呂仔記二哥一九七八

營業中

休息中

呂仔記係筲箕灣非常具代表性嘅小吃店，每次行過都會忍唔住買返一串招牌燒賣，大大粒、足料全魚肉，冇粉感，入口彈牙鮮味，真係有誠意之作。無論你係街坊定專程去朝聖，都會被呢一味「真材實料」打動。除咗燒賣，有時我都會食返佢哋嘅馳名三溝：碗仔翅、生菜同魚肉，簡簡單單但配搭得好，碗仔翅濃而唔稠，魚肉軟滑，生菜清爽解膩，平民小食食得有層次。記得多年前參加本地遊，呂仔記老闆親自向我哋講述舖頭歷史，點樣由細舖做起、堅持手工製作、一代傳一代，嗰種堅持真係好感動。呂仔記唔止係街頭味道，更係香港人情味嘅象徵。每一串燒賣，背後都載住一段地道故事。

燒賣成日好早賣晒，難得今日見到仲有，即刻衝咗入去買返外賣返屋企食…買咗個兩溝同4粒燒賣燒賣好大粒，好重魚味，加埋佢哋自己整ge辣椒醬簡直一流魚肉碗仔翅，一開已經好香，魚肉有浸淡淡嘅蒜味，同個碗仔翅好夾，碗仔翅入面有啲素翅，增添口感食到低溫到一兩嚿雞骨… 明顯用咗雞殼去熬個湯底不過如果隔咗啲骨會好啲…

大約下午二時多，經過筲箕灣東大街，見到這間店之前在網上有人提及，便入去試下，店內無人，祇有員工在角落工作叫了街頭小食魚肉燒賣同碗仔翅，特別叮囑店家勿淋豉油燒賣頗大粒，本身已有調味，頗鹹，有味精，魚肉肉質軟，不是很結實那種，食味一般，沒有帶給我太大驚喜碗仔翅加入少許胡椒粉和麻油，食材主要有木耳，肉絲及粉絲，看見料不算多，湯底感覺較稀和食味淡總結在這裏用餐感受一般，估計再來機會不高。

呢度嘅魚肉燒賣係用黃門鱔製作，魚肉鮮美，肉質彈牙，每一口都食得出新鮮嘅魚香味。燒賣大大粒，咬落去非常紮實。呢款燒賣非常受歡迎，價格大約$35有八粒，真材實料，絕對值得一試**腐竹雞蛋糖水**：糖水嘅味道好濃郁，腐竹同雞蛋完美結合，甜而不膩。腐竹煮得非常軟滑，雞蛋亦充滿蛋香，每一口都充滿濃濃嘅味道，口感豐富。呢款糖水真係唔錯，係一個好滋味嘅甜品選擇呢度就唔係食環境同服務嘅，對呢樣嘢就唔好太多期望啦！

之前在筲箕灣返工，常常放工食呂仔記小食架！今日經過見到坐滿人，一於去回味吓！果然仍有水準！仲見到佢哋員工忙碌地包魚肉燒賣！😊✨馳名三溝包括有碗好翅、生菜、魚肉，大大碗！份量好足，口感好豐富！手工鮮海魚肉燒賣已經變成$19/4粒粒粒有份量，真係與別不同！💓

首先我係筲箕灣嘅街坊，由細細個已經開始食到大，呂仔自從搬咗嚟新店之後我都未幫襯過，今晚突然好想食返個腐竹薏米糖水。晚上九時，舖頭冇客人，我選擇了堂食，叫了一碗出名的香滑腐竹薏米糖水，店員姐姐把糖水遞上來的時候，那碗腐竹薏米係麥皮色，望落去已經結達達，於是都放入口，真係同我眼望嘅係一樣結到好似食緊麥皮咁，仲要完全冇腐竹，薏米，白果任向一種味道。勉強吃了幾啖，我就完全放棄，走的時候店員仲問我你唔食啦？要唔要袋返屋企食啊？我都費事同佢講咁多，話碗野勁難食，搖搖頭比完錢就走了。

食完晚飯，朋友都話想去食糖水，咁我地就轉戰東大街搵食，行過呂仔記，朋友話依度燒賣都好出名，咁結果我哋又入咗，諗住食糖水同埋燒賣魚蛋小食，點知坐低，叫喳喳冇喳喳，好多款糖水都冇，只係晚上八點半咋喎🥲咁我改食碗仔翅，不過碗仔翅唔係熱的，溫溫的，都好多肉絲，個芡厚身，唔會水汪汪，不過食得一般。馳名手打燒賣，係比坊間燒賣大粒，肉質都算彈牙，都幾好。粉果都係比坊間粉果大隻，材料都豐富，都好食。魚蛋都係普普通通。整體而言，食物都係一般般，唔會特登搭車去食。💰人均消費$40-50💰

小店碗仔翅 味道可以， 但係啲阿姐同老闆嘅服務態度令我嚇一驚， 叫客人自己去攞。 跟住 同啲熟客喺度傾計 ，細聲講大聲笑根本 聽唔到你想嗌佢過嚟要落單 總之以後你去就 自己諗過先 除咗奧牛求其牛腩 又多一間小店上惡名。

無心插柳的情況下我哋見到都幾多人排隊食呢間，所以我哋八卦走咗去睇見呢價錢又OK外賣條隊又多人，所以我哋就坐低進食。參考咗其他人食咩之後我就嗌咗以下幾樣嘢：香滑豬腸粉其實冇乜期望只係覺得應該都係腸粉啫，但係食落口真係好似好滑咁喎同平時嗰啲有啲唔同佢比較甜醬有啲少如果你想多甜醬嘅話要叫姐姐俾個樽你自己落魚肉碗仔翅都係本身冇乜期望，但係嚟到之後見到個魚肉翅入邊真係有雞絲仲要應該係成隻雞咁樣煲，所以見到會有雞皮同埋啲雞肉係幾大嚿仲滑添手打燒賣本身我好鍾意食呢啲街頭燒賣，食落口真係覺得有啲唔同佢係大粒彈牙香口有種新鮮嘅感覺唔係純係咬落去膠味加咗豉油同腩汁就更加惹味。可能係手打嘅關係所以有少少貴。

🇭🇰呂仔記二哥一九七八·馳名手打鮮海魚肉燒賣$18/4粒 l 香滑豬腸粉$22 l 碗仔翅$25呢間我好耐之前係佢仲係細舖既時候已經食過架啦 唔知係咪回憶總係美好既 我感覺好似以前好味啲🤣🤣佢依家都係魚味都係好出既 但係感覺上就比較淋身 無咩咬口🐟之後佢個腸粉都幾滑 碗仔翅入面都好多料 不過我自己就覺得佢個碗仔翅有啲太多芡 食落好飽肚🤔🤔·#rbyeat#rby港式#rby筲箕灣·📍筲箕灣筲箕灣東大街28-40A號東興大廈地下1號舖

見到門口貼咗好多明星相俾人呃咗入去，叫咗兩碗普通嘅糖水完全唔問要熱，淨係凍就即刻俾咗兩碗唔凍唔熱嘅糖水，味道比波仔糖水難飲10倍，唔怪得知入面冇幾多人，然後入面啲姐仔嗰個掛住玩電話完全唔招呼客.芝麻糊係完全冇芝麻味，但入面有好多一粒粒凝固睇得出應該放咗非常耐，喳喳入面的味道非常奇怪有很多不同材料但完全唔夾，椰子片仲要切得極度大粒，係今時今日嘅香港啲啲咁低水平嘅服務同埋食物質素好難可以長久祝佢好運。

📍 呂仔記二哥一九七八 (筲箕灣)筲箕灣筲箕灣東大街28-40A號東興大廈地下1號舖•馳名手打鮮海魚肉燒賣$18/4粒$36/8粒$54/1打話說有一日喺附近食完晚飯🥣醒起附近有間食燒賣好出名嘅咁就上網睇吓啦 一般評語都係：貴價燒賣🫣不過又咁講 佢一粒好大粒分分鐘一粒等如出邊兩粒既分量咁又好似對得住個價錢食後感：聽講佢係用黃門鱔做餡料燒賣 肉質好彈牙 唔會話好多粉感覺都好真材實料佢個辣椒油都好香同埋夠辣都值得一試

無意中行過見到，仲見到貼晒明星相，滿心歡喜咁入去食，點左一個魚肉碗仔，同埋一份秘製汁魚蛋，30幾歲人未食過一碗咁難食嘅魚肉碗仔翅，魚肉腥到不得了，仲搞到我差啲嘔出黎，食咗兩啖已經食唔落，魚蛋仲失望，仲衰過7–11嘅叮叮魚蛋，無味同埋皺皮既cheap魚蛋，$20十粒，如果係陳皮魚蛋都仲冇咁嬲，希望大家唔好再中伏！

今午去了筲箕灣行行,因已是二時許,實在已肚餓.今午已決定一心要去這出名的呂仔記,當然多數人入去便一定會叫魚肉燒賣,有4粒或8粒可選擇,我決定要8粒再加一碗這店另一名物便是香港地道的碗仔翅. 先講魚肉燒賣,大大粒加上了豉油一起來吃,實在非常美味.碗仔翅,足料,有很多冬菇,非常好食.我日日來食都可以呢！八粒燒賣再加一碗足料碗仔翅,便食了$59. 話平不平,話貴也不算貴,久不久食一次,我覺得物有所值.

游完水好肚餓，朋友話要去筲箕灣名物食下午茶。呢度出名既係燒賣，同椰汁芋頭西米露。椰汁竽頭西米露Yutou sago with coconut juice（小）$23天氣熱辣辣，食碗凍嘅糖甜品，真係好消暑，非常清爽的選擇。西米的口感Q彈，與椰汁的香甜完美融合。竽頭的添加為這道甜品增添了一份嚼口。馳名手工鮮海魚肉燒賣（限量供應）Hand made fresh sea fish 一打 $54燒賣的外皮薄，比其他魚肉燒賣更大粒，口感十分優秀，配上辣椒油，令人回味無窮。香滑豬腸粉Pig intestines powder $22這道豬腸粉入口即化，口感柔軟滑嫩。搭配上甜醬、花生醬及白芝麻，找回小時味道。