古早牛肉麵 (已結業)

古早牛肉麵📍深水埗福榮街116號地舖夜晚收工同朋友一齊去到深水埗買嘢，忽然想食台灣菜就search下附近有咩食，最後選擇左食位於福榮街嘅「古早牛肉麵」～餐廳裝修好有台灣嘅感覺，好似置身於台灣一樣🤩即刻好想去台灣玩幾日🤣🤣好彩入得快，我同朋友大約6點3左右到餐廳，見到由夜晚6點半開始已經開始好多人陸續入黎食晚餐，七點左右已經係全店滿曬，重有人係門外等位同外賣添👍相信呢間餐廳都好受歡迎🤩6點過後可以order 晚市套餐（主食+小食+飲品），價錢都係一百蚊左右有曬三樣嘢，夠曬飽😊😊P3 鹽酥大雞扒肉燥飯 $95🐔🍚雞扒即叫即炸，肉質鮮嫩，外皮好脆好鬆化，滷肉飯濕濕地容易食，亦唔會好乾👍配埋一隻好入味嘅滷蛋，送飯正呀～😍J6 宜蘭迷你蔥肉餡餅(2件） 外皮煎到微脆，食落口感有啲似煎餃🥟 餡料飽滿，充滿肉汁，幾好食👍D14 芋香珍珠奶茶(凍）🧋奶味好重，珍珠煙韌，食曬成個套餐飲埋呢杯飲品已經覺得好飽，好滿足🤩🫶P4 招牌牛肚牛筋滷肉乾拌面$97牛筋同牛肚份量都多，炆到入曬味，不過乾拌麵味道就較為清淡，我中意食重口味多少少🤣🤣🤣 值得一齊嘅係枱面上面有一盒辣椒菜甫，落落去乾拌麵撈好正😍中意食辣嘅朋

晏晝出深水埗買燈籠🏮行到餓餓地就左入左一間門口光鮮，裝修好有台灣地道店style，所以入去食返個下午茶先🤭🔆古早半筋半肉麻辣乾拌麵🌶️聞落去陣香味好似沙茶醬咁，但食落好有驚喜🤩好味喎👍🏻第一二啖唔算好辣，愈食就人愈惹味😋而且牛筋煮得夠哂淋夠哂入味，而肉都煮好嫩身，唔會柴哂皮👏🏻麵質亦適中，唔會過硬或太淋👍🏻🔆鹽酥大雞扒滷肉飯雞扒應該係即炸，而且炸得剛剛好👍🏻肉汁鮮嫩，炸得雞皮好鬆化，少少鹽花亦都唔太咸💯滷肉飯正正常常，係滷肉偏乾🫣☕️下午茶餐-古早滷肉飯配凍低糖綠茶滷肉比較乾身，味道正常😊酸黃瓜爽口，酸子姜好味唔太辣🤭低糖綠茶茶味較淡。

去深水埗買完嘢行過見到間台灣嘢有麵線食，感覺香港嘅台式餐廳有好多但有麵線食嘅好似唔多，見好耐無食過麵線就入咗去食。睇餐廳店名以為係食牛肉都為主，睇完餐牌先知飲品選擇更多，比起台式外賣飲品店都唔輸蝕。七點入座幾乎座無虛席，我發現好幾枱客同我一樣都係自己嚟食，可能呢間餐廳係獨食之選綜合麵線（滷豬大腸+蚵仔）麵線賣相同係台灣食到嘅差唔多，味道濃淡都適中，麵線軟滑，入口即化。肥美蚵仔入口即溶，味道鮮甜唔腥。滷豬大腸十分肥美，係睇得出嘅邪惡感，滷水入味，入口即溶，整體都好食。冬瓜茶加愛玉我點咗少冰微糖，冬瓜茶味道清新解渴，夏天可消暑褪悶熱。愛玉份量十足，幾乎整杯都係愛玉，只係加4蚊就有好抵，愛玉入口爽滑彈牙，味道清爽，單點一杯行街飲都正。宜蘭迷你蔥肉餡餅食完麵線覺得唔夠喉，見隔離枱點嘅餡餅外皮煎到底面金黃色賣相相當吸引，於是我又點份嚟食下。餡餅外皮脆得嚟有啲煙韌，外皮香口，口感味道都似煎餃。餡料飽滿內餡充滿肉汁，當咬開外皮時裡面嘅肉汁會爆發出嚟，肉汁有蔥同高麗菜嘅甜味同肉餡嘅香味，即使餅皮煎到香脆肉汁可以補充返水份，令到餡餅食落唔dry，整體唔錯。

古早牛肉麵，環境打造到大排擋一樣懷舊味極濃，好似去咗台灣一樣下午茶蚵仔麵線，一啲都唔蠔仔仲好脹卜卜適中啦，都幾鮮加埋秘製辣菜浦，正呀！但造法唔太正中，因為好重麻油味，好似食緊碗碗仔翅+$3有無糖烏龍茶都唔錯人均$40

我中午時前往深水埗的古早牛肉麵店，位於福榮街116號地舖，期待品嚐他們的招牌菜。我點了下午時光套餐，其中包括招牌牛筋貢丸湯麵、炸花枝丸（小食）和紅豆宇治抹茶。首先，我吃了招牌牛筋貢丸湯麵。這碗湯麵的湯頭香濃，充滿了牛肉的鮮味，喝起來令人心滿意足。湯中的牛筋和貢丸都非常彈牙，入口即化，給予了這道麵食更豐富的口感。麵條本身也煮得剛好，有著適中的彈性，與湯頭完美搭配。接著，我再吃炸花枝丸。這個小食外皮炸得酥脆金黃，內裡則是鮮嫩多汁的花枝丸。每一口都帶來了令人愉悅的咀嚼感，而且沒有油膩感。這道小食作為開胃菜非常適合，增添了整餐的多樣性。最後，喝了紅豆宇治抹茶。這杯飲品呈現出美麗的分層效果，紅豆和宇治抹茶交織在一起，形成了一種獨特的口味。抹茶的濃郁香氣和微苦的味道與甜蜜的紅豆完美融合，令人回味無窮。這杯飲品不僅解渴，也是一個絕佳的甜點選擇。而紅豆宇治抹茶為整餐劃下完美的句點。

見到Openrice 多好評，諗住入去試下無死，點知極度中伏🤢 叫左兩個肉燥撈麵，成碗野無味！ 係撈極d 汁都無味！問店員拎豉油，佢問：唔夠味呀？ 我話係呀，碗麵無味，係咪可以有處理下或者點？ 佢話：加豉油 （笑），我🙄😨算啦，叫咗豬軟骨餸同半斤半肉撈兩碗麵。。雖然估到全部都係雪藏嘢，但可唔可以俾少少誠意認真去個雪味，豬軟骨送上嚟有陣酸臭味，痴線！佢送碗野上嚟唔係呢個樣貌（係好樣少少）因為本身趕時間諗住快食，點知難食到食一啖就想影低😮‍💨記錄下呢個極度劣食！🫣買單嘅時候同店員反應意見，結果幾條友完全無咩反應，話有意見係要聽下既（態度勁hea咁講…）劣食可一不可再，當然大家食完覺得好食可以去下，但我個人就唔建議未食過既朋友去😤

-有時喺香港心思思想食台灣牛肉麵，呢一間位於深水埗嘅台式料理店就可以解到相思之苦。除咗牛肉麵之外，仲有好多唔同嘅小食同埋台式飲品，唔少得珍珠奶茶同埋奶蓋紅茶。 紅燒牛肉麵湯底都濃郁，牛肉煮得夠腍，入口即溶，略嫌麵線唔夠咬口，但係整體都好食，所以係我光顧必點嘅東西。台式炸大腸估唔到炸大腸有驚喜，外脆內軟，表面加上胡椒粉味，份外惹味。甜品珍珠芋圓仙草冇乜特別，芋圓唔夠彈牙，珍珠一堆黐實，下次可以唔使叫。-

今次嚟到呢一間位於深水埗裝修非常有舊台灣風情嘅牛肉麵店，一入到去見到有台式茶飲店水吧。牆上面掛住唔同關於台灣人物事嘅畫作，裝修非常之別緻。唔知點解好多台式餐飲店都鍾意客人自己寫餐牌落單，旺角好出名嗰間阿木同埋呢間都一樣。不過都真係幾有效率。呢日5:00嚟到冇等咗唔使2分鐘嘢食就陸續上台。半筋半肉台灣麵先飲啖湯，湯底有少少麻香味，牛筋同埋牛肉嘅數量都多，牛筋非常淋非常入味。面嘅質地偏淋身。涼拌青瓜酸酸地幾開胃，不過同喺川菜嘅涼拌青瓜有啲唔同就係冇辣椒，所以唔辣。無糖烏龍茶健康消暑飲品。通常見到其他人有點佢嘅芋圓甜品，下次嚟都可以試吓。

一個字形容⋯唔好食！經過見到門口見幾有特色，是食台灣野就入去試試，點知食物質素真係好一般！叫咗一碗滷水大腸麵線，一碗古早滷肉飯，麵線杰撻撻，又咸！滷肉飯就好乾，味道正常！

黎到深水埗玩具街，真係太多美食。各式各樣既野食，要簡真係有啲複雜。不過今日太熱，好想飲杯茶飲食添，所以就入左黎古早牛肉麵，食台式野。一坐底就叫杯燒鮮草冬瓜茶降下溫先。好正，唔會甜椰椰，飲落好舒服消暑。再睇想食咩，雖然唔係話太多items,但都有啲選擇困難，所以最後就簡左特盛綜合，貪佢咩都有。牛腱，豬軟骨，花枝丸，貢丸，再配麻辣拌麵。黎到見到冇湯已經好開胃，可以即刻食得。勁多青瓜絲，好清涼，而佢個麻辣醬都唔係好辣，只係吊下個味，易入口好多。而佢既牛腱同豬軟骨都好大件，好厚身，又煮得又稔又入味。貢丸同花枝丸都好彈牙，同出面既好唔同。因為太餐有小食配，就叫埋燒肉餡餅，食落有啲似韮菜包，但佢又小小唔同。仲要入面好熱，外面好脆。真係不可多得。

今日好開心同屋企人朋友去咗深水埗附近嘅一間牛肉麵，一間餐廳第一次去，非常之高質素，一定要介紹俾身邊嘅朋友食啊，唔好錯過呢一間餐廳呀，呢因為一間餐廳選擇好多，而且價錢經濟實惠，地方又大，服務高，所以我覺得呢一間簡直係100分啦，呢一度嘅牛肉麵好出名，而且佢哋好多面去選擇，佢哋嘅面又粗又多，真係好好食，而且個湯底都係一流呀，配埋牛肉真係不得了，而且佢哋嘅牛肉件快到好多，而且加埋個飲品，我哋叫咗個奶茶，裏面嘅珍珠多到不得了，而且佢哋嘅奶味好好飲，好似響台灣嘅食物咁，所以呢一間質素真係好高呀，而且佢哋嘅消息都不得了，好多選擇，加埋嘅價錢都唔過$100 ，真係好抵呀，保證你食都可以好，飽啊，而且呢度嘅服務是影都好好，好有笑容，全部都好樂意幫忙，呢個都好重要啊，而且餐廳整潔

今日好開心同屋企人去咗深水埗嘅一間餐廳食牛肉麵，呢一間餐廳嘅質素有驚喜，所以一定要介紹俾朋友食，如果住喺深水埗嘅朋友，一定要嚟試吓，一間餐廳嘅牛肉麵真係好出名，好有台灣風味，而且佢哋個面都係好新鮮，即叫即整，而且小食好多選擇，尤其是花枝丸，同埋台灣腸，都係好好食，如果嚟到嘅朋友，一定要食花枝丸啊，表皮是菜的，而且好食，我哋仲叫咗個紅燒牛肉麵，牛肉好多，好抵食，而且價錢唔貴，經濟實惠，而且呢度嘅裝修空間較大，有位置，同埋佢哋最驚喜嘅係佢哋嘅飲品，我哋叫咗個朱古力珍珠奶茶，好大杯，好抵飲，而且佢哋嘅奶味十足，真係好好食呀，而且呢度嘅服務質素都好高，是應該有笑容，開親切咁，好專業，而且會主動服務，我真的覺得有賓至如歸的感覺

今日同老婆喺黃金商場行完街，又去咗古早牛肉麵食晚餐！ 我哋叫咗二人餐，有以下食物：🐂古早紅燒牛肉 滷肉乾伴麵～牛肉好軟淋，牛味濃，而且碗內好多滷肉碎，伴著軟韌適中嘅麵條，好滋味👍🏻👍🏻還有青瓜、酸蘿蔔片和酸薑做配菜，非常豐富！🐓鹽酥大雞扒 滷肉飯～雞扒外皮炸到非常酥脆，雞肉好嫩滑，每口都有點點鹽花的味道，但一點也不咸，雞扒是即炸的，入口還有一點點燙口，非常新鮮！小食：肉澡燙青菜～雖然是小食，但份量也不少！宜蘭蔥肉咸餅～這款個人特別喜愛，蔥油味好香濃，又係新鮮即炸，勾起不少台灣夜市的味道👍🏻👍🏻巧克力珍珠奶茶～珍珠控最愛，珍珠份量好多，而且好煙煙韌韌，非常有咬口！仙草奶茶～茶味濃，而且不太甜，而且外賣杯裝，飲唔晒可以帶走邊行邊飲☺️二人餐都係$188 ，性價比非常高，味道好，我和太太都好滿意，下次會再來幫襯！😋😋

我覺得呢間係值得推薦既牛肉麵，出開黎深水埗都會想入黎食。個人推介：半筋半腩紅燒牛肉麵 配冰凍既古早味冬瓜茶半筋半腩牛肉麵 湯底清晰但有濃香既牛肉味，我估用左十足既牛骨去熬製而成，牛筋煮得淋滑兼且好入味，牛腩好香牛味冇渣唔係食柴，麵底煮得岩岩好爽口彈牙唔太淋太硬。每次去深水埗都想入去食既鋪頭👍👍

今日同老婆喺深水埗行到累，就隨便入咗一間台式餐廳～古早牛肉麵，估唔到幾有驚喜！我哋叫咗二人餐，古早紅燒牛肉飯、鹽燒大雞扒湯丐，配咗兩份小食，台式小香腸丶肉燥湯青菜，仲有紅豆奶茶和仙草奶茶，整體食物都非常美味，台式奶茶也好喝！唯一美中不足，是座位有點密密麻麻，坐得不太舒服！