可可店 (筲箕灣道)

營業中

休息中

成10點幾先出來搵食，唔想熱辣辣掃太安樓，又唔想食麥記，醒起間可可店都未曾食過，成日聽人講西環嘅好味啲，又唔知係咪真係咁差。打開OpenRice 見唔到佢嘅營業時間，男友話西環果間開好夜，因為都有糖水食，可能呢間都唔會好早。當女人聽到糖水兩個字已經心心眼，然後就拉住男友衝咗入間舖。到店時還有幾檯客，由於肚餓，所以即刻打開menu睇食咩，完全冇睇到份menu封面已經寫咗營業時間係11:00-23:00，落晒order先感覺自己阻住人收工。不過啲員工都好nice，不但冇催過我哋，仲好好招呼。落單嘅哥哥仔好好笑容，仲同我哋介紹咗今晚有咩湯水，不過我哋冇叫到，下次可以再試下，聽佢講應該每日唔同款。本來係想要個東江豆腐煲，哥哥仔話我哋知個豆腐煲唔係乾身嘅，而係有啲湯水浸住，有鯪魚肉，問我哋啱唔啱食。男友覺得麻麻，所以最後冇叫到。經過一番研究，我哋發現佢哋嘅小菜有好多鮮魷，感覺上啲魷魚肯定新鮮先，然後揀咗個出邊少有嘅潮式鮮魷～因為係小菜即叫即整，我哋都等咗下～不過，美味係值得等待嘅！份量比想像中大好多，啲魷魚多到真係喺啲汁到游緊水咁，有好多唐芹，仲有啲菜脯粒，調味啱啱好，肉質仲好爽口，好味！怪唔得

夜晚經過見到有新開餐廳，原來是西灣的可可店分店，即刻試試。舖內剛坐滿人，稍等5分鐘。我只點了豬骨蠔粥及蘿蔔糕，好味。店員也好禮貌。見到晚飯其他人點的套餐，一個餸一個飯都係$40，分量唔少，下次再試。

香港差不多個個月都有過江龍殺到黎～ 原因不外乎都係因為總店好食～ 成日有人排隊～ 近期就有一間‘港大學生飯堂’由西環殺到黎西灣河～ 煎腸粉加蛋係西環店既推介～ 黎到呢到一定要叫黎試下～ 熱辣辣的煎腸粉好滑～ 個人覺得如果可以煎到個面有少少脆同有埋芝麻粒係面一定會再香d～ 美中不足的係醬汁搶哂蛋味～ 食唔到蛋香～ 星洲炒米～ 佢原本係大碟d既～ 因為掛住食其他野～ 唔記得影～ 食到一半先醒起要影～ 米粉質地似湯米，比較粗身口感實在d～ 重咖喱香味～ 干炒牛河～ 牛河炒到好乾身唔會好油膩～ 鑊氣方面就覺得差左dd～ 整體不過不失的～香煎薄餅～ 薄餅質地厚身～ 食到有菜‘譜’粒～ 雖然個面煎到有少少焦香～ 但食唔到有脆口感覺～ 我覺得酒樓的薄薄口感食到香脆感比較好食～ 仲叫左杯胚芽珍珠奶茶～ 珍珠係屬於細粒果款～ 咬口唔算qq 的～ 缺乏茶香～ 如果你唔鐘意飲甜野～ 可以一試～ 試業期內叫粉面～ 有半價優惠～ 但我會行多兩條街飲天仁🤔整體我覺得西環的比較好食～ 可能剛開不久～ 感覺整體比較混亂～ 未試的可以一試～ 支持一下小店～

There are now two branches of this!One on either side of Hong Kong being Sai Wan Ho and K town.They serve the usual Chinese food like noodles and wontons etc.Ordered the wonton noodles tossed in sauce and it was really good the wontons and noodles were served separately.The noodles were the usual laced with lots of oyster sauce and it had quite a bit of alkaline taste.The wontons were springy with lots of prawns in it and a fragrant sesame oil aroma.The fried chicken leg was golden with a lovely