台蔡滷肉飯

難得有風假，落波後就去荷里活廣場行下，順便一試好多人都讚好，入選咗《2024 2025米芝蓮指南》嘅《台蔡滷肉飯》。佢嘅菜式唔算話好多，我聽過最多人讚嘅係「花雕麻油雞湯套餐」所以我哋點咗呢一個餐，再加兩款小食。套餐包括「花雕麻油雞湯」同「小碗滷肉飯」，飲品另外收費。「花雕麻油雞湯」嘅味道都有帶少少藥膳嘅味道，同時帶有花雕酒同麻油嘅香味，湯味非常濃郁，完全係台北嘅風味。另外套餐嘅「小碗滷肉飯」，豬腩肉肥瘦均勻，而且切得大小均一，肉醃得非常入味，好香好Juicy，米飯亦有咬口，撈埋個滷肉一齊就啱啱好。原本諗住係點兩個餐，但我哋又唔想一人一個滷肉飯，所以另外叫兩個小食好似仲化算。我地點咗店家表示香港第一嘅「九層塔鹽酥雞」，外皮鬆脆，雞肉十分鮮嫩，而且好Juicy唔乾，鹹香味濃郁，就好似去咗台北嘅夜市啲鹽酥雞嘅味道，我諗佢係我暫時食過唯一一間完全係台灣味道嘅炸雞，唔怪得佢咁有自信話自己係香港第一👍🏼。另一個小食係「肉鬆起司蛋餅」，响香港就冇食過，我去台灣時就不時都會食。佢個蛋餅好出色，蛋味濃郁，配合芝士同肉鬆，再加上面層嘅醬油，真係好邪惡，而且份量都唔少，只係$40蚊非常抵食。餐飲我點咗「柳橙茉莉綠茶」，加多15蚊，好過有嘢飲。店內有提供熱水，係自助式自己出去斟水。《台蔡滷肉飯》都幾另外大開眼界嘅一間台式餐廳，佢完全將台灣嘅味道帶到香港，特別係佢個「花雕麻油雞湯」，我曾經响台北一個夜巿食過係麻麻地，呢個湯係我想要嘅味道，我諗佢個「藥膳排骨湯」會更加不得了。佢最正嘅係冇加一服務費，响香港嘅餐廳係比較少有。…查看更多

台蔡滷肉飯每次光顧都人龍很長，這次大概等了十分鐘，算是可以接受，因為畢竟是中午時段，其實不太明白為什麼這間店那麼受歡迎，最欣賞是用是沒有加一收費。這次試了新口味，點了麻辣滷肉飯，跟上次肉鬆滷肉飯相比，餸的份量明顯少了，其實味道頗辣，建議不能吃辣的注明小辣。另外點了一個小吃，大腸包小腸，味道不錯，很惹味又不會過鹹，糯米亦不會煮得過軟，但份量偏少。感激店員沒有因為我們消費未滿100元而額外收費，果然充滿人情味和同理心，完全明白為何這店那麼受歡迎。見到有新產品，芋泥豬軟骨，但可惜不能單點，炸豬扒亦然，如果能夠單點就更好了。…查看更多

📍 台蔡滷肉飯（鑽石山荷里活廣場）滷肉飯好香，肥瘦啱啱好，唔會太油。好多好多蔥! 醬汁夠濃，飯粒吸晒汁但唔會濕𣲷𣲷。加埋溏心蛋一齊食，蛋黃流心，超夾！份量唔算多，但味道夠晒台灣feel。鹽酥雞都好正，炸得香脆，九層塔味好突出。嘢飲有一般餐飲 / 台式飲品。裝修好光猛。最好等齊人先入去。…查看更多

台蔡滷肉飯最好味又抵抗食既唔係滷肉飯！！係鹽酥雞同埋蛋餅呀🌮🍗！芝士蛋餅都係38蚊就買到，而且好好味！入面cheese好似同出面台灣餐廳隻味唔係好一樣，好香！依家物價38蚊都未必買都杯latte，但蛋餅就夠飽肚可以當一餐飯食。雖然係食客，但覺得呢個價錢太良心，就算貴返少少都可以接受！我覺得台蔡最識食就係order鹽酥雞+蛋餅+珍奶🍗🌮🧋，100蚊都唔洗就可以滿足食慾。呢個combination我以為好食人知，點知見到同場有客人自己一個人都係咁樣order滷肉飯係好食既，但2選一都係會選擇蛋餅‼️‼️呢兩樣野，唔敢講話成個台灣，我去過幾次台北，都覺得台蔡好食啲！所以住大圍都會專登出鑽石山食～台蔡係我唯一出荷里活廣場既動力🤪🤣希望有日可以開大圍please🙏🏻😽…查看更多

位於鑽石山廣場，屬於有質素嘅餐廳之一；而晚餐價格可在100元以下，當然唔少人排隊光顧。環境算乾淨衞生，上餐超快，效率極高。人客雖多，但流量亦快，所以人客唔需等太耐。食物方面，鹽酥雞即叫即炸，調味調得很好，外皮香脆，粉漿唔太厚，內裡嘅雞肉鮮嫩多汁，亦很入味。比唔少台灣食店賣的又硬又乾的鹽酥雞，真係好食好多。魯肉飯的肉肥瘦均勻，味道唔差。藥膳湯的藥草味唔夠濃烈，但可以入口。最差莫過於台式奶茶，冇奶茶嘅香味，亦偏淡，有待改善。咁嘅價錢，食到咁高嘅質素，絕對超值。推介：鹽酥雞…查看更多

作為滷肉飯控，試過唔少台式餐廳，但呢間小店嘅滷肉飯真係一試難忘！唔係誇張，食第一啖已經有種「終於搵到」嘅感動。佢哋嘅係手工切嘅，唔係機攪肉碎，每粒都保持到微微咬口。肥瘦比例啱啱好，肥膏位入口即化，瘦肉唔會柴皮，燉到淋哂但又唔會散開。個真係精髓——深色得嚟唔會死鹹，帶啲微微甜味，仲有香菇同紅蔥頭嘅香氣，掛喺每粒飯上面真係無得頂！都唔馬虎，用咗台灣米，煮得粒粒分明又帶啲黏性，完美索晒啲滷汁。最正係佢哋嘅，滷到連蛋黃都變成深啡色，入味到呢⋯⋯仲要係流心嘅！一啖飯、一舊滷肉、少少滷蛋，個味道層次豐富到呢～嘅醃蘿蔔都好加分，酸酸甜甜好清爽，可以平衡返滷肉嘅濃味。雖然鋪頭細細，但老闆好用心，堅持每日新鮮煲滷汁。$80幾蚊碗，但質素拍得住台灣當地嘅名店。如果你同我一樣係滷肉飯fans，呢間絕對值得專登去試！我已經諗緊幾時再去encore了～…查看更多

睇完OpenRice大部份人推薦麻油雞湯，今日午餐是佢嘅麻油雞湯配滷肉飯 ard $80。麻油藥膳味不突出，雞肉質地鬆散，毫無雞味，必定係雪藏雞，但香港餐廳用雪藏雞其實都好普遍，但佢呢個質地鬆散得過分，點解啲人話好食㗎 滷肉飯的飯煲到太粘連，又唔係軟糯，成個餐都要用難食應用 另外再加錢要咗一杯茉香珍珠奶茶，味淡，食完呢個不平凡地難食嘅午餐，再望一望更多個笑哈哈食評，大家對台灣食物嘅要求咁低嘅⋯胖子台灣料理嘅滷肉飯好味過呢間好多…查看更多

花雕麻油雞湯麵就唔多見，整得好食更加少有。今日好想食麵就order左花雕麻油雞湯麵，入口係舒服既中藥材味，見到枸杞浮喺面，花雕酒味唔係太出，但麻油味、姜味又幾出幾香。我第一次試呢種麵既材質，店家話係台灣關廟麵，都幾索到湯既。Overall唔係話驚為天人咁好食，但食落肚都舒服既，都有4-5件既跟個麵夠飽朋友就order左涼拌蒜泥豬頸肉，麻油涼拌豬頸肉，個辣醬好味，朋友話滷肉飯都OK好食，不過我個人就麻麻地食飯，所以下次黎再試下個藥膳排骨湯麵，好似都幾溫補，見隔離檯有order過繁忙時間用餐時間只有60分鐘，但上菜速度都快，所以都夠時間食，有自助水吧唔收加一，價錢合理。店家都算有heart我見有QR code收集客人意見。環境舒服，音樂好聽，店員算幾nice。〰️地址：鑽石山荷里活廣場235-236號舖（以前越棧個位）〰️營業時間去到20:45 不過荷里活餐廳幾乎都收得早 平日黎2樓零售都靜…查看更多

想俾個仔安安靜靜食完餐飯都唔容易，但我發現台蔡碗大碗肉鬆滷肉飯個仔有可以乖乖食左3/4🤣🤣可能因為肉鬆係小朋友至愛，甜甜地好味。怕麻煩我都會喺下晝17:00帶佢黎，可以避開排隊人流，快速食碗飯真係唔洗咁勞氣🤭個最低消費係大人50蚊，小朋友30蚊，所以我通常會叫被野飲加多個蛋餅，食埋阿仔剩啲既都夠飽。咁樣輕輕鬆鬆夜晚可以搞少啲嘢😮‍💨但大家記得碗滷肉飯上面啲酸菜係辣既🥵有啲辣親小朋友先知，所以家長要夾走酸菜先晚餐埋單差唔多百零蚊搞掂一餐，偶爾食下，但如果過左18:00我就唔會選擇因為好多人排隊。搵樓下間Antoshimo烏冬頂住檔先…查看更多

嚟到呢間超人氣米芝蓮 主打滷肉飯嘅餐廳夜晚6:00開始就已經要排隊 人龍冇停過！▫️芋泥燒豬軟骨+小碗滷肉飯 豬軟骨份量超足 好入味好腍芋泥整得好綿密 配搭得好好 甜咸甜咸 滷肉肥瘦均勻 味道濃郁 加埋酸菜更加開胃▫️花雕麻油雞湯+小碗滷肉飯上菜即刻聞到花雕味同少少藥膳味湯底好飲 唔會膩 麻油味都好足雞肉好嫩滑 煮得啱啱好▫️肉鬆起司蛋餅 即叫即整🩷每一啖都食到肉鬆餅皮做得好脆好香 面層加左醬油芝士仲有少少拉絲！好味！價錢好合理 食物質素唔錯 仲要唔收加一🥹🤍📍台蔡滷肉飯 (鑽石山)鑽石山龍蟠街3號荷里活廣場2樓235-236號舖…查看更多

講真鑽石山荷里活除左開左10+年既Antoshimo同夏麵館比較啱我口味，就真係得台蔡台灣野食係我comfort food..新蒲崗都有幾間茶記唔錯，但夏天行過去真係熱死人🥵🥵食左台蔡4-5次，都係食鹽酥雞滷肉飯，鹽酥雞係招牌唔會中伏，呢間真係我喺香港食過最好味既鹽酥雞，滷肉飯都比好多台灣餐廳好味，算係over average服務就不過不失，香港地商場食個飯70蚊唔收加一都唔敢要求太多，平時諗唔到食乜就會食台蔡可以話係一種習慣之前問過店員話會出下午茶，但過左半年都仲未有，希望喺度期待下有用啦😂🙏🏻…查看更多

新浦崗雖然有唔少小店、美食，但好味既台灣餐廳幾乎搵唔到。行10分鐘過鑽石山荷里活廣場有一間驚喜嘅台灣餐廳-台蔡滷肉飯，之前有聽聞過間野，但荃灣太遠一直未試，YouTube介紹洗由台灣先生同香港太太一齊經營，所以lunch同同事過黎試下。我order招牌鹽酥雞滷肉飯配珍珠奶茶，滷肉肥瘦分明，肉汁都多，食到底都仲有汁，上面嗰啲酸菜超有台灣味，微酸帶甜幾開胃。鹽酥雞炸得脆口又唔會太油，雞肉入味似係有醃過同事order左花雕麻油雞湯，因為一行入間舖就聞到陣麻油同薑味忍唔住試下。花雕酒味唔會苦容易入口，同事話好味，等我下次試下。講真，喺鑽石山美食沙漠想搵間有誠意又唔貴嘅餐廳唔容易，台蔡滷肉飯真係少數可以再試下🥹無加一、價錢親民，新蒲崗行過嚟都值既👍🏽👍🏽👍🏽…查看更多

之前打過電話同經理、老闆投訴入座安排不當，又想有渠道反映意見，今日黎食見到店鋪檯面已經有QR code可以比人填問卷反映意見。我同老闆娘講張收據要有舖頭電話，萬一有問題都可以打電話黎反映，今次見收據都加埋電話。我見老闆都有心做，肯聽人講所以繼續支持💛呢間食物係唔錯架，個menu我同朋友都食過曬，食物質素就穩定好味。反而今次到訪都見到樓面有新面孔，相信態度唔好既店員已經被替換。希望服務可以更上一層樓，有返台灣人情味，咁先能夠長做長有呢間餐廳暫時未有外賣平台，希望可以開返外賣平台咁就唔洗次次都要親自等買外賣，因為晚市堂食有太多人，輪候時間太長～建議之後可以提供返BB凳，繼續加油💪🏻…查看更多

鑽石山荷李活廣場返工，呢度最出名就係美食沙漠🤣🤣半年前開左間台灣菜，令到成個場有返少少人氣。。。Lunch想食好啲又唔洗擔心荷包出血，我覺得台蔡大碗滷肉飯就夠抵食，埋單50零蚊唔收加一又食得飽。台味滷肉飯仲有1粒糖心蛋，個滷肉飯唔係話驚為天人咁好味，但有住家飯感覺。個酸菜好解膩，之前問過店員可唔可以另外order多碟，可惜唔得個黑色衫經理服務態度好好，加上播住以前台灣偶像劇啲歌都幾好feel，商場50蚊可以食得飽都算咁上下。感覺到台蔡算有心做，希望keep到，加油❤️❤️我經常13:30到，通常有10個人排隊，但座位多入得算快，等大概10分鐘，上菜速度都快所以都夠時間，夜晚太多人排我就未必會黎…查看更多

人氣台式餐廳「台蔡滷肉飯」喺荷里活廣場開分店啦🥳🥳餐廳主打地道台灣菜，包括台式滷肉飯、九層塔鹽酥雞、藥膳排骨湯、蛋餅等！一開業已大受歡迎，鍾意食台灣菜的朋友咪錯過啦❤️❤️ 🍱九層塔鹽酥雞加小碗滷肉飯✨鹽酥雞炸得外酥內嫩、啖啖肉，九層塔的香氣為雞肉增添了獨特的風味🤤🤤滷肉飯份量啱啱好，滷肉肥瘦適中，味道濃郁惹味～撈飯食一流！！🍳肉鬆起司蛋餅✨餅皮酥脆可口，內餡包住滿滿的鹹香肉鬆同拉絲芝士🧀，口感層次好豐富～～飲品方面，我地揀咗「大紅袍珍珠奶茶」同「白桃烏龍茶」～兩杯味道都唔錯，同台灣飲到的差唔多！好抵飲👍🏻👍🏻…查看更多