吉豚屋吉列豬扒專門店

營業中

休息中

其實本來見到佢有新嘅火鍋系列都想試吓 但係又忍唔住食佢嘅招牌炸野wor 所以下次先打邊爐啦就咁食炸蝦飯已經滿足唔到我啦 所以我叫左滑蛋吉列三重奏飯 當中包括蝦 豬柳同埋黃金豚肉餅其實加左蛋一定冇就咁食咁香脆架啦 不過我覺得咁樣食好似冇咁熱氣囉😂我覺得個吉列豬柳炸得好鬆軟雖然的確係被個蛋汁浸林左 令到佢表面冇左個種原有既香脆 但係都有好香口嘅感覺既 豬肉餅就大大塊不過不失 炸蝦雖然亦都唔算好大好新鮮 不過我覺得以呢個價錢算係ok 另外雖然呢個飯唔算好多 但係我覺得咁樣食係啱啱好嘅 因為上面啲炸嘢已經好膩啦 佢既餸同飯既比例係差唔多一半半 太多飯反而會食唔晒 呢個係鐵板吉列咖喱豬扒定食 因為呢個咖喱汁已經有d d 濃 所以我建議大家可以將個蛋就直接擺落個飯度撈勻黎食 仲正呀

去到油麻地,突然好想食滑蛋吉列豬扒飯,又唔想食太貴太高級,就諗到吉列屋啦平時見門口都要排下隊,好彩咁岩唔洗排本身純純想食滑蛋吉列豬扒飯架咋但叫佢有個餐牌有埋鰻魚內心掙扎左一陣,算啦,食埋啦,另外再加隻吉列蝦無幾耐就黎啦滑蛋吉列豬扒鰻魚飯$89+吉列蝦$8吉列蝦係有碟分開上既,不過我直接放左佢落碗飯到本身仲以為有埋麵豉湯送添首先講下個滑蛋,無論睇樣定食落口都覺得熟左少少,有少少失望豬扒係有水準既,夠厚身,不過瘦左少少鰻魚真係好普通,後悔了,早知唔叫...隻蝦真係好食,$8條蝦,算係咁啦最後想講,啲飯太少啦,唔係好夠食...今次食左成舊水...第日黎都係食啲簡簡單單50-60蚊左右既就夠了$100可以有其他更好既選擇

滑蛋番茄豬扒小鍋定食叫完坐左無耐， 野食好快就到啦本身仲覺得 上菜幾快點知食落就中伏首先，賣相麻麻地啦重點係野食唔好味！飯係凍嘅，主菜個鍋唔夠熱，上面舊蛋係生嘅 透明嘅！以入面嘅豬扒係凍嘅 唯一湯先係熱嘅最搞笑嘅係，番茄冇切過，就咁一半咁大舊放入去另外，唔知係鍋大定肉少搵豬扒好似大海撈針咁！得個幾舊 好唔抵食囉好彩我叫店員加熱返 佢都肯唔係嘅話 服務都扣分野食方面真係唔好食！貴，係因為唔值咁嘅食物要76 我寧願唔食

今日午餐好豐富，食了滑蛋豬扒飯。落雨天氣涼涼地，一碗熱騰騰的豬扒飯好暖胃。中午時段油麻地隨了上班一族，學生們都好多，坐下不到十分鐘己爆滿，佳因飽肚又平宜。我點了一碗滑蛋豬扒飯，等了十五分鐘，對於只得一個鐘放午餐的我真有點趕。終於來了，熱呼呼的，蛋真係好滑好香蛋味。豬扒肉質軟熟，外層漿衣薄薄，炸得不油不膩。飯粒飽滿滲滿醬汁，還夾雜著洋蔥絲，ok 好味。

呢間日式連鎖炸豬扒餐廳...係油麻地都好多年...當時佢係香港都仲未有好似而家咁多店....當日行完街唔知食咩好..就決定食佢!叫左個季節限定....吉列大蝦班塊帶子定食....其實入得去佢呢到食....就預左的野係點..因為食左咁多年佢的野都係一樣...講返呢次....炸蝦入面的蝦叫做大隻...最小唔係得一啖粉的炸蝦...而帶子就係帶裙邊個一皇熟帶子...都算大隻...反而魚柳....就唔知係咩魚..因為有的腥....反而今次最大的得著係...佢碗豚汁冇以前咁好飲....一來送上黎個陣已經係唔熱...而且料亦比以前小左好多...完全唔係以前的感覺...有的失望...希望下一次有機會再去個陣會有改善....

我男友一直都很想試食這間餐廳，而且Open Rice都有很多好評，所以今天中午我們便去試一試星期六中午時間，排隊等了幾分鐘便可以入座了。我們叫了吉列炸蝦雞扒定食 和 吉列豬扒黃金餅定食，定食送麵豉湯。吉列炸蝦雞扒定食方面，定食有2條炸蝦和4塊雞扒，份量都幾多。炸蝦味道方面，炸蝦都算大條，啖啖蝦肉，而且蝦肉有水份，味道不錯。雞扒味道方面，雞扒有4塊，但味道塊塊就不一樣了。第一塊吃下去時，由於是即炸，所以外皮十分香脆，而雞肉十分鮮嫩多汁，十分Juicy！不過，吃第2塊至第4塊時，雖然外皮依然十分香脆，但雞肉味道就差得多了！雞肉十分(鞋)和老，而且沒有什麼肉汁，乾憎憎的，愈食愈Dry和油膩…味道一般。我想應該是雞的部位不同，所以味道都不一樣。吉列豬扒黃金餅定食方面，豬扒有4塊，黃金餅有2塊，但黃金餅的味道竟然美味過豬扒。吉列豬扒味道方面，雖然外皮都是香脆，但豬扒厚度比較薄，而且肉質十分(鞋)和老，完全沒有肉汁，十分乾憎憎，和吉列雞扒一樣愈食愈Dry！黃金餅方面，黃金餅十分厚身，應該混合了豬肉碎，洋蔥等食材，吃下去時外皮都是十分香脆，而內裏十分Juicy，味道不錯！麵豉湯方面，麵豉湯內有豬肉片

好鍾意食吉豚屋嘅炸蝦飯， 我可以連續兩日都食同一個飯都唔會厭， 但我今次試咗滑蛋吉列三重奏飯， 入面有蝦 豬柳 黃金豚肉餅 全部都炸得好香脆 ，再加埋上面的滑蛋 ，好好食 。加上佢用珍珠米 ，每一粒都好有黏性 香港冇乜邊間食吉列嘅我覺得係好食， 我諗除咗呢間我都唔會再去第二間。吉列豬扒定食， 佢上面冇咗滑蛋會更加香脆 但我覺得係兩種唔同食法， 滑蛋有滑蛋嘅好食 。佢下面啲蔬菜可以加芝麻醬撈埋一齊食， 可以減低吉列豬扒嘅油膩，個麵豉湯又好好飲，好多配料。

吉豚屋Katsuya 在香港已有八家分店。和朋友一樣點了蔬菜豚肉湯套餐(65元加一)。大大碗的湯有很多白蘿蔔和紅蘿蔔片和薄片豚肉。這碗大碗豚肉湯單買十五元，若是要減肥的話這樣也是一個蠻美味健康的選擇。套餐除了有大碗湯外另配兩件 炸柳梅頭肉 及珍珠米白飯一碗。加8元就可以 選餐飲， 倒是一個非常合理的套餐選擇。 說回味道部分，Katsuya的炸物 一向都是信心之選。 外脆內軟有肉汁 配大量生菜 讓油膩的感覺 給生菜吸掉。 配珍珠米白飯吃已是無敵。 若你如我般是一個喜歡吃湯飯的人，你就可以將珍珠米放於湯来 吸收湯汁，弄成一個美味的湯飯! 以炸物作為 小菜拌著吃， 是一個完美晚餐的好選擇。

鋪門外既display好吸引 成日都想食今日終於拉到人陪我食喇 仲要吾洗排隊有炸豬扒 炸雞扒 炸蝦 炸魚柳等等亦分別有丼 有定食選擇 入得黎就預左想食咖哩 但原來吾系樣樣都有咖哩汁跟 所以要留意清楚 系兩行燒汁定海量咖哩汁喇炸蝦炸雞扒定食 炸得好脆卜卜 雞扒炸完都吾鞋 炸粉一d都吾厚 咖哩豬扒飯 炸豬扒好嫩好 juice 厚薄岩岩好 咖哩汁系日式既 甜甜地小小咖哩辣 正

又到晚餐時間，想食日式吉列豬扒，但唔想太貴，便想到了吉豚屋。 裝潢以木系為主，簡約日式風格。 必用的豬扒醬及芝麻醬。 MENU。 菊花蜜(凍)，跟餐加$8，因為食炸物，想飲菊花蜜清熱氣，味道清甜，加上冰凍，夏天飲好爽呀。 吉列豬扒黃金餅定食，$75。 野菜豚肉湯，野菜豚肉十分足料，味道正常水準。 白飯，份量適中。 吉列豬扒黃金餅，有兩大件，份量不少，吉列豬扒黃金餅入口酥脆，肉質鬆化多汁，好香口，配上酸中帶甜的豬扒醬食更好味，伴碟的椰菜，淋上芝麻醬伴食，味道清新開胃，同時減抵油膩感。 吉列三重奏定食，$75，友人的，試了炸蝦，味道不俗。 貌似吉野家D FD呀，平平地滿足下呢。

Lunch 同事揀左去尼間食，5個人，等一張台，5分鐘入得。一值都知佢有唔小分店，但係從來無食過，因為我對吉列食物無興趣。入到去個個同事都食吉列豬扒飯。我唔想食飯，天氣熱辣辣，試左泡菜豬扒麵。好野味，幾好食，麵既軟硬度適中，豬扒食哂唔記得影，我唔鐘意食吉列既野的，不過都覺得豬扒既肉質唔錯，入面好juice。埋單$70，尼一區lunch黎講算有小小貴，隔離左右平過佢既選擇有大把，不過好食，份量多，都值回本，可以encore👍🏻。

炸豬排真係好食，用咁嘅價錢食到好味炸豬排，好難得!! 佢哋啲豬排好淋,炸得好脆值得encore !!!加$8仲有飲品!佢既滑蛋豬排飯都幾好，$49就有個細嘅! 其他炸物都唔差

之前已食開九龍灣同旺角分店, 比較之下, 油麻地呢間坐得舒服好多呢到係食吉列炸物為主, 但食物形種類好多, 有吉列定食, 滑蛋吉列, 和風汁吉列, 鐵板, 鐵鍋, 咖哩, 湯鍋等等, 變化好多不過我次次都係黎食最基本既 吉列定食同朋友黎, 每人一個定食記得以前可以加少少錢加吉列炸蝦, 而家見到要加$8, 唔太抵, 雖然唔記得之前加幾多錢, 但肯定唔係呢個價但我又想食吉列炸蝦, 我就叫左吉列蝦豬柳定食, 原本跟白飯同野菜豚肉湯, 但可以用呢兩樣換個烏冬, 計落係無咁著數架啦, 不過我都係想食烏冬多D, 而且都幾彈牙先講豬柳, 一食個豬柳, 炸粉硬硬地, 炸粉厚左, 咬左啖都食唔到豬柳, 失左手喎, 或者只係呢間廚房問題啦朋友叫左吉列雞定食, 照跟白飯同野菜豚肉湯, 朋友唔飲個湯,俾我飲, 個湯有好多料, 但味道同以前一樣麻麻, 我寧願飲麵豉湯好過椰菜絲比以前多左, 仲好fresh, 希望將來除左芝麻醬之外, 可以有多D醬汁揀呢到除左吉列豬之外, 吉列雞其實都幾好食, 反而雞既炸粉無咁硬, 雞肉又唔鞋

繁忙時間一人進店，理所當然搭枱坐。左看右看餐牌，還是決定點吉列咖哩豬扒飯（梅）$62，位於彌敦道中心位置，這個價格算是很合理！這個份量足夠女生吃有餘。人多的關係，等了接近15分鐘才到，期待以久。早於剛開店時來過一次叫同樣的東西，和今天比較，可能客人多了質素有稍稍一點的下降。飯壓得有點實，咖哩過甜，甜度可以少兩度左右最好。建議咖哩汁少一點，因為多汁是大氣但最後幾啖時會過咸。下次還是會來Ps每次光顧會附送$8現金券作為下次消費。

昨日下午經過油麻地吉豚屋，見餓就入去食過午餐，叫左個和風汁吉列三重奏飯$65，另外加$9一個野菜豚肉湯。 等左大約10分鐘就上枱，炸蝦真係失望，蝦肉好細隻，只靠炸粉撐著，反而炸豬柳和黃金豚肉餅外脆內軟，真係唔錯，野菜豚肉湯不會太鹹，合格了。