台風。R (已搬遷)

《台風。R》魚介豚骨🍖拉麵🍜📍灣仔駱克道389號地舖第二次幫襯呢間店，上次係食《濃厚蟹🦀蝦🦐豚骨拉麵🍜》，感覺相當唔錯。今次食返上次冇食嘅招牌麵。《魚介豚骨🍖拉麵🍜》香味 (4/5)魚介香，豚骨香，夠平衡。湯 (4.5/5)同香味一樣，魚介同豚骨味夠平衡，鹹甜度亦係剛好。油就偏多，油膩感稍重。麵條 (4.5/5)中細麵至中太麵之間，偏中太麵。煙韌，有咬口，掛得起湯，麥味夠，稍稍扣分位就係呢款麵咁夠力，配個油膩感稍重嘅湯，有種百上加斤嘅感覺，我認為如果d麵幼d會夾d。配料 (4.5/5)豬叉燒，用左真空低溫製法，又嫩，又甘香，仲有三塊，近乎係我印象中香港拉麵店中，最好食嘅。重點一提係紫菜，因為午餐有優惠，免費加5塊紫菜。不過我肯定，佢係比左7或8塊我，完全唔駛就住食，連埋麵一齊食，添風味又健康。筍就麻麻，因為太腍。溏心蛋半隻，正常發揮啦。整體 - 值得推薦 👍👍👍👍縱然麵量我係揀正常，不過我感覺上比其他店要多，導致尾聲要清晒所有野時有d吃食，所以湯係冇飲晒。不過如果你食量有返咁上下多就不用擔心。…查看更多

喺銅鑼灣食晏，有時都會嚟台風食拉麵，台風嘅拉麵份量好足，尤其個麵底超大，湯底偏濃稠，但都唔算太鹹。喜歡呢度嘅其中一個原因係唔食筍嘅人可以將佢轉做其他配料！例如紫菜或者蛋，好有彈性值得一讚。午餐亦都會送烏龍茶或者汽水，$78喺香港食拉麵嚟講算係非常之合理，所以係周不時會幫襯嘅拉麵店。…查看更多

《台風。R》魚介豚骨🍖沾麵🍜📍灣仔駱克道389號地舖值得恆常幫襯嘅拉麵店响香港冇太多間，《台風。R》我認為係其中一間。魚介豚骨🍖沾麵🍜第一次食，同之前嘅評語類近，太多讚美說話就唔重複，重點一提係我覺得豬叉燒如果配拉麵會更好，冇浸响個熱湯道稍稍生左d，不過整體還是非常滿足。豬叉燒，用左真空低溫製法，又嫩，又甘香，仲有三塊，近乎係我印象中香港拉麵店中，最好食嘅。午巿優惠配可免費加額外5塊紫菜絕對係一大大賣點，配埋個沾汁食又香又鮮。…查看更多

嚟到呢間充滿動漫擺設嘅台風。R~ 一定要食佢哋分量十足嘅魚介豚骨拉麵濃稠鮮香嘅魚介味充滿大海嘅氣息 （最緊要係唔會過鹹）配上柔軟又粉嫩嘅慢煮豚肉片 😋😋😋 麵條煙靭彈牙~ 成個配合都好正式~食到咁上下加埋個沙甸魚醋，添酸提鮮更開胃~濃厚蟹蝦豚骨拉麵同樣出色~充滿蝦同蟹嘅鮮甜最加分係可以走荀改要蛋（或者改要叉燒同紫菜都得）🥰 啱曬我呢啲唔鍾意食荀嘅暴龍仔呢度麵嘅份量係比較大，食量細嘅朋友仔記得要揀返偏小~…查看更多

《台風。R》濃厚蟹🦀蝦🦐豚骨拉麵🍜📍灣仔駱克道389號地舖日式拉麵來講，香港有三間台風，《台風。R》，仲有《漁場台風》同《拉麵台風》，我就真係唔知個關係圖，不過之前有食過《漁場台風》，呢間《台風。R》就第一次食。香味 (3/5)湯嘅香味就一般般。原先我會期待佢個蟹味同蝦味會好出，不過又唔係喎。湯 (5/5)湯嘅味道我就比好高分，蟹🦀味，蝦🦐味，同豚骨味，非常之咁平衡，冇話邊個搶左邊個，當然海鮮味就點都比豚骨味係出少少。最值得一讚係鹹度，濃稠而唔過鹹，呢個係我個人口味來講認為最好嘅狀態。另外一讚係個熱度，由頭熱到尾，非常之好。麵條 (4.5/5)麵又係正。中細麵至中太麵之間，偏中太麵。煙韌，有咬口，掛得起湯，稍稍扣分位就係麥味未算太足。配料 (4.5/5)豬叉燒，又嫩，又甘香，仲有三塊，近乎係我印象中香港拉麵店中，最好食嘅。蔥，筍，加左紫菜碎增添風味，又係正。筍嘅量相對多，食得過癮。溏心蛋半隻，正常發揮啦。唯一少少扣分係，呢碗麵都唔平，而且叫得蟹🦀蝦🦐豚骨拉麵🍜，我會期待有d蟹肉碎或蝦肉食下，點知係冇。轉味分面，我分左三次去做。第一，將紫菜混入湯同麵去食，分別不大。第二，加蒜蓉，我刻意唔加太多，唔想變左打邊爐咁，結果分別都係不大。最後，加埋店家推薦，要叫先有嘅沙甸魚醋，個風味就真係轉左喇。沙甸魚香，同酸味，加埋以上嘅紫菜同蒜蓉，風味就明顯唔同晒，好香好食。完食冇難度。整體 - 值得推薦 👍👍👍👍…查看更多

太糟糕了，同一款沾麵，到底怎樣煮才可以每次味道差別都這麼大，光顧至少有5次，不管是剛剛開門時，晚市剛開始時，或者是晚上8點多的時候，沾汁的溫度大部分的時候都是不太夠熱，偶爾有1-2次才是真的熱，不知道是不是店家的特色，還是沒有用心去煮，每次來光顧都好像碰運氣的，能夠吃一碗好吃的沾麵有這麼難嗎？機會一直給，一直給，希望品質能夠穩定，但是，並沒有發生，雖然店家有熱石提供，可是，每次都要用這樣的方式才可以吃的到好吃的沾麵，會不會有點太麻煩了，可不可以在送餐之前把這些事情弄好，不然真的對不起價格…查看更多

拉麵係幾好食，我覺得有日本八成好味，純粹件肉有黑胡椒味，我就覺得唔係太夾。沾麵都好食嘅，略嫌個湯有少少稀，因為日本食過沾麵係個湯好濃。不過總結來說都值得食一次，麵底彈牙好咬。…查看更多

新年快樂，祝大家新一年繼續食極唔肥🧧🥳今次要講嘅係一間勁勤力嘅拉麵店，淨係年初一休息！新年得閑嘅話快啲去試！我細個食拉麵有100%會肚痾，所以有心理陰影🫠 但呢間拉麵店醫翻好我，令我鐘意咗食拉麵（佢呢間）同埋願意去試其他拉麵🧑🏻‍⚕️🍜 濃厚蟹蝦豚骨拉麵 ($93)湯底好濃郁，但佢唔味精，唔係死鹹個種重口味，啲湯飲落好舒服😌 火候適中，佢熱得嚟，又每一啖都啱啱好放得入口，唔會燙親條脷（某分店發生🙂‍↔️)老實說，為咗打呢篇嘢先有留意佢係慢煮叉燒，係我食過最鐘意嘅拉麵叉燒😭❤️ 啲叉燒雖然偏薄，但真係好滑👍🏻 佢比嘅份量好多，望落個樣好靚，仲可以將唔鍾意食嘅筍轉埋做叉燒/蛋🥚 （因為我唔鐘意食蛋黃，所以就唔評論蛋）要提醒嘅係呢間麵嘅份量係平時嘅1.5倍，係會勁飽🤰🏻細食人士可以嗌少麵🍜 墨汁黑松露拉麵 ($93)呢碗交比我男朋友🍄‍🟫嚟介紹，同上面大同小異嘅就唔打多次🤣 🍄‍🟫：濃厚嘅墨汁黑松露湯🖤 拉麵入口個下唔算話太濃，但係慢慢細味，會食到湯底層次既遞增🆙 麵條亦都相當之掛汁，彈牙有咬口。最重要喺香港地呢個是但一碗拉麵都可以賣百中嘅價錢，但佢呢個質素，竟然都係講緊$100有找，今次lunch仲要送嘢飲🥤而且佢嘅份量絕對對得住佢嘅價錢（出面既1.5倍）！但食個陣時要小心彈到周圍都係，同埋個嘴黑曬😜Dai C的話💭：我哋次次嚟食都係叫呢兩碗🤣 水準十年如一日，一樣咁好，好難得🫶🏻…查看更多

With this kind of weather, think I’m going on a noodles tour again🤪 isn’t it comforting to have a warm bowl of soup noodles during winter time and I happened to discover this place that do really good seafood pork bone broth ramen😋and the half cooked chashu is sooooooo good that I ended up adding 6 extra pieces☺️…查看更多

出到嚟附近行，又突然好想食拉麵，於是就搵到呢間入嚟試吓。整體嚟講係幾好，同埋都有特色。📌📌📌💥魚介豚骨拉麵 $78湯底唔錯夠濃郁，食到魚嘅鮮甜味，配搭粗麵條，另外配料有半熟蛋半隻、甘筍、紫菜、白葱絲同埋低溫慢煮叉燒💥墨汁黑松露拉麵 $93呢個配搭好新奇，湯底黑孖孖墨汁嘅鮮味同濃香黑松露味，食落去又覺得系夾的😃 啱晒鍾意食黑松露嘅人😄麵底係粗麵 半熟蛋半隻 有甘筍 同埋幾塊叉燒 吃完成個嘴黑晒😆🧮🧮🧮Total HK$171 (2人）…查看更多

2大1小，試左沾麵，湯拉麵同兒童餐。小朋友好開心，好似日本餐廳咁兒童餐可以自選小禮物。沾麵汁好鮮，加左辣椒醬後香辣提升鮮味，最後試下加檸檬汁又真係refresh 感覺。…查看更多

湯底好濃好食 拉麵真係超多 啲湯飲完都未食得曬拉麵 豚肉好軟好好食 糖心蛋正常水準 可惜紫菜份量較少 加埋我唔食個個唔知咩菜 以呢個價錢黎講配菜多啲會更加好 overall都唔錯嘅不過服務員服務真係好好 有耐性唔會趕落單又有圍裙提供 椅子下面有籃擺袋 服務好周到…查看更多

台風由佢開喺灣仔嘅時候每個星期我都會去食，因為好鍾意食佢個叉燒，同埋佢可以好人性化咁如果你唔食筍或者其他配料可以轉另一款餸去代替，儲夠單仲可以換溫泉蛋！非常Happy！😋近排佢嘅Menu多咗個係可以揀多一個餸或者飲品，價錢同以前都好似差唔多，性價比高，每次嚟親都係食魚湯拉麵，拉麵彈牙、湯底熱辣辣又濃郁、叉燒唔會好肥膩類似火腿好嫩滑，溫泉蛋就比較普通冇乜特別，整體都好好食。要讚一讚員工服務態度好好，入到門口會同你講歡迎光臨（日語），坐低嘅時候佢會遞上一杯清水，再耐心等候你會寫啲乜嘢食，走嘅時候佢會同你講下次再見（日語），然後再幫你閂門，就係呢啲細微動作就會令到一個客人留低咗一個好嘅印象（重點係佢哋冇收+1服務費都咁好服務🤩），所以我都每個星期都去食呢間keep住有水準嘅一間拉麵店！請要繼續加油，加油！😋😋…查看更多

去咗台風。R 。 試咗佢哋嘅海蝦味噌沾麵，真係好正！我揀咗冷嘅沾麵面底同熱辣辣嘅沾麵湯底。當個麵嚟到嘅時候，已經聞到滿滿嘅蝦湯味，仲有三塊慢煮叉燒同埋少少筍！慢煮叉燒食落好嫩同有啲黑椒味道，而面質就係爽彈，真係好好食！我將啲麵放落蝦湯入面，個麵質都幾掛湯。佢里個海蝦味噌沾麵係我最喜歡嘅沾麵之一！最重要係佢嘅價錢又唔貴，只係$88就可以食到咁好味嘅沾麵。如果你鍾意食沾麵同埋蝦湯嘅話，我就大力推薦你試下台風。R 絕對唔會令你失望！…查看更多

嚟左銅鑼灣突然口痕想食拉麵沾麵，之前係荃灣食過台風，係好食嘅！！見到銅鑼灣都有，於是就走過來食！！我叫左海蝦味噌沾麵，佢送一款小食/野飲，於是我簡左半隻溏心蛋（但原來佢咁身都有半隻）。蝦湯超濃，仲有勁多櫻花蝦，每到成個湯底勁濃蝦鮮味，反而味噌味就唔算非常突出。不過食完好似好易口乾，少少咸，食完要飲多啲水。叉燒份量都算多，粉粉嫩嫩，唔肥之餘又勁淋，非常好食。 麵食嘅份量都幾多，我叫左少麵但都算多，大食嘅人可以叫普通/加錢加底。…查看更多