君豪食軒

營業中

休息中

食物就不過不失 叫擺到入口 甘多年呢間叫幫襯得落手 唔知係米呀老細已經賺夠 今日去買外賣話要個下午茶既西式扒餐 我都未講完 呀老細本身掛住同伙記吹緊水 一句就彈埋泥話「唔知你講乜 不如你睇左先」。我重新確認咗佢係同我講之後 我就答佢「其實我睇咗㗎啦 不過呢一刻冇餐牌喺手 我唔識得背你個餐牌」然後我去攞咗個餐牌 重申左一次「要個西式扒餐下午茶B」 其實係你唔熟個餐牌定係我要背熟個餐牌？成個下午茶餐牌的一個西式扒餐咁得閒嘅不如你記吓自己餐廳嘅餐牌 或者你擺定一個餐牌叫外賣嘅時候用拉好嗎。你都只係一間普通嘅茶餐廳 做街坊生意唔該你對街坊唔好好似喝狗甘

今日影完鴨鴨返左公公屋企，一齊慶祝父親節。其實己經好耐無叫君豪食軒，因為啲餸越黎越貴，我地叫左5個餸加2個白飯，埋單要$444。肉鬆粉絲蒸水蛋$75：入面足料的，但可能耐左啲蛋變左老蛋。梅菜扣肉煲$75：size正常，啲肉吾算好肥好味道。鹽燒烏頭$85：比預期好味道，都吾算細條。辣子雞$88：完全吾辣，仲要得幾件雞，分量少到一個點，吾抵食，仲要貴過條魚。西芹腰果蝦仁$85：味道還可以。總結：價錢越黎越貴，但外賣盒就越黎越細，分量越黎越少，吾會再有下次了。

份量越嚟越少，早餐一塊雞扒差唔多1開3，米線得3啖 味道又差，越整越淡茶又冇味成日送錯野，見抬就擺，是但放低就算，凍檸茶叫咗1杯少甜1 杯走甜，唔講係乜野，人哋點樣分

星期天，去左行九龍水塘一帶，係梨木樹落山。好肚餓，去左商場搵餐廳食個ｔｅａ。結果搵左呢間君豪食軒既茶記。岩岩好２點半可以叫下午茶，同內子一人一份，我叫左星州炒米，內子叫馬來西亞咖哩牛腩麵。星州炒米，就麻麻地啦，首先唔算好熱，即係炒完擺左一陣。其次，Ｄ米粉痴埋一舊舊，即係代表炒得唔夠散，功力唔夠或ｈｅａ炒。第三，唔係條條米炒都變黃色，即係明顯求其炒兩下。至於咖哩牛腩，就牛腩數量多，唔算太肥，咖哩都唔算好辣，但呢種辣係真正馬拉既咖哩辣，呢個係有驚喜。仲有幾件薯仔，都幾得意。下午茶，大約４０蚊，星米就４２蚊，凍飲加２蚊。價錢都抵。食物質素都合格。可以值得黎嘆ｔｅａ

星期日的晚上，仍是無奈地去邨內又貴又唔好食嘅其中一間，今次係上菜慢點了一個金邊粉餐及一個客飯: 翠玉瓜牛肉，金邊粉的上菜時間尚算合理，約十分鐘，客飯就在超過30分鐘後，我們忍無可忍發聲了，侍應行貨回答因為太多單，問題係隔離枱遲來先上岸，連咕嚕肉都上了菜，丙完之後無幾耐就有，一係就漏單，一係就見我哋點咁少，做其他枱先

最近經過見到佢新裝修好似幾靚，但都決定食埋佢嘅外賣系列😙😙本來想叫no. 10 ，11！但係no. 11嘅砂礓雞飯，佢話冇啦！唔知係賣晒定唔會出呢？😔😔～～～白菌汁雞球飯～～～特登叫咗多汁，佢都比左好多😘😘，白汁味都幾香有菇菌味😋😋！另外雞肉份量有5-7塊，肉質比想像中更加嫩滑，無骨啖啖肉最好食😂😂🤴🏻就叫咗no . 6 嘅蒜蓉雞扒飯，上次寫咗今次唔多講啦，但🤴🏻話覺得今次茄汁味重手左，完全食唔到蒜蓉味！不過都係好味嘅🥰🥰下次試吓入去餐廳坐下感受下新裝修先😊😊

食到第9個外賣，今次真係一個正宗嘅頹飯😂😂唔想諗系列：第8位～～～粟米雞絲火腿飯～～～打開個盒，一如以往啲汁又係爆瀉咁樣，粟米汁係 呈半透明狀態嘅，味道就麻麻哋，算入得口啦！雞絲就唔係‘絲’，係雞塊！火腿就切得短短地叫火腿粒先啱！🤣🤣～～～豉油汁火腿煎蛋飯～～～頹飯嘅定義係乜嘢？應該每人都唔同，我嘅定義為冇汁同埋用料平就係頹飯🥺呢個飯完全做晒我講嘅條件啊😓😓嘩！！！見到個飯乾到呢☹️☹️，豉油汁就真係得個少少😢😢！好彩！佢都有兩大隻煎蛋🥚，火腿都幾大塊，唔係唔好食，只係好乾囉😓😓食到我個面口都乾晒呀😣😣好彩叫咗佢嘅例湯，正正常常有啲湯料幾好味😋😋濕返個喉嚨😌😌

又到‘唔想諗系列’環節，今次我地有請6號同7號嘅佳麗👏🏻👏🏻👏🏻～～～蒜蓉雞扒飯～～～深橙色嘅蒜蓉汁滿滿放係右邊，份量算幾多！雞扒有兩塊，大小適中，肉嘅質素都幾柔滑，正正常常😃😃～～～蒜茸汁漢扒腸仔飯～～～深橙色嘅蒜蓉汁滿滿放係右邊.........🤨🤨，點解同上面一樣嘅，🧐🧐，原來兩個汁係一樣嫁！！！一汁兩味😥😥兩位佳麗著埋同一件衫😏😏，點解大會餐廳會安排呢件事發生呀😓😓講返個飯，塊漢堡扒有漢堡扒味，兩條香腸有香腸味，其實唔差，但排喺後面7號佳麗就完全沒有驚喜！😓😓仲要同一個汁食到尾有少少膩😞😞所以今餐係～～～打和～～～

又到‘唔想諗系列’今次同🤴🏻一人一個開心share黎食🥳🥳4.茄汁牛🐂肉飯打開已經好香茄汁味，酸酸‘MayMay’好嘢味，牛🐂肉片都有5-6塊，肉味都算幾重，但可惜韌左d,要嚼多幾下😐😐5.白菌汁龍利柳🐟飯呢個飯驚喜仲多過牛🐂肉飯，白菌汁非常之多，多到差d瀉出黎咁濟🤪🤪，又重cream味甜甜地！撈飯一流🥳🥳。嘩！原條龍利柳🐟呀🥰🥰，肉身又長又闊，啖啖魚肉香！食落好有滿足感😉😉

唔想諗系列：3.粟米肉粒飯大約晚上8:30，工作完拖着疲乏嘅身軀,咩都唔想做，連個腦我都唔想用，淨係想醫飽自己個肚，但係又唔想試新野，又剛剛好輪到佢啦！茶餐廳例牌就係～～～粟米肉粒飯呢個飯衰極都有個普，買返到屋企打開個飯盒我真係非常大驚喜！嘩！d肉粒好大粒呀！真係好大粒呀🤩🤩諗住係個普普通通嘅粟米肉粒飯，見到d肉粒又大又多又好食，有種中大獎嘅感覺🥳🥳Lucky🥰🥰講埋個粟米汁，雖然唔重粟米味，但份量剛剛好夠撈個飯🍚食完身體又補充返能量啦💪🏻💪🏻

大家食飯時會唔會唔知自己想食咩？🧐🧐我以前都有呢個煩惱！唔知由幾時開始不如順序食曬佢全部套餐！😁😁唔洗諗又可以試下平時唔會叫嘅野食🤗🤗今次叫左同一間餐廳外賣系列第二個餐（第一個上幾篇已經食過啦）窩蛋免治牛肉飯不得不讚佢比嘅免治牛肉汁真係好多，多到瀉出黎咁濟，而且汁香野味，撈飯一流,缺點係如果肉粒多返少少同大粒返少少就可增強口感!😆😆窩蛋方面隻蛋🍳就放係飯盒中間居然完好冇破開而且仲係流心嘅都幾驚喜😍😍呢個飯$32我就覺得好抵食啦🥰🥰

轉左去銅鑼灣返工，日日工作完都攰到咩咁，冇約🤴🏻又唔想自己煮，外賣吧！呢間會間唔中同fd黎lunch,正正常常茶餐廳，見到佢有個外賣餐就食No.1 ‘洋蔥豬扒飯’$32返到屋企打開黎睇下！咦！點解係橙色嘅？變左做‘茄汁🍅豬扒飯’🥴🥴，唔緊要啦！好彩我都會食蕃茄，豬扒都幾大塊又夠鬆軟，食落都幾好味！食下食下又比我搵到幾塊洋蔥！🧐🧐即係茄汁洋蔥豬扒飲，咁即係點呀？問返🤴🏻原來茶餐廳洋蔥咩咩飯都會搭配茄汁一齊煮！哈哈😄又長知識啦！

落完order 操大陸口音女侍應 凍奶茶落左凍檸茶都算 改返之後黎左杯熱holick。 到正餐黎 又落錯野 我同佢講 我唔係嗌呢樣 佢幾次拒絕幫我換返 仲話「係你自己嗌錯咖喎 咁你咪姐係要搞到我比人鬧」 唔肯換。請問本身我嗌 一個馬拉盞炒飯，一個豬扒煎蛋米線， 你黎左一個豬扒煎蛋米線 一個豬扒煎蛋茄汁豆，點樣照食？？ 最後要另一個人黎 我解釋返晒 先幫我換。 最後比埋個飯既樣你哋睇。 平時食到差野我都算 今次真係忍唔住開個account 留差食評。

食物認真唔掂，豆腐火腩飯，亂咁黎既，肉多，豆腐得2舊，比例非常唔正常！仲求其俾左推火腩既皮我。服務員態度差，食得非常不安落，無禮貌，食物差，態度hea，愈來愈少客幫襯了。

細個有朋友住喺梨木樹， 10幾年冇去過，今日特登走去緬懷一番，入村之前去咗呢個商場度搵午餐食，見到呢間茶餐廳，好似幾多人，入去試吓下午茶時間，就咁睇下午茶餐唔算好平，兩個人叫咗一個超值任選套餐，再叫咗個奄列餐。超值任選套餐$35太陽蛋煎到脆邊嘅效果，但午餐肉係完全冰凍嘅，可能係預你浸落湯度食鮑片一如所料，份量唔多，湯底偏淡，冇咩味奄列餐$40呢個餐貴左$5 ，由餐肉煎蛋變成奄列，切開奄列仲有蛋汁，奄列亦都夠大份叫咗碗沙嗲牛肉米，牛肉煮得幾淋幾入味，湯底同碗麵一樣，都係偏淡，好彩有啲沙嗲牛汁調味用膠杯裝熱飲，夠大杯，但熱檸茶嘅茶底有小小「澀」口兩個人，好又一餐，唔好又一餐