台灣麵 (已結業)

台灣風味😋😋😋 香酥雞扒新竹米粉 拼 椒鹽排骨肉燥飯（$65)平時去燒味店有得食雙拼飯，呢間台灣麵都有得叫雙拼，仲要可以飯拼麵。比一個價錢就可以食兩款主色，啱哂我地呢啲乜都想試下既人。今次就叫左雞扒新竹米粉拼椒鹽排骨肉燥飯。雞扒炸得酥脆。新竹米粉既口感係米粉中我自己最鍾意既，口感乾爽。椒鹽排骨夠惹味，豬扒炸得啱啱好唔會乾，原本係配米線，不過其實可以自己揀主食，所以我就轉左肉燥飯，排骨加埋肉燥飯食勁正。而且，我覺得肉燥飯係食台灣菜一定要食架！萬巒豬腳粗麵（$61)萬巒豬腳係台灣屏東最出名既小食之一。豬腳係用左紅燒滷既方法去煮，味道濃郁，鹹香入味。豬腳外表啡紅色，皮下脂肪厚度十足、豬皮有嚼勁，食落唔會好油膩，邪惡得黎好出色。荔枝乳酸三色Q果（+$4)紅柚話梅凍頂烏龍茶（+$8) 話說最抵既餐廳全日不設加一，喺商場仲要有服務都無加一，好少有👍🏻👍🏻

今晚本來book左位係太子食飯，點知去到無開門，搞到大家咩心情都冇晒唯有周圍揾下有冇其他野食。行到始創，見到呢間台灣麵，見到入面d座位都幾闊落，同埋時間都吾早了，就決定呢間啦可能天氣比較熱，加上咁夜又吾想食太多，於是冇叫到台式野食，我叫左一碗比較清淡的韮菜肉雲吞面，仲有雞絲粉皮雞絲粉皮不過不失，雞絲有少少硬，粉皮還可以，麻醬份量都足夠呢碗面份量都多，面質彈牙，仲有少少肉燥撈埋一齊食。餐飲我點左紅豆奶茶，驚喜既係紅豆好軟綿綿。總括黎講，餐廳食物質素還可以，d座位就真係幾好坐，夠闊落

今日嚟太子見到原來有台灣麵，對上一次幫襯應該都有10年前，發現款式比以前更多款，同埋食物質數都提升咗好多👍🏻下午茶餐超抵食，叫咗蒜香雞翼沙律，+$7就可以食埋酸辣湯麵，+$4仲可以轉珍珠奶茶，超值。好鍾意酸辣湯麵，除咗湯底好夠味之外，麵質超有口感，唔會煮到淋哂。食台灣野當然要叫卥水鴨舌啦，好入味，幾乎想連骨都食埋😆鳳爪配海哲，份量都好多，兩樣都好喜歡，可以一次過滿足哂，酸酸地好開胃👍🏻餐廳坐位好寬敞，下次一定再Encore

台灣食物百吃不厭， 今次 去了位於 太子始創中心 的 台灣 麵， 餐廳地方頗大， 喺日情之下更見坐得寬敞 ，以淺啡色為主調， 食都食得舒服啲 。 餐牌上有全日套餐， 有台紅燒牛肉、鹽酥雞扒亦都有 蕃茄系列 ， 全部都配餐飲， 五十幾蚊起就有交易都算抵食。 而且仲有其他角色台灣小吃例如香腸花枝丸同埋燙青菜等等， 款式選擇多梗有一款啱食。紅燒牛筋牛肉麵61 先直接喝一口嚐牛肉湯的原味，牛肉湯湯頭呈棕色， 湯稠身帶辣，惹味非常，麵條質地煙韌， 好食。而呢度嘅牛肉係選用牛柳 ，牛筋肉味濃， 有嚼勁 ，鹵得軟硬適中。 椒鹽排骨肉燥飯58 完全是古早味的 椒鹽排骨， 入口甘甜鹹香兼備 。 而且份量也很多， 有兩大塊 排骨 ， 女孩子肯定食唔曬。 而且配上香噴噴的肉燥飯，油亮誘人，鹹香夠味，入口即溶。 酥炸花枝丸33 花枝丸粒粒炸得金黃，咬下去彈牙又嚼勁十足。 食台灣嘢當然要叫 叫了兩杯台式飲品作結， 熱珍珠奶茶 奶味香濃，珍珠Q彈，喝起來很順口。芒果熱情果蘆薈 芒果甜蜜， 熱情果酸甜，生津解渴。

今日係始創見到有呢間食台灣嘢嘅店舖 地方都幾大 又幾抵食 所以就決定入去試吓🥳佢哋食物選擇好多 最特別嘅係有得揀雙排雙格餐 即係一個價錢試到兩份主食 我哋就揀咗香酥雞腿乾拌麵同台式酸辣湯麵 一次過滿足晒兩個願望🥳 乾拌麵上有原隻大大隻雞腿 香脆入味 拌麵醬汁足夠唔會好乾👍🏻 台式酸辣湯麵麵條彈牙 湯底夠晒酸酸辣辣好惹味👅另外 我哋仲試咗椒鹽排骨配肉燥飯同紅油抄手😋 椒鹽排骨份量十足有好多件 好入味唔會好鞋 紅油抄手都有6粒 果然抵食😆 雙排雙格餐加$4就可以配台式飲品 我地飲左百香果乳酸3色q果 唔會好甜 好岩食完炸野🌟

今日同同事食晏，去左始創食台灣野，同事點左牛肉麵，我就點左蝦仁炒蛋，台灣野平日食多，試下點下蝦仁炒蛋黎試下，做得過得去，個蛋唔老，餐廳個裝修麵有少少心思，牆有成幅九份既景，野食算係不過不失，地方整潔

行山之前想搵啲嘢食，經過始創中心，諗住入去搵啲嘢食，原來地庫有間台灣野，仲有午市套餐添<涼拌雞絲粉皮$33>天氣開始熱啦想叫返一個冷盤降下溫，雞絲粉皮最適合粉皮彈牙配芝麻醬好解暑<清湯牛筋牛肉粗麵$61>Fatbrown 最愛牛肉麵，食親台灣野都離唔叫碗靚靚牛肉麵牛筋牛肉份量極多，牛筋煮得好夠淋，唔會咬唔開牛肉厚切，食完唔會唔夠喉，台灣麵夠粗身，配紅燒湯底一流<甘香奶茶+$4>平時食台灣野加杯奶茶成廿幾蚊，但係台灣麵午市包嘢飲，轉台式飲品都係加四蚊咋，超抵飲

正宗豆腐滷蛋肉燥飯豆腐整得唔錯皮薄得黎又脆卜卜肉燥半肥半瘦唔太膩又有咬口自家製豆漿偏甜 不過天時暑熱飲一杯係幾解渴涼拌雞絲粉皮比出面既雞絲明顯較粗大似雞肉粉皮多過雞絲粉皮涼皮有啲似河粉話就話係小食 但成件事好飽肚酥炸花枝丸熱辣辣炸起 好彈牙啊紅燒牛肉麵牛肉炆得好冧 夠惹味紅燒牛肉係個膽店舖叫得做台灣麵又真係乜麵都有得你揀有粗麵、拉麵、米線、關廟麵、新竹米粉、乾伴麵仲可以揀配飯或者肉燥飯 任君選擇我揀左乾伴麵 都ok喎

《豬頸肉滷肉飯》上碟個陣有驚喜，估吾到會有咁多豬頸肉足足一碟，好足料！🤩豬頸肉咬落好冧，肉質幾嫩，伴碟仲有炒菜，夠晒健康至於滷肉飯d 滷肉偏瘦，如果多番小小脂肪會更香口！😛個汁亦調得吾算太甜，吾錯！跟餐仲送凍豆漿，入口幾滑 .《紅燒牛肉麵》今次試咗關廟麵，原本以為係粗身嗰款，點知佢個外貌比較似米線！湯底濃郁，但完全唔鹹，忍唔住飲咗好多啖！😝牛肉份量一樣足料!牛肉仲黐住少許筋腩位，食落更有口感！😉

這陣子外出用膳的人都比較少，大多都外賣回家/公司；中午用膳時間來到餐廳，人流不算多，侍應都挺友善招待客人。一至五設有午餐餐牌—有湯麵飯及小炒客飯套餐，配飲品，價錢較划算。主餐牌則有台式小食、涼拌/滷水等菜式提供。最後點了柯仔煎及紅油抄手各一份，再另外點了一杯黑魔飲品。柯仔煎小小的一碟，給的柯仔份量也不少，醬汁調得不錯，酸酸甜甜的；紅油抄手一碟有6/7粒，醬汁也調得剛好，甜中帶辣，挺惹味的。最後的飲品—黑魔，其實是黑糖珍珠牛乳配奶蓋。這杯飲品很帶驚喜，黑糖珍珠夠煙韌，奶味香濃，奶蓋厚厚的一層，所有配搭喝進口裡亦不會過甜，很不錯！飲品類做得挺好的。下次要試試很多人點的牛肉麵～

朋友遠赴土耳其的手信是當地製造的口罩，感激流涕，一行三人相約於大家就腳的太子。女友的紅燒牛肉麵無械可擊，牛腩入口即溶牛味濃。湯底入口不口渴，麵亦有彈性。白菜雲吞肉燥新竹米粉很爽口，加上肉燥後更惹味，雲吞不算大隻但都算皮薄飽滿。L 選這個台灣排骨肉燥飯都算抵食，大概有兩塊厚切豬排。雖則名為排骨但實則啖啖肉，骨的比例很小。炸粉不厚但很鬆脆每個午餐都會包括這碟豆根絲作前菜，加上火腿有點像炒麵三文治包。L 選一杯不算太甜但很香的香芋奶茶，女友則選潤喉消炎的咸柑桔話梅蜜。柳丁柚子茶有橙香亦有果肉吃，很健康。

晏晝又忍唔住去左台灣麵度食野喇🥳🥳好在餐廳既地方夠哂大，唔需要等位就入得喇🤩今次我嗌咗台灣三寶麵♥️包括左牛筋，牛肚同牛腩，我首先就試左個湯先，好濃牛味，而且麵夠哂彈牙唔會無口感😊而主食既三寶唔會好老，或者太韌，牛味好濃，牛筋亦唔會好似香口膠咁，好味呀😍❤️台灣醉雞客飯，先嚐佢既中式湯，唔係味精湯黎，感覺真材實料，而醉雞唔會因為凍食就變得肉質太硬，酒味都夠入味，但係唔會太重味，唔鍾意酒既朋友都值得一試蒜蓉菜心夠新鮮，連埋客飯一齊食就感覺有菜有肉平衡返哂😍飲品方面有香芋奶茶同即磨咖啡😘😘香芋奶茶味道唔會太甜，芋香味都好濃郁。而咖啡唔會酸，係我鍾意既口味，正呀💓💓

太子彌敦道一帶 閒日嘅午飯時間 係黃金時段 等位食飯 係指定動作 一位難求朋友帶我去始創中心地庫 食#台灣麵 麵館地方大座位多 好快就有位🤩 慳咗唔少時間-#塔香三杯雞飯/麵套餐 ($68)隨餐附上 例湯一碗🥣 正氣又滋補 切合台灣人 固本培原嘅養生態度 九層塔🌿 香氣撲鼻 三杯雞切成大件 咬落啖啖肉 米酒香 🍶 麻油香 兩者兼備 係餸飯🍚 餸麵🍜嘅最佳配搭-#芋香奶茶 (單點$28 跟餐加$4)#薑母奶茶 (單點$28 跟餐加$4)台式特飲買一送一 如果你係台飲嘅粉絲 建議跟餐叫 只需加$4 冷熱同價 化算得多 💰平時多數飲港式奶茶☕ 呢個芋香奶茶 算係新嘗試 茶味淡 取而代之 係𤂑濃嘅芋頭味 加上奶香 幾得意朋友話薑母奶茶 薑味同茶葉味 誰也搶不了誰嘅位置-#麻油雞紅麵線 ($62)我勁鍾意麻油 芳香馥郁 提升主角食材嘅味道紅麵線比較少見 食落嘅口感其實同白麵線無異-#玫瑰丸子芋圓糖不甩 ($30)個名非常吸引 點可以唔食 主角玫瑰丸子變成小丸子混雜三色芋圓當中 round one 由味淡嘅芝麻芋圓開始 跟住食幾粒玫瑰小丸子 玫瑰味出晒嚟 非常討好round 2 芋圓同玫瑰丸子 點

今次嚟到旺角始創中心地庫間台灣麵，聽到個名都知道係食台式食品，好啱香港人嘅口味。好少何台式食品嘅鋪頭，會有蚵仔麵線食，整一碗好食嘅蚵仔麵線都唔簡單，要調味、麵質、蚵仔配合先可以整到出色嘅蚵仔麵線！而呢度嘅調味都還可以，如果麵質再幼身啲就更好食！另外仲揀咗墨魚汁花枝香腸，去食咁多間台式食品，墨魚汁花枝香腸都係第一次試，果然冇令我失望，煎得好香脆，又食得出有墨魚汁嘅味，份量唔少添！好抵食！最後梗係要試埋台式嘅飲品啦！今次揀咗水果茶！味道都OK，唔算有太大驚喜，穩穩陣陣！大大杯好解渴!三樣嘢埋單都係$137 ，價錢都算合理，下次會試其他嘢！

都有一段很長的時間沒有行始創中心，部分店鋪已經轉營了。台灣麵之前有食過，呢間店就第一次幫襯，地方很大，所以不需要等位。今次點了“台式三寶麵”📍有牛展、牛根、牛肚，全部都燜得夠入味。📍湯底呈深啡色，夠燙熱，飲落順喉。📍兩件長切金錢腱，半筋半肉肥瘦均等，不過肉質未夠鬆化。📍牛根煙韌不硬。📍牛肚口感軟硬適中。📍附有酸菜拌麵同食，份量不算多，鹹多於酸，味道一般。📍麵質極為粗身，掛到大量湯汁，雖然賣相帶點粗糙，但口感Q彈，不過麵條太粗，頗為飽滯。午餐配小食、奉送港式熱飲。是日小食: 麻油青瓜，微辣，味道不過不失。