可可店 (聯威新樓)

營業中

休息中

去完吉利，對面就係可可，好耐冇o黎，今次冇食佢極出名的雞蛋煎腸粉，只係要了一碗芝麻糊。賣相不俗，稠度適中，但芝麻味不夠香濃，而且越食越甜，男友吃完後仲話佢應該係開粉，但我覺得唔係。

31 Dec,2005 星期日和男友逛完旺角,他提議到這裏食dinner。男友選了:魚片艇仔粥$22。很大碗,料足,但卻愈食愈"水",但味道不差。我選了淨菜肉雲吞$16:雲吞是自家包製,餡料有冬菇粒、白菜及豬肉碎。味道有別於一般粉麵店,不太濃味,很有家的感覺,只是皮厚了一些。伴著有頗多生菜。湯有淡淡的麻油味。埋單: HK$38,抵食。

今日同二家姐shopping完返到屋企附近, 同佢去呢度食糖水。我食咗合桃+芝麻糊$10 - 大碗d,價錢一樣,抵!!香濃而不甜, 很好味!!!二家姐食咗我强力推介o既合桃糊$10 - 佢都覺得好正!食食吓先記得影相佢請,多謝晒!!!^_^

尋晚同媽咪兩個食完飯後到這店食糖水....搬咗去新店(隔一條街)後第一次幫襯。點了:合桃糊$10 - 我同媽咪都食呢款糖水。很"糊",很有口感!!!!必食!!!!煎腸粉$7 - 不錯。蘿蔔糕$7(2件) - 有一條條蘿蔔絲係裏面,正!!咖理魚旦$7(10粒) - 不錯。埋單$27。做孝順女,我請!!^_^下次試吓芝麻糊先!!!!

老實說, 不明白此店受歡迎的原因...地方簡陋..有點于不潔....除了糖水較好味...其他不吃..沒有遺憾推介合桃糊..相信..大部份喜歡它....因為記憶...學生的歷史..無數沒有壓力的片段...我也懷念

第三站---4 點去到剛開門,要左招牌貨腸粉煎旦$9,腸粉即叫即煎頗新鮮!加旦頗有創意,但d醬則麻麻,味道偏淡.一試無妨!

做完野，又無咩胃口喎，所以去咗可可店吃碗粥清清哋!我喜歡吃鯪魚粥，但魚粥得魚片粥及魚腩粥，未食過魚腩粥，試吓無妨... 魚腩厚身又不多骨，食落去淡淡肉，好彩平日食飯都有個朋友陪同，我細食食唔晒D粥，加上又叫咗碟$10大大碟油菜和飯後糖水，好飽呀!可可店糖水亦抵食好味架!

腐竹糖水& 桑杞生旦茶好味呀~我暫時食過最好食既糖水鋪~~~~~$9 only~好抵~我有fd食過佢d"糊"既糖水話好正wo個腸粉+旦~就麻麻la

地方好坐食物又正e.g. 豬排麵, 腸粉蛋, 腐竹糖水, 紅豆沙......

1. 煎腸粉加蛋: 真的不錯，即叫即煎，不太油膩，甜醬和麻醬份量不少，正!2. 腐竹糖水﹕腐竹份量很多，不太甜，唔錯。

呢間舖頭以前真係幫襯唔少周不時宿友話想食消夜就一定係一班人飛的黎食一人一碗糖水再SHARE腸粉煎蛋因為即叫即煎新鮮熱辣真係幾好味加埋甜醬同麻醬認真一流真係食肥好多人架我記憶中喳咋係最好味架而且大學一年級時真係成日黎食食到我最肥時比而家重十幾磅架好懷念以前無憂無慮既日子

我相信每年都有幾百人有我呢個經驗...從來都係淩晨兩三點先至會入可可店, 因為次次都係半夜俾(大學宿舍)樓友吵醒, "夾"我黎食宵夜. 每次都係一人一碗糖水, 再叫幾碟腸粉煎蛋分食. 講真, 訓到懵懵懂懂o既我覺得佢個糖水無乜過人之處(唔知係咪o岩o岩起身口淡),但係個腸粉煎蛋真係幾好味, 熱辣辣夠香口, 即使傻下傻下, 都要一上檯快手同樓友搶食!仲有幾次, 發左癲o既樓友食完可可店即刻去下場-- 隔離舖飲早茶...大佬, 生"積"咩?p.s. 哈哈....因為次次都係半夜俾人"夾"去可可店,而家日光日白我係唔識去嫁!

此店門面幾簡陋，但店內衛生又不是太差。食物方面都不錯:1. 甜品: 綠豆沙($8)和紅豆沙($8)都起沙，喳咋($9)亦不錯。三款都不是太甜。2. 生滚肉片粥($16): 粥底夠棉，不會太鹹。肉片不"un"，唔錯。3. 煎蘿蔔糕($7/2件): 此店門外的宣傳牌有推介此食物，估計是自家製。但吃後不覺特別好味，而且蘿蔔帶苦!小插曲: 日前光顧時見到趙世曾也親自來此店叫外賣，order予粥和數款甜品後由他的司機付款。