同芯冰室

營業中

休息中

這是我第二次來這冰室，因為它的豬扒真好味，差點忘記今天是我的素食日，幸好點餐前記得，這間餐廳很好，幫我做了一個完美素食配搭，圖中這道手抓餅炒蛋搭配素食麻油味公仔麵的組合，展現了創意完美融合。手抓餅外皮酥脆，內裡柔軟，與炒蛋的香滑相得益彰，讓人一口接著一口，欲罷不能。湯麵的湯底清淡卻充滿風味，融入了青菜的鮮甜，為這道素食餐點增添了層次感。即使是素食，也能讓人感受到滿滿的飽足感和幸福感。這麼炎熱的天氣，再加上杯凍檸茶，真幸福！

名就叫同芯，但一點良心都沒有。 目標明確只為有錢賺就得。 服務態度差到一個點。 早於2023年學校飯商冇飯供應，所有家長都在為小學生的午餐煩惱，打去呢間同芯，訂50盒小學飯可不可以份量小一點，不用湯不用飲品，可不可以給點優惠。 答案當然說沒有啦，仲話最多送多幾個湯，都話左唔要平D ，仲送多幾個比我我做咩，真係多謝晒。最後搵左同區富x 。今次都想搵返x來，很可惜已沒有營業。 係跑馬地區有良心既飯店應該都冇幾多間仲可以生存。

以前覺得這間餐廳有人情味, 就算地方唔算大, 都比客人多少空間坐得舒服. 最近的經驗是, 老闆員工都要所有人坐的密麻麻, 兩個人打對坐一張頂多3人坐既枱, 再要逼多兩個人過來, 真係好逼. 其他收費差不多位於閙市既茶記好似都唔會否這樣做. 食物只是一般. 考慮環境, 態度, 食物, 價錢等因素, 我認爲CP值唔高. 如果有其它選擇, 唔會揀依間茶記, 食得較辛苦.  

就係港式茶餐廳，茶餐廳嘅早餐，40幾蚊可以接受呀，有個雪菜肉絲米、炒蛋多士同飲品，同埋啲員工都會同啲客傾吓計，唔會話食完就做啲嘢趕你走，入到去時又會問你坐呢冰好唔好，呢間我應該會再去😊

好多間食開既都冇開就過黎試下見門面幾光先 諗住應該都冇伏未坐低左頭同你講 兩個人坐埋一邊 「但間鋪得五成滿」。OK 我明老茶係咁既。我地兩個人叫左兩個餐，但老闆定唔知資深員工。A餐通粉又記唔住，飲品又記唔住，我提佢少甜 重要串我一句話呢度糖奶自己落。OK又當我新黎唔知。到野飲黎喇，我就自己加糖奶，加完放低唔夠半分鐘佢就問我重要唔要。你間餐廳咩事糖奶都趕住收？我唔出聲佢就直接攞走埋。到野食黎，首先通粉湯底冇味，叉燒完全唔腍，另一份係沙爹牛面，冇沙爹味面又腍到爛咁。咸牛肉蛋就應該成本好貴 近乎食唔到咸牛肉味。最後當然，野都未食哂就問你幾次可以收未，食到半路中途飲品放過少少界就「幫」你放返去你個邊再好似有毒咁抹枱，但由始至終我對面都冇人坐。到畀錢，明明冇人都要我等，因為佢忙住收未食哂既食客既碗碟。呢種餐廳又貴又趕客「以為自己澳牛」，真係一次都唔會再黎。

週末早餐時間路過見不用排隊一於坐低試吓。早餐C羅宋湯牛腩通粉配火腿太陽蛋齋多士羅宋湯賣相唔錯，不過入口湯頭有點杰撻撻，所謂的牛腩只係得3 粒。。。而且係煮到變成左湯渣果種！通粉用水烚到過晒火喉，而且明顯係用水長時間烚完嘅通粉收到單之後放入碗內再放啲羅宋湯落去撈埋一齊俾你食果種快餐式做法。。。真心試過一啦次就算了。。。反而隻煎太陽蛋要讚一讃，完全做到小油而且小小燶邊！塊煎火腿同齋多士合格。港式奶茶（飲咗兩啖先記得影相）合格綜合嚟講作為一個街坊早餐賣$46蚊應該有$10 蚊係跑馬地地段增值錢，呢度啲食物完全會令你食得飽但絕對唔會有再想幫襯嘅衝動。。。

同芯冰室 (English name: Date Cafe) is a new cha chan teng that opened in my neighbourhood in recent months. As it was the weekend, we decided to have a quick lunch nearby before heading off. We thought to give this place a try and it wasn't particularly busy.The restaurant isn't too big but it didn't feel cramped when we sat down.Menu is in English and Chinese. There is no 10% service charge and you pay on your way out. They have various sets that include a drink. Lunch sets include a Hong Kong styl

成日經過都係食飽咗無機會試，呢次放假訓到下午三點幾，突然記得呢間嘢，於是走落去試下佢哋下午茶。我哋叫咗一份羅宋湯牛腩通粉，配芝士手抓餅及鹹牛肉炒滑蛋，飲凍咖啡。朋友叫咗一份黑白西多士，飲凍檸茶。最初對個下午茶都無特別祈望，諗住是但有少少嘢落肚，夜晚再搵好西食。點知個餐送我哋面前，原來都幾大份，賣相也不錯。諗住大份又靚未必好食，點知一食落口竟然 ‘‘嘩’’一聲。羅宋湯牛腩通粉，羅宋湯很夠味料多，牛腩夠嫩切得細細塊易入口，通粉也煮到剛好彈牙。芝士手抓餅，比較少係出面見到，但是配羅宋湯一齊食真係一流。黑白西多士，切嘅時候入面朱古力醬係流出來，可以直接當甜品來食。凍檸茶，大大杯你以為好淡？原來好濃又夠茶味。至於鹹牛肉炒滑蛋，凍咖啡，雖然無話特別驚喜，但都係好食好飲的。總結，你話下午茶人均要$55，有d人會覺得貴咗少少，但呢個份量呢個質素絕對超值。

今日特登嚟試吓😜大概下午一點左右等咗20分鐘喺門口⋯都幾多人㗎起碼等咗四張枱先到我哋🤪都叫OK嘅入到去都比較少位坐咗四人枱一半一早喺門口已經決定食啲乜嘢😛一坐低就問我地食唔食牛🤔我即刻答佢梗係食牛啦🙃仲諗住佢推薦啲乜就聽吓佢講嘢🧐點知就送兩個羅宋湯超好飲超多湯渣仲有牛腩🥳🥳🥳🥳😋😋😋😋好好味呀真材實料已經攞滿分💯💯💯💯叫咗兩個焗飯都係午餐🍴分別芝士白汁焗海鮮飯🦐🦑🐙🐠同埋茄汁芝士焗豬扒飯🙊🐽🐷🐽🙊兩個飯嚟都到都係熱辣辣⋯Yummy 一睇都知道唔馬虎🙊仲要好大份我哋兩個人食，食到攬住個肚走🤣到最後叫咗兩個餐茶都係熱奶茶☕️點解杯熱奶茶上面咁多泡佢話梗係啦沖落去所以就會咁多泡🤣🤣🤣🤣超搞笑人生總係第一次見到奶茶上邊咁多泡🤣🤣🤣🤣唔緊要嘅原來超好飲成個午餐都超乎想像好食😋每人$68⋯期待下一次再試其他嘢希望唔駛等咁耐啦🤩加油加油雖然環境細勝在夠乾淨光猛⋯😎

幫襯過幾次, 各方面都係中規中矩所以冇打算寫食評, 今日食完呢個常餐就好有衝動寫因為佢個手抓餅👍👍一般常餐都係有蛋, 麵包或者加一蚊轉多士, 有個湯麵有杯嘢飲啦, 呢間特別之處就係佢用手抓餅代替咗個包, 手抓餅係double摺起, 中間仲係芝心！🤩 可以用刀叉撈埋鹹牛肉蛋一齊食, 食完竟然已經飽咗一大半😛佢個咖啡都特別, 係畀黑啡你自己落奶, 店內店員啲服務都幾親切, 睇得出唔係一般打工仔🙄🙄嗰種服務態度呢間ok可以再嚟.

係跑馬地看完醫生，經家人介紹去了同芯冰室食午餐的大碗飯，叫了蝦球蔥花滑蛋飯---蝦算大飯隻彈牙，蛋都炒得嫩滑好味道蔥油豬扒蛋飯---豬扒夠大件，煎得夠香，肉不會嚡口,味都不錯杯奶茶都有水準還有羅宋湯都好飲

去完游水，上去會所餐廳但大排長龍，便想起這新開的冰室。看看便入去試試。我們點了兩個午餐。各有牛肉羅宋湯,不只是湯，而是有足料粒粒的牛和蕃茄雜菜，非常多料。因我朋友不食牛，所以我連氣飲了兩大碗湯，好好味，立即很飽呢！主食叫了一個叉燒炒蛋蔥花飯，別一個是招牌焗豬排飯。因好大碗，我們兩個食一碗便夠，所以只好打包個豬排飯回家。主食後還有咖啡或茶，冰的要加$3. 兩份大餐也只是$126. 大件夾抵食，又好好味！可惜這店只開到6:00pm. 我一定會再去，又平又靚，讚！

A new Hong Kong styled cafe in the hood that brings a different experience. Unlike the usual ‘cha chan tang’ that are dirty with the impatient staff and rude service, this place is clean and staff are friendly. A surprise element is that when I asked for an extra bowl for my boy they gave me a set of plastic utensils specifically for kids.Food wise, you can expect the usual sets (i.e. instant noodles, toast with eggs…) from this type of restaurant. Food quality is not amazing but they are fai