可可店 (聯威新樓)

營業中

休息中

平時食開算普普通通, 今日叫未食過的腐竹糖水, 面頭竟然有一層油, 食落有油溢味, 我同老公試過都一樣, 叫個服務阿姐黎, 佢強調腐竹係油炸的, 所以會有油係糖水入面, 我話"枝竹先至係油炸咋喎", 堅持之後換左平時食開的蕃薯糖水, 但係同時係聽到阿姐同另外一D阿姐大大聲講我頭先番說話, 條氣真係好唔順, 食阿媽的腐竹糖水幾十年, 又唔見佢D糖水面頭有一層油??!!!!!!! 激死, 無論係唔係油炸, 煮之前都應該洗乾淨, 下次唔去食.

今晚在西環飯聚，質素一般，所以飯後走到可可店來點小吃及糖水哩。可可店，由均益街老鋪，擴展通至大街，及至現在的聯威新樓大鋪，大大話話已幫襯近廿年了。小店以白光管、白瓷磚、大圓摺檯等一貫街坊老鋪模式的經營，但食物款式方面卻越來越多，由最初主打糖水及簡單幾款熱食（如煎腸粉、蘿蔔糕等），到現在粥粉麵飯，以至煎蠔餅等食物也一應俱全。沒有品嘗到同行朋友點的甜品，所以只略略一提以下數款： 炸帶子：一共十件，超市質素，不用多提。 煎腸粉加蛋：吃了多年，其實質素只屬一般。腸粉不夠滑溜，但加入了雞蛋、豉油、甜麻辣醬等等，感覺仍良好。 芝麻綠豆沙：芝麻糊只是超市即食貨色，香味欠奉；綠豆沙也缺了海帶香味，只屬一般。有幸不是太甜，熱天吃個凍糖水畢竟也能消消暑吧。 說實話，環境及食物質素均不能稱上為入流，但作為街坊老店，款式多、價錢平，加上營業至凌晨四時，不失為一個街坊宵夜聚腳點，這也解釋了為何多年來仍屹立不倒的原因。

『可可店』以售賣中式食品為主，在堅尼地城是頗負盛名，不因他們的出品特別美味，只因他們售賣的食品林林總總，粥、粉、麵、飯、甜點、各式小食及飲料等等；當然他們也有招牌貨色，但最主要原因是他們的營業時間至凌晨 4 時，是區內夜歸人士吃夜宵的首選。11.4.2009 晚上有點兒餓， 但沒有頭緒吃甚麼東西，便嘗試站在店外看看他們的價錢表，以便找出心頭好。 最終我的選擇：蠔豉豬骨粥 ($13+$1 外賣) - 蠔豉已被切碎，與粥底渾和，美味綿滑，火喉十足。海帶綠豆沙 ($10+$1 外賣) - 真材實料，甜味適中，清涼潤喉。兩者份量其實都不少，我吃完粥後發覺肚子已容不下綠豆沙，最終要把綠豆沙放進雪櫃內留待第二天才吃，幸好仍是清甜可口喔！

"剛剛才寫過新蒲崗甜品店的腐竹蛋糖水,隔兩個食評又寫同一味,你真係好乏味!"大家都不同,吃的甜品店又不一樣,今次我們在蘇豪晚飯之後,眾人坐車去到港大學生的飯堂之一 - 西環的"可可店",繼續吃一頓.上次來過吃過蛋煎腸粉,味道一般,突然之間想吃一些甜的味道,就要碗腐竹蛋湯水.隔離檯的友人叫一些名字很有"特色"的飲品.比前文新蒲崗吃過的同類,口感更為香滑,腐竹同樣地煲到溶,味道香甜.其他的腸粉沒有去試,另外友人點的海鮮球,炸得金黃,食落彈牙,點些沙律醬吃.酸酸甜甜夠醒胃.可可之後,大家繼續爬格仔,果然有食力.

落堅城食糖水/落西環食糖水. 昔日暑假時, 走往阿哥於堅道的港大宿舍. 每逢叫完Pizza, 食完飯. 必定有人提議. 落堅城食糖水/落西環食糖水囉........昔日在電車總站旁, 個個一碗紅綠豆沙. 直至三年前, 舊同事帶隊OT完去西環掃街, 令我回憶起此店, 回憶起當年的以上. 不過, 事隔幾年. 總站旁的那棟大廈已拆, 名字記得是可可店. 失望而回時, 原來在某商場, 同以前一樣, 打通前後鋪, 在隨兩條街, 繼續革命. 多年未嘗的糖水, 依然健在. 今天遲來的午飯過後, 剛好等到下午4點, 一開門, 便坐下, 專程為妳一碗糖水. 選擇方面, 仍舊是一些古老的傳統大路糖水. 亦有新派的楊枝甘露. 看了一篇, 杏仁糊加蓮子, 應該比較清新香甜. 杏仁糊是熱的, 帶少許沙, 特別要求加了蓮子. 清甜, 亦比較爽爽的. 杏仁糊既杏仁味夠香, 雖然不比那些星級酒家做得的滑, 但一樣夠香, 加上甜甜的蓮子粒. 香港的塘西風味, 依然健在.除了糖水, 這裡的小食麵食也不差, 不少舊港大生, 都會特地過來, 懷念從前的味道.

食過了晚飯, 豬豬女友唔夠喉, 要甜品.行經這小店, 見都不少人幫襯, 也進來了.叫了個桑寄生蓮子蛋茶及合桃露+湯丸.桑寄生蓮子蛋茶係好像熱的液態的涼粉咁味.幾得意.蛋味一般啦.合桃露看得出不是粉開水的貨色, 有一粒粒的合桃的. 係磨的. 味道也有texture.湯丸皮幾薄, 味不錯.見到另有粥,炒粉麵飯, 油菜等, 可謂乜都有!見到隔離檯的乾炒牛河, 菜芯, 及水餃麵都唔錯, 下次一試先.

其實冇住 hall 之後少來左好多不過前排有朋友lai 搵我．就一齊去食lu~~我地3個人夜一夜都未食飯．加上價錢便宜所以決定不停叫了!!!包括炒面、煎蛋彫粉、蘿蔔糕、沙爹牛河唔記得左名既米線等等．仲有每人一杯豆漿同甜品!! (好似係蕃薯糖水同芋頭西米露)小吃上場了．3個都不斷食食食同食哈哈．個人真係好好好欣賞佢既煎蛋腸粉咁多次都冇失望個! 最好野係d蛋唔會熟哂蛋醬先好味嘛．牛河都係最愛．夠味夠份量都只係18元! 環境就係大排檔feel~~ 因為好多住hall人打完波會lai食野． or 樓宵之類既物體~~ service 反而不錯wow阿姐會主動幫你搵位!~ 最夠要以晚餐來說佢真的唔貴嘛~其實大家覺得佢唔好係因為佢d甜品糖水姐不過需知道可可唔係出名甜品家．係熱食小食．所以佢都仲係我西環宵夜的 first choice

吃罷了鴨脾瀨粉，剛好明天不用上班，友人建議要不要來個甜品作結，當然自然歡迎之致。 友人說在西環有一間小店，即使到了深夜仍然人頭湧湧。既然有如此吸引力，於是便決定要過去看過究竟。果然，到達時竟然人多至要等一會才有座位，要說它是西環的人氣小店絕不為過。坐下後拿起菜牌一看，由粥品麵食到炒飯甜品也一應俱全，如此大範圍可選擇的食物，客源之闊以至生意滔滔不絕，絕對有其原因。不過到了這個時段，也不會來點"重形食物"，還是以輕食好了。熱呼呼的<<菜乾豬骨粥>>，是為了"下火"之用，因為剛才吃了十分"熱氣"的燒鴨脾。 味道只屬一般而已，不過其火喉卻是十足的，不錯。再來一點點小吃，這個<<蘿蔔糕>>，以刨成十分的蘿蔔絲而非一般的較大體積，吃下去頗有質感，如果蘿蔔合時的話，味道會更加鮮甜得多，這個蘿蔔糕只算合格而已。來點香口的小吃，就選了<<煎蝦米腸>>。整體尚算不錯，蝦米份量正常，腸粉有少許米香味，如麻醬可以再濃一點，那就更加好了。一不離二，來該是香口的<<豉油王炒麵>>，鑊氣不

在山道出走,眾人未夠喉,下一站去邊處好?地膽星爺說:{在西環尾有間小食店,很旺場,它們的煎蛋腸粉很不錯.}聽罷即飛上的士,向著西環尾進發.地點就是在爹核士街的"可可店",正在與日本料理"吉利"打對面.入到店內,果然人山人海,因為地理環境緣故,這店是眾港大校友之黑夜明燈.見到餐牌上的食物甚多,有麵有粥有小吃等等,既然說煎蛋腸粉好吃的話,就要一碟先.其他就來碗豬骨粥,煎蘿蔔糕等等.其蘿蔔糕很足料,很少吃到如此幼細的蘿蔔絲,味道非常香甜.豬骨粥加上皮蛋,粥底偏杰,幾有火喉.豉油王炒麵做得乾身,但鑊氣不夠.而煎蛋腸粉其實是齌腸加蛋.煎蛋如炒蛋,熱騰騰兼爽滑的腸粉,再加上豉油麻醬吃.宵夜時段能吃到此味已不錯.個人偏好,下次來吃此味,就要求太陽蛋了.

7月18日, 要數堅尼地城最旺場嘅宵夜好去處, 一定係可可店! 食物種類多, 又夠快~ 我地已經食過好多次, 今晚食完寫番個食評先~::: 沙爹牛河 ::: $18雖然唔係茶餐廳d好夠鑊氣嘅, 而且河粉都有d黐, 但係佢沙爹味幾豐富, 牛肉都幾淋, 惹味~ $18真係超值~::: 煎腸粉 ::: $9煎腸粉加蛋可以算係呢度既招牌菜, 每次必點. 缺點係加咗蛋之後會比較滯, 所以我地寧願食冇蛋, 甜醬, 麻醬, 辣醬都有得加, 真係混醬! 不過豉油唔多, 食到尾個醬好杰~::: 海帶綠豆沙 (凍) ::: $10糖水都係必點之一, 綠豆沙好足料, 煲到起沙~ 不過海帶我地都麻麻鍾意食, 好彩佢切得夠碎唔多覺~ 勝在夠晒凍冰冰夏天食真係涼透心!::: 豆漿 ::: $5豆漿其實冇乜特別, 仲甜咗d, 勝在$5一杯夠平~其實仲有好多好食野, 好似公仔麵, 咖哩魚蛋同蘿蔔糕咁, 不過一次食唔晒咁多野~ 服務同衛生都冇乜, 不過亦都唔會太差. 食物keep到水準, 不過加價幅度都幾高, 希望唔好咁快又加啦…

自從某年某月某日渣車經過呢度，被我發現咗呢間小食店，店內顧客眾多，即時引起我光顧既意欲。現在偶爾也會再來幫襯，其實食物絶對稱得上係多元化，粥粉麵飯各式小食糖水就連台式飲料也有供應，就算經常幫襯也不容易覺得悶，因為價錢大眾化，食物種類又多，適合一家大細情侶學生，甚至獨個兒來開餐也是不二之選。昨晚點了紫菜三寶丸米$24、魚蛋撈麵$20、油菜$11及凍蜂蜜綠茶$11，全部都普普通通la，味道正常，勝在算抵食又飽肚。絶對會繼續支持！

可可店在西環很多年的了,西環人一定識佢, 很多人特登駕車來一試o添!腸粉+蛋+混醬: 煎得夠脆,而已有大量芝麻,不吃不可之選!豆腐花: 是可可店最差的甜品,樣子唔似豆腐花,似燉奶,但又無豆味,唔太掂!番薯糖水 :也是值得一試之選, 糖水唔會過甜, 而黃芯蕃薯每次食都幾軟身幾甜!ok!雜果涼粉:好一般!綠豆沙: 唔錯的選擇, 粒粒綠豆都煲到透,起沙的,綠豆沙唔會水汪汪! 5粒星係滿分有4粒星!芝麻糊: 最好食最好食,唔會一塊塊,唔會稀唔太杰,好香好香好香芝麻味!

呢度其實同其他大排檔無乜分別, 都係一般可以醫肚的食物, 但佢就地方夠大,有冷氣,及電視.以前個舖位比較舊, 好似唔夠衛生, 但現在搬了在聯友新樓/實惠旁邊, 就唔同好多喇.一邊係水吧同煮麵, 一邊就係廚房,糖水和粥品部, 好有條理. 枱同地方大好多呢!我個人最常食就係豬骨粥, 腸粉同干炒牛河.....糖水間唔中都會食,但都可以啦.但那豬骨粥,就真係唔錯, 十年如一日, 都係咁入味,啲米煲得好蓉. 碟牛河就唔係太肥膩...份量啱啱好一個人食, 唔會浪費.

食過幾次，有次個朋友叫左個糉，難食到食左一兩啖就食唔落。最常點的是腸粉加蛋，幾好味。

18.11.07..區議會投票日...走到石梨區做了一天義工...感謝公務員朋友又接且送晚上十一時...終於可以坐下來吃飯..這裡的糖水早被我列入黑名單選擇這裡的好處是可以泊車叫了干牛河....水準好有驚喜...細細碟..不太油..河粉的質地比一般的彈口...推介魚角...是來貨加油炸...朋友好喜歡...他喜歡..我也喜歡...做義工好開心..朋友獲三千多票....更開心