台北倆伴

營業中

休息中

圍方新開台灣菜每次經過都大排長龍今次特登11幾左右黎點知都要等一陣先入得見佢個蟹肉蟹黃拌麵係限量決定試一試黎到個份量好大蟹肉蟹黃都好多我先試一啖感覺有點腥口我再倒一倒黑醋試試感覺好一點但都吾係話好好食最後拌麵都食吾完另外古早蜜汁排骨便當配菜我地吾食鴨血所以佢轉左麻辣豆腐俾我地個排骨食一啖完全吾夠熱而且落左好多蜜汁令到個排骨都吾夠脆而又偏甜個肉燥飯正正常常偏乾少少可能岩岩開張好多野都未做好或者隔一排再試下睇下

餐廳位於圍方商場，新開張，可在門口取票，但當人太多，就會暫停取票服務，等一等又可以拎啦🤷‍♀️於星期六去食午餐，好多人，等左大概20分鐘，冇限用餐時間。揀左兩個便當🍱❇️彰化花雕雞卷便當 $88🌀 花雕雞卷入味，雞肉唔會老 👍 飯有滷肉、肉鬆、雪菜、半隻溏心蛋，材料豐富！🌀紫菜湯有豬肉丸碎，味道正常。🌀鴨血豆腐有少少辣，豆腐吸曬D 汁。❇️慢煮豬軟骨便當 $92🌀豬軟骨炆得好淋，有肥有瘦肉，味道鹹鹹地帶有少少酸味，感覺一般。❇️逢甲肉鬆榨菜蛋餅 $56🌀材料充足，蛋餅好香，又軟又硬，口感好有層次👍❇️芋香珍珠奶茶 (跟餐+$12)🌀聞落去芋香味重，但飲落去味道有D 假，珍珠煙韌!❇️大甲芋頭芋圓鮮奶（跟餐+$18)🌀材料充足，奶味重，每飲一啖就有芋泥肉+芋圓，好有咬口👍 本人非常鐘意

新商場圍方咪放開左一個月終於去踩場，本身諗住聽日應該會少人啲，但係撞親暑假都係諗多咗。😂一早Mark定試台灣餐廳，本身諗住lunch hour，一拎飛都要燈50個Number即刻打咗退堂鼓，出咗商場食完碗麵再入嚟再戰tea hour反而好d，15分鐘已經有位。兩個人分別叫咗：1）大腸麵線淡水焢肉刈包$52 同2）麻辣鴨血臭豆腐拌麵 $56 加咗$8 珍珠奶茶同 $18鳳梨水果茶，價錢以新商場算中規中矩，飲品唔加錢其實都多選擇，$8同$18嘅選擇都算OK大腸麵線淡水焢肉刈包：有驚喜，大腸麵線份量好足夠味道都唔錯，唔會重口味死咸，另外配有醋可加落去食，唔知佢用邊隻，但鍾意食醋嘅人未必會覺得好強醋味可能會失望，但對於我唔太喜醋，加落去反而啱啱好，味道會有層次啲。刈包最令人喜出望外，因為個包鬆軟（而家食到鬆軟嘅刈包其實好難😂，好多第一啖一咬落去都係硬嘅），肉亦都唔算太肥又足味，食完唔會有油膩感。麻辣鴨血臭豆腐拌麵：都係有驚喜，但驚啲😂因為個拌麵比一般辣好多，其他嘢味道其實唔差但係有啲唔夠熱，特別個配菜甜不辣，睇落去係炸，但係咬落去有啲凍，立即會有落差感。其他整體不過不失。但係兩杯飲料就係我哋比

食晚飯 排隊等叫枱 等左半個鐘 有枱啦 明明出面已冇咩人等 過晒peak hour 眼見有兩張吉卡位 仲要係半小時後last order 食客正式攞位排隊等左半個鐘 明明有位都吾俾人坐 仲要迫人搭枱 拒絕搭枱 直豆叫你企一二邊淨企 冇交代要再等幾耐 客人真金白銀俾錢食飯 俾你當乞兒對待 呢啲超級發錢寒管理法 建議你直頭放個功德箱係門口 收數

新開圍方幾多嘢食，今次就試吓台灣嘢。平日6點半去到已經好多人，等左半個鐘終於叫到我哋，但同我哋講要搭枱🤮 唔撘就要再等🥹 無辦法之下唯有撘枱。門口個職員仲要勁不耐煩🙄️。 限時一個鐘、食完之後侍應就即刻黎收嘢，感覺有啲急🙈嘢食黎講不過不失，正常既台灣嘢

琴晚叫咗排骨便當，排骨好鹹😅😅😅，肉鬆滷肉還好。芋泥芝士蛋餅，味道比較淡，不過不失，無特別。鹽酥雞球不知所謂，成舊都係粉咁濟，好多粉，咬開入邊啲雞肉係有小小粉紅色，無味。🥲🥲🥲芋泥大甲鮮奶又係一啲都唔甜，好淡，芋泥係一塊塊，不推介。🥲🥲🥲最誇張係，琴晚淨係食咗呢啲嘢，今早起身到lunch前，已經肚痾咗5次，我同女朋友都肚痾，我哋唔會再食呢間嘢😭😭😭第一間係圍方食嘅餐廳，就中伏，搞唔掂。

見圍方商場新開，又咁岩見到Gulu有得拎定飛，平日晏晝就走過黎食Lunch試下新開既餐廳 - 台北倆伴🍽️呢個係Menu，都好多選擇，Lunch仲包一杯飲品（基本冷泡茶或者奶茶)🍽️慢煮豬軟骨麻辣拌麵🍜配 桂圓紅棗茶🍜份量足，豬軟骨都煮得夠入味，拌麵個汁都好惹味吸引，但敗筆係拌麵黎講佢麵質煮得太淋☕️桂圓紅棗茶，呢個反而比想像中出息，甜度茶味適中🍽️彰化花雕雞卷便當配鳳梨烏龍冷泡茶🍚魯肉飯份量都大，飯口感好粒粒分明，而個魯肉都唔會太咸😋🐔花雕雞卷就肉質嫩滑，酒味就略嫌唔夠入味，要自己再反幾轉浸多d 花雕酒會入味同再好送飯d~🍵鳳梨烏龍冷泡茶正常冷泡茶，無咩特別，唔太甜🍽️紅燒半筋半肉手工麵配台灣奶茶🍜半筋半肉軟嫩入味，入口即化🐮雖然係湯麵，但反而冇伴麵煮到咁淋👍湯就反而冇咩特別，唔係想像中係香濃既牛肉湯🤷🏻‍♂️🧋台灣奶茶，全部飲品中最失敗係杯奶茶，一黎到睇顏色就知個奶落得太多😑果然飲落冇咩茶味，比d奶味搶哂，完全唔似一杯奶茶👻👻👻係大圍黎講都係難得一間唔錯既台式餐廳🍴下次可以再試下d小食同其他便當😋

湯麵，湯底好咸，雞卷味道一般，牛肉麵，肉咬不開，米粉上面隻蝦只有一片又係咬不開原本叫左一杯紅棗茶，上枱見到有菊花，原來係獨立包裝，唔可以改冇菊花，結果要取消，咁嘅價錢，實在不合理

今日晚上嚟到呢間台北倆伴餐廳，由於是新開張很多人，等了大概45分鐘一行五人需要分開枱坐以三人及二人枱坐下不夠兩分鐘他說有張四日他為由於當中有一位小朋友所以還是選擇四人卡位坐得比較迫一啲。我點了彰化花雕雞卷便當，慢煮豬軟骨便當，紅燒牛三寶手工麵沙爹牛肉粉絲鍋，古早台灣烤香腸，飲品我點了冬瓜茶，香芋珍珠奶茶。很快便送上餐古早台式烤香腸我覺得切開一片片與台灣食的雖然味道分別不大，但在台灣吃的比較慷香腸是整條蒜頭是一顆顆，彰化花要計花雕味濃可惜雞卷比較硬，慢煮豬軟骨有點像豬腳薑的味道有少許醋味相當醒胃，紅燒牛三寶牛嘅份量相當之多而且炆得非常之琳，沙爹牛肉粉絲吸收了沙爹汁味道濃香而不辣，冬瓜茶我點了小甜可惜猶如清水一般是叫經理，經理即時換上另一杯正常甜度的服務非常之好，唯獨是5人的話座位比較少這點大家留意一下。

今日去新商場行街，行過見到呢間餐廳，見好多人排隊，咁我就攞一張飛試吓，最終排咗個半鐘先有位。今日同阿媽嗌咗兩個飯和一杯飲品，豬軟骨飯同埋排骨麵，另外加一杯芒果綠茶。先講一講豬軟骨，嗰啲肉好鞋口．明顯未夠火喉，唔知道係攞貨定係自己做，呢個真係要餐廳留意吓。另外，個排骨麵，一個字好Q鹹，而且似乎是用牛肉麵個湯，好彩我食牛，但係如果吾食牛的人要問清楚。排骨應該係新鮮炸起，但係好薄身，上面好似沾滿好多老抽，搞到我一啖麵之後要一啖水。芒果綠茶就一般般。整體來說好一般，價錢就正常。服務良好。如果唔係喺呢個商場，應該冇人會排隊。