名門壹號

不經不覺間，我已經做了長輩一段日子，現在更發展到，我要榮升阿公的級別了。因為今年，堂姐抱孫了。而簡單而隆重的百日宴，就選了在上水的《名門壹號》舉行。那天，包了酒樓的12樓全層，來了一個開心的午宴。小朋友的彌月宴，及近來更泡行的百日宴，按傳統，係會有子薑加紅雞蛋食的。原因就是紅雞蛋象徵吉祥和新生，而子薑則有助於產後婦女補身。所以，這是對寶寶和母親的祝福。以前，就利用食用包素把雞蛋染紅，如今，就用紅色的網袋包起代替，雖不太環保，增加了食物的安全感。名門鴻運乳豬全體。飲宴出現原隻乳豬，總覺得份外的高尚。就算是中午的宴會，有香香脆脆的乳豬食，都會非常之開心。而這天的乳豬，皮脆肉嫩又夠薄身，不會令人感不滿意。第二道菜叫芝士焗蝦球伊麵。味道雖是香，但嫌這一個伊麵太多汁了。個人口味來說，不太喜歡。之後的富貴花腰果帶子，則是一個香口可口人人愛的席珍。令到這菜式奇香的男主角，是腰果，而令到這菜式奇香的女主角，就是帶子。而且這道菜很 green，多吃也不怕。代替了蟹鉗，來了一份沙律時果海皇卷。沙律的醬香味，配中菜或西菜都是好味道的。這一個，咸咸香香，內心有水果同蝦，再加上外層巨香脆，小朋友吃得最是開心。湯羹類，是紅燒花膠雞翅絲。雞肉、花膠同小魚翅。對魚翅羹這家東西只是一般。所以，沒有煮到像鼻涕狀已經是好了。魚，是一條清蒸沙巴龍躉斑。肉質爽口，豉油夠甜美。而且，自己已經感覺年紀開始大了，開始喜歡吃魚。生財玉環瑤柱脯，是一個傳統的意頭菜。原粒的瑤柱非帶香口，蠔油汁的味道又夠晒香，最開心是連瓜肉都滲入了蠔汁的香味。非常好。最尾出現的是脆皮一品燒雞。燒雞同炸雞一樣，皮脆不脆是這雞的關鍵。當然，這雞是100%皮脆肉滑的。滿意度也是100分。主食是宮廷金沙炒飯。簡單一說，就是咸蛋炒飯。亦因為有咸蛋，這炒飯的味道份外香口。而且炒得夠乾身，飯身粒粒香，粒粒爽，感覺夠美妙。那天，太太的素食安排就是素扒同素蝦。而主食也就是同樣的宮廷金沙炒飯。甜品有步步千層糕。這是一個紅棗味的甜糕點。香味十足，而味道也不算太甜。可以說是，剛剛夠好味道。甜美當然也不影響下一道更甜的糖水。對，非常甜的糖水，就是蓮子紅豆沙。這一個紅豆沙，又濃又香又超級甜美。若不是已經很飽，我們想辦法來多一碗。場地不錯，食物水準也不差。這《名門壹號》，算是一個幾好的小宴會場地。那天，樓下層的飲茶客也爆滿場，相信，這兒的茶市，點心，也是有水準，吸引眾上水、粉嶺街坊來飲茶的好地方。…查看更多

星期日同屋企人飲晏晝淨等位都等左成大半個鐘坐左入去好地地食野都係出野慢🤢係奶黃包個包皮污糟（見圖）🤢搣左就算岩岩先食完籠牛肉球我地仲諗緊 個蝦腸唔見左既 既時候有職員帶個呀婆黎叫呀婆坐我地隔離張2人枱呀婆大叫 「我3個人喎」職員指住我地「佢地走㗎喇 好快俾您坐呢張」😱😱😱😱😱😱😱😱😱我地完全黑人問號冇一個人冇一粒聲講過會起身走岩岩先食完粒牛肉球冇啦啦被嗌會就走？ 酒樓有限時但入座前唔講？我地搵黎搵去都冇一張野有一句話有限時重點 當時冇其他人等緊枱全場都唔止我地一張4人枱係好似埋尾🤬有另一個職員問呀婆飲咩茶呀婆話 「唔開住呀 等陣佢地走我坐過去再開啦」職員「飲住先啦」呀婆「您地同事話好快」🙄🙄🙄🙄🙄🙄🙄🙄🙄🙄🙄🙄🙄🙄🙄如是者幾個職員係幾個唔同既職員都係同呀婆講「好快有枱㗎喇 佢地好快走」我地都係唔知咩事都唔想出聲然後繼續等個蝦腸順便傾下計 嘆下茶5分鐘倒？ 有個職員黎同呀婆講有另一張執好左 想帶呀婆去但佢行左去到另一個職員黎叫我地移開張枱佢要加櫈‼️係 叫我地移開張枱‼️呀婆問 「乜唔係呢張咩？ 又話帶我去另一張既」我老豆忍唔住出聲 埋單走人一肚氣然後發現個蝦腸 係職場漏左單但想講 正價 午市 俾足茶錢 加一坐左一個鐘都冇就俾人趕走好過份❌冇❌下❌次❌…查看更多

昨天是我第一次到這家酒樓下午茶，吃到中段找伙記要點心紙加個胡椒豬肚湯$38。點知埋單發覺收咗正價$ 48再加一？！返轉頭問收銀為何收多了錢？點知給她不客氣地話我下次要用點心紙落單！？她還即時跟隔離的女部長說今日會唔啱數。連女部長也是不友善地說一定要用點心紙。🥺覺得好委屈！唉！怪不得這麼多人北上用餐。①為何下午茶時段叫胡椒豬肚湯，電腦會出正價價錢？（這絕對不是客人問題）②伙記幫手加單沒給我點心紙，本來是一般應有的好服務。為何最後是客人給收銀說是我不對呢？（這絕對是酒家的電腦及職員問題）…查看更多

提前個幾星期打電話去訂冬至嘅檯，接電話嗰個問我幾位，我話三位，佢就話細檯唔可以訂，只可以walk in，我問幾點可以攞檯，佢明確同我講6點，冬至當日5點多啲到，打算早啲攞個號，到咗一個等位客人都冇，有個著黑衫嘅就話冇檯，訂滿曬，要8點先有，同佢理論打電話詢問過嘅情況，凈係識講冇曬檯8點先有，反映情況一啲用都冇，態度极囂張！電話講過嘅都可以唔算數，搞到冬至大日子臨時要去其他地位搵位食飯行嚟行去！投訴無門服務极不專業！實在太過份！😡😡😡…查看更多

在上水行山，第二間便訂到這間。酒樓在上水港鐵站附近，交通十分方便。八人以上可以點兩個特價菜：１。羊腩煲雖是特價品，但份量十足，有六七成是羊腩；可惜追加廿蚊的菜不可指定那種；２。乳鴿普通。名門小炒皇比預期足料；椒鹽豆腐拼鮮魷：豆腐小粒而嫩，鮮魷脆而不油；其他菜普通。…查看更多

疫情之前嚟食過好幾次，唔知嗰陣時係咪名門(唔知轉咗名未) 不過就唔係咁OK，所以一直都冇再嚟。今晚大家都諗唔到去邊度食，所以膽粗粗想嚟再試一試。今次有一個幾好嘅surprise (以上水酒樓嚟講)。佢有唔同嘅優惠套餐，而且亦可以加埋唔同嘅優惠一齊用。（忘記影相）如果係揸車嘅朋友，呢度係有兩小時優惠。先講講深海龍躉兩吃套餐，我覺得同外面酒樓比較不相伯仲，都幾好食。值得一讚嘅係龍躉皮，夠煙韌，感覺唔係養魚。另外佢嘅蒜蓉爆得非常之香，好正，美中不足就係需要落好多油去爆。雖然好想食墊底嘅粉絲，因為實在太香口，又入味，但係怕太油膩，所以冇完全處理掉。另一個係西蘭花炒龍躉，都好香口，值得一試。我哋揀咗胡椒豬肚浸花甲，呢個餸其實都有好香胡椒味，但係豬肚就少啲。可能因為係套餐，所以份量不同。我哋另外嗌咗個優惠價片皮鴨，不過不失，可以接受。爸爸話，可能廚房中咗馬，所以煮嘢食落力左😄 難得喺上水搵到間普通通嘅酒家都OK。應該會有下次再去品嚐。…查看更多

202212平日--名門壹號地址位於: 上水龍琛路48號上水匯11-12樓想試下潮江春以外的酒樓，想到同在上水匯，但不同樓層的名門壹號點心選擇餐牌另有幾款性價比不錯的商務套餐可供選擇點餐:炸蟹鉗炸得金金黃黃，蟹鉗雖說不上巨型，但也算中至大碼之間餡料彈牙，有鮮味，味道不錯潮洲粉果果皮薄薄，有沙葛、花生等等，粉果塞入滿滿的餡料，口感豐盛埋單: 沒有影相，忘記了價錢接待員有禮有效率安排座位酒樓光猛明亮，座位距離適中食物味道合格…查看更多

放假同屋企人飲茶，唔太想等位，上到去名門，唔使等位，即入，唔知係咪啲人唔想轉lift上嚟呢叫咗蜂巢炸芋角，唔知點解有隻蛋黃係入邊，而且係雞蛋黃，真係第一次食芋角有雞蛋黃係入邊，究竟佢係想增加雞蛋嘅香味定係唔夠芋泥？如果想增加雞蛋味，咁又真係唔係好覺，係咬落一半先至睇到另外有個特別啲嘅鳳凰煎米雞，又係雞蛋今次就係煎珍珠雞上面加隻煎蛋，味道都夾嘅，不過凍炒蛋夾住個珍珠雞真係比較少見，恕我少見識煎腸粉正常，雖然唔係好多蝦米，但係都煎得唔係太油膩鮮竹卷，個湯都唔錯，味道正常…查看更多

今日同屋企人嚟食飯，食佢個片皮龍躉餐，第一二道菜好快上（第二道菜已經係燒雞😒）跟住咁啱我先生見到張單有酸菜（冇食過），咁我咪問佢哋，點知個侍應回應「不嬲都冇」我咪話呢張紙係你哋嘅，佢又話唔係，又有回答話酸菜要再俾錢。（乜全包係要另外俾錢咩？😵‍💫之後個經理拎兩碟花生代替酸菜嚟塞住我哋把口，都算，到我話我食完第二道菜，成二十至二五分鐘都未有第三道菜，佢話我知，廚房冧檔。OMG,廚房冧檔關我鬼事，廚房冧檔你就唔好開門做生意餐牌內容同事實咁不相符同誤導成份，我真係忍唔住要幫一幫你去推生意🤭總結：服務態度唔好食物質素一般裝修還算可以我哋洗餐具時，我先生係要逐隻筷子去洗乾淨佢㗎…查看更多