台角

街坊朋友約食下午茶去到點野食叫咗個豬排飯， 都算幾大碟。飲品半價另加。 價位算中上，食品器皿用紙裝，感覺像外賣一樣， 無咩禮貌， 只是一般服務， 但豬排都算大塊， 味道可以。…Read More

你地既师傅請問自己有無試過D昆布冷麵同牛肉麵，昆布冷麵拎上黎好似湯麵咁，我倒哂D汁都一樣食唔落，麵又淋又冇味，我真係未食過咁難食既冷麵同牛肉面，牛肉麵既麵淋到食唔落，牛腩根本咬都咬唔到，D價錢都要跟得上食物la～…Read More

食物款色多，豆花和鹽酥雞都經常買，好好味！台式飲品選擇也很多，仲有4款下午茶餐，份量剛好。冷熱飲品基本上都可以走甜走冰，點食物和茶餐都可以半價加飲品超抵，粉嶺區小店推介！…Read More

台灣小店，價廉物美，每樣野食都大大份鍾意台灣野食既人絕對要去試，絕對會令你諗返起台灣當地既味道，飲品都相當足料，有唔同甜度可以簡，相當親民，小食好多選擇，有我最愛既花枝丸值得一試…Read More

今日去吃午餐，去到一間台湾茶餐廳，叫了一個加了柚子綠茶但味道普通，份量有點少，價錢有點貴，但冇乜人，好似包場咁，坐得就幾舒服但正常有選擇，就未必食A間總知就下次唔會食A間…Read More

哩間台式小店, 有好多款唔同食品🐔鹽酥雞塊炸得金黃色,而且好香口👍🏻👍🏻🧋小芋圓烏龍奶茶 茶味好香, 小芋圓煙韌好食 , 同埋勁大杯都只係24, 好抵!😍😍…Read More

今日就嚟夠晒直白，同大家一齊嚟轉轉呢間專賣台灣小食同飲品嘅地方，講吓我飲個椰汁紫米小芋圓鮮奶嘅心得。揼一揼眼，頭先叫嗰杯嚟到手，嗰份點綴住珍珠嘅色彩真係搶鏡到不得了👀！飲一啖，那個濃濃嘅奶香啊，撲鼻而來，簡直係香得嚟犯規。紫米啲口感QQ，一啖紫米一啖芋圓，香滑得嚟又有啖啖飽肚嘅感覺，真係飲一杯已經滿足到唔洗食晚飯！轉頭再嚟個台式小食，唔使講多，香酥魷魚鬚直頭係脆到出聲，入口即溶，鮮嘅唔得了👌。跟住同撈埋嗰酥炸杏鮑菇，外皮脆得嚟品咬落去有勁，同酥脆鮮美味道，真係完美匹配。食嘅時候，你完全唔會掛住其他嘢，成個世界就只得你同埋面前嘅美食。呢度嘅食物真係做得好夠水準，好正喎！嚟到呢度，簡直就係一場味蕾嘅party，每一款食物都盡顯精湛工藝同鮮明特色，絕對值得推介嚟個台灣味道嘅旅行！🥂🥢🍜…Read More

夜晚晚咁岩經過花都，又想食台灣菜就去左哩間食！今次就叫咗3樣嘢，分別係台式熱滷物套餐（$58）、酥炸杏鮑菇（$18）同台角蔥仔餅（$20）首先係台式熱滷物套餐（$58）以$58嚟講佢都算大兜，睇返餐牌，佢可以係A、B、C、D、E各選一樣，咁今次A我就揀雞腎，覺得太淋冇乜咬口，B：三星蔥貢丸粒貢丸一咬就爆晒啲汁出嚟，入面仲要有餡，蔥味好濃，超好食！ 之後C我就要左蘿白，有成4大舊，本身已經煲左好耐好淋，吸晒啲高湯好juice，再加上拎返屋企個陣吸左啲滷汁，好甜好好食，但係有啲偏咸。D我就要左滷蛋，滷蛋又係滷咗好耐最後E我就要左冬粉，啫係香港我地叫嘅粉絲，好普通嘅粉絲，下次想叫烏龍麵試下！哩兜真係超大兜，自己另外淥左啲菜配合住嚟食，哩到夠我分3餐食另外仲叫左啲小食返去同屋企人食哩粒係酥炸杏鮑菇（$18），第一次食炸菇，原來係可以咁好食！本身以為炸菇會好脆，但係一咬落唔脆，反而係啲汁爆晒出嚟，完全唔覺得係炸過，$18份量都ok，大推！仲有哩個台角蔥仔餅（$20）$20有4粒 約4cm直徑嘅炸圓餅仔，入面包左好多蔥，蔥控應該會好鍾意！但係$20就有啲唔抵啦今次哩到買左$97，食物質素ok同埋已經夠我食幾餐，覺得性價比幾高，下次會再買其他嘢試…Read More

夜晚食完飯，想食下甜品，去左台角買左一兜台式豆花試下。以香港食到嘅豆花嚟講，配料口味算係好貼緊台灣風味、有柴米、經豆、芋圓、薏米、仙草、芋頭。大大兜都係三、四十蚊，份量夠兩個人食，性價比極高。…Read More

今日喺度買左有幾樣嘢 其中一杯打飲就飲到尾既時候 連埋啲芋圓吸咗出嚟 以為係啲乜嘢仔細啲睇吓原來係洗碗嘅鋼絲 痴線㗎 ！都唔係第一次食食過幾次覺得幾好估唔到今次整獲金嘅俾我 如果我冇睇清楚又或者就咁食左落去嘅話 風諗要洗胃？月…Read More

外賣台角都有2-3次，都有叫過豆腐花，但每次啲豆腐花都好碎，我預計唔會係車手送黎既過程搞到碎到呢個程度如果唔揀走糖的話，落咗蔗糖/黑糖都太太太甜芋圓、仙草既份量唔多，整體賣相同份量都有待改善另外叫咗川味鹽酥排骨有點太油，一咬落去啲油會流出嚟咁…Read More

今日行過呢度唔想入餐廳慢慢食，所以揀咗一間外賣店嚟食，就睇到呢一間餐廳，佢係一間專門做台式小食嘅店嚟嘅，但係佢規模好大，分咗好多唔同嘅部門，有小食，有飯亦都有嘢飲。所以其實呢度想食啲乜嘢都應該會搵得到Menu上嘅選擇都幾多，而且以台灣小食來講唔差，小食選擇多元化，又有小食嘅拼盤至愛亦都有飯有面，又有其他唔同嘅嘢食。本人因為非常之鍾意食肉燥飯，所以其實行到過去都唔係諗咗好耐，就揀咗呢一個肉燥飯。鹽酥排骨肉燥飯$48首先以飯嘅份量來講都幾多，呢個價錢非常之抵食，而且大家都見到呢個排骨其實都幾大塊，所以其實啖啖肉好正，加上佢有肉操喺度，所以肉操都係非常之好食如果加埋肉燥加埋排骨一啖食落去加一口飯，感覺會好爽。總括來講呢次係一個非常之滿意嘅體驗，我自己都好鍾意食，所以下次如果肚餓我都會過嚟呢度食，唔使下下都一定要去餐廳坐低慢慢食。…Read More

疫情期間冇得飛，最掛住嘅肯定就係台灣，同埋台灣嘅嘢食啦。今日就黎到粉嶺呢度搵食，見到有一間台式嘅食品，唔知點解咁多人排隊，咁我當然唔輸蝕啦🤣🤣🤣呢度嘅環境都非常之大，而且全部都係開放式嘅廚房，所以你係可以望到室入邊煮嘢食嘅環境，同埋員工嘅配合，所以食落去嘅時候比較會放心，因為知道自己嘅嘢食係點樣整出嚟嘅。望咗一望就去排隊，排咗一陣好快就到我，可能因為佢哋員工夠所以處理嘢嘅時候都好快。👍👍到我自己就叫咗台式滷物肉操飯$52呢個價錢其實都唔貴出邊食餐廳一個肉操飯基本上都差唔多60幾蚊，所以我自己覺得都幾抵食嘅，而且我見佢圖片上邊都幾多嘢食。送到過嚟打開嘅時候見到入邊都真係好多嘢食，而且鹽酥排骨揸得非常之香，皮脆內院，查粉適中，唔會好kick喉嚨，夠晒鬆軟，好好食。肉操飯嘅口味亦都係適中唔會太鹹亦都唔會太淡，感覺係一種香味，所以送飯係非常之一流。…Read More

好耐都冇去台灣啦，自從封關之後就冇再去過台灣，喺未封關之前，正常來講我自己有一個小假期我自己都會飛過去台灣，一個人都會飛過去，因為自己一個過去旅行一年平移你就嗰度啲嘢食又好好食，所以改去享受一下比自己寧靜一刻都係一件好事。但係封關之後真係冇辦法再過去台灣搵嘢食，所以其實真係非常之掛住，香港我自己都成日會去唔同嘅餐廳搵台灣嘅嘢食，但係始終都係爭少少。今日嚟到呢間就覺得有少少回味到台灣嘅嘢食啦。✌️首先呢間餐廳應該係開咗冇耐，我見全部嘢都好乾淨，好光猛。鹽酥排骨肉燥飯$48呢個查出嚟真係非常之新鮮好熱，而且入邊仲係皮脆內軟嘅，排骨嘅肉都好多，所以好夠食。草嘅份量都幾多，夠晒送返啲個飯。炸地瓜球呢個好特別，因為佢係真係好圓嘅，同埋咬落去嘅時候真係好香地瓜嘅味道，所以好好食，渣出嚟嘅嘢因為夠新鮮，所以都係好好食。鴨血講到台灣小食一定唔少得鴨血，鴉片而家都非常之清晒香港，所以我都叫咗個iPad嚟食嗰啲鴨血整出嚟都係感覺好好食，唔會好有化學嘅感覺，同埋分量我自己覺得都幾多。…Read More

收工喺附近一帶覓食，經過左呢一間台角勾起我對台灣嘅思念，於是就入嚟回味一下台式風味先啦，因為本人真係非常之鍾意台灣嘅嘢食，之前成日都會飛過去睇吓有啲乜嘢食，所以都好鍾意行當地嘅夜市，可以詩歌過去五日旅行全部食嘅嘢都係夜市度。🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣等我來講係呢個有台灣風味嘅台灣小食店啦。胚芽鮮奶鮮奶嘅味道非常之重，浸落去好舒服嗰種感覺，唔會有好重嘅奶蘇味但係又有奶嘅味道，加埋凍飲嗰種爽，所以飲落去喺呢個夏天入邊飲落去真係非常之舒服。至於環境方面，我自己都好鍾意，佢係一間特別過晚嘅餐廳，所以好顯眼，而且員工嘅服務都好好，你都好快好有禮貌。我見多數請嘅都係後生仔女多啲，所以其實呢度都幾啱後生仔女過嚟試吓。…Read More