吉野家 (大昌大廈)

營業中

休息中

呢排返工小小忙 返工都冇乜心機周圍食嘢 食咗好多頹食 又寫下頹食評先😂😂早幾日外賣咗吉野家新出嘅京蔥牛舌丼 49加1蚊外賣 齊頭50有飲品當然理想與現實就一定有落差㗎啦 尤其是我fing嚟fing去咁拎 都影響咗佢嘅賣相嘅 😂由於個汁都係牛汁嘅關係 所以味道同普通嘅牛肉飯都好似 梗係食啦無論口感同埋味道都係有分別嘅 食到牛舌嗰種少少羶嘅香味🙊 而京蔥都冇因為同牛舌放埋一齊搞到淋哂 呢個價錢呢個味道我收貨👌🏻但當然大家唔好預佢俾啲好靚嘅牛舌你 如上圖示 師傅刀功係相當細膩嘅 好薄😂

又係每日解決午餐的煩惱。走入吉野家但係唔想食牛肉飯，結果揀咗特別推介的雞扒肉燥飯。另外聽阿姐推介叫了一下金菇牛肉卷。打開後係有啲嚇人。白飯份量充足但係肉燥同雞扒的份量好似差少少。好彩有另加金菇牛肉卷做餸。牛肉卷賣相麻麻但味道不錯。外面好似好乾身但內裏的牛肉很 juicy。怱怱吃完又回到工作枱上拼搏。

去吉野家除左會食牛肉飯，同埋打邊爐，其實我另一樣覺得好好味既係佢地既野菜煎雞飯。下午茶時段諗唔到食乜，吉野家就係一個好選擇，又正又平又好味。野菜煎雞飯，有幾塊煎雞，個皮煎到脆脆地，啲雞唔係超滑，但又唔會好鞋，所以係ok的，再加埋甜甜地好濃既煎雞汁，送飯超好味。佢地個飯除左有雞 仲有啲放菜，咁樣食落又健康啲，跟餐加杯野飲都係廿幾蚊，咁平既下午茶去邊度揾到先? 同埋下午茶時段吉野家唔多人，你都都知夜晚吉野家係幾迫架啦。

今晚早左放工，去食個quick dinner 之後睇演唱會，出到中環五點幾幾，見到吉野家大排長龍，原來仲係下午茶時間，本身想買3點3迷你牛肉飯餐，點知賣晒，咁我就揀左精明之選。我揀左野菜牛肉飯(細)配日本茶 $23，野菜有西蘭花，青豆同蘿蔔，牛肉份量都多，夾埋蔬菜感覺健康d中和一下，唔會太單調。朋友就揀左和風牛肉飯(細)配日本茶 $25，送左包甜酸薑片，反而就咁食牛肉飯就偏咸，飲番啖日本茶清一清，飲杯熱野都幾好。

野菜牛肉飯細: 有嫩薑送，可叫牛肉汁淋飯，飯香但不是特別甜，牛肉是美國穀飼牛，脂肪比例比較多，omega 6比較多，食得多易肥，不過味道很好，是珍珠米覓 覓 \_凸_/餐廳定位： 白領，遊客， 學生(午餐有優惠)街坊，文青，長者，不適合素食者賣點：性價比高，服務優質，地域優勢價錢：大眾化，會員更優惠食用方式：外賣，堂食Wifi：不知道上菜速度：非常快奉送：套餐綠茶，餐具，調味料，小吃嫩姜裝修：橙黑色快餐廳，位置擠迫燈光：柔和噪音：一般，中午人多，比較吵，但可以接受溫度：適中服務質素：服務員充足，勞累，敏捷，貼心。點菜:菜式：過敏原：牛肉有蔥優惠：學生，會員卡

平時呢間吉野家真係好多人無論係午餐定晚餐 一樣都係大排長龍所以都好少食佢但有日ot完9點幾 見有少量空位就入左去食叫左個海鮮泡飯D海鮮係曬上面 見到既海鮮已經係全部既海鮮了無乜沙 海鮮質素吾錯龍蝦湯幾好味 但龍蝦味偏淡飯粒方面 係日本米黎總括：環境：3/5 坐位幾舒服 椅底有位擺袋 但要等位食物質素：3/5價錢：1/5 hkd49炸性價比：5/5 雖然質素吾太高 但價錢真係好低 要求吾高既可以去食地點：地鐵站一出就係 方便！（所以成日大排長龍

嚟到中環想平平地揾個地方食嘢真係唔容易，本來諗住去地鐵香港站個到食吉野家，但原來個邊啲枱已經收起晒唔做堂食，唯有去附近嘅呢間吉野家嚟到未入門口已經見到人真係超多，幾經辛苦先揾到2個位，我叫咗牛肉飯而朋友就叫咗豚肉飯食吉野家嘅牛肉飯好唔好食好取決於員工點處理啲牛汁同啲牛肉會唔會煮得太過老，如果較得太淡就會冇乜味唔好食，牛肉太過老就會好鞋。牛肉飯啲汁嘅濃度較得啱啱好，牛肉好入味而且夠滑一啲都唔老，唔錯朋友話佢碟豚肉飯都ok, 隻汁甜甜地咁好香濃不過啲豚肉就有小小鞋不過食飯除咗睇嘢食好唔好食之外環境都好重要，今日適逢假期真係太多人，主要係啲helper係到食完飯掛住傾計唔走搞到又逼又嘈，員工人手又唔夠，叫咗人嚟執但啲員工太忙等咗好耐都冇人嚟執，我隔離有個人食完啲野由我坐低開始食飯到食完都冇人執過

唔講唔知，其實吉野家係1899年，喺日本成立第一間，時至今日，聽講已經有2000間分店。係百年老店，又做到味道統一。呢一日過咗去中環搵朋友一齊食lunch，但繁忙時間真係好難搵位，間間餐廳都爆曬要等位，咁我哋見到吉野家，好似有啲鬆動，未到水洩不通既，我地就一個去搵位一個負責買嘢食。依家嘅野菜煎雞飯，煎得係比較夠時間，而且雞皮夠脆，肉質都保持到嫩滑多汁，依個醬汁都好足夠，撈埋個飯一齊食，口感豐富，而且味道足夠。

喺中環返工真係好難搵邊度有好嘅午餐食，又要平，但係多數嘅就係又貴又唔好味🤦🏻‍♀️🤦🏻‍♀️今日見到吉野家有下午茶優惠，咁就諗住去試吓啦，點知咁都可以整到唔好味🤦🏻‍♀️我真係冇嘢好講🤦🏻‍♀️個下午茶我叫咗個細細牛肉飯，再加多一串雞肉，滿心歡喜拎返公司諗住食，點知惡夢就出現啦😣😣😣😭😭😭個雞肉全消完全冇味，汁都唔多一滴比我🤦🏻‍♀️個牛肉飯真係好細好細🤦🏻‍♀️🤦🏻‍♀️🤦🏻‍♀️我冇諗到下午茶會係咁細，仲要牛肉汁都冇多一滴，乾到完全唔想食佢🙄🙄最慘係服務態度好差，雖然我都明白嗰一間分店係真係忙嘅，佢有好多工人姐姐去，所以都真係冇辦法🤦🏻‍♀️🤦🏻‍♀️

今朝又去好耐都冇去食過的吉野家！鍾意呢度自助式取食物同搵座位！可以慢慢坐鍾意坐幾耐就幾耐！野菜煎雞飯！買相真係幾吸引！其實即是煎雞扒飯加雜菜！來食過吉野家都知野菜例牌：西蘭花、椰菜花跟紅蘿蔔！睇圖片都可見野菜無疑仍算是新鮮爽口！配上洋蔥燒汁！雞扒只有半隻手掌大！砌4件，份量不算多肉質一般，不夠嫩滑，味道很淡！幸好煎得透香，雞皮香脆！醬汁香甜，洋蔥味濃！飯量亦多，但上枱時不算很熱！加上煮得太腍同濕，影響飯香！感覺浪費了野菜同雞扒！這本來不錯的食材和優質的珍珠米！最後食飽飽飲返杯奶茶！好滑仍有一點點茶香味！是日看到服務員！見到老人家及有需要既人！很主動幫手取餐，真係好值得一讚！今時今日咁既服務真係好窩心！

理論上，呢類連鎖餐廳係唔值得寫食評，反正味道都一樣，顧客食既點都唔食；唔食既，食評再好都唔會食。但今次實在要寫一寫投訴一下，因為呢間吉野家實在太差。我自問係一個吉野家fans, apps 都downlond埋，但今次真係好唔掂，呢間吉野家既環境同衛生實在太差，一地都係飛，仲衰過馬會。最難搞既係，近counter攞野食同加湯既位有陣「up」味，好似係好多「up」左好耐既布味咁，好臭好反胃。我真心希望吉野家睇到呢篇食評，好好整頓一下......食物就唔多評喇，反正都一樣係咁既味。

牛肉飯ok..照燒三文魚我唔知點解自己要order.好難食..無三文魚味.over cook.照燒汁味道奇怪.唔知醃左幾耐..環境污糟..連天花板都有污積.檯面黏黏的..凳有水.凳背也是黏黏的...服務員態度差..我時運有d高過頭...

剛剛去完中環大館參觀, 所以覺得有點疲😴!為了方便休息,又不想要排隊食飯! 所以就在附近食飯!因星期六和日的晚上, 商業區比較容易搵位!!!其實, 這間是連所式食店,在香港售賣的不是什麼貴價食品, 很多人都食得起, 算是一間比較親民的食店! 所以還是想與大家分享一下!今次叫了2個火鍋, 2個都是芝士竹輪鍋! 2個鍋的湯底都是濃湯!其他食品雖然不是特別和名貴食材, 但由濃湯煮熟, 味道頗佳! 雖然我知飲火鍋湯不健康, 不過還是飲了不少, 食過暖笠笠的美味火鍋，也是一個不錯的選擇!

中環干諾道中間吉野家係中環港鐵站A出口出行10步就到, 我未寫過MTR 站內店鋪的食評, 不過SO FAR 呢間餐廳係我寫gam 多以黎最近港鐵站的一間餐廳。因為地點太過便利, 甚至比jolibee 麥當奴更易成為等候的地方「環球廣場出面的吉野家等丫!」所以呢間餐廳長期都好多人。講番我食過D咩先,我係食左果個話係用日式醬汁煮製豚肉的「醬煮豚肉飯(細) 套餐」汁食幾多, 唔洗另外叫佢比牛汁, 肉都幾嫩滑, 不過稍嫌脂肪多左少少又分唔到出黎,D飯都煮得剛好, 不過可以汁太多反而變淋左,個套餐可以係百事汽水/麵豉湯/日本茶三揀一, 我最尾揀左日本茶, 費事再飲麵豉湯咸上咸。So far 黎講, 呢個飯係中環黎講都OK!

星期六嘅中環 比平日冇咁繁忙，大家的腳步都慢啲， 所以今日我可以慢慢嘆番個早餐，成日睇廣告見到 吉野家有個千層酥， 一於今日嘅早餐試下佢， 果然有驚喜，千層酥 好香脆。 有三種味：分別係花生醬煉奶、 楓糖、 沙律肉醬。 今日試咗個花生醬煉奶，佢哋d醬一啲都唔吝嗇， 鍾意多醬嘅我啱曬！個餐可以揀一個烏冬或者餐肉腸仔公仔麵，我揀咗公仔麵，真係超級失望... 公仔麵煮到林pat pat ，完全冇咬口，午餐肉切到好薄 （我覺得唔餐肉要厚切先至好食 ）， 而且發午餐肉只係係咁意煎下，唔香口...