉油脂豐富，肉質柔嫩，配定食附帶的北海道白米飯同食，超正。✨日本產黑豚生薑燒定食$78黑豚肉肥瘦比例剛好，呈現油亮焦糖色，食落嫩滑，洋蔥煮到糖化，配合生薑醬汁，甜鹹甜鹹中帶少許薑汁味，超好食👍每個套餐都包括有熱辣辣麵豉湯、開胃貢菜及酸蘿蔔漬物、蔴醬沙律菜和日本白米飯，還有一杯飲品（凍飲加$5）。食物質素唔錯，都幾抵食。

海老穴子沙𩺬魚天婦羅定食製作擺盤精美，令人很有食慾。炸皮金黃薄脆，經油炸後不影響食物鮮味，咬落香脆沒有多餘油分，好食🤤 沙𩺬魚肉白白嫩嫩，鮮甜可口！銀鱈魚西京燒定食西京燒經常是我的定食選擇，這家的口味十分合我的喜好。甜味醂和麵豉的比例恰到好處。偏清香淡味，唔會食到好鹹，魚肉算結實香嫩！👍🏻☺️定食付1️⃣前菜2️⃣蟹肉蒸蛋3️⃣鹹菜4️⃣白飯5️⃣麵豉湯。好豐富！多款醃漬😍 惹味開胃！蟹肉蒸蛋超嫩滑，蟹肉含量足👍🏻

今次喺Yummy House 試咗個銀鱈魚西京燒定食同日本溫泉蛋野菌黑松露意大利粉，兩道菜品各具風味，令人印象深刻😍味一食堂 (銅鑼灣)📍銅鑼灣登龍街1號金朝陽中心二期地下A號舖銀鱈魚西京燒定食嘅魚肉鮮嫩，外層嘅西京味噌醬烤得恰到好處，帶有微微嘅甜味，完美地突顯咗魚肉嘅鮮美。搭配嘅白米飯更係吸收咗魚汁嘅精華，令每一口都充滿咗滋味。而旁邊嘅小菜，如醃製嘅蔬菜，則增添咗口感嘅層次感，令整個定食更加豐富。至於日本溫泉蛋野菌黑松露意大利粉，則係一道創意十足嘅融合料理。義大利粉嘅口感滑順，搭配住香氣四溢嘅黑松露同新鮮嘅野菌，令人垂涎。溫泉蛋嘅加入，令整道菜嘅風味更加圓潤，蛋黃嘅濃郁同義大利粉嘅搭配，形成咗一種絕妙嘅平衡。整體而言，呢餐料理唔單止色香味俱全，仲展現咗日本同意大利嘅完美結合，令人回味無窮。#Hannahbaby2021 #Haileybaby2022 #親子 #親子好去處 #親子活動 #好物分享 #香港bb #yummyhouse

今日喺公司勁多嘢做，搞到成8:30先有得走，好彩有朋友肯咁夜出嚟同我食晚餐，問我想食咩，我第一個諗到嘅就係日本菜，朋友就即刻推介呢間銅鑼灣嘅日本餐廳，抵食又好味，結果真係冇令我失望，好彩有呢一餐，令我成晚都開心返晒！呢度燈光夠光猛，而且裝修好日式，店舖位置亦都好大，坐得好舒服，全部位置都基本上係梳化卡位！食物方面就一樣叫咗一個晚市套餐，全部都包麵豉湯、蟹肉蒸蛋、前菜、鹹菜同埋白飯。呢度個蟹肉蒸蛋真係超級出色，好滑，蟹肉份量亦都唔少。銀鱈魚西京燒定食銀鱈魚真係好滑心，而且京燒汁個味道調配得剛剛好，甜甜地！海老月子沙槌魚天婦羅定食都真係好特別，炸得酥脆，入邊都係煎過，脆脆嘅口感真係好特別！

上個星期晚去咗銅鑼灣Yummy House食晚飯 叫咗銀鱈魚西京燒定食銀鱈魚燒得啱啱好 魚肉滑到不得了 配埋西京醬 鹹香帶甜 層次感十足🐟美國牛小排壽喜燒定食牛小排肉質嫩滑 醬汁好惹味 完全唔鞋口🥩 配搭煙煙韌韌嘅粉絲 豆腐 日本菇 娃娃菜所有定食都有個茶碗蒸 前菜 麵豉湯仲加左芝士魚餅做小食🧀 芝士魚餅熱辣辣 咬落去有拉絲芝士 細細件但幾有驚喜😋飲品就揀咗凍檸檬茶少冰🍋銅鑼灣嚟講真心抵食 服務都幾好👍 下次想試埋其他推介

喺銅鑼灣時代廣場轉入登龍街，條食街熱鬧非常！地下有間日式定食店，店內日系裝修好有feel，木系色調同簡約擺設，營造出溫暖舒適嘅氛圍 😊。食物賣相吸引，我哋嗌咗兩個午餐套餐，包沙律、前菜、麵豉湯同飲品！🐑 銀鱈魚西京燒定食 ($118)銀鱈魚燒得啱啱好，外皮微焦，魚肉軟滑細膩，帶西京味噌嘅甜香，味道和諧唔膩 🐟。魚質新鮮，份量適中，配上白飯同爽脆沙律，食落滿足。麵豉湯濃淡得宜，前菜小碟精緻，凍奶茶香滑，襯托日式風情好正！🐑 日本產黑豚生薑燒定食 ($78)黑豚肉煎得香口，肉質嫩滑，厚薄適中 🍖。生薑醬汁開胃，滲入肉片，帶出鮮甜，配飯超滿足！沙律清新，麵豉湯同前菜用心，凍奶茶濃郁香滑，飲落好舒暢，喺日系環境下食飯真是一個享受。整體嚟講，呢間定食店食物質素高，日系裝修令人放鬆，服務員親切有禮，喺銅鑼灣係一個好選擇 👍。價錢合理性價比高，日式氛圍加分不少！下次會再試其他菜式 😋。

行開銅鑼灣，見到呢間日式定食，裝修好日系簡約，仲有啲好雅致嘅燈籠裝飾，就吸引咗我哋入去試吓🤭•晚巿有好多款定食選擇一個餐有齊前菜、蟹肉蒸蛋、鹹菜、味噌湯、白飯同飲品價錢由78至128都有，性價比算幾高•🍱銀鱈魚西京燒定食$128🍋‍🟩蜂蜜青檸梳打+$18銀鱈魚嘅皮煎到好香脆魚肉係勁滑嫩🥹😋配埋沙律醬食真係好送飯😍•🍱日本產黑豚肉泡菜定食$88🍑 白桃梳打+$18豚肉炒到有微微辣香，不過又唔算太辣豚肉唔會煮到太韌醬汁配飯食好開胃🙂‍↕️

今日lunch time又約個fd試新野，返工經過見到比佢個日式裝修而吸引，返工咁辛苦，食lunch一定要好味！餐廳食物以定食呈現，有個小沙律、小食同麵豉湯🍱我同朋友叫左兩款定食🥢咖喱吉列美國豚肉定食未上枱已經聞到到好濃咖哩香，日式咖哩微辣帶甜，吉列豚肉炸得好酥脆，肉質唔乾，炸物首選！🥢銀鱈魚西京燒定食銀鱈魚香煎完，油脂豐富，魚肉醃得入味，肉嫩而且好鮮美😋我同朋友都點左熱咖啡，幾驚喜，咖啡☕️好香，奶又好濃厚，餐飲一啲都唔馬虎！