名都酒樓

營業中

休息中

以前好鍾意o黎飲茶，因為點心幾好食，不過中午最難搵位，就算訂o左位都要等，所以有好幾年冇o黎過。今年自己term係度搞開年飯，一早已預定菜色。先有點心併盤，有蝦餃、燒買、粉果同叉燒酥，平時我好少食粉果，不過今次併盤中以粉果最好食，皮好薄，一般酒樓的粉果大多都有好重胡椒粉味，這裡料味道唔會好濃。小菜有：燒味併盤-其中豬頸肉最好食，口感好爽、髮菜蠔豉、銀雪魚球-魚的肉質結實，不會一夾就散、炸子雞-雞味欠奉，不過肉質算嫩。當然唔少得有炒粉麵飯，我揀了炒飯，炒得唔會好油，飯粒幾爽口。最後甜品是合桃露，單睇色澤已知唔係開粉，是生磨的。食落口應亦不是開粉的”糊仔”，可能是”露”同”糊”的分別。甜道適中，不過我嫌唔夠香。以每人Budget$150來講，已算唔錯，好飽又幾好食。

星期五朝早，又係例牌的OFB早餐聚。有四位食友出席，包括大王、牛油果、Lazyqueen及我。八時許來到，己是最遲到的一位。驚覺原來成層樓差不多空無一人，坐坐下都只係得六檯客，數埋都唔夠廿人，我們四個人，都好有包場feel。可能是地點關係，換著是中環一帶的蓮香樓、友誼居或喜悅，早已飲左兩轉了。兩男兩女，沒有核電廠在座，都不用叫這麼多點心了，只叫了XO醬腸粉、蝦腸、魚翅餃、芝麻球及叉燒包等等。茶是普洱，是飲開的一種，淡淡的，同蓮香的差好多好多；點心水準不過不失，兩款腸粉都黏口，麻麻地。叉燒包細細個，又係咩餡。芝麻球反而熱辣辣又脆口，不錯。阿姐服務幾貼身，離遠聽到我地講已經去做野，可能因為人客少的關係。埋單一百六十蚊，幾貴，可能亦係人少的原因之一。下次飲早茶，睇怕都係返回蓮香樓好一點。題外話：這裡有個「早餐特區」，除了點心，還有奶茶咖啡，亦有二人位給人坐下食完就走，真係賺得也不放過。

七人組合last 2 days合作, 約埋一齊飲茶. 原本想去茶具博物館, 地方幾靚, 但要等, 而且好似食物款式好少, 於是轉去返名都.1:45pm入座, 大把位. Order:菠蘿奶皇包- 我的最愛, 個個食都話好味!燒賣- 冇食潮州粉果- 冇食菜餃- 好味! 好多菜棉花雞- 正~尤其d魚肚好入味, 又夠淋.叉燒包- ok煎腸粉- 普通鴛鴦雞絲飯- 好掂, 雖然要$95一碟, 但七個人分都食得飽wor! 蝦多, 紅汁又好味~原來2:30pm係下午茶時間開始, 阿姐sell甜品:西米盞- 好味~多料椰汁糕- 冇食埋單$490, 真係一d都唔貴!

6人飯聚.12點到完全唔滿. 當然.都未放lunch叫左蝦腸,面皮太韌太厚唔好o趙.但有d又好易爛開.叉腸,如上菜心,唔新鮮.比起一般美心差好遠."綠熟都差咁遠?明顯係新唔新鮮既問題.蝦餃蝦ok爽口,但皮又太韌.影響整體感覺.九菜餃. 一樣太厚皮.但內涵唔錯.福建炒飯. 好足料.少得好香.伴左頗多瑤柱.可試.雪菜肉絲蚊米.亦係足料之作.飽飽服務普通.一定滿座.冇計.少選擇.

之前從未去過呢間酒樓食野，上個月因為之前做野o既學校結校有個聚餐所以第一次去，果晚我地包哂全個場，九十幾圍，d野食都ok喎，唔知係大肚餓定真係好味啦，我覺得唔錯，但果度o既service都ok，d人做野都好快，我想讚佢地一樣野係，果晚我地開咁多圍，當然上菜要一定時間啦，不過佢好在係每味菜上o既時候都可以依然係熱o既，係每圍都係咁喎，而且當晚佢地o既staff都好合作，真係唔錯，食物質素可以、服務可以，而且價錢都唔係貴，當然一分錢一分貨，不過當晚d野見得人架，都係二千幾一圍包酒水，唔加一，o係金鐘真係算抵食架喇，有機會我都會去再幫襯。

同一班"同僚"食lunch, 7人, order:山竹牛肉、鳳爪、菜心、燒賣……特別包括:蝦餃- 說是招牌點心, 真係大隻又皮薄, d蝦有d碎, 反而好, 冇咁難咬.花雕蒸雞- 冇左蒸排骨, 改為蒸雞, 都幾好味wor!素什菇魚湯米線- 比利苑差好多, 唔合格.到一點鐘超級爆棚, 好彩我地早到(十二點半), 即刻有位. 本來埋單冇可能咁平, 不過因為人人都係為左坐下, 冇狂食, 所以比平時便宜.

可能時間早，好少人，而且d車仔放哂響路邊，有兩個亞姐一人推多一格行黎行去，推到埋單都推緊如果想要路邊車仔既野食，都係依兩個阿姐搞掂，感覺好冷清點心黎講都係一般，冇乜特別唔係我俾錢唔知價，但都應該係貴架喇

中環金鐘一帶，白領午市飲茶落腳點之一，價錢都頗貴o架，點心只屬一般，無乜大驚喜。就算預訂檯去拎位，成日都好似要同人打交咁，服務一般，炒粉麵飯都要等幾耐下，埋單仲更加耐！不過．．．比我發現左樣頗為好食o既東西- 焗南瓜西米布甸，唔太甜，熱辣辣，幾好食呀，不妨一試！

服務好好，味道一般，而且d 點心就好貴，成間酒樓都好嘈！三月九日星期六我地四個人去飲茶，埋單如下：小點x1 = $17大點x3 = $78廚點x1 = $35腸粉x1 = $26味點x1 = $35粟米雞粒飯= $65茶芥x4 = $36加一小賬共$321 (嘩! 嘩! 嘩! 嘩! 嘩! 嘩! 嘩!)去唔去你自己決定喇！