吉豚屋吉列豬扒專門店

營業中

休息中

今日同爸爸一齊去旺角食飯，一落車係Openrice search 附近餐廳就帶左我地黎🤣去日本餐廳硬係食饅魚貴啲 😂 但我地兩個都被饅魚吸引叫左。佢啲餐牌係咁嫁，一版得兩三款 😂 有排睇鐵板鰻魚滑蛋，加左$3 轉做烏冬。啲餸好夠味，個湯烏冬又清清地，幾match。滑蛋吉列豬扒鰻魚丼好多蛋好正 ☺️ 但因為太多汁，浸到啲吉列豬扒同鰻魚都好林好林😂Ok好食但感覺性價比唔高。如果要加野飲都唔平，有凍水供應 👍🏻

係旺角行街想食炸豬扒，係Openrice 見到呢間有好多好評，價錢又唔貴，一於入去試試佢啦適逢下午茶時間，我揀咗吉列豬扒烏冬，只係50蚊(未加一)，包一杯野飲，好扺呀落單無耐就極速上菜，豬扒炸得唔錯，外皮鬆脆，雖然唔係厚切，但肉汁都保留到，有豬扒汁可以自己另加，好味！

好耐冇食過炸豬扒飯，啱啱行過見到佢唔係好多人等。好耐冇食過，就諗住試吓入到去環境都好清潔，上菜速度好快。但食物比較遜色，豬扒免上面都好鬆脆，不過底就好油。食咗兩三件就覺得好油膩。其實前幾年都有食過幾次，一路都覺得味道同價錢性價比好高。但今次有少少失望， 因為真係太油膩；但係價錢仍然係低水位，比起食幾百蚊炸豬扒當然冇得比。

平民飯堂之吉豚屋👍🏻幾十蚊就埋到單黎講，你都算係No.1🤩每次夜晚都要等位可能今晚落大雨行完寵物街覺得有啲肚餓諗住撞下手神睇下多唔多人點知冇人等即刻入去食啦一直都獨愛泡菜豬柳飯今日想試吓新野見到有個超值套餐蛋黃醬吉列蝦雞扒定食點知原來係六點之前先有唔緊要啦其實主餐牌都有不過就冇加大嘅臀肉湯同埋飲品另外再貴多$10一如以往，食物夠熱，炸物夠香口，份量夠大☺️值得一試👍🏻不過我都係鍾意泡菜豬柳定食多啲

這間吉列豬扒專門店開左好多年還記得它在銅鑼灣開的時候那口啖啖肉的吉列豬扒確實令人驚艷事隔多年再來這間旺角分店不曉得是不是炸粉問題或是調味料問題總覺得已經不是那個味道豬扒及雞肉的肉質還算不錯但炸粉就好像厚了點令人覺得好膩反而海蝦炸粉就ok，可能落鑊時炸醬沒有蘸太多吧定食只要加3蚊就可以將飯及湯換成烏冬烏冬倒是不錯的，挺彈牙煙韌飲料的話就不要有期待了正常的叫可樂或雪碧就好不過不太滿意是剛好被安排在洗手間附近的桌子其他客人出入開關門很擾人建議屏風加高一點不要讓食著食物的客人看見廁所內部環境吧

經過見到比張邊爐相吸左入去入到去發現定食都幾抵2個人每人叫左一個餐一個定食同一個邊爐吉列雞扒天婦羅 $69炸得非常出色 脆度剛剛好 唔會太硬雞肉仲有肉汁 配埋個沙拉醬一流食飽飽飲個湯解一解膩壽喜牛肉鍋個湯汁比較濃 食開清淡既朋友可能會覺得咸套餐跟白飯或烏冬我地揀左烏冬 吸晒個湯底幾野味！

天氣凍凍地 原本諗住去吉野家打邊爐，點知冇哂 🤣🤣 ，見附近呢間系日本食過 不如再回味下啦 又平又抵食 。間隔同設計 同日本店一模一樣 ，入黎感覺似坐左系日本食甘， 經常食儲印花 有免費一餐添 ！！ 吉列炸蝦雞扒定食 $65 定食: 白飯+野菜豚肉湯 。 即叫即炸 上枱熱辣辣 炸蝦同雞扒 ，皮炸得好鬆化酥脆 炸粉一啲都五厚架 ， 一咬開就見到蝦肉啦 蝦肉好滑 。 雞最有驚喜 咬開雞肉勁嫩 仲保留到雞原有既肉汁喎 。 炸物後既椰菜絲 放少少芝麻醬食埋解油膩呀！！

行過旺角 毒毒地食個打邊爐簡左位於寵物街既吉豚屋平時成日大排長龍 今日無咩人即刻試一試先點左個$69豚肉壽喜燒 價錢同吉野家&大家樂差唔多✅但乾淨d又唔洗同人迫🙈黎到賣相都唔錯 壽喜燒湯頭濃厚 鍋底有大量椰菜豚肉未完全解凍仲係好硬 成舊冰咁❄️ 少少敗筆值得一讚係個烏冬大大碗 彈牙 同壽喜燒湯底一拍即合🌈可惜太飽 食唔哂呢個價錢同食物質素 我認為可以再黎幫襯呀——————————食物質素：6.5/10環境衛生：6/10舒適度：6/10服務：5/10 性價比：7.5/10總評分：6/10——————————

今日去開旺角, 記得之前想食呢間豬扒店, 就決定試下, 邊睇貓貓狗狗, 邊等位.滑蛋鰻魚飯定食加吉列蝦滑蛋鰻魚飯係用鐡板上, 熱騰騰加上甜甜的鰻魚汁, 好好味, 我覺得鰻魚汁配飯係一流, 不過如果鐘意食烏冬的朋友, 可以加錢改烏冬, 我見有人食都好大碗呢. 鰻魚有一條, 都算厚肉. 仲有，紫菜好香好味！吉列蝦每隻只係加$8, 鐘意食蝦的我, 見佢話加幾多隻都得, 我就加多2隻. 不過我本人就覺得麻麻地, 雖然佢炸得好香脆, 但蝦本身細隻, 炸粉太多, 感覺 上好似只係食炸粉咁...最後一讚係定食有豚肉湯送, 但重點唔係豚肉, 因為太肥, 重點係佢湯中有好多雜菜, 咁就可以更有營養, 嘻, 自我感覺好一點.

🇭🇰 旺 角．．．．ヾ(๑╹◡╹)ﾉ⋯鐵板泡菜豬扒定食 $69推薦分數：◆◇◇◇◇泡菜酸酸的不太辣 中規中矩～ 豬扒很稔身 肉質不算粗糙 微微帶點焦邊 但不沾沙拉醬/豬扒汁的話是完全沒味道！有點失望(ಥ_ಥ) 兩個重要靈魂都不太給力呢(ಥ_ಥ) 定食的麵豉湯味道普通 豬肉粗糙而肉散 唯加入了蘿蔔等蔬果增添色彩(ಠ_ಠ) 其實不久以前吃過小店的吉列豚肉 的確不錯 但這道菜真的不太推薦( ･᷄ὢ･᷅ )

這家聽過很多朋友介紹說他的午餐非常的好吃，就是不會很貴，但是份量也很足經過了好多次都沒來吃，所以今天沒想到要吃什麽就過來吃一吃看價格的確是平均的價格，但是看份量他的很足比起其他餐廳它的款式款式更多這個套餐裏面有肉，有雞還有一個豬肉湯當然還有一些沙拉菜，就是一碗飯，可能不夠你配那麽多菜一上菜看見真的很多，有兩塊豬扒三塊雞肉還有一大碗湯。她不愧為豬扒的專家豬扒炸的非常好吃，肉汁還在。這個套餐還送了幾款特飲，我就叫了巨峰提子，這個就是沒有特別，只是比較涼快總來說是午餐還是很好吃，而且價格便宜

出開旺角買野，食埋晚飯先走，兩個人在極餓的情況下又走到『吉豚屋』了。肚餓見到個餐牌什麼都想吃！兩個人想試多點，結果點了一份「吉列豬扒定食」、一份「吉列炸蝦雞扒定食」咁就可以試晒豬、雞、蝦🤤吉豚屋座位唔算迫，張枱都夠擺放食物！旁邊嘅調味料放得好整齊，入到去好似去咗日本咁～食物質素都好好，每次去都食到好滿足！炸物好香脆，豬扒肉質唔會太硬，炸蝦都算大隻，雞扒外脆內軟！加埋粒粒企身白飯，同蔬菜麵豉湯，食到好飽！仲有堆椰菜絲😍食咁多炸物一定唔可以冇咗佢！

間中會約朋友去旺角食lunch，今次去到響旺角東站附近的吉豚屋，午餐時間差不多滿座，睇返餐牌原來有個抵食的午餐set，而其實餐都不算太貴，連中學生都可以負擔得到。見到唯一一個「放血價」午餐set，有飯有湯有豬扒有炸雞有野飲，加埋一只係$65，又點可以唔試呢。冇得別期望下果然充滿驚喜，冇諗過性價比如此高！豬扒炸得非常香脆，雖然唔算好厚切但咬落個炸皮非常鬆脆，肉質亦好易咬開，配生菜絲同可以自己落豬扒汁同麻醬，加分！而炸雞相對比較鹹，炸皮就不過不失，有他他醬就補返好多分。湯係麵豉湯，入面加左豚肉，配埋大量蘿蔔同白蘿蔔，冇一般細細份的湯咁齋，重點係夠哂大碗！以$65黎講可以食到飽而且質素唔差，絕對可以再黎！

每次到此店必食之選吉列豚肉泡菜烏冬鍋+凍荔枝椰果茶吉列豚肉一咬落去很鬆化，很脆，肉質很淋，真係有食完想再食的感覺。炸的程度適中，不會太硬，不會炸得過燶。小妹很喜歡泡菜烏冬，不會太辣，有泡菜令到個人很開胃，很惹味，烏冬不會太淋身，適中，烏冬吸收湯的味道，很入味，也很喜歡湯底中的豆腐，吸收了湯的精華，味道更加可口濃郁。一啖吉列豚肉加一啖烏冬，一啖湯咁食，真係超正超美味。再配合凍飲- 荔枝椰果茶，絕配！辣辣的再加凍飲，好爽呢！

今日經過旺角，但又唔餓，又諗唔到食乜，見到這間店，價💰都算平靚正，那就排隊啦我們點了一個期間限定豚肉壽喜燒鍋定食，滑蛋吉例🐷扒鰻🐠丼，荔枝爆珠蜜🍑乳酸和巨峰玉露豚肉鍋，豚肉份量都算多，口感也嫩滑，配菜豆腐和菜都吸收晒壽喜燒湯底，都很入味。加上一大碗烏冬，👍👍👍不過壽喜燒湯底就比較甜了點，所以我們倒了杯清水落去，可能我們接受不了過甜😂😂😂，雖然壽喜燒湯底是甜，但這店湯底就偏甜了滑蛋吉🐷，豬肉炸得不會過老，仍然保持肉汁。反而個鰻魚味道都可以，不過就比較多了點刺荔枝爆珠蜜🍑乳酸，超正，不會不甜太酸，而且還有一粒粒爆珠，正爆。巨峰就麻麻地了，比較似藥水味跟餐可以加💰點選特飲，總算不過不失，價錢實惠，所以值得試完再試😝😝😝